ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2016/2021 :
ⴰⵙⵉⵡⴹ ⴼ ⵜⵙⵎⵓⵏⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵜⵉⴱⵕⵍⴰⵎⴰⵏⵉⵢⵉⵏ, ⴰⵢⵏⴰⵙ 6 ⵢⵓⵍⵢⵓⵣ 2020
ⵉⵙⵏⵎⴰⵍⴰ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ ⵜⴰⵙⵎⵓⵏⵉ ⴷ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵜⵉⴱⵕⵍⴰⵎⴰⵏⵉⵢⵉⵏ ⴰⵙⵙ ⵏ ⵡⴰⵢⵏⴰⵙ 6 ⵢⵓⵍⵢⵓⵣ, ⵉⵥⵍⵉ ⵉⵎⵔⵙⵉ ⵏⵏⵙ ⵉ ⵓⵖⴰⵡⴰⵙ ⵏ ⵜⵡⵓⵔⵉ ⵏ ⵓⵙⵇⵇⵉⵎ.
ⵖ ⵜⵣⵡⵉⵔⵉ ⵏ ⵜⵙⵎⵓⵏⵉ, ⵉⵎⴷⴰⵡⴰⵍ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⴷ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵜⵉⴱⵕⵍⴰⵎⴰⵏⵉⵢⵉⵏ ⴼ ⵓⵏⵇⵇⵉⵙ ⴰⵎⴳⴳⴰⵔⵓ ⵏ ⵜⵎⴰⴷⴷⴰⵙⵜ ⵏ ⴰⵎⵏⵉⵙⵜⵉ ⵜⴰⴳⵔⴰⵖⵍⴰⵏⵜ ⵍⵍⵉ ⴷ ⵉⴼⴼⵖⵏ ⵖ 22 ⵢⵓⵏⵢⵓ 2020, ⴰⵏⵇⵇⵉⵙ ⴰⴷ ⵉⴳⴰⵏ ⵢⴰⵏ ⵖ ⵉⵏⵇⵇⵉⵙⵏ ⵖ ⵜⵎⵢⴰⵔ ⵜⵎⴰⴷⴷⴰⵙⵜ ⴰⴷ ⵜⵉⴽⴽⵉ ⵏ ⵓⵎⵎⵏⵜⵍ ⵏ ⵜⴽⵔⴽⴰⵙ ⴰⴳⴳⵓⴳⵏⵉⵏ ⴼ ⵜⵉⴷⵜ ⵃⵎⴰ ⴰⴷ ⵜⵙⵙⵀⵔⵛ ⵉⵏⵙⴷⴰⵔⵏ ⵏ ⵍⵎⵖⵔⵉⴱ ⴷ ⵜⵡⵓⵔⵉⵡⵉⵏ ⵣⵣⵉⴳⵣⵏⵉⵏ ⴷ ⵕⵚⴰⵏⵉⵏ ⵍⵍⵉ ⵜⵙⴳⵓⴷⵉ ⵜⴳⵍⴷⵉⵜ ⵖ ⵓⴱⴰⵔⴰⵣ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵖⵎⴽ ⵍⵍⵉ ⵙ ⵜⵜⵓⵙⵙⴰⵏ ⵖ ⵓⵎⴰⴹⴰⵍ.
ⵙⴷⴷⵉⴷⵏ ⵉⴼⵔⴷⴰⵙ ⵏ ⵓⵙⵇⵇⵉⵎ ⴼ ⵜⴰⴳⵯⵉⵜ ⵏⵏⵙⵏ ⵉⴷⵓⵙⵏ ⵉ ⵎⴰ ⴷ ⵉⵍⵍⴰⵏ ⵖ ⵓⵏⵇⵇⵉⵙ ⵖ ⵜⴽⵔⴽⴰⵙ ⴷ ⵓⵎⵍⴰⵏ ⵔⴰⵏⵉⵏ ⴰⵙⵅⵛⵏ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ, ⵉⵔⵉⵏⵜ ⵓⵍⴰ ⴰⵙⵙⵀⵔⵛ ⵏ ⵓⴱⵔⵉⴷ ⵏ ⵉⵣⵔⴼⴰⵏ ⵖ ⵜⵎⴰⵣⵉⵔⵜ ⵏⵏⵖ.
ⵜⴳⴰ ⵜⵙⵎⵓⵏⵉ ⴰⴷ ⴰⵣⵎⵣⵣⵓ ⵖ ⵉⵍⵍⴰ ⵓⴽⵜⴰⵢ ⵏ ⵜⵓⴳⴳⴰⵙ ⵍⵍⵉ ⵉⵙⴽⴰⵔ ⵍⵎⵖⵔⵉⴱ ⵖ ⵓⵎⵏⵉⴷ ⵏ ⵓⵙⴷⵓⵙ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⵃⵟⵟⵓ ⵏⵏⵙⵏ, ⵜⵓⴳⴳⴰⵙ ⵖ ⵉⵙⴽⵔ ⵍⵎⵖⵔⵉⴱ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⵜⴰⵎⴰⵜⴰⵔⵜ ⵉⴼⴰⵡⵏ ⴷ ⵉⵕⵚⴰⵏ ⵖ ⵓⵙⵡⵓⴷⴷⵓ ⵏ ⵜⵖⴰⵡⵙⵉⵡⵉⵏ ⵏ ⵓⵡⴰⵏⴽ, ⵖⵎⴽ ⵍⵍⵉ ⵎⵎⴰⵖⵏ ⴽⵓ ⵉⴼⵔⴷⴰⵙ ⵉⵙⵔⵜⴰⵏⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⴷ ⴹⴼⵕⵏ ⴰⵙⴷⵓⵙ ⵏⵏⵙⵏ ⵖ ⵉⵣⵣⵔⴰⴼⵏ ⵉⵏⴰⵎⵓⵔⵏ ⴷ ⵜⵙⵖⵣⵏⵜ ⵏ ⵜⵎⵢⴰⵇⵇⴰⵏⵉⵏ ⵜⵉⴳⵔⴰⵖⵍⴰⵏⵉⵏ ⴷⵉⵙⵙⵏ ⵣⴷⵉⵏⵉⵏ, ⵖⵎⴽ ⴰⵏⵏⴰ ⴷ ⵜⵉⵍⴰⵍ ⵜⵉⵎⵣⵡⵓⵔⴰ ⵍⵍⵉ ⵙⴽⴰⵔⵏⵜ ⵜⵎⵔⵙⴰⵍ ⵜⵉⵎⵏⵜⴰⵢ ⵙ ⵉⵣⵔⴼⴰⵏ ⵏ ⵓⴼⴳⴰⵏ, ⴷ ⵓⵙⵎⵔⵙ ⵉⵣⵣⵉⴳⵣⵏ ⵏ ⵉⵎⴰⵙⵙⵏ ⵏ ⵜⵉⴹⴰⴼ ⵍⵍⵉ ⵉⵜⵜⵚⴰⵃⴰⵏ ⵉ ⵉⵎⵔⵙⵉ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷⴰⵔ ⵉⴳⵏⵙⴰⵙⵏ ⵏ ⵜⵎⵜⵜⵉ.
ⴰⵔ ⵜⵜⵉⵏⵉⵏ ⵉⴼⵔⴷⴰⵙ ⵏ ⵓⵙⵇⵇⵉⵎ ⵜⴰⴳⵯⵉⵜ ⵏⵏⵙⵏ ⵉ ⵜⵎⵏⵜⴰⵍ ⵏ ⵜⵎⴰⴷⴷⴰⵙⵜ ⵏ ⴰⵎⵏⵉⵙⵜⵉ ⵜⴰⴳⵔⴰⵖⵍⴰⵏⵜ, ⴰⵔ ⴰⵙ ⴰⵇⵔⴰⵏ ⵙ ⵜⵎⵍⴷⴰ ⴰⴷ ⵃⵎⴰ ⴰⴷ ⵜⵙⵙⵉⵎⵖⵓⵔ ⵜⴰⵡⵓⵔⵉ ⵏⵏⵙ ⴷ ⵉⵔⵣⵣⵓⵜ ⵏⵏⵙ ⵙ ⴰⵢⵍⵍⵉ ⵉⵍⵍⴰⵏ ⵖ ⵜⴱⵔⴰⵜ ⵉⵥⵉⵍⵏ ⴼ ⵜⵎⵎⴰⵖ, ⴷ ⴰⴷ ⵓⵔ ⵜⵙⴽⵔ ⵖ ⵓⴷⵖⴰⵔ ⵏⵏⵙ ⵢⴰⵏ ⵉⵎⵉⵙⵙ ⵏ ⵓⵙⵙⵀⵔⵛ ⵏ ⵓⵙⵓⵎⵍ ⵏ ⵍⵎⵖⵔⵉⴱ ⵍⵍⵉ ⴱⴷⴷⴰ ⵉⵎⵓⵏⵏ ⵉⵎⵢⵉⵡⵉⵙ ⴷⴰⵜ ⵏ ⴽⵓ ⴰⵎⵓⵜⵜⵍ ⴰⵙⵏⵏⴰⵔⴰⴼ ⵉⵔⴰⵏ ⴰⴷ ⵉⵙⵙⵀⵔⵛ ⵉⵏⵙⴷⴰⵔⵏ ⵏⵏⵙ.
ⵖ ⵜⵙⴳⴰ ⵢⴰⴹⵏⵉⵏ, ⵜⵎⴷⴰⵡⴰⵍ ⵜⵙⵎⵓⵏⵉ ⴼ ⵉⵎⵔⵙⵉ ⵏ ⵜⵉⴹⴰⴼ ⵜⴰⵏⵎⵍⴰⵙⵙⵜ ⵏ ⵡⴰⵢⵏⴰⵙ 6 ⵢⵓⵍⵢⵓⵣ ⵍⵍⵉ ⵔⴰⴷ ⵢⵉⵍⵉ ⴼ ⵓⵙⵙⵍⵎⴷ ⴷ ⵜⵎⴳⵓⵔⵉ ⴷ ⵓⵙⵖⵏⵣⵉ, ⵉⵎⴷⴰⵡⴰⵍ ⵓⵍⴰ ⵅⴼ ⵜⵖⵉⵎⵉⵜ ⵏ ⵡⴰⵢⵏⴰⵙ 13 ⵢⵓⵍⵢⵓⵣ ⵍⵍⵉ ⵎⵓ ⵉⵥⵍⵉ ⵓⵙⵇⵇⵉⵎ ⵜⵉⵎⵙⴰⵔⵉⵏ ⵏ ⵜⴼⵍⵍⴰⵃⵜ ⴷ ⵓⵎⴰⵡⴰ ⴷ ⵡⴰⵙⵙⴰⵢ ⴷ ⵓⵙⵡⵓⵔⵉ ⴷ ⵓⵙⵉⴷⴼ ⴰⵣⵣⵓⵍⴰⵏ.
ⵖ ⵓⵎⵏⴰⴹ ⵏ ⵓⵃⵉⵢⵢⵍ ⵏ ⵜⵖⵉⵎⵉⵜ ⵜⴰⵢⵢⵓⵔⴰⵏⵜ ⵏ ⵡⴰⵢⵏⴰⵙ 20 ⵢⵓⵍⵢⵓⵣ 2020, ⵜⵎⴷⴰⵡⴰⵍ ⵜⵙⵎⵓⵏⵉ ⴼ ⵎⵏⵏⴰⵡⵜ ⵜⵙⵓⵎⴰⵔ ⵉⵜⵜⵔⵓⵔⵏ ⴼ ⵉⵙⵇⵙⵉⵜⵏ ⵏ ⵜⴼⵔⴽⴰ ⵏ ⵖⵉⵍⴰⴷ, ⵉⵍⵍⴰ ⵓⵎⵛⴰⵛⴽⴰ ⴰⴷ ⵢⵉⵍⵉ ⵓⵙⵎⵏⵉⴷ ⵏⵏⵙⵏⵜ ⵜⵉⴽⴽⵍⵉⵜ ⵢⴰⴹⵏⵉⵏ ⵖ ⵜⵙⵎⵓⵏⵉ ⴷ ⵢⵓⵛⴽⴰⵏ.
ⵜⵎⴷⴰⵡⴰⵍ ⵜⵙⵎⵓⵏⵉ ⵓⵍⴰ ⴼ ⵉⵎⵔⵙⵉ ⵏ ⵓⵏⵎⵓⵇⵇⴰⵔ ⵏ ⵓⵎⵢⴰⵡⴰⴹ ⵅⴼ: ⵉⵙⵙⵉⵙⴼⵉⵡⵏ ⵏ ⵜⵏⴱⴰⴹⵜ ⵅⴼ ⵓⵏⵇⵇⵉⵙ ⵏ ⵜⵎⴰⴷⴷⴰⵙⵜ ⵏ ⴰⵎⵏⵉⵙⵜⵉ ⵏ 22 ⵢⵓⵏⵢⵓ 2020 ⴷ ⵓⵎⴰⵡⵙⴰⵙ ⵏ ⵓⵡⴰⵏⴽ ⵉⵜⵜⵓⵙⵎⴰⴳⵍⵏ ⵙ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵣⴷⴰⵢⵉⵏ ⴷ ⵓⴱⵕⵍⴰⵎⴰⵏ, ⴷ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⴰⴱⵉⵢⵏ ⵉⵣⴷⵖⵏ ⴳ ⴱⵕⵕⴰ ⵙ ⵜⵉⵍⵉⵜ ⵏ ⴽⵓ ⵉⵏⴳⵎⴰⵎⵏ ⵏ ⵓⵙⵇⵇⵉⵎ. ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵎⴰⵙ ⵔⴰⴷ ⴷ ⴹⴼⵕⵏⵜ ⴰⵏⵎⵓⵇⵇⴰⵔ ⴰⴷ ⵏ ⵓⵎⵢⴰⵡⴰⴹ ⵜⵉⵙⵎⵓⵏⴰⵢ ⵏ ⵜⵙⵇⵇⵉⵎⵉⵏ ⵜⵉⵎⵏⵜⴰⵢ (ⵜⴰⵙⵇⵇⵉⵎⵜ ⵏ ⵜⵣⵔⴼⵜ ⴷ ⵓⵣⵣⵔⴰⴼ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵣⴰⵖ ⴰⵏⴰⵎⵓⵔ ⴷ ⵜⵖⴰⵡⵙⵉⵡⵉⵏ ⵏ ⵍⵉⵙⵍⴰⵎ ⴷ ⵉⵎⵖⵔⴰⴱⵉⵢⵏ ⵏ ⵜⵎⵉⵣⴰⵔ ⵏ ⴱⵕⵕⴰ), ⵃⵎⴰ ⴰⴷ ⵜⵉⵍⵉ ⵜⵉⵖⵔⵉ ⵏ ⵉⵎⵔⵙⵉ ⵖ ⴽⵓ ⵜⴰⵙⴳⵉⵡⵉⵏ ⵏⵏⵙ.