ⵉⴷⵔⵓ ⵓⴽⴰⴱⴰⵕ ⵏ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⴳ ⵜⵙⵇⵇⵉⵎⵉⵏ ⵜⵉⵎⵖⵍⴰⵍⵉⵏ ⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ, 6 ⴰⵔ 17 ⵎⴰⵕⵚ 2023 ⴳ ⵉⴼⴼⵓⵙ ⵏ ⵉⴼⵔⵉⵇⵢⴰ
ⵉⴷⵔⵓ ⵓⴽⴰⴱⴰⵕ ⵏ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⴳ ⵜⵙⵎⵓⵏⴰⵢ ⵏ ⵜⵙⵇⵇⵉⵎⵉⵏ ⵜⵉⵎⵖⵍⴰⵍⵉⵏ ⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ, 6 ⴰⵔ 17 ⵎⴰⵕⵚ 2023 ⴳ ⵉⴼⴼⵓⵙ ⵏ ⵉⴼⵔⵉⵇⵢⴰ ⴳ ⵓⵙⵖⵉⵎ ⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ ⴳ ⵎⵉⴷⵔⴰⵏⴷ ⴳ ⵉⴼⴼⵓⵙ ⵏ ⵉⴼⵔⵉⵇⵢⴰ.
ⵍⵍⴰⵏ ⴳ ⵓⴽⴰⴱⴰⵕ ⴰⴷ, ⵉⴳⵎⴰⵎⵏ ⵏ ⵜⴰⵢⵢⴰⵡⵜ ⵜⴰⵏⴰⵎⵓⵔⵜ ⴳ ⵓⴱⵕⵍⴰⵎⴰⵏ ⴰⴼⵔⵉⵇⵉ, ⴽⵕⴰⴹ ⵉⵎⵓⵔⴰ ⵙⴳ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⴽⵕⴰⴹ ⵉⵎⵛⵛⵉⵡⴰⵕ ⵙⴳ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ:
- ⵎⴰⵙⵙⴰ ⵍⴰⵢⵍ ⴷⴰⵀⵉ, ⵜⴰⵔⴰⴱⴱⵓⵜ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ;
- ⵎⴰⵙⵙⴰ ⵅⴰⴷⵉⵊⴰ ⴰⵕⵓⵀⴰⵍ, ⵜⴰⵔⴰⴱⴱⵓⵜ ⵏ ⵜⴳⵎⵉ ⴷ ⵜⵙⵔⵎⵓⵏⵜ;
- ⵎⴰⵙⵙ ⵄⴰⴱⴷⵚⵚⴰⵎⴰⴷ ⵃⵉⴽⵔ, ⵜⴰⴳⵔⵓⵎⵎⴰ ⵏ ⵜⵣⵔⴼⵜ ⴷ ⵜⴳⵎⵉ;
- ⵎⴰⵙⵙ ⵢⵓⵙⵓⴼ ⵉⴷⵉ, ⵜⴰⵔⴰⴱⴱⵓⵜ ⵜⴰⵙⵔⵎⵓⵏⵜ;
- ⵎⴰⵙⵙⴰ ⵀⴰⵏⴰ ⴱⵍⵅⵉⵔ, ⵜⴰⵔⴰⴱⴱⵓⵜ ⵏ ⵜⴰⵎⵓⵏⵜ ⵜⴰⵎⴰⵜⴰⵢⵜ ⵏ ⵉⵎⵙⵡⵓⵔⵉⵢⵏ ⴳ ⵍⵎⵖⵔⵉⴱ.
ⵍⵍⴰⵏⵜ ⵜⵙⵎⵓⵏⴰⵢ ⴰⴷ ⴳ ⵓⵙⴰⵜⵉ ⵏ ⵜⴰⵎⵓⵏⵜ ⵜⴰⴼⵔⵉⵇⵉⵜ ⵏ ⵓⵙⴳⴳⵯⴰⵙ ⵏ 2023 ⴷⴷⵓ ⵓⵣⵡⵍ: ⴰⵣⵓⵛⵛⵍ ⵏ ⵓⵣⵣⴳⵉⵔ ⵏ ⵜⵙⴳⴰ ⵜⵉⵍⴻⵍⵍⵉ ⴳ ⵉⴼⵔⵉⵇⵢⴰ, ⵉ ⵓⵙⵏⴼⵍ ⵏ ⵜⴰⵏⵏⴰⵢⵢⵉⵏ ⵊⴰⵔ ⵉⴱⵕⵍⴰⵎⴰⵏⵉⵢⵏ ⵏ ⵉⴼⵔⵉⵇⵢⴰ ⴷ ⵓⵙⵎⵏⵉⴷ ⵏ ⵜⵙⵓⵎⴰⵔ ⵍⵍⵉ ⵔⴰⴷ ⵢⴰⵡⵙ ⴳ ⵓⵎⵓⵔⵙ ⵏ ⵓⵙⴰⵡⵓⵔ ⴰⴷ ⴰⵅⴰⵜⴰⵔ ⵍⵍⵉ ⵔⴰⴷ ⵢⴰⵡⵙ ⴳ ⵓⵙⴽⵔ ⵏ ⵓⴳⴰⴷⴰⵣ ⵉⵎⵓⵏⵏ ⵍⵍⵉ ⵔⴰⴷ ⵢⴰⵡⵙ ⴳ ⵓⵙⵎⴰⴷ ⴰⴷⵎⵙⴰⵏ ⴳ ⵉⴼⵔⵉⵇⵢⴰ.
ⵉⵍⵍⴰ ⴳ ⵓⵖⴰⵡⴰⵙ ⵏ ⵜⵙⵎⵓⵏⴰⵢ ⴰⴷ ⵜⵉⵖⵔⵉ ⵏ ⵉⵎⵔⵙⵉⵡⵏ ⵣⴷⵉⵏⵉⵏ ⴷ ⵓⵏⵎⵓⵔⴰ ⴰⴼⵔⵉⵇⵉ ⴰⵎⴰ ⴰⵙⴷⵓⵙ ⵏ ⵜⵉⵍⴰⵍ ⵏ ⵉⴱⵕⵍⴰⵎⴰⵏⵉⵢⵉⵏ ⴳ ⵓⵙⵎⵖⵔ ⵏ ⵉⵏⴳⵔⴰⵡⵏ ⵏ ⵓⵙⵙⵍⵎⴷ ⴳ ⵉⴼⵔⵉⵇⵢⴰ ⴷ ⵜⵏⵏⵓⴱⴹⴰ ⵏ ⵓⵣⵡⴰⴳ ⴳ ⵓⵙⵎⴰⵜⵜⵉ ⵏ ⵉⵎⵙⵡⵓⵔⵉⵢⵏ ⴷ ⵢⵉⵙⴽⵉⵍ ⴳ ⵓⵙⴰⵢⵔⵓⵔ ⴰⵎⵓⵟⵟⵓⵏ.
ⴰⵔ ⵉⵙⵎⵓⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ ⵉⴱⵕⵍⴰⵎⴰⵏⵏ ⵏ ⵉⵡⴰⵏⴽⵏ ⵉⴳⵎⴰⵎⴰⵏ, ⵉⵍⵍⴰ ⵙ ⵓⵎⵏⵏⵉ 5 ⵏ ⵓⵎⵇⵇⵏ ⴰⵎⵙⴽⴰⵔ ⵏ ⵜⴰⵎⵓⵏⵜ, ⵉⵙⵙⵏⵜⵉ ⵜⴰⵡⵡⵓⵔⵉ ⵏⵏⵙ ⴳ 18 ⵎⴰⵕⵚ 2004, ⵉⵡⴰⵜⵜⵙ ⵜⴰⴷⵔⴰⵡⵜ ⵏ ⵉⵎⴰⴷⴰⵏⵏ ⵏ ⵉⴼⵔⵉⵇⵢⴰ ⴳ ⵜⴳⵎⵉ ⵏ ⵓⵎⵏⵥⴰⵡ ⴷ ⵓⵙⵎⴰⴷ ⵏⵏⵙ ⴰⴷⵎⵙⴰⵏ, ⵉⵟⵟⴰⴼ ⴰⴼⵔⵉⵙ ⴰⵎⵛⵛⵉⵡⵕ ⴼ ⵜⵎⵙⴰⵙⵜⵍⵜ ⵏ ⵜⴰⵎⵓⵏⵜ ⵜⴰⴼⵔⵉⵇⵉⵜ.
ⴽⴰ ⴰⵡⴰⵏⴽ ⴰⴳⵎⴰⵎ ⴳ ⵓⴱⵕⵍⴰⵎⴰⵏ ⵏ ⴽⵓ ⴰⴼⵔⵉⵇⵢⴰ ⵙ ⵙⵎⵎⵓⵙ ⵉⴱⵕⵍⴰⵎⴰⵏⵉⵢⵏ ⵙⴳ ⵜⵓⴳⵜ ⴷ ⵜⴰⵣⵓⵍⵜ, ⴳⵉⵙⵏ ⵢⴰⵜ ⵜⵎⵖⴰⵔⵜ, ⴰⵔ ⵉⵜⵜⵉⵍⵉ ⵓⵙⵜⴰⵢ ⵏⵏⵙⵏ ⵙⴳ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ ⵜⵉⵏⴰⵎⵓⵔⵉⵏ.