ⵉⴷⵔⵓ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⴰⵎⵖⵔⵉⴱⵉ ⴳ ⵜⵙⵓⵜⵍⵜ ⵜⵉⵙ 47 ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴼⵕⴰⵏⴽⵓⴼⵓⵏⵉⵜ ⴳ ⴽⵉⴳⴰⵍⵉ
ⵉⴷⵔⵓ ⵓⴽⴰⴱⴰⵕ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⵙⵓⵜⵍⵜ ⵜⵉⵙ 47 ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴼⵕⴰⵏⴽⵓⴼⵓⵏⵉⵜ ⵉⵍⵍⴰⵏ ⴳ ⵜⵖⵔⵎⵜ ⵏ ⴽⵉⴳⴰⵍⵉ ⴳ ⵕⵡⴰⵏⴷⴰ ⴳ 5 ⴰⵔ 9 ⵢⵓⵍⵢⵓⵣ 2022.
ⵉⴷⵔⵓ ⵎⴰⵙⵙ ⴰⵎⴰⵔⵉ ⵎⵓⵃⴰⵎⵎⴰⴷ ⵖⵉⵢⵢⴰⵜ ⴰⵏⵙⵙⵉⵅⴼ ⵏ ⵓⴽⴰⴱⴰⵕ ⴰⵙⵙ ⵏ 5 ⵢⵓⵍⵢⵓⵣ ⴳ ⵜⵙⵎⵓⵏⵉ ⵏ ⵓⵙⵉⵔⴰ ⵏ ⵜⵎⵙⵎⵓⵏⵜ ⴰⴷ ⵉⵥⵍⵉⵏ ⵉ ⵓⵙⵖⵣⵏ ⵏ ⵓⵏⵇⵇⵉⵙ ⵏ ⵓⵙⵉⵔⴰ ⵉⵍⵍⴰⵏ ⴳ ⵍⵉⴱⵔⵓⴼⵉⵍ ⵓⵙⵙⴰⵏ 27 ⴷ 28 ⵉⵏⵏⴰⵢⵔ 2022 ⴷ ⵓⵙⵎⵏⵉⴷ ⵏ ⵓⵎⴰⵔⴰ ⴰⵎⴰⵜⴰⵢ ⵅⴼ ⵜⵉⵍⴰⵍ ⵏ ⵜⵎⵙⵎⵓⵏⵜ ⴳ ⵓⵙⴳⴳⵯⴰⵙ ⵏ 2022 ⴷ ⵓⵙⵖⵣⵏ ⵏ ⵓⵏⵇⵇⵉⵙ ⵉⵥⵍⵉⵏ ⵙ ⵜⵎⵙⴰⵙⵜⵍⵜ ⵉ ⵓⵙⴳⴳⵯⴰⵙ 2021 ⴷ ⵜⵣⵡⵉⵔⵉ ⵏ 2022.
ⵜⵍⵍⴰ ⵜⵙⵎⵓⵏⵉ ⴰⴽⴷ ⴼ ⵓⵖⴰⵡⴰⵙ ⴰⴱⵕⵍⴰⵎⴰⵏⵉ ⴰⴳⵔⴰⵖⵍⴰⵏ ⴷ ⵜⵣⵣⵉⴳⵣⵜ ⵏ ⵓⵙⴰⵜⵉ ⴰⵙⵜⵔⴰⵜⵉⵊⵉ ⵏ ⵜⵎⵙⵎⵓⵏⵜ ⵉ 2019-2022 ⴷ ⵓⵙⵏⴼⴰⵔ ⵏ ⵓⵙⴰⵜⵉ ⴰⵙⵜⵔⴰⵜⵉⵊⵉ ⴰⵎⴰⵢⵏⵓ ⵏ 2023-2026.
ⵖⵎⴽ ⵍⵍⵉ ⵉⵎⴹⴰⴽⴰⵕ ⵓⵙⵉⵔⴰ ⴼ ⵓⵎⵓⴽⵏ ⵏ ⵉⵏⴳⵔⴰⵡⵏ ⵉⴷⵙⵍⴰⵏⵏ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴼⵕⴰⵏⴽⵓⴼⵓⵏⵉⵜ ⴷ ⵜⵎⵢⴰⵇⵇⴰⵏⵉⵏ ⵏ ⵜⵎⴷⵔⴰⵡⵜ ⴷ ⵓⵣⵣⵔⴰⵢ ⵏ ⵉⵏⵇⵇⵉⵙⵏ ⵏ ⵜⵙⵇⵇⵉⵎⵉⵏ ⵜⵉⵎⵖⵍⴰⵍⴰⵍⵉⵏ ⴷ ⵉⵏⵇⵇⵉⵙⵏ ⵏ ⵡⵉⴷⴰ ⵟⵟⴰⴼⵏⵉⵏ ⵜⵉⵙⵎⴰⴳⴰⵍⵉⵏ ⴳ ⵓⵙⵡⵉⵔ ⴰⵙⴳⴰⵡⴰⵏ ⴷ ⵉⵖⴰⵡⴰⵙⵏ ⵉⴳⵜⵉⵔⴰⵏⵏ ⵏ ⵉⵙⵏⵜⵍⵏ ⵏ ⵓⵎⴹⴰⴽⴰⵕ ⴰⵣⵣⵔⴰⴼ.
ⵔⴰⴷ ⵉⴷⵔⵓ ⵓⴽⴰⴱⴰⵕ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵓⵍⴰ ⴳ ⵜⵡⵡⵓⵔⵉⵡⵉⵏ ⵏ ⵓⵥⵟⵟⴰ ⵏ ⵜⵎⵖⴰⵔⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⴷ ⵓⵥⵟⵟⴰ ⵏ ⵉⴱⵕⵍⴰⵎⴰⵏⵉⵢⵏ ⵉⵄⵔⵔⵉⵎⵏ, ⵖⵎⴽ ⴰⵏⵏ ⵓⵍⴰ ⵖ ⵜⵙⵎⵓⵏⴰⵢ ⵏ ⵜⵙⵇⵇⵉⵎⵉⵏ ⵜⵉⵎⵖⵍⴰⵍⵉⵏ ⴷ ⵜⵖⵉⵎⵉⵜ ⵜⴰⵎⴰⵜⴰⵢⵜ ⵜⵉⵙ 47 ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴼⵕⴰⵏⴽⵓⴼⵓⵏⵉⵜ.
ⵢⵓⵎⴰ ⵓⴽⴰⴱⴰⵕ ⵎⴰⵙⵙ ⵎⵓⵃⴰⵎⵎⴰⴷ ⵖⵉⵢⵢⴰⵜ, ⵙⴳ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ, ⵎⴰⵙⵙ ⵍⵃⵙⵏ ⵓⵄⵍⴰⵍ ⵙⴳ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ, ⵎⴰⵙⵙⴰ ⵍⴰⵟⵉⴼⴰ ⵍⴱⵍⵉⵃ ⵙⴳ ⵜⵥⵖⵕⵜ ⴷ ⵜⵎⴰⵜⵔⴰⵔⵜ, ⵎⴰⵙⵙ ⴰⵎⵛⵛⵉⵡⵕ ⵎⵓⵃⴰⵎⵎⴰⴷ ⵕⵉⴹⴰ ⵍⵃⵎⵉⵏⵉ.