ⵊⴰⴽⴰⵕⵟⴰ: ⵉⴷⵔⵓ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ ⴳ ⵜⵖⵉⵎⵉⵜ ⵏ ⵓⵎⵙⴰⵡⴰⵍ ⴷ ⵍⵎⵖⵔⵉⴱ ⴼ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⴷ ⵓⴼⵔⴰ ⴷ ⵓⵔⴳⴳⵉⴳ ⴷ ⵓⴱⵓⵖⵍⴰ, ⵉⵎⴹⴰⴽⴰⵕ ⴷ ⵉⵏⵙⵙⵉⵅⴼⵏ ⵏ ⵉⵙⵇⵇⵉⵎⵉⵏ ⴷ ⵉⴽⴰⴱⴰⵕⵏ ⴷⵔⵓⵏⵉⵏ ⴳ ⵜⵙⵓⵜⵍⵜ ⵜⵉⵙ 44 ⵏ ⵜⵎⵙⵎⵏⵓⵜ ⵜⴰⴱⵕⵍⴰⵎⴰⵏⵉⵜ ⵏ (AIPA)

() ⵉⴷⵔⵓ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵙ ⵏ 8 ⵖⵓⵛⵜ 2023 ⴳ ⵊⴰⴽⴰⵕⵟ ⴳ ⴰⵏⴷⵓⵏⵉⵙⵢⴰ, ⴳ ⵜⵖⵉⵎⵉⵜ ⵏ ⵓⵎⵙⴰⵡⴰⵍ ⴰⴱⵕⵍⴰⵎⴰⵏⵉ ⴷ ⵍⵎⵖⵔⵉⴱ. ⵉⵎⴹⴰⴽⴰⵕ ⴷ ⵉⵏⵙⵙⵉⵅⴼⵏ ⵏ ⵉⵙⵇⵇⵉⵎⵏ ⴷ ⵉⴽⴰⴱⴰⵕⵏ ⴷⵔⵓⵏⵉⵏ ⴳ ⵜⵙⵓⵜⵍⵜ ⵜⵉⵙ 44 ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⵣⵍⵖⴰ ⵏ ⵉⵡⴰⵏⴽⵏ ⵏ ⵉⴼⴼⵓⵙ ⴷ ⵍⵇⴱⵍⵜ ⵏ ⴰⵙⵢⴰ (AIPA) ⵍⵍⵉ ⵉⵍⵍⴰⵏ ⴰⵏⴷⵓⵏⵉⵙⵢⴰ ⵙⴳ 5 ⴰⵔ 10 ⵖⵓⵛⵜ 2023 ⴷⴷⵓ ⵜⵎⴰⵜⴰⵔⵜ: ⴰⴱⵕⵍⴰⵎⴰⵏ ⵉⵜⵜⵏⵢⴰⵍⴽⴰⵎⵏ ⵉ ⵜⵣⵍⵖⴰ ⵏ ⵉⵡⴰⵏⴽⵏ ⵏ ⵉⴼⴼⵓⵙ ⴷ ⵍⵇⴱⵍⵜ ⵏ ⴰⵙⵢⴰ ⵉⵔⴳⴳⵉⴳⵏ ⵉⴱⵓⵖⵍⴰⵏ.

ⵉⵃⴰⴹⵕ ⴳ ⵜⵖⵉⵎⵉⵜ ⵎⴰⵙⵙ ⵡⴰⴷⵉⵄ ⴱⵏⵄⴰⴱⴷⵓⵍⵍⴰⵀ, ⴰⵎⵙⵇⵇⴰⴷ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⴰⵏⴷⵓⵏⵉⵙⵢⴰ ⴷ ⵙⴰⵏⵖⴰⴼⵓⵕⴰ, ⴼ: ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ, ⵉⵙⵖⵡⵏⵏ ⵛⵛⴰⵔⵏⵉⵏ ⵉ ⵓⴼⵔⴰ ⴷ ⵓⵔⴳⴳⵉⴳ ⴷ ⵓⴱⵓⵖⵍⵓ. ⵉⵙⴰⵡⵍ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ ⴼ ⵡⴰⵏⴰⵡ ⵓⵏⴳⵉⵎ ⴰⵎⵖⵔⵉⴱⵉ ⴷ ⵉⵙⴰⵡⵓⵔⵏ ⵉⵅⴰⵜⴰⵔⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⴰⵢⵍⵍⵉⵖ ⵜⴳⴰ ⵜⴳⵍⴷⵉⵜ ⵏ ⵍⵎⵖⵔⵉⴱ ⵜⴰⴷ ⵉⴱⵓⵖⵍⴰⵏ ⵉⵔⴳⴳⵉⴳⵏ.

ⵙⴰⵡⵍⵏ ⵉⵎⴷⵔⴰⵡⵏ ⴳ ⵜⵖⵉⵎⵉⵜ ⴰⴷ ⴼ ⵜⵉⵍⴰⵍⵜ ⵏ ⵜⵎⴰⵣⵉⵔⵜ ⵏⵏⵖ ⴳ ⵉⴳⵔⴰⵏ ⵉⴷⵎⵙⴰⵏⵏ ⴷ ⵉⴷⵉⴱⵍⵓⵎⴰⵙⵉⵢⵏ ⴷ ⵓⵎⵢⴰⵡⴰⵙ ⵉⴼⴼⵓⵙ-ⵉⴼⴼⵓⵙ ⴳⵉⵙⵉⵡⵔⵏ ⴰⵎⵏⵥⴰⵡ ⴷ ⵓⴳⵔⴰⵖⵍⴰⵏ, ⵉⴳ ⵜⴰⵎⴰⵣⵉⵔⵜ ⵉⵜⵜⴰⵡⵙⵏ ⴳ ⵓⴼⵔⴰ ⴷ ⵜⵎⵢⵉⴷⵉⵔⵜ.

ⵉⵙⴰⵡⵍ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴼ 60 ⵏ ⵓⵙⴳⴳⵯⴰⵙ ⵏ ⵜⵉⵔⵎⵉⵜ ⵜⴰⴱⵕⵍⴰⵎⴰⵏⵉⵜ ⵏ ⵍⵎⵖⵔⵉⴱ, ⴷ ⵜⵣⴷⴰⵢⵉⵏ ⵏ ⵜⵏⴱⴰⴹⵜ ⵜⴰⵣⵣⵔⴰⴼⵜ ⴷ ⵜⵏⴱⴰⴷⵉⵏ ⵢⴰⴷⵏⵉⵏ, ⴷ ⵜⵎⵥⵍⴰⵢ ⵏ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⴳ ⵓⵙⴰⵜⵉ ⵏ ⵓⴷⵓⵙⵜⵓⵔ ⵏ 2011 ⴳ ⵓⵣⵣⵔⴰⴼ ⴷ ⵜⵉⴹⴰⴼ ⵏ ⵜⵏⴱⴰⴹⵟ ⴷ ⵓⵙⵓⵜⴳ ⵏ ⵜⵙⵔⵜⴰⵢ ⵜⵉⵎⴰⵜⴰⵢⵉⵏ ⴷ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ  ⵙ ⵜⵉⵍⵉⵜ ⴳ ⵉⵏⵎⵓⵇⵇⴰⵔⵏ ⵉⴱⵕⵍⴰⵎⴰⵏⵉⵢⵉⵏ ⵉⵙⴳⴰⵡⴰⵏⵏ ⴷ ⵉⴳⵔⴰⵖⵍⴰⵏⵏ.

ⵉⵎⴹⴰⴽⴰⵟ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵓⵙⵙⴰⵏ ⵏ 8 ⴷ 9 ⵖⵓⵛⵜ ⴷ ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ:  PUAN MAHARANI, ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⴰⵏⴷⵓⵏⵉⵙⵢⴰ. RAIS YATIM, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵎⴰⵍⵉⵥⵢⴰ. WAN MUHAMAD NOOR MATHA, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ  ⵟⴰⵢⵍⴰⵏⴹ. Abdul Rahman Taib, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⴰⵣⵣⵔⴰⴼ ⵏ ⴱⵕⵓⵏⴰⵢ. Saysomphone Phomvihane, ⴰⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵍⵡⴰⵙ. NGUYEN THUY ANH, ⵜⴰⴳⵎⴰⵎⵜ ⵏ ⵜⵙⵇⵇⵉⵎⵜ ⵜⴰⵙⵓⵍⴰⵏⵜ ⴷ ⵜⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵏ ⵜⵖⴰⵡⵉⵙⵉⵡⵉⵏ ⵜⵉⵏⴰⵎⵓⵏⵉⵏ ⴷ ⵜⵏⵙⵙⵉⵅⴼⵜ ⵏ ⵜⵎⵖⴰⵔⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⴳ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⴼⵉⵜⵏⴰⵎ.

ⵉⵍⵍⴰ ⵓⵎⴹⴰⴽⴰⵕ ⴼ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⴷ ⵓⵙⴷⴷⵉⴷ ⴼ ⵓⵡⵇⵇⵔ ⵏ ⵜⵢⴰⵏⵜ ⵜⴰⵏⴰⴽⴰⵍⵜ ⵏ ⵉⵡⴰⵏⴽⵏ ⴷ ⵜⵅⵅⵓⵜⵔⴰ ⵏⵏⵙⵏⵜ ⴷ ⵡⴰⵔⴰⴽⵛⵓⵎ ⴳ ⵜⵖⴰⵡⵙⵉⵡⵉⵏ ⵏⵏⵙⵏⵜ ⵜⵉⴳⵯⵏⵙⴰⵏⵉⵏ. ⵖⵎⴽ ⵍⵍⵉ ⵉⵍⵍⴰ ⵓⵎⴹⴰⴽⴰⵕ ⴼ ⵜⵎⵙⴰⵔⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵛⵛⴰⵔⵏⵉⵏ ⴷ ⵓⵙⴷⵓⵙ ⵏ ⵓⵣⴷⴰⵢ  ⵉⵏⵎⵓⵇⵇⴰⵔⵏ ⵉⴱⵕⵍⴰⵎⴰⵏⵉⵢⵏ ⵉⴳⵔⴰⵖⵍⴰⵏⵏ.