ⵉⴷⵔⵓ ⵓⴽⴰⴱⴰⵕ ⵙⴳ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⵙⵓⵜⵍⵜ ⵜⵉⵙ 44 ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴼⵔⵉⵇⵉⵜ ⴷ ⵜⵙⵓⵍⵜ ⵜⵉⵙ 78 ⵏ ⵜⵙⵇⵇⵉⵎⵜ ⵏⵏⵙ ⵜⴰⵣⵣⵔⴰⴼⵜ
ⴳ 5 ⴰⵔ 10 ⵏⵓⵡⴰⵏⴱⵉⵔ 2022 ⵜⵍⵍⴰ ⵜⵙⵓⵜⵍⵜ 44 ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴼⵔⵉⵇⵉⵜ ⴷ ⵜⵙⵓⵜⵍⵜ 78 ⵏ ⵜⵙⵇⵇⵉⵎⵜ ⵜⴰⵎⵣⵣⴳⴰⵔⵜ ⴳ ⴼⵓⴽⵜⵓⵔⵢⴰ ⴼⴰⵍⵙ ⴳ ⵣⵉⵎⴱⴰⴱⵡⵉ ⵙ ⵜⴷⵔⴰⵡⵜ ⵏ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ.
ⵜⵜⵓⵙⵏⵜⴰ ⵜⵙⵓⵜⵍⵜ ⵜⵉⵙ 78 ⵏ ⵜⵙⵇⵇⵉⵎⵜ ⵜⴰⵎⵣⵣⴳⴰⵔⵜ ⵓⵙⵙⴰⵏ ⵏ 5 ⴷ 6 ⵏⵓⵡⴰⵏⴱⵉⵔ 2022 ⵙ ⵜⴳⵓⵔⵉ ⵏ ⵎⴰⵙⵙⴰ ⵎⴰⴱⵉⵍⵛⵉⵎⵓⵏⵓⵏⴰ ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵏ ⵉⵎⵛⵉⵡⴰⵕ ⴳ ⵣⵣⵉⵎⴱⴰⴱⵡⴰⵢ ⴷ ⵎⴰⵙⵙ ⵎⵓⵃⴰⵎⵎⴰⴷ ⵄⴰⵍⵉ ⵃⵎⵉⴷ ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵜⴰⵎⵣⵣⴳⴰⵔⵜ.
ⵉⵍⵍⴰ ⴳ ⵓⵖⴰⵡⴰⵙ ⵏ ⵜⵡⵡⵓⵔⵉ ⵏ ⵜⵙⵓⵜⵍⵜ ⵓⵣⵣⵔⴰⵢ ⵏ ⵜⵓⵜⵔⴰ ⵏ ⵓⴱⵕⵍⴰⵎⴰⵏ ⵏ ⵔⵓⵙⵢⴰ ⴷ ⵜⵎⵙⵎⵓⵏⵜ ⵏ ⵜⵙⴷⵍⵉⵙⵉⵏ ⴷ ⵜⵎⵔⵙⴰⵍ ⵏ ⵓⵙⵏⵖⵎⵙ ⴳ ⵉⴼⵔⵉⵇⵢⴰ ⴷ ⵉⴳⵎⴰⵎⵏ ⵉⵎⵣⵔⴰⵢⵏ.
ⵉⵙⵎⵏⵉⴷ ⵓⵏⴼⵍⵓⵙ ⴰⵎⴰⵜⴰⵢ ⴰⵏⵇⵇⵉⵙ ⴼ ⵓⵣⵣⴳⵉⵔ ⵏ ⵜⵖⵜⴰⵙⵉⵏ ⵏ ⵓⴳⵔⴰⵡ ⴷ ⵓⵖⴰⵡⴰⵙ ⵏ ⵜⵡⵡⵓⵔⵉ ⵏ ⵜⵙⵇⵇⵉⵎⵜ ⵏ 2023, ⵉⵙⵎⵏⵉⴷ ⵓⴽⴰⴱⴰⵕ ⴰⵎⵖⵔⵉⴱⵉ ⵜⴰⵏⵏⴰⵢⵢⵉⵏ ⵏⵏⵙ ⵣⴷⵉⵏⵉⵏ ⴷ ⵓⵙⵏⴼⵍ ⵏ ⵓⵏⵣⵡⵉ ⴷ ⵜⵏⴼⵔⵓⵜ ⵏ ⵓⵜⵛⵓ ⴳ ⵓⵎⴰⵍⵓ ⵏ ⵜⵎⴰⵖⵜ ⵊⴰⵔ ⵔⵓⵙⵢⴰ ⴷ ⵓⴽⵕⴰⵏⵢⴰ, ⵜⴰⴷⵔⵓⵙⵜ ⵏ ⵡⴰⵎⴰⵏ, ⴰⵣⵡⴰⴳ ⵡⴰⵔⵓⵍⴳⵉⵏ ⴷ ⵓⵏⵏⵓⵕⵥⵎⵏ ⴼ ⵉⴱⵕⵍⴰⵎⴰⵏⵏ ⵉⴼⵔⵉⵇⵉⵢⵏ, ⵜⴰⵎⵓⴽⵔⵉⵙⵜ ⵏ ⵓⵙⵙⵥⵕⴼ ⴷ ⵉⵕⵟⵟⴰⵍⵏ.
ⴷⴼⴼⵉⵔ ⵏ ⵓⵙⵖⵣⵏ ⵏ ⵓⵏⵇⵇⵉⵙ ⴰⴷ ⴷ ⵓⵖⴰⵡⴰⵙ ⴰⵙⴳⴳⵯⵙⴰⵏ ⵏ ⵜⵡⵡⵓⵔⵉ, ⵉⵍⵍⴰ ⵓⵙⵖⵣⵏ ⵏ ⵓⵏⵇⵇⵉⵙ ⵏ ⵜⵙⵇⵇⵉⵎⵜ ⵉⵥⵍⵉⵏ ⵙ ⵜⵡⵉⵣⵉ ⴷ ⵓⵙⵏⴼⴰⵔ ⵏ ⵓⵖⴰⵡⴰⵙ ⵏ ⵜⵡⵡⵓⵔⵉ ⵏ ⵓⴳⵔⴰⵡ ⵡⵉⵙ 44 ⵏ ⵜⴰⵎⵓⵏⵜ.
ⵜⵙⵎⴷ ⵜⵙⵇⵇⵉⵎⵜ ⵜⴰⵣⵣⵔⴰⴼⵜ ⵜⴰⵡⵡⵓⵔⵉ ⵏⵏⵙ ⵙ ⵓⵙⵖⵣⵏ ⵏ ⵓⵙⵏⴼⴰⵔ ⵏ ⵓⵖⴰⵡⴰⵙ ⵏ ⵜⵙⵓⵜⵍⵜ ⵜⵉⵙ 79 ⵏ ⵜⵙⵇⵇⵉⵎⵜ ⵜⴰⵎⵣⵣⴳⴰⵔⵜ, ⵜⵙⵎⴷ ⵟⵟⵓⴳⵓ ⵜⵓⵜⵔⴰ ⵉ ⵓⵙⵏⵓⴱⴳ ⵏⵏⵙ.
ⵔⴰⴷ ⵏⵉⵜ ⵙⵓⵍ ⵜⵉⵍⵉ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴼⵔⵉⵇⵉⵜ ⵙ ⵓⵙⵏⵎⴰⵍⴰ ⵏ ⵜⵙⵎⵓⵏⵉ ⵏ ⵜⵙⵇⵇⵉⵎⵜ ⵏ ⵜⴱⴰⵕⵍⴰⵎⴰⵏⵉⵢⵉⵏ ⴷ ⵓⴳⵔⴰⵡ ⵏ ⵉⵏⵙⵙⵉⵅⴼⵏ ⵏ ⵉⴱⵕⵍⴰⵎⴰⵏⵏ ⵉⴼⵔⵉⵇⵢⵉⵏ.
ⵢⵓⵎⴰ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ, ⵙⴳ ⵓⵙⵇⵇⵉⵎ ⵏ ⵉⵎⵓⵔⴰ:
- ⵎⴰⵙⵙ ⴰⵎⴰⵔⵉ ⵄⴰⴱⴷⵉⵍⴰⵀ ⴰⵎⵀⴷⵉ, ⵙⴳ ⵜⵔⴰⴱⴱⵓⵜ ⵜⴰⵙⵉⵎⴰⵏⵜ ⵉ ⵜⵎⵓⵏⵉ ⴷ ⵢⵉⵙⴽⵉⵍ, ⴰⵏⵙⵙⵉⵅⴼ ⵏ ⵓⴽⴰⴱⴰⵕ.
- ⵎⴰⵙⵙⴰ ⵜⴰⵎⴰⵔⵉⵜ ⵣⵉⵏⴱ ⵙⵙⵉⵎⵓ, ⵙⴳ ⵜⵔⴰⴱⴱⵓⵜ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ.
- ⵎⴰⵙⵙ ⴰⵎⴰⵔⵉ ⵃⴰⵜⵉⵎ ⴱⵏ ⵔⵇⵉⵢⵢⴰ, ⴰⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ.
- ⵎⴰⵙⵙⴰ ⵏⴰⴷⵢⴰ ⴱⵣⵏⴷⴼⴰ, ⵜⴰⵔⴰⴱⴱⵓⵜ ⵏ ⵜⵣⵖⵔⵜ ⵏ ⵜⵎⴰⵜⵔⴰⵜ.
- ⵎⴰⵙⵙ ⴷⵔⵉⵙ ⵛⴱⵛⴰⵍⵉ, ⵜⴰⵔⴰⴱⴱⵓⵜ ⵏ ⵜⵣⵖⵔⵜ ⴷ ⵜⵎⴰⵜⵔⴰⵔⵜ.
- ⵎⴰⵙⵙⴰ ⵛⵔⵇⴰⵡⵉ ⵣⵏⴰⵢⴷⵉ, ⵜⴰⵔⴰⴱⴱⵓⵜ ⵜⴰⵙⵔⵎⵓⵏⵜ.
ⵙⴳ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ:
- ⵎⴰⵙⵙ ⵎⵓⵃⴰⵎⵎⴰⴷ ⵍⵃⵔⵎⴰ ⵍⵎⵅⵍⵓⵍ, ⵜⴰⵎⵓⵏⵜ ⵜⴰⵎⴰⵜⴰⵢⵜ ⵏ ⵉⵎⵙⵡⵓⵔⵉⵢⵏ ⴳ ⵍⵎⵖⵔⵉⴱ.
- ⵎⴰⵙⵙ ⵅⴰⵍⵉⵀⵏⵏⴰ ⵍⴳⵔⵛ, ⵜⴰⴽⵓⵏⴼⵉⴷⵉⵕⴰⵍⵉⵜ ⵜⴰⴷⵉⵎⵓⵇⵔⴰⵟⵉⵜ ⵉ ⵜⵡⵡⵓⵔⵉ.