ⵜⴰⴳⵓⵔⵉ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴳ ⵜⵙⵓⵜⵍⵜ ⵜⵉⵙ 43 ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⵣⵍⵖⴰ ⵏ ⵉⵡⴰⵏⴽⵏ ⵏ ⵍⵇⴱⵍⵜ ⵏ ⴰⵙⵢⴰ

ⵎⴰⵙⵙ ⴰⵏⵙⵙⵉⵅⴼ

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ

ⵙ ⵉⵙⵎ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵎⵖⵔⵉⴱⵉ, ⵖⵓⵔⵉ ⵜⵓⵎⵔⵜ ⴰⴷ ⵉⵏⵉⵖ ⴰⵙⵓⵜⴳ ⴷ ⵓⵡⵇⵇⵔ ⵉⵏⵓ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ  ⵏ ⴽⴰⵎⴱⵓⴷⵢⴰ, ⴷ ⵓⵙⵓⵜⴳ ⵉⵏⵉ ⵉ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ, ⴷ ⵓⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ, ⴷ ⵓⵎⴰⵡⵙⴰⵙ ⴰⵎⵣⵡⴰⵔⵓ, ⴷ ⵓⵎⴰⴷⴰⵏ ⵏ ⴽⴰⵎⴱⵓⴷⵢⴰ, ⴼ ⵓⵙⵏⵓⴱⴳ ⵏⵏⵙⵏ ⵉⵔⵖⴰⵏ.

ⵎⴰⵙⵙ ⴰⵏⵙⵙⵉⵅⴼ

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ

ⴷⴰⵔⵏⵖ ⴰⴷⴷⵓⵔ ⴰⵅⴰⵜⴰⵔ ⵍⵍⵉⵖ ⵏⴽⵛⵎ ⵙ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⵣⵍⵖⴰ ⵏ ⵉⵡⴰⵏⴽⵏ ⵏ ⵉⴼⴼⵓⵙ ⵏ ⵍⵇⴱⵍⵜ ⵏ ⴰⵙⵢⴰ ⴳ ⵛⵓⵜⴰⵏⴱⵉⵜ 2022 ⴷ ⴰⴳⵎⴰⵎ ⵉⵎⵥⵕⵉ, ⵏⴳ ⵉⵍⵎⵎⴰ ⵜⴰⵣⴷⴰⵢⵜ ⵊⴰⵔ ⵜⴰⵙⴳⴰ ⵏ ⵉⴼⴼⵓⵙ ⵏ ⵍⵇⴱⵍⵜ ⵏ ⴰⵙⵢⴰ ⴷ ⵉⴼⵔⵉⵇⵢⴰ ⴷ ⵓⵎⴰⴹⴰⵍ ⵏ ⵡⴰⵄⵕⴰⴱⵏ.

ⵎⵇⵇⴰⵔ ⵜⵍⵍⴰ ⵜⵓⴳⴳⵓⴳⵜ, ⵎⵢⴰⴷⴰⵙⵏ ⵉⵎⴰⵍⵏ ⵏⵏⵖ, ⵖⵎⴽ ⴰⵏⵏⴰ ⴼ ⴷ ⵉⵇⵇⴰⵏⴰ ⴷ ⵏⵙⵓⵎⵓⵏ ⵜⵓⴳⴳⴰⵙ ⵏⵏⵖ ⵥⵉⵍⵏⵉⵏ ⵃⵎⴰ ⴰⴷ ⵏⵣⵔⵉ ⵜⵉⵏⴰⵥⴰⵕⵉⵏ ⵍⵍⴰⵏⵉⵏ.

ⵏⴼⵔⴽ ⵎⴰⵙⴷ ⵜⴰⵎⴷⵔⴰⵡⵜ ⵉⵕⵡⴰⵏ ⵊⴰⵔ ⵉⵎⴰⵙⵙⵏ ⵏ ⵜⵣⵍⵖⴰ ⵏ ⵉⵡⴰⵏⴽⵏ ⵏ ⵉⴼⴼⵓⵙ ⵏ ⵍⵇⴱⵍⵜ ⴳⴰⵏⵉⵏ ⵉⵅⴰⵜⴰⵔⵏ ⴷ ⵜⵙⵓⴳⴰⵔ ⵏ ⵉⴼⵔⵉⵇⵢⴰ ⵔⴰⴷ ⴼⴽⵉⵏ ⵜⵉⵢⵢⴰⴼⵓⵜⵉⵏ ⵉ ⴽⵓⵢⴰⵏ.

ⵜⴰⵎⴷⵔⴰⵡⵜ ⵙⴳ ⵉⴼⴼⵓⵙ, ⵉ ⵉⴼⴼⵓⵙ.

ⵖⵎⴽ ⵍⵍⵉ ⵔⵉⵖ ⴰⴷ ⵙⵙⴽⵜⵉⵖ ⵎⴰⵙ ⵉⴳⴰ ⵓⴱⵕⵍⴰⵎⴰⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴰⴳⵎⴰⵎ ⵉⵕⵡⴰⵏ ⴳ ⵜⵎⴰⴷⴷⴰⵙⵉⵏ ⴰⴷ:

* ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴼⵔⵉⵇⵉⵜ

* ⴰⴱⵕⵍⴰⵎⴰⵏ ⵏ ⵎⴰⵕⵕⴰ ⵏ ⵉⴼⵔⵉⵇⵢⴰ

* ⵜⴰⵎⵙⵎⵓⵏⵜ ⵜⴰⴱⵕⵍⴰⴰⵎⵏⵉⵜ ⵏ ⵜⴰⵎⵓⵏⵜ ⵉ ⵓⵏⴰⵎⵎⴰⵙ

* ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⵄⵕⴰⴱⵜ

* ⴰⴱⵕⵍⴰⵎⴰⵏ ⴰⵄⵕⴰⴱ

* ⵜⴰⵎⵙⵎⵓⵏⵜ ⵜⴰⴱⵕⵍⴰⴰⵎⵏⵉⵜ ⵉ ⵜⴼⵕⴰⵏⴽⵓⴼⵓⵏⵉⵜ

* ⵜⴰⵎⵓⵏⵜ ⵏ ⵉⵙⵇⵇⵉⵎⵏ ⵏ ⵉⵡⴰⵏⴽⵏ ⵉⴳⵎⴰⵎⵏ ⴳ ⵜⵎⴰⴷⴷⴰⵙⵜ ⵏ ⵓⵎⵢⴰⵡⴰⵙ ⵓⵙⵍⵉⵎ.

ⵖⵎⴽ ⵍⵍⵉ ⵏⴳⴰ “ⴰⵎⴷⵔⴰⵡ ⴰⵏⴰⵎⵎⴰⵙ” ⴷⴰⵔ ⵜⵎⵙⵎⵓⵏⵜ ⵜⴰⴱⵕⵍⴰⵎⵏⵉⵜ ⵏ ⵏⵏⴰⵟⵓ ⴷ:

* ⴰⵎⴷⵔⴰⵡ ⵉ ⵜⴷⵉⵎⵓⵇⵔⴰⵟⵉⵜ ⴷⴰⵔ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ,

* ⴰⴱⵕⵍⴰⵎⴰⵏ ⵏ ⵓⵕⵓⴱⴱⴰ ⵙⴳ ⵜⵙⵇⵇⵉⵎⵜ ⵜⴰⴱⵕⵍⴰⵎⴰⵏⵉⵜ ⵉⵛⵛⴰⵔⵏ.

ⴰⵙⵡⴰⵍⴰ ⴰⵎⵏⵥⴰⵡ, ⵍⵍⵉ ⵢⵓⵊⴰⴷⵏ ⵙ ⵓⵙⵎⴰⵇⵇⵍ ⵉⴷⵔⴰⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵙ ⵜⵙⵜⵔⴰⵜⵉⵊⵉⵜ ⵜⴰⴼⵔⵉⵇⵉⵜ ⵉⴱⴷⴷⵏ ⴼ ⵓⵙⵏⴼⵍ ⴰⴱⵕⵍⴰⵎⴰⵏⵉ ⴳ ⵓⵙⵡⵉⵔ ⴰⵅⴰⵜⴰⵔ, ⵉⵙⴽⵔⵏ ⴰⵎⵢⴰⵡⴰⵙ ⵉⴼⴼⵓⵙ-ⵉⴼⴼⵓⵙ, ⵉⴱⴷⴷⵏ ⴼ ⵓⵎⵢⴰⵡⴰⵙ ⴷ ⵜⴳⵎⵉ ⵉⵛⵛⴰⵔⵏ.

ⵙ ⵜⵔⵙⴰⵍ ⵏ ⵓⵏⵏⵓⵕⵥⵎ ⴷ ⵓⵎⵙⵓⵔⵓⴼ ⴷ ⵜⵎⵏⵏⴰⵡⵜ ⵜⴰⴷⵍⵙⴰⵏⵜ , ⵜⴳⴰ ⵜⴳⵍⴷⵉⵜ ⵏ ⵍⵎⵖⵔⵉⴱ ⴰⵛⴰⵎⵓⵛ ⴳ ⵉⵙⵡⵉⵔⵏ ⴰⵙⴳⴰⵡⴰⵏ ⴷ ⵓⵎⵏⵥⴰⵡ ⴷ ⵓⴳⵔⴰⵖⵍⴰⵏ ⵉⴷⵓⵙⵏ, ⴷ ⵓⵎⴷⵔⴰⵡ ⵉ ⵓⵙⵎⵖⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⴳⵎⵉ ⵜⴰⵙⵓⵍⴰⵏⵜ ⴷ ⵜⵥⴹⴰⵕⵜ ⵜⴰⵣⴳⵣⴰⵡⵜ ⴷ ⵓⵎⵢⴰⵡⴰⵙ ⵉⴼⴼⵓⵙ-ⵉⴼⴼⵓⵙ.

 ⵍⵍⵉⵖ ⵜⴳⴰ ⵜⴰⵎⵜⵜⵉ ⵉⵙⴽⴰⵔⵏ ⴰⴼⵔⴰ, ⵜⵙⵎⵏⵉⴷ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴰⵙⵏⴰⵍ ⵏⵏⵙ ⵉ ⵓⵙⴷⵓⵙ ⵏ ⵓⴼⵔⴰ ⴷ ⵜⵏⴼⵓⵔⵜ ⵜⵉⴳⵔⴰⵖⵍⴰⵏⵉⵏ, ⴷ ⵓⵙⴱⴷⴷⵉ ⵏ ⵓⵙⵖⵏⵣⵉ ⵏ ⵉⵡⴷⴰⵏ, ⴷ ⵜⴻⵟⵟⵓⵕⴼⴰ ⴷ ⵜⴻⵟⵟⵓⵕⴼⴰ, ⴷ ⴽⵓ ⴰⵏⴰⵡⵏ ⵏ ⵉⴱⴽⴽⴰⴹⵏ ⵣⵔⵉⵏⵉⵏ ⵉⵎⵏⵥⴰⵡⵏ.

ⵎⴰⵙⵙ ⴰⵏⵙⵙⵉⵅⴼ

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ

ⵉⵍⵍⴰ ⵡⴰⴷⴷⵓⵔ ⴷⴰⵔ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴰⴷ ⵉⵙⴽⵔ ⴰⵏⵢⴰⵍⴽⴰⵎ ⵊⴰⵔ ⵉⴼⵔⵉⵇⵢⴰ ⴷ ⵓⵎⴰⴹⴰⵍ ⵏ ⵡⴰⵄⵕⴰⴱⵏ ⴷ ⵉⵎⴷⵔⴰⵡⵏ ⵏⵏⵙ ⵏ ⴳⵔⵡ.

ⵖⵎⴽ ⴰⵏⵏ, ⴰⴼ ⵏⴰⵇⵔⴰ ⵃⵎⴰ ⴰⴷ ⵢⵉⵍⵉ ⵓⵏⵢⴰⵍⴽⴰⵎ ⵉⵙⵓⵍⵏ ⵊⴰⵔ ⵉⴱⵕⵍⴰⵎⴰⵏⵉⵢⵉⵏ, ⴷ ⵓⵎⵢⴰⵡⴰⵙ ⵃⵎⴰ ⴰⴷ ⵜⵉⵍⵉ ⵜⴳⵎⵉ ⵜⴰⵎⴰⵜⴰⵢⵜ ⴷ ⵜⵉⵏ ⵜⵎⴰⵙⴰⵢⵜ, ⴷ ⵓⵎⵢⴰⵡⴰⵙ ⵏ ⵉⴼⴼⵓⵙ-ⵉⴼⴼⵓⵙ ⵍⵍⵉ ⵔⴰⴷ ⵢⴰⵡⵙ ⴳ ⵓⵚⴽⵓ ⵏ ⵉⵎⴰⵍ ⵉⵥⵉⵍⵏ ⵉ ⵓⵎⴰⴹⴰⵍ ⵏⵏⵖ.

ⵜⴰⵏⵎⵎⵉⵔⵜ ⴼ ⵜⴰⵢⵏⵉⵜ ⵏⵏⵓⵏ