ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⵉⴷⵔⵓ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⵙⵓⵜⵍⵜ ⵜⵉⵙ 43 ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⵣⵍⵖⴰ ⵏ ⵉⵡⴰⵏⴽⵏ ⵏ ⵉⴼⴼⵓⵙ ⵏ ⵍⵇⴱⵍⵜ ⵏ ⴰⵙⵢⴰ
ⵉⴷⵔⵓ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴳ ⵜⵙⵓⵜⵍⵜ ⵜⵉⵙ 43 ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⵣⵍⵖⴰ ⵏ ⵉⵡⴰⵏⴽⵏ ⵏ ⵉⴼⴼⵓⵙ ⵏ ⵍⵇⴱⵍⵜ ⵏ ⴰⵙⵢⴰ ⵉⴽⴽⴰⵏ ⴳ 20 ⴰⵔ 25 ⵏⵓⵡⴰⵏⴱⵉⵔ 2022 ⴳ ⴽⴰⵎⴱⵓⴷⵢⴰ, ⵙ ⵓⵣⵡⵍ: ⴰⴷ ⵏⵣⵣⵉⴳⵣ ⵉ ⵜⵣⵍⵖⴰ ⵏ ⵜⵎⵜⵜⵡⵉⵡⵉⵏ ⵏ ⵉⴼⴼⵓⵙ ⵏ ⵍⵇⴱⵍⵜ ⵏ ⴰⵙⵢⴰ ⵙ ⵜⵖⴰⵔⴰⵙⵜ ⵉⵙⵓⵍⵏ ⴷ ⵢⵓⵎⴰⵏ.
ⵔⴰⴷ ⵢⵉⵍⵉ ⵓⵎⴹⴰⴽⴰⵔ ⵏ ⵓⵖⴰⵡⴰⵙ ⵏ ⵜⵡⵡⵓⵔⵉ ⵙⴳ ⵜⵙⵇⵇⵉⵎⵉⵏ ⴹⴼⵕⵏⵉⵏ ⵜⴰⵎⵙⵎⵓⵏⵜ ⴷ ⵓⵙⵙⴼⵍⴷ ⵉ ⵉⵏⵙⵙⵉⵅⴼⵏ ⵟⵟⴰⴼⵏⵉⵏ ⵜⴰⴼⵔⵉⵙⵜ ⵏ ⵓⴳⵎⴰⵎ ⵉⵎⵥⵕⵉ ⴷ ⵓⵙⵎⵏⵉⴷ ⵏ ⵉⵏⵇⵇⵉⵙⵏ ⵏ ⵜⵙⵓⵜⵍⵜ ⴷ ⵓⵙⵖⵥⵏ ⵏⵏⵙⵏ ⴷ ⵓⵚⵉⵡⴹ ⴰⵎⴳⴳⴰⵔⵓ.
ⵉⵟⵟⴰⴼ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴰⴼⵔⵉⵙ ⵏ ⵓⴳⵎⴰⵎ ⵉⵎⵥⵕⵉ ⴳ ⵜⵎⵙⵎⵓⵏⵜ ⴰⴷ ⵙⴳ ⵜⴰⵙⵓⵜⵍⵜ ⵜⵉⵙ 41 ⵉⵍⵍⴰⵏ ⴳ ⵀⴰⵏⵓⵢ ⴳ ⴼⵉⵟⵏⴰⵎ ⴳ 2020. ⴰⵢⵍⵍⵉ ⵉⴳⴰⵏ ⵜⵉⵎⵙⴽⵔⵜ ⵜⴰⵅⴰⵜⴰⵔⵜ ⵍⵍⵉⵖ ⵉⴳⴰ ⴰⵎⵣⵡⴰⵔⵓ ⴳ ⵉⵙⵡⵉⵔⵏ ⴰⵄⵕⴰⴱ ⴷ ⵉⴼⵔⵉⵇⵉ ⵉⵍⵍⴰⵏ ⴳ ⵜⴳⵔⴰⵡⵜ ⵜⴰⴷ ⵜⴰⴱⵕⵍⴰⵎⴰⵏⵉⵜ ⵜⴰⵙⵢⴰⵡⵉⵜⵏ ⴷ ⵜⵉⵍⴰⵍ ⵍⵍⵉ ⵜⵙⴽⴰⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵓⵎⵢⴰⵡⴰⵙ ⴷ ⵓⵎⵢⴰⵡⴰⴹ ⵊⴰⵔ ⵉⵡⴰⵏⴽⵏ ⵏ ⵉⴼⵔⵉⵇⵢⴰ ⴷ ⵉⴼⴼⵓⵙ ⵏ ⵍⵇⴱⵍⵜ ⵏ ⴰⵙⵢⴰ ⴳ ⵉⴳⵔⴰⵏ ⵏ ⵜⵏⴼⵔⵓⵜ ⴷ ⵓⵔⴳⴳⵉⴳ ⴷ ⵜⴳⵎⵉ ⴷ ⵣⵣⵀⵕⵜ ⵜⴰⵏⴰⵎⵓⵏⵜ ⴷ ⵜⴷⵎⵙⴰⵏⵜ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ.
ⵢⵓⵎⴰ ⵓⴽⴰⴱⴰⵕ ⴰⵎⵖⵔⵉⴱⵉ ⵉⴷⵔⵓⵏ ⴳ ⵜⵙⵓⵜⵍⵜ ⴰⴷ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵎⴰⵙⵙ ⴰⵃⵎⴰⴷ ⵜⵡⵉⵣⵉ ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⵥⵖⵕⵜ ⴷ ⵜⵎⴰⵜⵔⴰⵔⵜ ⴷ ⵎⴰⵙⵙ ⵎⵓⵚⵟⴰⴼⴰ ⵜⴰⵔⴼⵉⵢⴰ ⵉⵍⵍⴰⵏ ⴼ ⵜⵎⵙⵇⵇⴰⴷⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵜⵜⴰⵢⵍⴰⵏⴹ.
ⵜⴳⴰ ⵜⵣⵍⵖⴰ ⴰⴷ ⵜⴰⴱⵕⵍⴰⵎⴰⵏⵉⵜ ⵜⴰⴷ ⵉⵙⵜⵡⴰⵀⵎⵎⴰⵏ, ⴳⵉⵙ ⵉⴱⵕⵍⴰⵎⴰⵏⵏ ⵏ ⵎⵔⴰⵡ ⵉⴱⵕⵍⴰⵎⴰⵏⵏ: ⵉⵏⴷⵓⵏⵉⵙⵢⴰ, ⵙⴰⵏⵖⴰⴼⵓⵔⴰ, ⵎⴰⵍⵉⵣⵢⴰ, ⴼⵉⵜⵏⴰⵎ, ⵜⵜⴰⵢⵍⴰⵏⴹ, ⵎⵢⴰⵏⵎⴰⵔ, ⵍⴼⵉⵍⵉⴱⵉⵏ, ⴱⵔⵓⵏⴰⵢ, ⵍⴰⵡⵙ, ⴽⴰⵎⴱⵓⴷⵢⴰ. ⵜⵡⴰⵜⵜⵙ ⴰⵙⵎⵓ ⵏ ⵜⵓⴳⴳⴰⵙ ⵉ ⵜⴳⵎⵉ ⵜⴰⴷⵎⵙⴰⵏⵜ ⴷ ⵜⵏⴰⵎⵓⵏⵜ ⴷ ⵜⴷⵍⵙⴰⵏⵜ ⵉ ⵉⵡⴰⵏⴽⵏ ⵏⵏⵙ.