ⴰⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ: ⵜⴰⵡⴰⵍⴰ ⵜⴰⵣⵣⵔⴰⴼⵜ ⵜⵉⵙ 11, 2021-2026:
ⵉⴷⵔⵓ ⵎⴰⵙⵙ ⵃⴰⵙⴰⵏ ⴱⵏ ⵄⵓⵎⴰⵕ, ⴰⵎⴰⵔⵉ ⵏ ⵓⵏⵙⵙⵉⵅⴼ, ⴳ ⵜⵙⵓⵜⵍⵜ ⵜⵉⵙ 41 ⵏ ⴼⵓⴱⵔⵉⵍ
ⵉⴷⵔⵓ ⵎⴰⵙⵙ ⵃⴰⵙⴰⵏ ⴱⵏ ⵄⵓⵎⴰⵕ, ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴳ ⵜⵙⵓⵜⵍⵜ ⵜⵉⵙ 41 ⵏ ⵓⵏⵎⵓⵇⵇⴰⵔ ⵏ ⵉⵏⵙⵙⵉⵅⴼⵏ ⵏ ⵢⵎⵔⵙⴰⵍ ⵜⵉⵣⵣⵔⴰⴼⵉⵏ ⴳⵎⴰⵔⵉⴽⴰⵏ ⵜⴰⵏⴰⵎⵎⴰⵙⵜ ⴷ ⵍⴽⴰⵔⴰⵢⵉⴱ( ⴼⵓⴱⵔⵉⵍ) ⵉⵍⵍⴰⵏ ⴳ 10 ⵎⴰⵕⵚ 2023 ⴳ ⵙⵙⴰⵍⴼⴰⴹⵓⵕ.
ⴳ ⵜⴷⵙⵓⵜⵍⵜ ⴰⴷ, ⵜⵎⵎⴰⵜⵜⵉ ⵜⵏⵙⵙⵉⵅⴼⵜ ⵏ ⴼⵓⴱⵔⵉⵍ ⵊⴰⵔ 2023-2024 ⵙⴳ ⵜⴰⵎⵙⵎⵓⵏⵜ ⵜⴰⵣⵣⵔⴰⴼⵜ ⵏ ⵙⵙⴰⵍⴼⴰⴹⵓⵕ ⴰⵔ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⴷⴷⵓⵎⵉⵏⵉⴽⴰⵏ ⴳ ⵓⵏⵙⵙⵉⵅⴼ ⵏⵏⵙ ⵎⴰⵙⵙ Alfredo Pacheco Osorio, ⵢⵉⵍⵉ ⵓⵎⴹⴰⴽⴰⵕ ⴼ ⵜⵎⵙⴰⵔⵉⵏ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⴳ ⵜⵙⴳⴰ ⵏ ⵎⴰⵔⵉⴽⴰⵏ ⵜⴰⵏⴰⵎⵎⴰⵙⵜ ⴷ ⵍⴽⴰⵔⴰⵢⵉⴱ ⴷ ⵍⵎⵉⴽⵙⵉⴽ.
ⴳ ⵜⴳⵓⵔⵉ ⵏⵏⵙ, ⵉⵙⴷⴷⵉⴷ ⵎⴰⵙⵙ ⴱⵏ ⵄⵓⵎⴰⵕ ⴼ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⵉⴼⴼⵓⵙ-ⵉⴼⴼⵓⵙ, ⴷ ⵜⵉⵍⴰⵍⵜ ⵏ ⵜⴷⵉⴱⵍⵓⵎⴰⵙⵉⵜ ⵜⴰⵎⵖⵔⵉⴱⵉⵜ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴳ ⵓⵙⵏⴰⵍ ⵏ ⵓⵎⵢⴰⵡⴰⵙ ⵊⴰⵔ ⵉⵡⴰⵏⴽⵏ ⵏ ⵉⴼⴼⵓⵙ ⵉ ⵓⵙⴽⵔ ⵏ ⵜⴳⵎⵉ ⴷⴰⵔ ⵉⵎⴰⴷⴰⵏⵏ.
ⵉⵙⴰⵡⴰⵍ ⵎⴰⵙⵙ ⴱⵏ ⵄⵓⵎⴰⵕ ⵓⵍⴰ ⴼ ⵓⵙⵡⵓⵔⵉ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵓⵙⵏⴰⵍ ⵏ ⵓⵎⵢⴰⵡⴰⵙ ⴷ ⵓⵎⵢⴰⵡⴰⴹ ⵊⴰⵔ ⵜⵉⵎⵔⵙⴰⵍ ⵏ ⵓⵣⵣⵔⴰⴼ ⴳ ⴼⵓⴱⵔⵉⵍ ⵙ ⵓⴼⵔⴰⵡ ⴳ ⵉⵎⵓⵙⵙⵓⵜⵏ ⴳ ⵉⵜⵜⵉⵍⵉ ⵓⵎⴹⴰⴽⴰⵕ ⵏ ⵜⵎⵙⴰⵔⵉⵏ ⵏ ⵉⵎⴰⴷⴰⵏⵏ.
ⵉⵙⴽⵔ ⵎⴰⵙⵙ ⴰⵎⴰⵔⵉ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵉⵎⴹⴰⴽⴰⵕⵏ ⴷ ⵉⵏⵙⵙⵉⵅⴼⵏ ⵏ ⵉⴱⵔⵍⴰⵎⴰⵏⵏ ⵏ ⵜⵙⴳⴰ ⴼ ⵓⵙⵎⵖⵔ ⵏ ⵓⵎⵙⴰⵡⴰⵍ ⴰⴱⵕⵍⴰⵎⴰⵏⵉ ⴰⵙⵉⵏⵔⴰⵏ ⴷ ⵓⵙⵎⵀⵍ ⵏ ⵜⵔⵓⴱⴱⴰ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⴳ ⵓⵙⴷⵓⵙ ⵏ ⵜⵣⴷⴰⵢⵉⵏ ⵊⴰⵔ ⵉⴱⵔⵍⴰⵎⴰⵏⵏ.
ⵉⵜⵜⵓⵙⵙⴰⵏ ⵎⴰⵙ ⵢⵓⵎⴰ ⴼⵓⴱⵔⵉⵍ ⵎⵔⴰⵡ ⵉⵡⴰⵏⴽⵏ: ⴳⴰⵡⵜⵉⵎⴰⵍⴰ, ⴱⵉⵍⵉⵣ, ⵙⵙⴰⵍⴼⴰⴹⵓⵕ, ⵍⵀⵉⵏⴷⵓⵕⴰⵚ, ⵏⵉⴽⴰⵔⴰⴳⵡⴰ, ⴽⵓⵙⵜⴰⵔⵉⴽⴰ, ⴱⴰⵏⴰⵎⴰ, ⴷⴷⵓⵎⵉⵏⵉⴽⴰⵏ, ⵍⵎⵉⴽⵙⵉⴽ, ⴱⵓⵔⵜⵓⵔⵉⴽⵓ, ⵉⵍⵍⴰ ⵓⵙⵖⵉⵎ ⵏⵏⵙ ⴳ ⵎⴰⵏⴰⴳⵡⴰ ⵜⴰⵎⴰⵥⵓⵏⵜ ⵏ ⵏⵉⴽⴰⵔⴰⴳⵡⴰ.