ⵜⴰⵙⵇⵇⵉⵎⵜ ⵏ ⵜⵓⵍⴽⵉⵎⵉⵏ:2016-2021
ⴰⵙⵉⵡⴹ ⴼ ⵜⵙⵎⵓⵏⵉ ⵏ ⵜⵙⵇⵇⵉⵎⵜ ⵏ ⵜⵓⵍⴽⵉⵎⵉⵏ ⴷ ⵜⵓⵜⵔⴰⵡⵉⵏ ⴳ ⵜⵎⴰⵡⴰⵙⵜ ⵏ ⵓⵡⴰⵏⴽ ⵉⵜⵜⵓⵙⵎⴰⴳⴰⴽⵏ ⵙ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵣⴷⴰⵢⵉⵏ ⴷ ⵓⴱⵕⵍⴰⵎⴰⵏ, ⴰⴽⵡⴰⵙ 4 ⴱⵕⴰⵢⵔ 2021
ⵃⴰⴹⵕⵏ ⵉⴷ ⵎⴰⵙⵙ ⵄⴰⴱⴷⵍⵍⴰⵟⵉⴼ ⴱⵏ ⵢⴰⵄⵇⵓⴱ ⴷ ⵄⵓⵎⴰⵔ ⵄⴰⴱⴱⴰⵙⵉ ⵉⴳⵎⴰⵎⵏ ⵏ ⵜⵙⵇⵇⵉⵎⵜ ⵏ ⵜⵓⵍⴽⵉⵎⵉⵏ ⴷ ⵜⵓⵜⵔⴰⵡⵉⵏ ⴰⵏⵎⵓⵇⴰⵔ ⴳ ⵜⵎⴰⵡⴰⵙⵜ ⵏ ⵓⵡⴰⵏⴽ ⵉⵜⵜⵓⵙⵎⴰⴳⴰⵍⵏ ⵙ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵣⴷⴰⵢⵉⵏ ⴷ ⵓⴱⵕⵍⴰⵎⴰⵏ, ⴰⴽⵡⴰⵙ 4 ⴱⵕⴰⵢⵔ 2021, ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⴰⵎⴰⵡⵙⴰⵙ ⵎⴰⵙⵙ ⵎⵓⵚⵟⴰⴼⴰ ⵔⵔⴰⵎⵉⴷ, ⴷ ⵜⵉⵍⵉⵜ ⵏ ⵓⵎⴰⵔⴰ ⴰⵎⴰⵜⴰⵢ ⵏ ⵜⵎⴰⵡⴰⵙⵜ ⴷ ⵉⴳⵎⴰⵎⵏ ⵏ ⵜⵙⵇⵇⵉⵎⵜ ⵜⵓⵏⴱⵉⴹⵜ ⵏ ⵜⵓⵍⴽⵉⵎⵉⵏ ⵉⴳⵏⵙⴰⵙⵏ ⵏ ⵜⵏⵙⵙⵉⵅⴼⵜ ⵏ ⵜⵏⴱⴰⴹⵜ, ⵜⴰⵏⴼⵍⵓⵙⵜ ⵜⴰⵎⴰⵜⴰⵢⵜ ⵏ ⵜⵏⴱⴰⴹⵜ, ⵜⴰⵎⴰⵡⴰⵙⵜ ⵏ ⵜⵣⵔⴼⵜ ⴷ ⵜⵎⴰⵡⴰⵙⵜ ⵏ ⵜⴳⵯⵏⵙⴰⵏⵜ, ⴷ ⵉⴳⵏⵙⴰⵙⵏ ⵙⴳ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ.
ⵉⴳⴰ ⵓⵏⵎⵓⵇⴰⵔ ⴰⴷ ⵜⴰⵙⵏⵜⴰⵢⵜ ⵏ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⵓⵙⴽⵔ ⵏ ⵜⵙⵇⵇⵉⵎⵜ ⵉⵛⵛⴰⵔⵏ ⵏⴳⵔ ⴽⵓ ⵉⵎⵙⴽⴰⵔⵏ ⵉ ⵜⵖⵔⵉ ⵏ ⵙⵏⴰⵜ ⵜⵙⵓⵎⵔⵉⵏ ⵏ ⵜⵙⵇⵇⵉⵎⵜ ⵏ ⵜⵓⵍⴽⵉⵎⵉⵏ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⵉ ⵓⵙⵏⴼⵍ ⵏ ⵉⵙⵍⴳⵏⵏ ⵉⵎⴰⴷⴷⴰⵙⵏ 44.14 ⴼ ⵓⵙⵎⵏⵉⴷ ⵏ ⵜⵓⵍⴽⵉⵎⵉⵏ ⵉ ⵜⵏⴱⴰⴹⵉⵏ ⵜⵉⴳⴷⵓⴷⴰⵏⵉⵏ, ⴷ 64.14 ⴼ ⵓⵙⵎⵏⵉⴷ ⵏ ⵜⵓⵜⵔⴰⵡⵉⵏ ⴳ ⵢⵉⴳⵔ ⵏ ⵓⵣⵣⵔⴰⴼ, ⵃⵎⴰ ⴰⴷ ⵢⵉⵍⵉ ⵓⵙⵏⴼⴰⵔ ⵉⵎⵓⵏⵏ.
ⴳ ⵓⵏⵎⵓⵇⴰⵔ ⴰⴷ, ⵉⵍⵍⴰ ⵓⵎⴹⴰⴽⴰⵕ ⴼ ⵜⴱⵔⵉⴷⵜ ⵏ ⵜⵡⵓⵔⵉ, ⴷ ⵓⵎⵙⴰⵡⴰⵍ ⴼ ⵓⵎⵓⴽⵏ ⴷ ⵉⵡⵜⵜⴰⵙⵏ ⵍⵍⵉ ⵔⴰⴷ ⵢⵉⵍⵉ.
ⵉⵍⵍⴰ ⵓⵙⴷⴷⵉⴷ ⴼ ⵡⴰⵜⵉⴳ ⵏ ⵓⵙⴰⵡⵓⵔ ⵏ ⵜⴷⵉⵎⵓⵇⵔⴰⵟⵉⵜ ⵜⴰⵎⴰⴷⵔⴰⵡⵜ ⵉⵙⵎⴷⵏ ⵜⵉⵏ ⵜⴳⵏⵙⴰⵙⵜ, ⴷ ⵓⵎⵢⴰⴷⴰⵙ ⵏⵏⵙ ⵉ ⵉⵏⵎⵓⵔⴰⵏ ⴷ ⵜⵏⵎⵓⵔⴰⵜⵉⵏ ⵙ ⵓⵙⵔⵅⵓ ⵏ ⵜⴼⴰⴷⵉⵡⵉⵏ ⵏ ⵓⵙⵎⵏⵉⴷ ⵏ ⵜⵓⵍⴽⵉⵎⵉⵏ ⴷ ⵜⵓⵜⵔⴰⵡⵉⵏ ⴷ ⵓⵎⵓⵟⵟⵓⵏ ⵏ ⵉⵎⵉⵙⵙ ⴰⴷ.
ⴳ ⵜⴳⵉⵔⴰ, ⵉⵍⵍⴰ ⵓⵎⵙⴰⵛⴽⴰ ⴰⴷ ⵜⵉⵍⵉ ⵜⵙⵎⵓⵏⵉ ⵜⴰⵏⵎⵍⴰⵙⵙⵜ ⵉ ⵓⵎⴹⴰⴽⴰⵕ ⵏ ⵜⵓⵎⴰⵢⵉⵏ ⵏ ⵉⵙⵏⴼⵍⵏ ⵙ ⵜⵉⵍⵉⵜ ⵏ ⴽⵓ ⵉⵎⵙⴽⴰⵔⵏ.