ⴰⵙⵉⵡⴹ ⴼ ⵜⵙⵎⵓⵏⵉ ⵏ ⵓⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ, 4 ⵉⵏⵏⴰⵢⵔ 2021

ⵉⵙⵏⵎⴰⵍⴰ ⵓⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵜⴰⵙⵎⵓⵏⵉ ⵏⵏⵙ ⵜⴰⵏⵎⵍⴰⵙⵙⵜ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ ⴰⵙⵙ ⵏ ⵡⴰⵢⵏⴰⵙ 4 ⵉⵏⵏⴰⵢⵔ 2021, ⵜⵥⵍⵉ ⵉ ⵜⵉⴹⴰⴼ ⴷ ⵓⵣⵣⵔⴰⴼ ⴷ ⵜⵡⵓⵔⵉ ⵏ ⵓⵙⵇⵇⵉⵎ.

ⵖ ⵜⵣⵡⵉⵔⵉ, ⵉⵙⵙⴽⵜⵉ ⴷ ⵓⵏⵙⵙⵉⵅⴼ ⴷ ⵉⴳⵎⴰⵎⵏ ⵏ ⵓⵙⵉⵔⴰ ⵜⵉⵎⵙⴰⵔⵉⵏ ⵏ ⵓⵙⴳⴳⵯⴰⵙ ⵉⵣⵔⵉⵏ, ⴳⵉⵙⵏⵜ ⵜⵉⵢⴰⴼⵓⵜⵉⵏ ⵥⵉⵍⵏⵉⵏ ⵜⵜⵓⵙⴽⴰⵔⵏⵉⵏ ⵖ ⵓⵎⵏⵉⴷ ⵏ ⵜⵎⵙⴰⵔⵜ ⵜⴰⵏⴰⵎⵓⵔⵜ ⵖ ⵓⴱⴰⵔⴰⵣ ⴰⴷⵉⴱⵍⵓⵎⴰⵙⵉ, ⴰⵢⵍⵍⵉ ⵉⵍⵍⴰⵏ ⴷ ⵜⵍⵍⵓⴳⵏⴰ ⵏ ⵜⵢⴰⵏⵜ ⵜⴰⵏⴰⴽⴰⵍⵜ ⵏ ⵜⴳⵍⴷⵉⵜ ⵙ ⵜⵎⵢⴰⴷⴰⵙⵜ ⵜⵓⵏⵥⵉⵣⵜ ⴷ ⵓⵙⵎⴰⵇⵍ ⵉⴼⴰⵡⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ.

ⵉⴱⴷⴷ ⵓⵙⵉⵔⴰ ⵓⵍⴰ ⴼ ⵜⵓⴳⴳⴰⵙ ⵜⵉⵏⴰⵎⵓⵔⵉⵏ ⵏ ⵓⵎⴰⴷⴰⵏ ⴰⵎⵖⵔⵉⴱⵉ ⵖ ⵓⵙⴱⴷⴷⵉ ⵏ ⵓⴱⴰⵢⵢⵓⵕ, ⴷ ⵓⵏⵍⵉ ⴷ ⵜⵡⵉⵣⵉ ⵉⵜⵜⵓⵙⴽⴰⵔⵏ ⵖ ⵜⵎⴰⵣⵉⵔⵜ ⵏⵏⵖ ⵖ ⵜⵉⵣⵉ ⴰⴷ ⵉⵛⴷⴷⴰⵏ ⵍⵍⵉ ⵜⵣⵣⵔⴰⵢ ⵜⵎⴰⵣⵉⵔⵜ ⵏⵏⵖ ⴷ ⵓⵎⴰⴹⴰⵍ ⴰⴽⴽⵯ. ⵖⵎⴽ ⴰⵏⵏ ⴷ ⵉⵙⴷⴰⵡⵏ ⵅⴰⵜⵔⵏⵉⵏ ⵍⵍⵉ ⴷ ⵢⵉⵡⵉ ⵓⴱⴰⵢⵢⵓⵕ ⵖ ⵓⵙⵡⵉⵔ ⴰⴷⵎⵙⴰⵏ, ⵉⴳⵔ ⵓⵔ ⵉⴳⴰⴷⴷⴰⵏ, ⴰⴼⵔⴰⴳ ⴰⵏⴰⵎⵓⵏ ⴷ ⵓⵙⴼⵍⵙ ⴰⴷⵓⵙⴰⵏ, ⵉⴱⴷⴷ ⴼ ⵜⵉⵍⴰⵍⵜ ⵏ ⵜⵎⵔⵙⵍⵜ ⵜⴰⵣⵣⵔⴰⴼⵜ ⵖ ⵜⵡⵉⵙⵉ ⵖ ⵓⵙⵖⵡⵏ ⵖ ⵜⵙⴰⵡⵔⵉⵏ ⵜⵜⵓⵕⵥⴰⵎⵏⵉⵏ ⵃⵎⴰ ⴰⴷ ⵉⵍⵉⵏ ⵉⴼⵙⵙⴰⵢⵏ ⴷ ⵓⵙⴰⵏⵉⵏ.

ⵉⴱⴷⴷ ⵓⵏⵙⵙⵉⵅⴼ ⴼ ⵡⴰⵜⵉⴳ ⵏ ⵜⵖⵜⴰⵙⵉⵏ ⵏ ⵉⵏⴳⵎⴰⵎⵏ ⵏ ⵓⵙⵇⵇⵉⵎ ⵖ ⵜⵎⵙⴽⴰⵔ ⵏ ⵡⴰⵔⴰⵢ, ⵉⵙⵓⵜⴳ ⵜⵓⴳⴳⴰⵙ ⵏ ⵉⵎⵓⵔⴰ ⵖ ⵓⵙⵔⵙ ⵏ ⵜⵎⵙⴽⴰⵔ ⵏ ⵡⴰⵔⴰⵢ ⵖ ⵓⵎⵏⵉⴷ ⵏ ⵓⵙⴽⵔ ⵏ ⵜⵎⵙⴽⴰⵔ ⵏⵏⵙⵏ ⵜⵉⵏⴰⵎⵓⵔⵉⵏ.

ⵖ ⵜⵡⵓⵔⵉ ⵏ ⵜⵔⵓⴱⴱⴰ ⵜⵉⵙⴳⵓⵎⴰⵏⵉⵏ ⵏ ⵜⵡⵓⵔⵉ: ⵉⵙⵙⴽⵜⵉ ⴷ ⵓⵏⵙⵙⵉⵅⴼ ⵏ ⵓⵙⵉⵔⴰ ⵜⴰⵢⴰⴼⵓⵜ ⵏ ⵜⵔⴰⴱⴱⵓⵜ ⵜⴰⵙⴳⵓⵎⴰⵏⵜ ⵏ ⵜⵡⵓⵔⵉ ⵉⵜⵜⵓⵙⵎⴰⴳⴰⵍⵏ ⵙ ⵓⴳⵔⴰⵡ ⴰⴷⵓⵙⴰⵏ ⵍⵍⵉ ⵉⵙⴽⵔ ⵓⵙⵉⵔⴰ, ⴷ ⵜⵡⵓⵔⵉⵡⵉⵏ ⵍⵍⵉ ⵜⵙⴽⵔ ⴰⵔ ⵖⵉⵍⴰⴷ. ⵉⵙⵙⴽⵜⵉ ⴷ ⵓⵏⵙⵙⵉⵅⴼ ⵓⵍⴰ ⵜⵉⴼⵔⴽⵉⵡⵉⵏ ⵍⵍⵉ ⵏⵏ ⵜⴱⴱⵉ ⵜⵔⴰⴱⴱⵓⵜ ⴰⴷ ⵖ ⵓⵎⵏⵉⴷ ⵏ ⵓⵙⵓⵊⴷ ⵏ ⵓⵏⵇⵇⵉⵙ ⵍⵍⵉ ⵔⴰⴷ ⵉⵜⵜⵓⴼⵙⵉⵔ ⵎⵏⵉⴷ ⵏ ⵓⵙⵇⵇⵉⵎ ⵖ ⵡⴰⵢⵢⵓⵔ ⵏ ⴱⵕⴰⵢⵕ ⴷ ⵢⵓⵛⴽⴰⵏ.

ⵖ ⵜⵉⴹⴰⴼ ⵜⴰⴱⵕⵍⴰⵎⵏⵉⵜ: ⵉⵎⴷⵡⴰⵍ ⵓⵙⵉⵔ ⴼ ⵜⵓⵏⵖⵉⵍⵉⵏ ⵍⵍⵉ ⵔⴰⴷ ⵉⴼⴽ ⵓⵏⴼⵓⵙ ⴰⵎⴰⵢⵏⵓ ⵉ ⵜⵖⵉⵎⵉⵜⵉⵏ ⵜⵉⵏⵎⵍⴰⵙⵙⵉⵏ  ⵉ ⴽⵉⴳⴰⵏ ⵏ ⵜⵉⵕⵡⵉ ⴷ ⵜⵓⵙⵙⵏⴰ ⵏ ⵉⵙⴷⴰⵡⵏ ⵜⵜⵓⴼⵙⴰⵔⵏⵉⵏ, ⴷ ⴽⵉⴳⴰⵏ ⵏ ⵓⵏⵢⴰⵍⴽⴰⵎ ⴷ ⵜⵏⴱⴰⴹⵜ. ⵉⵙⵙⴽⵜⵉ ⴷ ⵜⵉⵔⵎⵉⵜ ⵉⵍⵍⴰⵏ ⵖ ⵜⵉⵣⵉ ⵏ ⵓⵥⵍⴰⵢ ⴰⴷⵓⵙⴰⵏ ⵉⴱⴷⴷⵏ ⴼ ⵉⵙⵇⵙⵉⵜⵏ ⵍⵍⵉ ⴷ ⵉⴹⴼⵕ ⵓⵎⴹⴰⴽⴰⵕ ⴷ ⵓⵏⴳⵔⴰⵡ ⵏ ⵜⵖⵉⵎⵉⵜⵉⵏ ⵏ ⵉⵙⵇⵙⵉⵜⵏ, ⵉⴼⴼⵖ ⴰⴷ ⵜⵉⵍⵉ ⵢⴰⵜ ⵜⵉⴼⵔⵜ ⵖ ⵍⵍⴰⵏⵜ ⵜⴰⵏⵏⴰⵢⵉⵏ ⴷ ⵉⵙⵖⵍⴰⴼ ⵏ ⴽⵓ ⵉⴼⵔⴷⴰⵙ ⵏ ⵓⵙⵇⵇⵉⵎ ⵃⵎⴰ ⴰⴷ ⵜⵉⵍⵉ ⵜⵉⵕⵡⵉ ⵏ ⵜⵉⵍⴰⵍⵜ ⴰⴷ ⵜⴰⵏⵎⵍⴰⵙⵙⵜ.

ⵖ ⵓⵎⵏⵉⴷ ⵏ ⵓⵣⵣⵔⴰⴼ: ⵉⴱⴷⴷ ⵓⵙⵉⵔⴰ ⴼ ⵜⵡⵓⵔⵉ ⵏ ⵜⵙⵇⵇⵉⵎⵉⵏ, ⵉⵙⵙⴽⵜⵉ ⴷ ⵉⴹⵕⵉⵚⵏ ⵜⵜⵓⵙⵖⵣⴰⵏⵉⵏ ⵖ ⵜⵙⵓⵜⵍⵜ ⴰⴷ ⴳⴰⵏⵉⵏ 26 ⵏ ⵓⴹⵕⵉⵚ ⴰⵣⵣⵔⴰⴼ ⵢⵉⵍⵉ ⵓⵙⵖⵉⵡⵙ ⵏ ⵓⵙⵏⴼⴰⵔ ⵏ ⵓⵙⵍⴳⵏ ⴰⵎⴰⴷⴷⴰⵙ ⵉ ⵓⵙⵎⵍ ⵖ ⵜⵣⵣⵓⵍⵉⵏ ⴰⵜⵜⵓⵢⵏⵉⵏ ⴷ ⵓⵙⵏⴼⴰⵔ ⵏ ⵓⵙⵍⴳⵏ ⴼ ⵜⴼⴳⵓⵔⵉⵏ ⵉ ⵓⵖⵓⵍ ⵏ ⵜⵥⵕⵉⴳⵜ ⵏ ⵉⵛⵉⴽⵏ ⵖ ⵜⵖⵉⵎⵉⵜ ⵏ ⵡⴰⵢⵏⴰⵙ 4 ⵉⵏⵏⴰⵢⵔ ⴷⴼⴼⵉⵔ ⵏ ⵉⵙⵇⵙⵉⵜⵏ ⵉⵎⵉⵡⴰⵏⵏ.

ⴼ ⵉⵏⵇⵇⵉⵙⵏ ⵏ ⵜⵙⵎⵉⴳⴰⵍ ⵏ ⵓⵙⴰⴳⴳⵯ: ⵉⵎⴷⴰⵡⴰⵍ ⵓⵙⵉⵔ ⴼ ⵓⵏⵇⵇⵉⵙ ⵏ ⵜⵔⴰⴱⴱⵓⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴼ ⵜⵙⵇⵓⵏⵙⵓⵜⵉⵏ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ, ⵖ  ⵉⵍⵍⴰ ⵓⵣⵣⵔⴰⵢ ⵏ ⵓⵙⵓⵔⵙ ⵏ ⵏⵏⵙⵏⵜ ⴷ ⵜⵏⵓⴼⴰ ⵏⵏⵙⵏⵜ ⴷ ⵜⵎⵓⴽⵔⵉⵙⵉⵏ ⵍⵍⴰⵏⵉⵏ.

ⵍⵍⵉⵖ ⵉⵙⵓⵜⴳ ⵓⵙⵉⵔⴰ ⵜⵓⵎⴰⵢⵜ ⵏ ⵓⵏⵇⵇⵉⵙ ⴰⴷ ⴷ ⵜⵓⴳⴳⴰⵙ ⵏ ⵉⴳⵎⴰⵎⵏ ⵏ ⵜⵔⴰⴱⴱⵓⵜ ⴷ ⵓⵏⵢⴰⵍⴽⴰⵎ ⵏ ⵜⵎⴰⵡⵙⴰⵙⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵢⵏ ⵏ ⵜⵎⵉⵣⴰⵔ ⵏ ⴱⵕⵕⴰ ⴷ ⴽⵓ ⵜⵉⵙⵇⵓⵏⵙⵓⵜⵉⵏ ⵍⵍⵉ ⴷ ⴽⴽⴰⵏ, ⵉⴼⴼⵖ ⴰⴷ ⵢⵉⵍⵉ ⵓⵙⵖⵉⵡⵙ ⵏⵏⵙ ⵖ ⵜⵖⵉⵎⵉⵜ ⵜⴰⵎⴰⵜⴰⵢⵜ ⵏ ⵓⵙⵉⵏⴰⵙ 2 ⴱⵕⴰⵢⵕ 2021.

ⵉⵙⴷⴷⵉⴷ ⵓⵙⵉⵔⴰ ⴼ ⵡⴰⵜⵉⴳ ⵏ ⵓⵏⵇⵇⵉⵙ ⵍⵍⵉ ⵜⵙⴽⵔ ⵜⵙⵇⵇⵉⵎⵜ ⵏ ⵜⵣⵔⴼⵜ ⴷ ⵓⵣⵣⵔⴰⴼ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⴼ ⵓⵙⵓⵔⵙ ⵏ ⴽⵔⴰ ⵏ ⵉⵖⵣⵓⵜⵏ ⵖ ⵜⴳⵍⴷⵉⵜ (ⵡⵉⵏ ⵄⵉⵏ ⵙⵙⴱⵄ, ⵜⵓⵍⴰⵍ 1 ⵖ ⵎⴽⵏⴰⵙ ⴷ ⵎⵓⵍ ⵍⴱⵔⴳⵉ ⵖ ⵓⵙⴼⵉ), ⵉⵙⵓⵜⴳ ⵜⵓⴳⴳⴰⵙ ⵏ ⵉⴳⵎⴰⵎⵏ ⵏ ⵜⵙⵎⵉⴳⵍⵜ ⴷ ⵓⵙⵡⵉⵔ ⵏ ⵓⵎⵢⴰⵡⴰⵙ ⵉⵕⵡⴰⵏ ⵏ ⵜⵙⵏⵓⵔⴰⵢⵜ ⵜⴰⵎⴰⵜⴰⵢⵜ ⵏ ⵜⵎⵙⵙⵓⴳⵓⵔⵜ ⵏ ⵉⵖⵣⵓⵜⵏ ⴷ ⵓⵖⵓⵍ ⵏ ⵓⵙⵉⴷⴼ ⴷ ⵜⵎⴰⵡⴰⵙⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵣⴷⴰⵢⵉⵏ ⴷ ⵓⴱⵕⵍⴰⵎⴰⵏ ⴷ ⵜⵎⴰⵡⴰⵙⵜ ⵏ ⵜⵣⵔⴼⵜ ⴷ ⵜⵎⴰⵡⴰⵙⵜ ⵏ ⵜⵙⴱⴷⴰⴷⵉⵏ ⴷ ⵜⵖⴰⵡⵙⵉⵡⵉⵏ ⵏ ⵏ ⵍⵉⵙⵍⴰⵎ.

ⵉⴼⴼⵖ ⵓⵙⵉⵔⴰ ⴰⴷ ⵢⵉⵍⵉ ⵓⵎⴹⴰⴽⴰⵕ ⵏⵏⵙ ⵖ ⴱⵕⴰⵢⵔ ⴷ ⵢⵓⵛⴽⴰⵏ.