ⵉⵎⵎⴰⵇⵇⴰⵔ ⵓⴽⴰⴱⴰⵕ ⵏ ⵍⵎⵖⵔⵉⴱ ⴷ ⵉⵎⵙⴽⴰⵔⵏ ⵉⴷⵎⵙⴰⵏⵏ ⵉⵄⵉⵕⴰⵇⵉⵢⵏ ⴳ ⵓⴳⵔⴰⵡ 34 ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⵄⵕⴰⴱⵜ

ⴳ ⵓⵙⴰⵜⵉ ⵏ ⵓⴳⵔⴰⵡ ⵡⵉⵙ 34 ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⵄⵕⴰⴱⵜ ⵉⵍⵍⴰⵏ ⴳ ⵍⵄⵉⵕⴰⵇ ⵙⴳ 23 ⴰⵔ 26  ⴱⵕⴰⵢⴰⵕ, ⵉⵙⴽⵔ ⵓⴽⴰⴱⴰⵕ ⵏ ⵍⵎⵖⵔⵉⴱ ⵍⵍⵉ ⵉⵙⵙⵉⵅⴼ ⵎⴰⵙⵙ ⴰⵎⴰⵔⵉ ⵃⴰⵙⴰⵏ ⴱⵏ ⵄⵓⵎⴰⵕ ⴷ ⵉⵎⵓⵔ ⴰⴷ ⵉⵎⵛⵛⵉⵡⴰⵕ ⴷ ⵉⴳⵎⴰⵎⵏ ⴳ ⵓⵙⵇⵇⵉⵎ ⴰⴷⵎⵙⴰⵏ ⵖ ⵍⵄⵉⵕⴰⵇ ⵍⵍⵉ ⵉⵙⵙⵉⵅⴼ ⵎⴰⵙⵙ ⴱⵕⴰⵀⵉⵎ ⵍⴱⴰⵖⴷⴰⴷⵉ ⴷ ⵜⵉⵍⵉⵜ ⵏ ⵉⵎⵓⵔⴰ ⴷ ⵉⴷ ⴱⴰⴱ ⵏ ⵜⵡⵡⵓⵔⵉ ⴷ ⵓⵙⵙⴰⵔⵓ ⴳ ⵍⵄⵉⵕⴰⵇ.

ⵉⵍⵍⴰ ⵓⵎⴹⴰⴽⴰⵕ ⴼ ⵓⵎⵢⴰⵡⴰⵙ ⴷ ⵜⵎⴷⵔⴰⵡⵜ ⵜⴰⴷⵎⵙⴰⵏⵜ ⵊⴰⵔ ⵙⵏⴰⵜ ⵜⵎⵉⵣⴰⵔ ⴷ ⵓⵙⴷⵓⵙ ⵏ ⵜⴷⵓⴽⴽⵯⵍⴰ ⵊⴰⵔ ⵙⵉⵏ ⵉⵎⴰⴷⴰⵏⵏ ⴰⵎⵖⵔⵉⴱⵉ ⴷ ⵓⵄⵉⵕⴰⵇⵉ.

ⵉⵙⴰⵡⵍ ⵓⴽⴰⴱⴰⵕ ⵏ ⵍⵄⵉⵕⴰⵇ ⴼ ⵉⵙⵏⴼⵍⵏ ⵍⵍⴰⵏⵉⵏ ⴳ ⵜⵎⴰⵣⵉⵔⵜ ⵏⵏⵙ ⴳ ⵉⵍⵍⴰ ⵖⵉⵍⴰⴷ ⵓⵔⴳⴳⵉⴳ ⴰⵙⵔⵜⴰⵏ ⴷ ⵓⴷⵎⵙⴰⵏ, ⵜⵣⵣⵔⵉ ⵜⴰⴼⵔⴽⴰ ⵏ ⵉⵎⴰⵖⵏ ⴰⵢⵍⵍⵉⵖ ⵜⴳⴰ ⵖⵉⵍⴰⴷ ⴰⵎⵏⵉⴷ ⵏ ⵓⵙⵙⴰⵔⵓ ⴳ ⵎⴰⵕⵕⴰ ⵏ ⵉⴳⵔⴰⵏ.

ⵉⵙⴰⵡⵍ ⵓⴽⴰⴱⴰⵕ ⵓⵍⴰ ⴼ ⵜⵉⵔⴰⵜ ⵉⴳⴳⵓⵜⵏ ⵉ ⵓⵎⵢⴰⵡⴰⵙ ⴰⴷⵎⵙⴰⵏ ⴰⴽⴷ ⵜⴰⴳⵍⴷⵉⵜ ⵏ ⵍⵎⵖⵔⵉⴱ ⴷ ⵓⵙⴽⵔ ⵏ ⵓⵙⴰⵔ ⵏ ⵍⵄⵉⵔⴰⵇ ⴳ ⵍⵎⵖⵔⵉⴱ, ⵍⵍⵉⵖ ⵜⴻⵟⵟⴰⴼ ⵜⵎⴰⵣⵉⵔⵜ ⵏⵏⵖ ⵜⵉⵥⴹⴰⵕⵉⵏ ⵜⵉⴷⵎⵙⴰⵏⵉⵏ ⴷ ⵜⴳⴰⵎⵏⴰⵉⵏ ⵉ ⵓⵙⴽⵔ ⵏ ⵜⵣⴷⴰⵢⵉⵏ ⵜⵉⴷⵎⵙⴰⵏⵉⵏ ⴷ ⵜⵏⵙⴱⴰⴱⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ, ⵢⵉⵍⵉ ⵓⵍⴰ ⵚⴰⵃⴰ ⵙⴳ ⵓⴳⴰⴷⴰⵣ ⵏ ⵍⵎⵖⵔⵉⴱ ⵍⵍⵉⵖ ⵜⴳⴰ ⵜⴳⵍⴷⵉⵜ ⵏ ⵍⵎⵖⵔⵉⴱ ⵜⴰⵙⴳⴰ ⵜⴰⵙⵜⵔⴰⵜⵉⵊⵉⵜ ⵉⵍⵍⴰⵏ ⵜⴰⵎⴰ ⵏ ⵜⴰⵎⵓⵏⵜ ⵏ ⵓⵕⵓⴱⴱⴰ ⴷ ⵉⴼⵔⵉⵇⵢⴰ.

ⵉⵙⵏⵉⵎⵎⵔ ⵓⴽⴰⴱⴰⵕ ⵏ ⵍⵄⵉⵕⴰⵇ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⴰⵎⴷ ⵡⵉⵙ ⵚⴹⵉⵚ ⴷⴼⴼⵉⵔ ⵏ ⵓⵕⵥⵥⵓⵎ ⵏ ⵜⵎⵙⵇⵇⴰⴷⵜ ⵏ ⵍⵎⵖⵔⵉⴱ ⴳ ⵍⵄⵉⵕⴰⵇ ⴳ 28 ⵉⵏⵏⴰⵢⵔ 2023 ⵍⵍⵉ ⵔⴰⴷ ⵢⴰⵡⵙ ⴳ ⵓⵙⴷⵓⵙ ⵏ ⵜⵣⴷⴰⵢⵉⵏ ⵊⴰⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵍⵄⵉⵕⴰⵇ.

ⵉⵙⵏⵉⵎⵎⵔ ⵓⴽⴰⴱⴰⵕ ⵏ ⵍⵎⵖⵔⵉⴱ ⴰⴽⴰⴱⴰⵕ ⵏ ⵍⵄⵉⵕⴰⵇ ⴼ ⵓⵙⵏⵓⴱⴳ ⵏⵏⵙ, ⵉⵙⵓⵜⴳ ⵜⵉⵣⴷⴰⵢⵉⵏ ⵊⴰⵔ ⵍⵄⵉⵕⴰⵇ ⴷ ⵍⵎⵖⵔⵉⴱ ⴷ ⵡⴰⴷⴷⴰⴷ ⵏ ⵍⵄⵉⵕⴰⵇ ⵎⵏⵉⴷ ⵏ ⵜⵎⵙⴰⵔⵜ ⵏ ⵚⵚⵃⵕⴰ ⵜⴰⵎⵖⵔⵉⴱⵉⵜ ⵍⵍⵉ ⵉⴱⴷⵔ ⵎⴰⵙⵙ ⴰⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⵏ ⵍⵄⵉⵕⴰⵇ ⴳ ⵓⵔⵣⴰⴼ ⴰⵎⴰⴷⴷⵓⴷ ⵍⵍⵉ ⵉⵙⴽⵔ ⵎⴰⵙⵙ ⵏⴰⵚⵕ ⴱⵓⵕⵉⵟⴰ ⴰⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵢⵏ ⵏ ⴱⵕⵕⴰ ⴳ ⵉⵏⵏⴰⵢⵔ 2023.

ⵉⵙⵓⵜⴳ ⵓⴽⴰⴱⴰⵕ ⵏ ⵍⵎⵖⵔⵉⴱ ⵜⴰⵣⵣⵉⴳⵣⵜ ⵏ ⵍⵄⵉⵕⴰⵇ ⴷ ⵜⵥⴹⴰⵕⵉⵏ ⵏⵏⵙ ⵍⵍⵉ ⵔⴰⴷ ⵢⴰⵡⵙ ⴳ ⵓⵚⴽⵓ ⵏ ⵜⵣⴷⴰⵢⵉⵏ ⵜⵉⴷⵎⵙⴰⵏⵉⵏ ⴷ ⵜⵏⵙⴱⴰⴱⵉⵏ ⴳ ⵎⴰⵕⵕⴰ ⵏ ⵉⴳⵔⴰⵏ ⴷ ⵓⵙⵡⵓⵔⵉ ⵉⵛⵛⴰⵔⵏ ⴳ ⵓⵙⴰⵜⵉⵏ ⵏⵏⵙ ⴰⵄⵕⴰⴱ ⴷ ⵓⵙⵍⵉⵎ ⴷ ⵓⴳⵔⴰⵖⵍⴰⵏ, ⴰⵢⵍⵍⵉ ⵔⴰⴷ ⵢⴰⵡⵙ ⴳ ⵜⵣⵣⵉⴳⵣⵜ  ⵏ ⵜⵣⴷⴰⵢⵉⵏ ⵊⴰⵔ ⵜⵉⵎⵉⵣⴰⵔ ⴷ ⵉⵎⴰⴷⴰⵏⵏ ⴰⵢⵜⵎⴰⵜⵏ.

ⵉⵖⵔ ⵓⴽⴰⴱⴰⵕ ⴰⵎⵖⵔⵉⴱⵉ ⵉ ⵓⵔⵣⵣⵓ ⵏ ⵉⴱⵔⵉⴷⵏ ⵍⵍⵉ ⵔⴰⴷ ⵢⴰⵡⵙ ⴳ ⵓⵙⵎⵖⵔ ⵏ ⵓⵎⵢⴰⵡⴰⵙ ⴳ ⵎⴰⵕⵕⴰ ⵏ ⵉⴳⵔⴰⵏ ⵉ ⵚⴰⵃⴰ ⵏ ⵙⵏⴰⵜ ⵜⵎⵉⵣⴰⵔ.

ⴳ ⵜⴳⵉⵔⴰ, ⵉⵍⵍⴰ ⵓⵎⵙⴰⵙⴰ ⴼ ⵓⵙⵓⵊⴷ ⵏ ⵜⵙⵜⵔⴰⵜⵉⵊⵉⵜ ⵉⵛⵛⴰⵔⵏ ⵏ ⵓⵎⵢⴰⵡⴰⵙ ⴳ ⵉⴳⵔⴰⵏ ⵏ ⵜⴷⵎⵙⴰ ⴷ ⵓⵙⵖⵏⵣⵉⴷ ⵡⴰⵎⵓⵏ ⴷ ⵜⴷⵍⵙⴰ ⴷ ⵓⵙⵏⴼⵍ ⵏ ⵜⵎⵓⵣⴰⵢⵉⵏ.