ⴰⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ: ⵜⴰⵡⴰⵍⴰ ⵜⴰⵣⵣⵔⴰⴼⵜ ⵜⵉⵙ 11, 2021-2026:
ⵉⴷⵔⵓ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴳ ⵜⵙⵓⵜⵍⵜ ⵜⵉⵙ 34 ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⵄⵕⴰⴱⵜ ⴳ ⴱⴰⵖⴷⴰⴷ
ⵉⴷⵔⵓ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴳ ⵜⵙⵓⵜⵍⵜ ⵜⵉⵙ 34 ⵏ ⵓⴳⵔⴰⵡ ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⵄⵔⴰⴱⵜ ⴷⴷⵓ ⵜⵎⴰⵜⴰⵔⵜ: ⴰⵙⵏⴰⵍ ⴰⵄⵕⴰⴱ ⵉ ⵓⵙⴷⵓⵙ ⵏ ⵓⵔⴳⴳⵉⴳ ⵏ ⵍⵄⵉⵕⴰⵇ ⴷ ⵜⵅⵅⵓⵜⵔⴰ ⵏⵏⵙ, ⵉⵡⴰⵜⵜⵙ ⵜⴰⵣⵣⵉⴳⵣⵜ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⴰⵄⵔⴰⴱ ⴷ ⵜⵡⵉⵙⵉ ⵜⴰⵄⵕⴰⴱⵜ ⴳ 23 ⴰⵔ 26 ⴱⵕⴰⵢⵕ.
ⵉⵙⵙⵉⵅⴼ ⴰⴽⴰⴱⴰⵕ ⴰⴷ ⵎⴰⵙⵙ ⵃⴰⵙⴰⵏ ⴱⵏ ⵄⵓⵎⴰⵕ ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵉⵍⵉⵏ ⴳⵉⵙ ⵉⴷ ⵎⴰⵙⵙ ⵉⵎⵓⵔⴰ ⴷ ⵉⵎⵛⵛⵉⵡⴰⵕ: ⵎⵉⵍⵓⴷ ⵎⵄⵚⵉⴷ, ⴼⴰⵟⵉⵎⴰ ⵅⴰⵢⵔ, ⵍⴰⵃⵙⵏ ⵙⵙⵄⴷⵉ, ⵄⴰⴱⴷⵕⵕⴰⵃⵉⵎ ⵡⴰⵄⵎⵔ, ⵄⴰⴱⴷⵔⵔⴰⵣⵣⴰⵇ ⴰⵃⵍⵓⵛ, ⴼⴰⵢⵚⴰⵍ ⵣⵣⵕⵀⵓⵏⵉ, ⵛⵛⵉⵅ ⴰⵃⵎⴷⵓ ⵉⴷⴱⴷⴰ, ⴼⴰⵜⵉⵃⴰ ⵅⵓⵔⵜⴰⵍ ⵙⴳ ⵜⴰⵢⵢⴰⵡⵜ ⵜⴰⴱⵕⵍⴰⵎⴰⵏⵉⵜ ⵜⴰⵏⴰⵎⵓⵔⵜ ⴳ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⵄⵕⴰⴱⵜ.
ⵉⴷⵔⵓ ⴳ ⵜⵙⵓⵜⵍⵜ ⴰⴷ 18 ⵏ ⵓⵡⴰⵏⴽ ⴰⵄⵕⴰⴱ ⴳⵉⵙ 14 ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⴷ 4 ⵉⵎⵓⵔⴰ ⵏ ⵓⵏⵙⵙⵉⵅⴼ, ⴷ ⵜⵎⵔⵙⴰⵍ ⵜⵉⴱⵕⵍⴰⵎⴰⵏⵉⵢⵉⵏ ⴳⴰⵏⵉⵏ ⵜⴰⵏⴷⴰⴼⵉⵏ ⴳ ⵜⴰⵎⵓⵏⵜ ⵜⵉⵍⵉ ⴳⵉⵙⵏⵜ ⵜⴰⵎⵓⵏⵜ ⵜⴰⴱⵕⵍⴰⵎⵏⵉⵜ ⵜⴰⴳⴻⴰⵖⵍⴰⵏⵜ.
ⵉⵍⵍⴰ ⴳ ⵓⵖⴰⵡⴰⵙ ⵏ ⵜⵙⵓⵜⵍⵜ ⵜⵉⵡⵡⵓⵔⵉⵡⵉⵏ ⵏ ⵓⴳⵔⴰⵡ ⴷ ⵜⵙⵎⵓⵏⴰⵢ ⵏ ⵜⵙⵇⵇⵉⵎⵉⵏ ⵜⵉⵙⵓⵍⴰⵏⵉⵏ: ⵜⴰⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⵜⵙⵔⵜⵉⵜ ⴷ ⵜⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ, ⵜⴰⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵜⵉⵥⵕⴼⴰⵏⵉⵏ ⴷ ⵜⴷⵎⵙⴰⵏⵉⵏ, ⵜⴰⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⵜⵎⵖⴰⵔⵜ ⴷ ⵜⵎⵥⵉ, ⵖⵎⴽ ⴰⵏⵏ ⴷ ⵉⵏⵇⵇⵉⵙⵏ ⵏ ⵜⵙⵓⵜⵍⵉⵏ ⵣⵔⵉⵏⵉⵏ ⴷ ⵜⵉⵍⴰⵍ ⵏ ⵜⵏⴼⵍⵓⵙⵜ ⵜⴰⵎⴰⵜⴰⵢⵜ ⵏ ⵜⴰⵎⵓⵏⵜ ⵙⴳ ⵓⴳⵔⴰⵡ ⵡⵉⵙ 32.
ⵔⴰⴷ ⵜⴳ ⵜⴰⴷⵔⴰⵡⵜ ⵏ ⵍⵎⵖⵔⵉⴱ ⴳ ⵓⵎⵓⵙⵙⴰ ⴰⴷ ⴰⴱⵕⵍⴰⵎⴰⵏⵉ ⵜⴰⵎⵍⴷⴰ ⵉ ⵓⵙⵏⴼⵍ ⵏ ⵜⵎⵓⵣⴰⵢⵉⵏ ⴷ ⵓⵙⴽⵔ ⵏ ⵉⵏⵎⵓⵇⵇⴰⵔⵏ ⵉⵙⵉⵏⵔⴰⵏⵏ ⴰⵢⵍⵍⵉ ⵉⵎⵎⴰⵍⴰⵏ ⴰⵙⵡⵉⵔ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵉⵙⵡⵉⵔⵏ ⴰⵏⵎⵏⴰⴷ ⴷ ⵓⴳⵔⴰⵖⵍⴰⵏ.
ⵜⴳⴰ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⵄⵕⴰⴱⵜ ⵜⴰⵎⴰⴷⴷⴰⵙⵜ ⵉⵜⵜⵓⵙⴽⴰⵔⵏ ⴳ 1974, ⴳⵉⵙ 22 ⵏ ⵜⴰⵢⵢⴰⵡⵜ ⵙⴳ ⵉⴱⵕⵍⴰⵎⴰⵏⵏ ⴰⵄⵕⴰⴱⵏ, ⵜⵡⴰⵜⵜⵙ ⴰⵙⴷⵓⵙ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⴷ ⵜⵡⵉⵣⵉ ⵊⴰⵔ ⵉⴱⵕⵍⴰⵎⴰⵏⵏ ⴰⵄⵕⴰⴱⵏ, ⵙ ⵎⴰⴷ ⵉⵙⴽⴰⵔ ⵏⵉⵏⴰⵔⵓⵣⵏ ⵏ ⵉⵏⵎⵓⵔⴰⵏ ⵏⵏⵙ ⴷ ⵓⵣⴷⴰⵢ ⵉⵛⵛⴰⵔⵏ ⵉ ⵙⵓⴱⴷⴷⵉ ⵏ ⵜⵏⴰⵥⴰⵕⵉⵏ, ⴷ ⵓⵣⴷⴰⵢ ⴳ ⵜⵎⵙⴰⵔⵉⵏ ⵍⵍⴰⵏⵉⵏ ⴷⴰⵜ ⵏ ⵉⵡⴰⵏⴽⵏ ⵏ ⵜⵙⴳⴰ ⵜⴰⵄⵕⴰⴱⵜ ⴳ ⵉⵏⵎⵓⵇⵇⴰⵔⵏ ⵉⴱⵕⵍⴰⵎⴰⵏⵉⵢⵉⵏ ⵉⵙⴳⴰⵡⴰⵏⵏ ⴷ ⵉⴳⵔⴰⵖⵍⴰⵏⵏ ⴷ ⵜⵎⴰⴷⴷⴰⵙⵉⵏ ⵍⵍⵉⵖ ⵜⴷⵔⵓ ⵜⴰⵎⵓⵏⵜ.