ⴰⵙⵇⵇⵉⵎ ⵏ ⵉⵎⵓⵔⴰ ⵉⵎⵙⴰⵙⴰ ⵙ ⵓⵎⴰⴽⵕⴰⴹ ⴼ ⵓⵙⵏⴼⴰⵔ ⵏ ⵓⵙⵍⴳⵏ ⵓⵟⵟⵓⵏ 32.20 ⴼ ⵓⵎⵓⴽⵏ ⵏ ⵓⵕⵟⵟⴰⵍ ⴰⵎⴷⵏⴰⵏ ⵏ ⵍⵎⵖⵔⵉⴱ

ⵉⵎⵙⴰⵙ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵙ ⵏ ⵡⴰⵢⵏⴰⵙ 2 ⵏⵓⵡⴰⵏⴱⵉⵔ, ⵙ ⵓⵎⴰⴽⵕⴰⴹ ⴼ ⵓⵙⵏⴼⴰⵔ ⵏ ⵓⵙⵍⴳⵏ ⵓⵟⵟⵓⵏ 32.20 ⵉ ⵓⵙⵏⴼⵍ ⴷ ⵓⵙⵎⴰⴷ ⵏ ⵓⵙⵍⴳⵏ ⵓⵟⵟⵓⵏ 12.96 ⴼ ⵓⵎⵓⴽⵏ ⵏ ⵓⵕⵟⵟⴰⵍ ⴰⵎⴷⵏⴰⵏ ⵏ ⵍⵎⵖⵔⵉⴱ, ⵖ ⵜⵖⵉⵎⵉⵜ ⵜⴰⵣⵣⵔⴰⴼⵜ ⵍⵍⵉ ⵉⵙⵙⵉⵅⴼ ⵎⴰⵙⵙ ⵍⴰⵃⴱⵉⴱ ⵍⵎⵍⴰⴽⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⵓ ⴷ ⵜⵉⵍⵉⵜ ⵏ ⵎⴰⵙⵙ ⵎⵓⵃⴰⵎⵎⴰⴷ ⴱⵏⵛⵄⴱⵓⵏ ⴰⵎⴰⵡⵙⴰⵙ ⵏ ⵜⴷⵎⵙⴰ ⴷ ⵓⵥⵕⴼ ⴷ ⵓⵎⵓⴽⵏ ⵏ ⵜⵎⵙⵙⵓⴳⵓⵔⵜ.

ⵖ ⵜⵏⴽⴷⴰ ⵏ ⵓⵙⵏⴼⴰⵔ, ⵉⵙⵎⵏⵉⴷ ⵎⴰⵙⵙ ⴰⵎⴰⵡⵙⴰⵙ ⵜⵓⵎⴰⵢⵜ ⵏ ⵓⵙⵏⴼⴰⵔ ⵏ ⵓⵙⵍⴳⵏ ⵓⵟⵟⵓⵏ 32.20 ⵉⵙⵓⵜⴳ “ⴰⵎⴹⴰⴽⴰⵕ ⵉⵕⵡⴰⵏ ⵉⵍⵍⴰⵏ ⵖ ⵜⵙⵇⵇⵉⵎⵜ ⵏ ⵜⴷⵔⵉⵎⵜ ⴼ ⵜⴳⵎⵉ ⵜⴰⴷⵎⵙⴰⵏⵜ  ⵖ ⵓⵙⵇⵇⵉⵎ ⵏ ⵉⵎⵓⵔⴰ”, ⴰⵎⴹⴰⴽⴰⵕ ⵉⴱⴷⴷⵏ ⴼ ⵓⵏⴱⴰⴹ, ⴰⵙⴷⵓⵙ ⵏ ⵉⴷⵔⵉⵎⵏ ⵉⵏⵉⵎⴰⵏⵏ, ⴰⵙⵎⴰⵇⵇⵍ ⴰⵙⵜⵔⴰⵜⵉⵊⵉ ⵏ ⵜⵔⴰⴱⴱⵓⵜ ⵏ ⵓⵕⵟⵟⴰⵍ ⴰⵎⴷⵏⴰⵏ, ⴰⵜⵉⴳ ⵏ ⵓⵙⵍⴳⵏ ⵓⵟⵟⵓⵏ 12.96 ⵉⵍⵍⴰⵏ ⴼ ⵍⴰⴱⵏⴰⴽ ⴳⴰⵏⵉⵏ ⵡⵉⵏ ⵜⵡⵉⵙⵉ, ⵜⵉⵍⴰⵍⵜ ⵏ ⵜⵎⵔⵙⴰⵍ ⵏ ⵓⵙⴼⵍⵙ ⵖ ⵓⵙⵙⵥⵕⴼ ⵏ ⵜⴷⵎⵙⴰ ⵜⴰⵏⴰⵎⵓⵔⵜ, ⴰⵎⵃⵉⵣⵡⴰⵔ ⵏⴳⵔ ⵍⴰⴱⵏⴰⴽ.

ⵉⵡⴰⵜⵜⵙ ⵓⵙⵏⴼⴰⵔ ⴰⴷ ⴰⵎⵙⴰⵙⴰ ⵏ ⵓⵙⵍⴳⵏ ⵉⵥⵍⵉⵏ ⵙ ⵓⵕⵟⵟⴰⵍ ⴰⵎⴷⵏⴰⵏ ⵏ ⵍⵎⵖⵔⵉⴱ ⴷ ⵓⵙⵍⴳⵏ ⵓⵟⵟⵓⵏ 103.12 ⵏ ⵜⵎⵔⵙⴰⵍ ⵏ ⵓⵙⴼⵍⵙ ⴷ ⵉⵏⴳⵎⴰⵎⵏ ⵜⵏⵜ ⵉⵔⵡⴰⵙⵏ ⵙ ⵓⵙⵖⵓⴷⵓ ⵏ ⵓⵏⴱⴰⴹ ⵏ ⵜⵙⵇⵇⵉⵎⵜ ⵜⴰⵏⵎⵀⴰⵍⵜ.

ⵉⵡⴰⵜⵜⵙ ⵓⵍⴰ ⴰⵙⴷⵓⵙ ⵏ ⵓⴼⵔⵉⵙ ⵏ ⵜⵡⵉⵙⵉ ⵏ ⵓⵕⵟⵟⴰⵍ ⴰⵎⴷⵏⴰⵏ ⵖ ⵜⵎⵏⴰⴹⵉⵏ ⴷ ⵓⵙⵎⵖⵔ ⵏ ⵜⵉⵍⴰⵍⵜ ⵏ ⵍⴰⴱⵏⴰⴽ ⵖ ⵉⵙⵡⵉⵔⵏ ⴰⴷⵖⴰⵔⴰⵏ ⴷ ⵓⵏⵎⵏⴰⴹ ⵍⵍⵉ ⵉⵟⵟⴰⴼⵏ ⵜⵓⴳⵜ ⵏ ⵡⴰⵢⴷⴰ ⵏ ⵍⴰⴱⵏⴰⴽ ⵉⵎⴷⵏⴰⵏⵏ ⵉⵏⵎⵏⴰⴹⵏ, ⵃⵎⴰ ⴰⴷ ⵢⵉⵍⵉ ⵓⴹⴼⵕ ⵏⵏⵙⵏ ⵉⵡⵙⵏ ⵖ ⵜⴳⵎⵉ ⵜⴰⴷⵎⵙⴰⵏⵜ ⴷ ⵜⵏⴰⵎⵓⵏⵜ ⵖ ⵜⵎⵏⴰⴹⵉⵏ.

ⵉⵡⴰⵜⵜⵙ ⵓⴹⵕⵉⵚ ⴰⴷ ⵓⵍⴰ ⴰⵙⴷⵓⵙ ⵏ ⵉⴷⵔⵉⵎⵏ ⵉⵏⵉⵎⴰⵏⵏ, ⵍⵍⵉⵖ ⴷ ⵢⵉⵡⵉ ⴰⵙⵉⵣⴷⵔ ⵏ ⵜⵙⵖⵍⵜ ⵏ ⵍⴰⴱⵏⴰⴽ ⵉⵎⴷⵏⴰⵏⵏ ⵉⵏⵎⵏⴰⴹⵏ ⵍⵍⵉ ⴷ ⵢⵓⴽⵉⵏ ⵙⴳ 51% ⴰⵔ 34% ⵖ ⵡⴰⵢⴷⴰ ⵏ ⵍⴱⴰⵏⴽ ⴰⵎⴷⵏⴰⵏ ⴰⵏⴰⵎⵎⴰⵙ, “ⴰⵢⵍⵍⵉ ⵔⴰⴷ ⵉⵙⵎⵖⵔ ⵜⴰⵔⵙⵍⵜ ⵜⴰⵥⵕⴼⴰⵏⵜ ⵏ ⵡⴰ ⴷ, ⵙ ⵜⵣⵣⵉⴳⵣⵜ ⵏ ⵍⴰⴱⵏⴰⴽ ⵉⵎⴷⵏⴰⵏⵏ ⵉⵏⵎⵏⴰⴹⵏ ⵖ ⵜⵡⵉⵙⵉ ⵏⵏⵙⵏ ⵖ ⵡⴰⵢⴷⴰ ⵏ ⵍⴱⴰⵏⴽ ⴰⵎⴷⵏⴰⵏ ⴰⵏⴰⵎⵎⴰⵙ”.

ⵜⵙⵏⴼⵍ ⵓⵍⴰ ⵜⴰⵏⵏⴰⵢⵜ ⵜⴰⵙⵜⵔⴰⵜⵉⵊⵉⵜ ⵏ ⵜⵔⴰⴱⴱⵓⵜ ⵏ ⵓⵕⵟⵟⴰⵍ ⴰⵎⴷⵏⴰⵏ ⵍⵍⵉⵖ ⵉⴳⴰ ⵢⵉⴳⵔ ⴰⴱⴰⵏⴽⵉ ⴰⵙⴰⴳⵎ ⵏ ⵓⵙⵙⵥⵕⴼ ⵏ ⵉⵎⵙⴽⴰⵔⵏ ⵉⴷⵎⵙⴰⵏⵏ ⵖ ⵓⵙⵓⵊⴷ ⵏ ⵉⵙⵓⴳⴰⵎ ⵉⵏⵉⵎⴰⵏⵏ, ⵖ ⵜⵉⵍⴰⵍⴰⵜ ⵏⵏⵙ ⴷ ⵍⵍⵉⵖ ⵜⵍⵍⴰ ⵖ 30 ⵏ ⵜⵎⴰⵣⵉⵔⵜ, ⵜⵎⵓⵏ ⵜⵣⵣⵉⴳⵣⵜ ⴰⴷ ⴷ ⵜⵓⵜⵔⴰⵡⵉⵏ ⵜⵉⵎⴰⴷⴷⴰⵙⵉⵏ ⵖ ⵍⵎⵖⵔⵉⴱ ⴷ ⵜⵎⵉⵣⴰⵔ ⵢⴰⴹⵏ.

ⵉⵙⵎⵓⵏ ⵓⵕⵟⵟⴰⵍ ⴰⵎⴷⵏⴰⵏ ⴽⵕⴰⴹ ⵉⵏⴳⵎⴰⵎⵏ: ⵍⴱⴰⵏⴽ ⴰⵏⴰⵎⵎⴰⵙ ⴰⵎⴷⵏⴰⵏ ⵍⵍⵉ ⵉⴳⴰⵏ ⴰⵛⴰⵎⵓⵛ ⵏ ⵜⵔⴰⴱⴱⵓⵜ, ⵍⴰⴱⵏⴰⴽ ⵉⵎⴷⵏⴰⵏⵏ ⵉⵏⵎⵏⴰⴹⵏ ⴳⴰⵏⵉⵏ ⵜⵉⵎⵙⵙⵓⵔⵉⵏ ⵏ ⵜⵡⵉⵙⵉ ⵙ ⵡⴰⵢⴷⴰ ⵓⵔ ⵉⴱⴷⴷⵏ ⴼ ⵉⵍⵍⴰ ⵓⵙⵇⵇⵉⵎ ⵏ ⵜⵉⴹⴰⴼ, ⴷ ⵜⵙⵇⵉⵎⵎⵜ ⵜⴰⵏⵎⵀⴰⵍⵜ ⵏ ⵓⵕⵟⵟⴰⵍ ⴰⵎⴷⵏⴰⵏ ⵏ ⵍⵎⵖⵔⵉⴱ.