ⵉⴷⵔⵓ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⵙⵓⵜⵍⵜ ⵜⴰⵙⴳⴳⵯⵙⴰⵏⵜ ⵜⵉⵙ 29 ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⵎⴰⴷⴷⴰⵙⵜ ⵏ ⵜⵏⴼⵔⵓⵜ ⴷ ⵓⵎⵢⴰⵡⴰⵙ ⴳ ⵓⵕⵓⴱⴱⴰ
ⵜⴷⵔⵓ ⵜⴰⵢⵢⴰⵡⵜ ⵜⴰⵏⴰⵎⵓⵔⵜ ⵜⴰⴱⵕⵍⴰⵎⴰⵏⵉⵜ ⵜⴰⵎⵖⵔⵉⴱⵉⵜ ⴳ ⵜⵙⵓⵜⵍⵜ ⵜⴰⵙⴳⴳⵯⵙⴰⵏⵜ ⵜⵉⵙ 29 ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⵎⴰⴷⴷⴰⵙⵜ ⵏ ⵜⵏⴼⵔⵓⵜ ⴳ ⵓⵕⵓⴱⴱⴰ ⵉⵍⵍⴰⵏ ⴳ ⴱⵉⵔⵎⵉⵏⴳⵀⴰⵎ ⴳ ⴱⵕⵉⵟⴰⵏⵢⴰ ⴳ 2 ⴰⵔ 6 ⵢⵓⵍⵢⵓⵣ 2022
ⵉⴳⵯⵏⵙⴻⵙ ⴰⴽⴰⴱⴰⵕ ⴰⵎⵖⵔⵉⴱⵉ ⵙⴳ ⵓⵙⵇⵇⵉⵎ ⵏ ⵉⵎⵓⵔⴰ ⵉⴳⴰⵏ ⴰⵎⴷⵔⴰⵡ ⵉ ⵓⵎⵢⴰⵡⴰⵙ ⴳ ⵜⵎⴰⴷⴷⴰⵙⵜ ⴰⴷ ⵎⴰⵙⵙ ⴰⵎⴰⵔⵉ ⵎⵕⵡⴰⵏ ⵛⴱⴰⵄⵜⵓ ⴰⴳⵎⴰⵎⴰ ⵏ ⵜⴰⵢⵢⴰⵡⵜ ⵜⴰⵏⴰⵎⵓⵔⵜ ⵙⴳ ⵜⵔⴰⴱⴱⵓⵜ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ.
ⵖ ⵓⵖⴰⵡⴰⵙ ⵏ ⵜⵙⵓⵜⵍⵜ ⴰⵙⵎⵏⵉⴷ ⴷ ⵓⵎⴹⴰⴽⴰⵕ ⵏ ⵉⵏⵇⵇⵉⵙⵏ ⵏ ⵜⵙⵇⵇⵉⵎⵉⵏ ⵜⵉⵎⴰⵜⴰⵢⵉⵏ ⵏ ⵜⵎⵙⵎⵓⵏⵜ ⴷ ⵉⵙⵏⴼⴰⵔⵏ ⵏ ⵉⵙⵖⵍⴰⴼⵏ, ⵜⵉⵙⵇⵇⵉⵎⵉⵏ ⵏ ⵜⴷⵉⵎⵓⵇⵔⴰⵟⵉⵜ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵎⵙⴰⵔⵉⵏ ⵜⵉⵏⴼⴳⴰⵏⵉⵏ, ⵜⵉⵖⴰⵡⵙⵉⵡⵉⵏ ⵜⵉⴷⵎⵙⴰⵏⵉⵏ ⴷ ⵜⵎⴰⵙⵙⴰⵏⵉⵏ ⴷ ⵜⴻⵜⵉⴽⵏⵓⵍⵓⵊⵉⵜ ⴷ ⵡⴰⵡⵏⴰⴹ, ⵜⵉⵖⴰⵡⵙⵉⵡⵉⵏ ⵜⵉⵙⵔⵜⴰⵏⵉⵏ.
ⵉⵍⵍⴰ ⵓⵙⴽⵔ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⵎⴰⴷⴷⴰⵙⵜ ⵏ ⵜⵏⴼⵔⵓⵜ ⴷ ⵓⵎⵢⴰⵡⴰⵙ ⴳ ⵓⵕⵓⴱⴱⴰ ⴳ ⵓⵎⵏⴰⴹ ⴳ ⵍⵍⴰⵏⵜ ⵜⵏⴰⵥⴰⵕⵉⵏ ⴳⴳⵓⵜⵏⵉⵏ ⴳ ⵜⵍⵍⴰ ⵜⴰⵎⴰⵖⴰⵜ ⵊⴰⵔ ⵓⴽⵕⴰⵏⵢⴰ ⴷ ⵔⵓⵙⵢⴰ. ⵢⵉⵍⵉ ⵓⵎⴹⴰⴽⴰⵕ ⵏ ⵉⵙⵔⵉⵣⵏ ⵏ ⵜⵎⴰⵖⵜ ⴰⴷ ⴳⴰⵏⵉⵏ ⵉⵙⵔⵜⴰⵏⵏ ⴷ ⵡⵉⵏ ⵜⵏⴼⵔⵓⵜ ⴷ ⵉⵏⴼⴳⴰⵏⵏ, ⵖⵎⴽ ⴰⵏⵏ ⴷ ⵓⵙⵓⵔⵙ ⵉⵣⴷⵉⵏ ⵉⴷⵔⵉⵣⵏ ⵏ ⵓⴱⴰⵢⵢⵓⵕ ⵏ ⴽⵓⴼⵉⴷ 19, ⴰⵣⵡⴰⴳ ⴷ ⵡⴰⵡⵏⴰⴹ, ⴰⵣⵣⵔⴰⵢ ⵏ ⵓⵙⵓⵔⵙ ⴰⵏⴼⴳⴰⵏ ⴳ ⴰⴼⵖⴰⵏⵉⵙⵜⴰⵏ ⴷ ⵜⵏⴳⴰⴷⴷⴰⵢⵜ ⵊⴰⵔ ⴰⵡⵜⵎ ⴷ ⵜⴰⵡⵜⵎⵜ, ⴰⴼⵔⴰⴳ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵉⵣⵉ ⵏ ⵜⴰⵙⵙⴰⵙⵉⵏ ⴷ ⵜⵍⴻⵍⵍⵉ ⵏ ⵜⵏⵖⵎⴰⵙⵜ.
ⴳ ⵉⵏⵎⵓⵇⵇⴰⵔⵏ ⵉⵙⵉⵏⵔⴰⵏⵏ, ⵉⵙⴽⵔ ⵓⴽⴰⴱⴰⵕ ⴰⵎⵖⵔⵉⴱⵉ ⵉⵏⵎⵓⵇⵇⴰⵔ ⵖ ⵉⵙⵉⵙⴼⵉⵡ ⵜⵉⵎⴰⵢⵏⵓⵜⵉⵏ ⴼ ⵓⵣⵡⴰⴳ ⴷ ⵜⵏⴼⵔⵓⵜ ⴳ ⵜⵙⴳⴰ ⵏ ⵢⵉⵍ ⵓⵎⵍⵉⵍ ⴰⵏⴰⵎⵎⴰⵙ, ⴷ ⵜⵉⵍⴰⵍⴰⵜ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴳ ⵓⵙⴷⵓⵙ ⵏ ⵓⴼⵔⴰ ⴷ ⵓⵔⴳⴳⵉⴳ ⴳ ⵜⵙⴳⴰ, ⵔⴰⴷ ⵉⵍⵉⵏⵏⵜ ⵜⵙⵎⵓⵏⴰⵢ ⵏ ⵓⵣⴷⴰⵢ ⴳ ⵎⴰ ⵏⵏ ⵓⵔ ⵢⴰⴳⴳⵓⴳⵏ ⵃⵎⴰ ⴰⴷ ⵉⵍⵉⵏ ⵉⴼⵙⵙⴰⵢⵏ ⵉ ⵉⵙⴷⵓⵙ ⵏ ⵓⵎⵢⴰⵡⴰⵙ ⵊⴰⵔ ⵉⴱⵕⵍⴰⵎⴰⵏⵏ ⵏ ⵉⵡⴰⵏⴽⵏ ⵉⴳⵎⴰⵎⵏ ⴷ ⵓⵙⵇⵇⵉⵎ ⵏ ⵉⵎⵓⵔⴰ.