ⵜⴰⴳⵓⵔⵉ ⵏ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⵙⵓⵜⵍⵜ ⵜⵉⵙ 28 ⵏ ⵜⵎⵙⵎⵓⵏⵜ ⵜⴰⵏⵎⵏⴰⴹⵜ ⵜⴰⴼⵔⵉⵇⵉⵜ ⵉⴹⴼⵕⵏ ⵜⴰⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴼⵕⴰⵏⴽⵓⴼⵓⵏⵉⵜ

ⵜⵉⵏⴳⴳⵯⴰ ⴷ ⵉⵏⴳⴳⵯⴰ

ⵉⴷ ⴱⴰⴱ ⵏ ⵜⵓⵎⵔⵜ

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ

ⵙ ⵉⵙⵎ ⵉⵏⵓ ⴷ ⵉⵙⵎ ⵏ ⴽⵓ ⵉⴳⵎⴰⵎⴰⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵔ ⵙⵔⵓⵏ ⵙⴱⵔⵔⴰⴽⵖ ⴳ ⵓⵙⵖⵉⵎ ⵏ ⵓⵙⵇⵇⵉⵎ ⵏ ⵉⵎⵓⵔⴰ. ⵉⵍⵍⴰ ⵡⴰⴷⴷⵓⵔ ⴷⴰⵔ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⴰⴷ ⵉⵙⵏⵓⴱⴳ ⵜⴰⵙⵓⵜⵍⵜ ⵏ ⵜⵎⵙⵎⵓⵏⵜ ⵜⴰⴼⵔⵉⵇⵉⵜ ⵉⴹⴼⵕⵏ ⵜⴰⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴼⵕⴰⵏⴽⵓⴼⵓⵏⵉⵜ, ⵏⴼⵔⴽ ⵉⵙ ⵜⴳⴰ ⵜⴰⵎⵍⴷⴰ ⵉ ⵓⵎⴹⴰⴽⴰⵕ ⴼ ⵜⵎⵙⴰⵔⵉⵏ ⵛⵛⴰⵔⵏⵉⵏ ⵍⵍⴰⵏⵉⵏ ⴳ ⵓⵖⴰⵡⴰⵙ ⵏ ⵜⵡⵡⵓⵔⵉ ⵏⵏⵖ.

ⵉⵍⵍⵓ ⵖⵓⵔⵏⵖ ⵓⴱⵓⵔⵣ ⵎⴰⵙ ⵜⴳⴰ ⵜⴰⵎⵓⵏⵜ ⵏ ⵉⴱⵕⵍⴰⵎⴰⵏⵉⵢⵏ ⵏ ⵓⵙⴰⵢⵔⵓⵔ ⴰⴼⵕⴰⵏⴽⵓⴼⵓⵏⵉ, ⵜⴳ ⴰⵙⴰⵢⵔⵓⵔ ⵏ ⵓⵎⴹⴰⴽⴰⵕ ⴼ ⵎⴰⴷ ⴰⵖ ⵉⵙⵎⵓⵏ ⴳ ⵜⵎⵙⴰⵔⵉⵏ, ⴷ ⵓⵎⵢⴰⴷⴰⵙ ⵏ ⵜⴰⵏⵏⴰⵢⵢⵉⵏ ⴼ ⵎⴰⴷ ⵉⵥⴹⴰⵕⵏ ⴰⴷ ⵉⴳ ⵜⴰⵎⵏⵜⵉⵍⵜ ⵏ ⵓⵥⵍⴰⵢ ⵏⵏⵖ.

ⵢⵉⵡⵙ ⴰⵖ ⵉⵎⵉⵙⵙ ⴰⴷ ⴰⵇⴱⵓⵔ ⵙⴳ 1967 ⴰⴳ ⵏⴳ ⴰⴳⵕⴹ ⴳ ⵓⵣⵔⴼ ⴳ ⵥⵍⵉⵜ  ⴷ ⵜⵎⵢⵉⴷⵔⵜ ⵏ ⵓⴼⵔⴰ ⴷ ⵓⵎⵢⴰⵡⴰⵙ ⴷ ⵉⵣⵔⴼⴰⵏ ⵏ ⵓⴼⴳⴰⵏ, ⵙ ⵜⵙⴰⵖⵓⵍⵜ ⵜⴰⵙⵏⵉⵍⵙⵜ ⵉⵛⵛⴰⵔⵏ. ⵜⴳ ⵙ ⵓⵎⴰⵜⴰ ⵜⴰⴱⵔⵉⴷⵜ ⴰⴷ ⵏⵉⵏⵉ ⵎⴰⵙ ⴷ ⴽⵓⴷ ⵢⴰⵏ ⴳⵉⵜⵏⵖ, ⴰⴷ ⵉⵟⵟⴼ ⵚⴰⵃⴰ ⵙⴳ ⵜⵉⵔⵎⵉⵜ ⵏⵙ ⵜⴰⵎⵣⵔⴰⵢⵜ ⴷ ⵜⵎⵥⵍⴰⵢⵉⵏ ⵏⵏⵙ.

ⵉⵇⵇⴰⵏ ⴰⵖ ⴷ ⴰⵙⵙ ⴰⴷ ⵓⴳⴳⴰⵔ ⵏ ⵎⴰⴷ ⵉⵣⵔⵉⵏ, ⴰⴷ ⵏⵎⵍ ⵜⵉⵡⵉⵣⵉ ⵏⵏⵖ ⵉⵙⵎⴷⵏ ⴷⴰⵜ ⵏ ⵜⴰⵙⵙⴰⵙⵉⵏ, ⵙⵍⴰⵡⴰⵏ ⴰⴽⴽⵯ ⴳ ⵜⵎⵜⵍⵉⵏ ⵖ ⵜⵍⵍⴰ ⵜⵙⵓⵜⵍⵜ ⴰⴷ ⵉⴳⴰⵏ ⵜⴰⵙⵙⴰⵏⵜ ⵜⴰⵎⴽⵕⴰⴹⵜ: ⵜⴰⴷⵓⵙⴰⵏⵜ, ⵜⴰⴷⵎⵙⴰⵏⵜ, ⴷ ⵜⵉⵏ ⵓⵏⵣⵡⵉ ⵉⵟⵟⴰⴼⵏ ⵉⴷⵔⵉⵣⵏ ⵉⵎⴰⴹⵍⴰⵏⵏ. ⴰⵖⵣⵏ ⵏ ⵜⴰⵙⵙⴰⵙⵜ ⴰⴷ ⴰⵔ ⵉⵙⵙⵉⵡⵉⴷ ⴰⴽⴽⵯ ⴰⴼⴳⴰⵏ ⵙⵍⴰⵡⵏ ⴰⴽⴽ ⵜⵉⴷⵓⵍⴰ ⵛⵃⴰⵏⵉⵏ, ⵍⵍⴰⵏⵉⵏ ⴱⴰⵀⵔⴰ ⴳ ⵉⴼⵔⵉⵇⵢⴰ.

ⴳ ⵓⵎⵏⴰⴹ ⵉⵛⴷⴷⴰⵏ, ⵍⵍⴰⵏ ⵉⵎⴰⵖⵏ, ⴳⵉⵙⵏ ⵉⵇⴱⵓⵔⵏ ⴷ ⵉⵎⴰⵢⵏⵓⵜⵏ, ⴳ ⴽⵓ ⵜⴰⵙⴳⴳⵉⵡⵉⵏ ⵏ ⵓⵎⵏⵥⴰⵡ ⵏⵏⵖ. ⵎⵇⵇⴰⵔⵏ ⴷⵔⵓⵏⵜ ⵏ ⵜⵎⵉⵣⴰⵔ ⵏ ⵉⴼⵔⵉⵇⵢⴰ ⴽⵉⴳⴰⵏ ⵏ ⵉⵙⵡⵉⵏⴳⵉⵎⵏ ⵏ ⵜⴷⵉⵎⵓⵇⵔⴰⵟⵉⵜ- ⴰⵢⵍⵍⵉ ⵉⴳⴰⵏ ⴰⵙⵡⴰⵍⴰ ⴰⴷⵙⵍⴰⵏ ⵍⵍⵉ ⴼ ⵔⴰⴷ ⵓⵔ ⵏⵓⵔⵔⵉ- ⵎⵇⵇⴰⵔ ⵖⵎⴽ ⴰⵏⵏ ⵣⵣⵉⴳⵣⵏⵜ ⵜⵎⴰⵖⵉⵏ ⴷ ⵜⵉⵔⵎⵉⵜⵉⵏ ⵏ ⵉⵎⵉⵣ ⵏ ⵜⵏⴱⴰⴹⵜ ⵙ ⵜⴽⵕⴹⵉ.

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ

ⵓⵔ ⵉⴳⵉ ⵖ ⵜⵉⵍⴰⵡⵜ ⴰⴷ ⵏⵙⴰⵡⴰⵍ ⴳ ⵓⵙⴽⵔ ⵏ ⵓⵔⴳⴳⵉⴳ ⴷ ⵜⴳⵎⵉ ⴳ ⵉⴼⵔⵉⵇⵢⴰ  ⴳ ⵡⴰⵡⵏⴰⴹ ⴰⴷ ⴳ ⵍⵍⴰⵏ ⴽⵉⴳⴰⵏ ⵏ ⵜⵏⴰⵥⴰⵕⵉⵏ: ⴰⴱⵔⵙⵙⵉⵡⴷ, ⵜⴰⵟⵟⵓⵕⴼⴰ, ⴰⵙⵏⴼⵍ ⵏ ⵜⵏⴱⴰⴹⵉⵏ ⵙ ⵜⵖⴰⵔⴰⵙⵜ ⵡⴰⵔⵜⴰⴷⵙⵜⴰⵔⵜ, ⵉⴷⵔⵉⵣⵏ ⵏ ⵓⵥⵥⵉⵥⵏ ⴰⵏⵣⵡⴰⵢ.

ⵉ ⵓⵙⴱⴷⴷⵉ ⵏ ⵜⵏⴰⵥⴰⵕⵉⵏ ⴰⴷ, ⵉⵇⵇⴰⵏ ⴷ ⴰⴷ ⵏⵙⵡⵓⵔⵉ ⵉ ⵓⵡⵇⵇⵔ ⵏ ⵡⴰⵜⵉⴳⵏ ⵉⴷⵙⵍⴰⵏⵏ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴼⵕⴰⵏⴽⵓⴼⵓⵏⵉⵜ, ⴳⴰⵏⵉⵏ ⵡⵉⵏ ⵜⴷⵉⵎⵓⵇⵔⴰⵟⵉⵜ ⴷ ⵓⵡⵇⵇⵔ ⵏ ⵓⵙⵍⴳⵏ ⴷ ⵜⵏⴳⴰⴷⴷⴰⵢⵜ ⵏⴳⵔ ⵡⴰⵡⵜⵎ ⴷ ⵜⴰⵡⵜⵎⵜ ⴷ ⵉⵣⵔⴼⴰⵏ ⵏ ⵓⴼⴳⴰⵏ, ⴷ ⵜⵉⵔⴰⵜ ⵉ ⵓⵎⵢⴰⵡⴰⵙ ⵉⵟⵟⴰⴼⵏ ⵜⴰⵢⵢⴰⴼⵓⵜ ⵏⵏⵙ ⴷⴰⵔ ⴽⵓ ⵉⵡⴰⵏⴽⵏ ⵏ ⵉⴼⵔⵉⵇⵢⴰ.

ⴳ ⵓⵎⵏⵉⴷ ⴰⴷ, ⵜⴳⴰ ⵜⵙⴳⴰ ⵏ ⵓⵙⵖⵏⵣⵉ ⵉⵍⴻⵍⵉⵉ ⵜⴰⴼⵔⵉⵇⵉⵜ ⵉⵎⵉⵙⵙ ⵉⵕⵡⴰⵏ ⵉ ⵚⴰⵃⴰ ⵏ ⵓⵎⵏⵥⴰⵡ ⵏⵏⵖ. ⵔⴰⴷ ⵢⴰⵡⵙ ⵓⵣⵣⴳⵉⵔ ⵉⵔⵡⴰⵏ ⵏ ⵓⵥⵎⴰⵥⵥⵍ ⴰⴷ ⴳ ⵓⵙⵏⴼⵍ ⴰⴷⵎⵙⴰⵏ ⵊⴰⵔ ⵜⵎⵉⵣⴰⵔ ⵏ ⵉⴼⵔⵉⵇⵢⴰ, ⴰⵢⵍⵍⵉ ⵔⴰⴷ ⵢⴰⵡⵙ ⴳ ⵜⴳⵎⵉ ⵍⵍⵉ ⵔⴰⴷ ⵉⵙⴽⵔ ⴰⵙⵡⵓⵔⵉ ⵉ ⵉⵄⵔⵔⵉⵎⵏ ⴷ ⵓⵙⵏⴰⵍ ⵏ ⵜⵎⴰⵖⴰⵔⵉⵏ. ⵔⴰⴷ ⵢⴰⵡⵙ ⵓⵙⴽⵔ ⴷ ⵓⵙⵎⵀⵍ ⵏ ⵜⵙⴳⴰ ⵏ ⵓⵙⵖⵏⵣⵉ ⵉⵍⴻⵍⵍⵉ ⴳ ⵓⵎⵏⵥⴰⵡ ⵏ ⵉⴼⵔⵉⵇⵢⴰ ⴳ ⵜⵙⵓⴳⵔⵜ ⵏ ⵓⵎⵃⵉⵣⵡⵔ ⴰⴷⵎⵙⴰⵏ ⴷ ⵜⴷⵉⵏⴰⵎⵉⵜ ⵏ ⵓⵙⵖⵏⵣⵉ ⴷ ⵜⵙⵓⴳⵔⵜ ⵏ ⵓⵎⵏⵥⴰⵡ ⵏⵏⵖ ⴳ ⵓⵙⴱⴷⴷⵉ ⵏ ⵉⵎⵉⵣⵉⵢⵏ ⵏ ⵖⵉⵍⴰⴷ ⴷ ⵡⵉⵏ ⵉⵎⴰⵍ ⴳ ⵓⵎⴰⴹⴰⵍ.

ⵉⵇⵇⴰⵏ ⴷ ⴼ ⴽⵓ ⵉⵎⵙⵜⴳⴳⴰⵔⵏ ⴳ ⵜⵙⴳⴰ ⵏ ⵓⵙⵖⵏⵣⵉ ⵉⵍⴻⵍⵍⵉ ⴰⵎⵏⵥⴰⵡ ⴰⴼⵔⵉⵇⵉ ⴰⴷ ⵙⵡⵓⵔⵉⵏ ⵉ ⵓⵙⵎⵓⵏ ⵏ ⵜⵓⴳⴳⴰⵙ ⵃⵎⴰ ⴰⴷ ⵢⵉⵍⵉ ⵓⵙⵏⴼⴰⵔ ⴰⴷ, ⵏⵍⴽⵎ ⵜⵓⵏⵖⵉⵍⵜ ⵉⵙⵎⴷⵏ ⵥⵍⵉⵏⵉ ⵙ ⵜⵎⵙⴰⵔⵉⵏ ⵣⴷⵉⵏⵉⵏ ⵙⵓⵙⵍⴻⵍⵍⵉ ⵏ ⵉⵔⴳⴰⵢⵏ ⵏ ⴷⴷⵉⵡⴰⵏⴰ ⴷ ⵓⵙⵏⵖⵏ ⵏ ⵜⵏⵓⴼⴰ ⴷ ⵓⵙⴽⵔ ⵏ ⵜⵓⵚⴽⵉⵡⵉⵏ ⵜⵉⵏⴰⴷⴷⵉⵡⵉⵏ ⴷ ⵓⵙⴰⵏⵉⵏ.

ⵓⵔ ⴳⵉⵙ ⵜⵓⵔⴷⴰ ⵎⴰⵙ ⵜⴳⴰ ⵜⵏⴳⴰⴷⴷⴰⵢⵜ ⵏⴳⵔ ⵓⵔⴳⴰⵣ ⴷ ⵜⵎⵖⴰⵔⵜ ⵉⵎⵉⵙⵙ ⵉⵙⵎⵓⵙⵙⵓⵏ ⵜⵉⴳⵎⵉ ⴷ ⵜⴼⴰⴷⴰ ⵜⴰⴷⵙⵍⴰⵏⵜ ⵏ  ⵓⵚⴽⵓ ⵏ ⵡⴰⵎⵓⵏⵏ ⵏ ⵓⴼⵔⴰ ⵓⵎⴰⵏⵉⵏ.

ⵉⵙⵜⴰⵡⵀⵎⵎⴰ ⴰⴷ ⵏⵎⵎⴰⵖ ⴼ ⵓⵣⵔⴼ ⵏ ⵜⵎⵖⴰⵔⵉⵏ ⴷ ⵜⴼⵔⵅⵉⵏ ⴳ ⵓⵙⵉⴷⴼ ⵙ ⵓⵙⵙⵍⵎⴷ, ⴷ ⵓⴹⵎⵏ ⵏ ⵡⴰⵏⵏⴰⵣⵏ ⴳ ⵓⵙⵡⵓⵔⵉ, ⴷ ⵜⵉⵍⵉⵜ ⴳ ⵜⵣⵣⵓⵍⵉⵏ ⵅⴰⵜⵔⵏⵉⵏ ⵏ ⵓⵙⴽⵔ ⵏ ⵜⵖⵜⴰⵙⵜ ⴳ ⴽⵓ ⵉⵙⵡⵉⵔⵏ.

ⵍⵍⵉⵖ ⵜⴼⵔⴽ ⵜⵣⴷⴰⵢⵜ ⵉⴷⵓⵙⵏ ⵉⵍⵍⴰⵏ ⵊⴰⵔ ⵜⴰⵏⴳⴰⴷⴷⴰⵢⵜ ⵏⴳⵔ ⵡⴰⵡⵜⵎ ⴷ ⵜⴰⵡⵜⵎⵜ ⴷ ⵜⴳⵎⵉ, ⵜⵙⵔⵙ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ, ⵙ ⵓⵎⵙⴰⵙ ⴷ ⵜⵉⵔⴰⵜ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ, ⵉⵙⴽⵍ ⵊⴰⵔ ⵡⴰⵡⵜⵎ ⴷ ⵜⴰⵡⵜⵎⵜ.

ⵜⴳ ⵜⴳⵯⵏⵙⴰⵙⵜ ⵏ ⵜⵎⵖⴰⵔⵉⵏ ⴳ ⵜⵣⵣⵓⵍⵉⵏ ⵏ ⵓⵙⴽⵔ ⵏ ⵜⵖⵜⴰⵙⵜ ⴳ ⵜⵎⵣⵡⵓⵔⴰ ⵏ ⵉⵎⵓⴽⵏⵏ ⵉⴷⵙⵍⴰⵏⵏ ⵍⵍⵉ ⵜⵙⴽⵔ.

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ

ⵖⵓⵔⵏⵖ ⵓⵍⴰ ⵜⵉⵎⵙⴰⵔⵉⵏ ⵏ ⵓⵖⴰⵡⴰⵍ ⵣⴷⵉⵏⵉⵏ ⴷ ⵡⴰⵡⵏⴰⴹ. ⵉⴷⵓⵙ ⵎⴰⵙ ⵜⴳⴰ ⵉⴼⵔⵉⵇⵢⴰ ⴰⵎⵏⵥⴰⵡ ⵉⴷⵔⵓⵙⵏ ⵍⵍⵉ ⵉⵙⴽⴰⵔⵏ ⵉⴳⴰⵣⵏ ⵔⵖⴰⵏⵉⵏ, ⵎⴰⵛⵛ ⵜⴰⵣⵣⵉⴳⵣⵜ ⵏⵏⵙ ⵜⴰⵏⴰⵎⵓⵏⵜ ⴷ ⵜⴷⵎⵙⴰⵏⵜ ⵜⵍⵍⴰ ⴷⴷⵓ ⵏ ⵓⴱⵔⵙⵙⵉⵡⴷ ⵏ ⵜⴰⵙⵙⴰⵙⵜ ⵏ ⵓⵏⵣⵡⵉ.

ⴳ ⵓⵎⵏⵥⴰⵡ ⵏⵏⵖ, ⵜⵍⵍⴰ ⵜⵣⵣⵉⴳⵣⵜ ⵉⵙⵓⵍⵏ ⵏ ⵜⵙⵖⴰⵍ ⵏ ⵜⵔⵖⵉ, ⴷ ⵓⵍⵓⵢ ⵏ ⵓⵙⵡⵉⵔ ⵏ ⵡⴰⵎⴰⵏ ⵏ ⵢⵉⵍ ⴷ ⵉⵏⴳⵉⵢⵏ ⴷ ⵜⵖⴰⵔⴰ, ⴰⵢⵍⵍⵉ ⵉⵜⵜⴰⵡⵉⵏ ⵙ ⵓⴷⵔⵓⵙ ⵏ ⵜⵏⴼⵔⵓⵜ ⵏ ⵓⵜⵛⵓ ⴷ ⵡⴰⵎⴰⵏ ⴷ ⵓⵛⵃⵓ ⵏ ⵉⵙⴳⵓⵎⵏ ⵏ ⵓⴳⴰⵎⴰ ⴷ ⵓⵣⵡⴰⴳ ⵏ ⵉⵡⴷⴰⵏ.

ⴰⵔ ⴰⵖ ⵎⵎⴰⵍⴰⵏ ⵉⴷⵔⵉⵣⵏ ⵏ ⵓⵙⵏⴼⵍ ⵏ ⵓⵏⵣⵡⵉ ⴳ ⵉⴼⵔⵉⵇⵢⴰ ⵙ ⵓⵙⵖⴰⵡⵙⴰ ⴳ ⵜⴷⵔⵓⵜ ⴳ ⵜⵎⴰⵖⴰⵜ ⵜⴰⵅⴰⵜⴰⵔⵜ ⴳⴰⵍ ⵏ ⵓⵥⵥⵉⵥⵏ ⴰⵏⵣⵡⴰⵢ, ⴷ ⵓⵣⵣⴳⵉⵔ ⵏ ⵜⵙⵜⵔⴰⵜⵉⵊⵉⵢⵉⵏ ⵖ ⵜⵍⵍⴰ ⵜⵎⴰⵙⴰⵢⵜ ⵉⵙⵓⵍⵏ ⵉⵥⴹⴰⵕⵏ ⴰⴷ ⵢⵉⵍⵉ ⵓⵙⴱⴷⴷⵉ ⵏ ⵉⴳⴰⵣⵏ ⵔⵖⴰⵏⵉⵏ.

ⴳ ⵓⵎⵏⵉⴷ ⵏⵏⵙ, ⵉⵙⵏⵓⴱⴳ ⵍⵎⵖⵔⵉⴱ ⵜⴰⵙⵓⵜⵍⵜ ⵜⵉⵙ 22 ⵏ ⵓⴳⵔⴰⵡ ⵏ ⴽⵓⴱ 22 ⴳ ⵡⴰⵎⵓⵔ ⵏ ⵡⴰⴽⵓⵛ, ⴰⵢⵍⵍⵉ ⵉⵎⵎⴰⵍⴰⵏ ⴰⵙⵖⵡⵏ ⵏⵏⵙ ⵉⴷⵓⵙⵏ ⴷ ⵓⴼⵔⴰⴳ ⵏ ⵡⴰⵡⵏⴰⴹ, ⵉⵙⵔⵙ ⵉⵙⵓⵖⴰⴷ ⵥⵉⵍⵏⵉⵏ, ⵉⵙⴽⵔ ⵓⵍⴰ ⵜⴰⵣⵣⵉⴳⵣⵜ ⵜⴰⵅⴰⵜⴰⵔⵜ ⴳ ⵓⵙⵎⵖⵔ ⵏ ⵜⵥⴹⴰⵕⵉⵏ ⵜⵉⵎⴰⵢⵏⵓⵜⵉⵏ.

ⵍⵍⵉⵖ ⴷⴰⵔⵙ ⵓⴳⴳⴰⵔ ⵏ ⵉⴷⵔⵉⵣⵏ ⵏ ⵓⵏⵣⵡⵉ, ⵉⵟⵟⴰⴼ ⵓⵎⴰⵥⵓⵏ ⵏⵏⵖ ⵉⵎⵏⴰⴷⵏ ⵅⴰⵜⵔⵏⵉⵏ ⵉ ⵓⵙⴽⵔ ⵏ ⵜⵥⴹⵕⵉⵏ ⵏⵏⵙ ⵙⵎⴷⵏⵉⵏ ⴳ ⵜⵥⴹⴰⵕⵉⵏ ⵜⵉⵎⴰⵢⵏⵓⵜⵉⵏ.

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ

ⵙⵙⵓⵔⴼⴰⵜ ⵉⵢⵉ ⴰⴷ ⵙⵎⴷⵖ ⵙⵙⴽⵜⵉⵖ ⴰⴷ ⵎⴰⵙ ⵉⴳⴰ ⵓⵛⵛⵉⵍ ⵓⴳⴳⴰⵔ ⵏ ⵎⴰⴷ ⵉⵣⵔⵉⵏ ⴰⴷ ⵏⵙⵡⵓⵔⵉ ⵙ ⵜⵓⴳⵜ ⵉⵙⴰⵡⴰⵍⵏ ⵢⴰⵏ ⵓⴳⵔⴷ ⵉⵥⴹⴰⵕⵏ ⴰⴷ ⵉⵙⴽⵔ ⵉⴷⵔⵉⵣⵏ ⴳ ⵓⵙⴰⵔⴰⴳ ⴰⵎⴰⴹⵍⴰⵏ. ⵔⴰⴷ ⴰⵖ ⵜⴰⵡⵙ ⵜⴰⵎⵓⵏⵜ ⵏⵏⵖ ⴷ ⵉⴱⵕⵍⴰⵎⴰⵏⵉⵢⵉⵏ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴼⵕⴰⵏⴽⵓⴼⵓⵏⵉⵜ ⴷ ⵉⴼⵔⵉⵇⵉⵢⵏ ⴰⴷ ⵏⴻⵏⵄⵕ ⵙ ⵜⵉⵕⵡⵉ ⴼ ⵜⵎⵙⴰⵔⵜ ⵏ ⵉⴼⵔⵉⵇⵢⴰⵏ ⵏⵖⵔ ⵉ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ ⴳ ⵓⵎⵔⴰⵙ ⵏ ⵜⵏⵎⵓⵔⵉⵏ ⴷⵉⵢⵇⵏⵉⵏ, ⵏⵙⴱⴷⴷ ⴰⵙⵉⵜⵜⵉ ⵏ ⴽⵔⴰ ⵏ ⵉⵎⴰⴷⴰⵏⵏ ⴷ ⴽⵔⴰ ⵏ ⵜⵙⴳⴳⵉⵡⵉⵏ ⴳ ⵉⵚⴰⵃⴰⵜⵏ ⵏ ⵜⵣⵣⵉⴳⵣⵜ.

ⵉⵇⵇⴰⵏ ⴷ ⴰⴷ ⵏⴼⵔⴽ ⵙ ⵎⴰ ⵏⵏ ⴳ ⵢⴰⵏ ⵓⵎⴰⴹⴰⵍ ⵓⵔ ⵏⵥⴹⴰⵕ ⴰⴷ ⵏⵙⵉⵎⵥⵉ, ⵔⴰⴷ ⵜⴳ ⵜⵎⵔⴰⵔⵓⵜ ⴼ ⵜⵏⴰⵥⴰⵕⵉⵏ ⴳⴳⵓⵜⵏⵉⵏ ⵣⴷⵉⵏⵉⵏ ⴷ ⵡⴰⴽⴰⵍ ⵏⵏⵖ ⵙ ⵜⵖⴰⵔⴰⵜ ⵏ ⵓⵙⵎⴰⵇⵇⵍ ⵏⵏⵖ.

ⴳ ⵓⵏⴰⵔⵓⵣ ⴰⴷ, ⴰⵔ ⵙⵔⵓⵏ ⵙⴱⵔⵔⴰⴽⵖ ⵜⵉⴽⴽⵍⵉⵜ ⵢⴰⴹⵏⵉⵏ, ⵏⵏⵓⵔⵣⵖ ⴰⵡⵏ ⴰⵙⵏⵓⴱⴳ ⵏ ⵜⵓⵎⵔⵜ ⴳ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ.

ⴰⵔ ⴽⵏ ⵙⵏⵉⵎⵎⵉⵔⵖ ⴼ ⵓⵙⴼⴼⵍⴷ ⵏⵏⵓⵏ.