ⴱⵔⵓⴽⵙⵉⵍ - ⴱⵉⵍⵊⵉⴽ: ⵉⴷⵔⵓ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⴳ ⵜⵙⵎⵓⵏⵉ ⵏ ⵓⵙⵉⵔⴰ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴼⵕⴰⴽⵓⴼⵓⵏⵉⵜ, 26 ⴷ 27 ⵉⵏⵏⴰⵢⵔ 2024

ⵉⴷⵔⵓ ⵓⴽⴰⴱⴰⵕ ⵏ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⴳ ⵜⵙⵎⵓⵏⵉ ⵏ ⵓⵙⵉⵔⴰ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴼⵕⴰⵏⴽⵓⴼⵓⵏⵉⵜ ⵍⵍⵉ ⵉⵙⵏⵓⴱⴳ ⵓⴱⵕⵍⴰⵎⴰⵏ ⵏ ⵡⴰⵍⵓⵏⵉ ⴳ ⴱⵔⵓⴽⵙⵉⵍ ⴳ ⴱⵉⵍⵊⵉⴽ ⵓⵙⵙⴰⵏ ⵏ 26 ⴷ 27 ⵉⵏⵏⴰⵢⵔ 2024.

ⵢⵓⵎⴰ ⵓⴽⴰⴱⴰⵕ ⵎⴰⵙⵙ ⵃⴰⵙⴰⵏ ⴱⵏ ⵄⵓⵎⴰⵕ, ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⴳⵏⵙⴰⵙ ⵏ ⵎⴰⵙⵙ ⴰⵏⵙⵙⵉⵅⴼ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⴳⵎⴰⵎ ⵏ ⵓⵙⵉⵔⴰ ⵏ ⵜⵎⵙⵎⵓⵏⵜ, ⴷ ⵎⴰⵙⵙ ⵎⵓⵃⴰⵎⴰⵎⴷ ⵕⵉⴹⴰ ⵍⵃⵎⵉⵏⵉ, ⴰⵎⵛⵛⵉⵡⵕ ⴷ ⵓⵎⴰⵔⵉ ⵏ ⵓⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵜⵉⴷⵎⵙⴰⵏⵉⵏ ⴷ ⵜⵏⴰⵎⵓⵏⵉⵏ ⴷ ⴷ ⵜⵡⵏⴹⴰⵏⵉⵏ ⴳ ⵜⵎⵙⵎⵓⵏⵜ.

ⵜⵙⵎⵏⵉⴷ ⵎⴰⵙⵙⴰ ⴽⴰⵕⵓⵍⵉⵏ ⵀⵉⵍⵉⵔ, ⵜⴰⴳⵎⴰⵎⵜ ⴳ ⵜⵎⵙⵙⵓⴳⵓⵔⵜ ⵏ ⵜⵎⴰⴷⴷⴰⵙⵜ ⵜⴰⴳⵔⴰⵖⵍⴰⵏⵜ ⵉ ⵜⴼⵕⴰⵏⴽⵓⴼⵓⵏⵉⵜ, ⵜⵙⴷⴷⵉⴷ ⴼ ⵡⴰⵜⵉⴳ ⵏ ⵓⵙⵎⵖⵔ ⵏ ⵜⵎⵙⴰⵔⵉⵏ ⵏⵏⵙ ⴰⵎ ⵜⴰⵏⴳⴰⴷⴷⴰⵢⵜ ⵊⴰⵔ ⵓⵔⴳⴰⵣ ⴷ ⵜⵎⵖⴰⵔⵜ, ⴰⵎⵣⴰⵖ ⵏ ⵜⴷⵉⵎⵓⵇⵔⴰⵟⵉⵜ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵉⵄⵔⵔⵉⵎⵏ ⵉⴼⵕⴰⵏⴽⵓⴼⵓⵏⵉⵢⵏ. ⵖⵎⴽ ⵍⵍⵉ ⵉⵙⵎⵏⵉⴷ ⵓⵎⵉⵔⴰ ⴰⵎⴰⵜⴰⵢ ⵏ ⵜⵎⵙⵎⵓⵏⵜ ⵎⴰⵙⵙ ⴱⵔⵓⵏⵓ ⴼⵓⵛ ⴰⵏⵇⵇⵉⵙ ⵏ ⵜⵉⵍⴰⵍ ⵏ ⵜⵎⵙⵎⵓⵏⵜ ⴳ 2023, ⵉⵙⴷⴷⵉⴷ ⴼ ⵡⴰⵜⵉⴳ ⵏ ⵜⵎⴰⵣⵣⴰⵍⵜ ⵜⴰⴷⵉⴱⵎⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ ⴳ ⵓⴼⵓⴽⴽⵓ ⵏ ⵜⵎⵓⴽⵔⵉⵙⵉⵏ ⴷ ⵜⴰⵙⵙⴰⵙⵉⵏ ⴳ ⵜⵙⴳⴰ ⵜⴰⴼⵕⴰⵏⴽⵓⴼⵓⵏⵉⵜ.

ⵉⵍⵍⴰ ⵓⵍⴰ ⵓⵎⴹⴰⴽⴰⵕ ⴼ ⵜⵎⵙⴰⵔⵉⵏ ⵣⴷⵉⵏⵉ ⴷ ⵓⵙⵖⵣⵏ ⵏ ⵓⵖⴰⵡⴰⵙ ⵏ ⵜⵡⵓⵔⵉⵡⵉⵏ ⴷ ⵓⵙⵎⵍ ⵏ ⵉⴳⵎⴰⵎⵏ ⵉⵎⴰⵢⵏⵓⵜⵏ, ⵜⵉⵖⵔⵉ ⵏ ⵉⵙⵍⴳⵏⵏ ⴼ ⵉⵙⵏⴼⵍⵏ ⵏ ⵓⵏⵣⵡⵉ ⴷ ⵉⵙⵓⵔⵙⵏ ⵉⵙⵔⴰⵏⵏ ⴳ ⵉⵡⴰⵏⴽⵏ ⵙⴰⵡⴰⵍⵏⵉⵏ ⵜⴰⴼⵕⴰⵏⵚⵉⵚⵜ.

ⵉⵍⵍⴰ ⵓⵙⵖⵣⵏ ⵏ ⵓⴳⵔⴰⵡ ⴰⴷⵙⵍⴰⵏ ⵏ ⵜⵎⵙⵎⵓⵏⵜ ⵜⴰⴱⵔⵍⴰⵎⴰⵏⵉⵜ ⵜⴰⴼⵕⴰⵏⴽⵓⴼⵓⵏⵉⵜ, ⴰⵣⵣⵔⴰⵢ ⵏ ⵉⵎⴰⵙⵙⵏ ⵏ ⵓⴹⴼⵕ ⴰⴷⵉⵎⵓⵇⵔⴰⵟⵉ, ⴰⵙⵎⵏⵉⴷ ⵏ ⵉⵖⴰⵡⴰⵙⵏ ⵏ ⵓⵎⵢⴰⵡⴰⵙ ⴷ ⵜⵎⴷⵔⴰⵡⵜ, ⵜⵉⵡⵓⵔⵉⵡⵉⵏ ⵏ ⵜⵙⵇⵇⵉⵎⵉⵏ ⵜⵉⵙⵓⵍⴰⵏⵉⵏ, ⵉⵏⵇⵇⵉⵙⵏ ⵏ ⵜⵙⵎⵉⴳⴰⵍ ⴳ ⵓⵙⵡⵉⵔ ⴰⵏⵎⵏⴰⴹ, ⴷ ⵓⵏⵇⵇⵉⵙ ⵏ ⵜⵎⵙⴰⵙⵜⵍⵜ ⵏ 2024.

ⴳ ⵓⵎⴹⴰⴽⴰⵕ ⴰⵎⴰⵜⴰⵢ, ⵉⵍⵍⴰ ⵓⵙⵎⵏⵉⴷ ⴼ ⵉⴽⵛⵓⵎⵏ ⴳⴰⵏⵉⵏ ⵎⴳⴰⵍ ⵏ ⵜⴷⵉⵎⵓⵇⵔⴰⵟⵉⵢⵉⵏ ⴳ ⵓⵙⴰⵢⵔⵓⵔ ⴰⴼⵕⴰⵏⴽⵓⴼⵓⵏⵉ, ⴷ ⵓⴷⵎⴰⵡⵏ ⵏⵏⵙⵏ ⴳ ⵉⵍⵍⴰ ⴰⵙⴽⵔⴽⵙ ⵉⵣⴷⵉⵏ ⴷ ⵉⵎⴰⵙⵙⵏ ⵏ ⵓⵙⵎⴰⵍ ⴷ ⵓⵎⵢⴰⵡⴰⴹ ⴰⵏⴰⵎⵓⵏ, ⴷ ⴳⴰⵔ ⴰⵙⵎⵔⵙ ⵏ ⵓⴼⵓⵍⵙ ⴰⵎⴳⵓⵔⴰⵏ, ⴰⵢⵍⵍⵉ ⵉⴳⴰⵏ ⴰⵙⴷⵉⴷⴷⵡ ⵏ ⵓⴼⵔⴰ ⴰⵏⴰⵎⵓⵏ ⴷ ⵓⵔⴳⴳⵉⴳ ⴰⵙⵔⵜⴰⵏ ⴷ ⵡⴰⵜⵉⴳⵏ ⵉⴷⵙⵍⴰⵏⵏ ⵏ ⵜⴷⵉⵎⵓⵇⵔⴰⵟⵉⵢⵉⵏ ⴳ ⵜⵎⵉⵣⴰⵔ ⵏ ⵜⴼⵕⴰⵏⴽⵓⴼⵓⵏⵉⵜ.

ⵉⵍⵍⴰ ⵓⵙⴷⴷⵉⴷ ⴼ ⵜⵉⵍⵉⵜ ⵏ ⵜⵓⴳⴳⴰⵙ ⴷ ⵓⵙⵏⴼⵍ ⵏ ⵜⵎⵙⴽⴰⵔ ⵥⵉⵍⵏⵉⵏ, ⴷ ⵓⵣⴷⴰⵢ ⵏ ⵡⴰⴷⴷⴰⴷⵏ ⴷ ⵓⵙⵎⵓⵙⵙⵓ ⵉ ⵓⵔⵎⴰⵙ ⵏ ⵓⴳⴰⵎⴰ ⵏ ⵉⵙⴷⵓⴷⴷⵓⵢⵏ ⴰⴷ, ⴷ ⵓⵙⵙⴰⵔⵓ ⵏ ⵜⵎⵔⵙⴰⵍ ⵜⵓⵏⴱⵉⴷⵉⵏ ⴷ ⵓⵙⵏⴼⵍ ⵏ ⵜⵎⵓⵛⴰ ⵊⴰⵔ ⵉⵡⴰⵏⴽⵏ, ⴷ ⵓⵙⵎⵖⵔ ⵏ ⵉⵎⴰⵙⵙⵏ ⵉⵎⴰⵢⵏⵓⵜⵏ ⵉ ⵜⵡⴰⴼⵉⵜ ⵏ ⵉⴽⵛⵓⵎⵏ ⴰⴷ ⴷ ⵓⵙⴱⴷⴷⵉ ⵏⵏⵙⵏ.

ⵉⵜⵜⵓⵙⵙⴰⵏ ⵎⴰⵙ ⵉⴳⴰ ⵍⵎⵖⵔⵉⴱ ⴰⴳⵎⴰⵎ ⴳ ⵓⵙⵉⵔⴰ ⵏ ⵜⵏⵙⵙⵉⵅⴼⵜ ⵏ ⵜⵎⵙⵎⵓⵏⵜ ⴷ ⵜⵙⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵜⵉⴷⵎⵙⴰⵏⵉⵏ ⴷ ⵜⵏⴰⵎⵓⵏⵉⵏ ⴷ ⵜⵡⵏⴹⴰⵏⵉⵏ ⴷ ⵓⵙⵉⵔⴰ ⵏ ⵓⵥⵟⵟⴰ ⵏ ⵜⵎⵖⴰⵔⵉⵏ ⵜⵉⴱⵕⵍⴰⵎⴰⵏⵉⵢⵉⵏ.