ⵜⴰⴳⵓⵔⵉ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⵙⵓⵜⵍⵜ ⵜⵉⵙ 26 ⵏ ⵓⵏⵎⵓⵇⵇⴰⵔ ⵏ ⴼⵓⴱⵔⵉⵍ

ⵙ ⵉⵙⵎ ⵏ ⵕⴱⴱⵉ

ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ

ⵎⴰⵙⵙ ⴰⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⵣⵣⵔⴰⴼⵜ ⵏ ⵙⵍⴼⴰⴹⵓⵕ ⴰⵏⵙⵙⵉⵅⴼ ⵏ ⵓⵏⵎⵓⵇⵇⴰⵔ ⵏ ⴼⵓⴱⵔⵉⵍ

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⵏⵙⵙⵉⵅⴼⵏ ⵏ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⴳⵎⴰⵎⵏ ⵏ ⵓⵏⵎⵓⵇⵇⴰⵔ ⵏ ⴼⵓⴱⵔⵉⵍ

ⵎⴰⵙⵙ ⴰⵎⴰⵔⴰ ⴰⵎⴰⵜⴰⵢ ⵏ ⵓⵏⵎⵓⵇⵇⴰⵔ ⵏ ⴼⵓⴱⵔⵉⵍ

ⵉⴷ ⵎⴰⵙⵙ ⵉⵎⵙⵇⵇⴰⴷ ⵉⴳⵏⵙⴰⵙⵏ ⵏ ⵉⵡⴰⵏⴽⵏ ⵉⴳⵎⴰⵎⵏ ⴳ ⴼⵓⴱⵔⵉⵍ

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ

ⵉⴳⴰ ⴷⴰⵔⵉ ⵖ ⵜⵓⵎⵔⵜ ⴰⴷ ⵙⵔⵓⵏ ⵙⴱⵔⵔⴽⵖ ⵖ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ, ⵃⵎⴰ ⴰⴷ ⵏⵙⵎⴰⵢⵏⵓ ⴰⵏⵢⴰⵍⴽⴰⵎ ⵊⴰⵔ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⴷ ⵓⵏⵎⵓⵇⵇⴰⵔ ⵏ ⵉⵏⵙⵙⵉⵅⴼⵏ ⴷ ⵜⵏⵙⵙⵉⵅⴼⵉⵏ ⵏ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⴳ ⵎⴰⵔⵉⴽⴰⵏ ⵜⴰⵏⴰⵎⵎⴰⵙⵜ ⴷ ⵍⴽⴰⵔⴰⵢⵉⴱ ⴷ ⵍⵎⵉⴽⵙⵉⴽ, ⴰⵏⵢⴰⵍⴽⴰⵎ ⴰⴳ ⵎⵓ ⵏⵙⴽⵔ ⴰⵎⵇⵇⵏ ⵙⴳ ⵜⴰⵎⵔⴰⵡⵜ ⵏ ⵓⵣⵎⵣⵏ ⵖ ⵏⴽⵛⵎ ⵙ ⵓⵏⵎⵓⵇⵇⴰⵔ ⵏ ⴱⵓⴱⵔⵉⵍ, ⴰⵛⴽⵓ ⵏⴷⵔⵓ ⴷ ⵉⴳⵏⵙⴰⵙⵏ ⵏ ⵉⵎⴰⴷⴰⵏⵏ ⵏ ⵜⵙⴳⴰ ⴰⴷ ⵉⵏⴰⵔⵓⵣⵏ ⵏ ⵜⵓⴷⵔⵜ ⵉⵥⵉⵍⵏ ⴷ ⵜⴳⵎⵉ ⵜⴰⴷⵎⵙⴰⵏⵜ ⴷ ⵓⵙⴷⵓⵙ ⵏ ⵓⵎⵢⴰⵡⴰⵙ ⵊⴰⵔ ⵉⴱⵕⵍⴰⵎⴰⵏⵏ ⵍⵍⴰⵏⵉⵏ ⴳ ⵜⵙⴳⴰ ⵏ ⴰⵟⵍⴰⵚ.

ⵉⴳⴰ ⵓⵙⴽⵔ ⵏ ⵜⵙⵓⵜⵍⵜ ⵉⵥⵍⵉⵏ ⵜⵉⵙ 26 ⴰⵙⵙ ⴳ ⵜⵎⴰⵥⵓⵏⵜ ⵏ ⵕⵕⴱⴰⵟ, ⴰⵎ ⵏⵏⵙ ⴰⵎ ⵉⵎⵓⵙⵙⵓⵜⵏ ⵍⵍⵉ ⵉⵙⵏⵎⴰⵍⴰ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⵙ ⵡⴰⴷⴷⵓⵔ, ⴳⵉⵙⵏ ⵜⴰⵙⵎⵓⵏⵉ ⵉⵥⵍⵉⵏ ⵜⵉⵙ 17 ⴷ ⵜⵙⵓⵜⵍⵜ ⵜⵉⵙ 35 ⵏ ⵓⵏⵎⵓⵇⵇⴰⵔ ⵏ ⴼⵓⴱⵔⵉⵍ ⵏ 2016 ⴷ 2017, ⴷ ⵜⴷⵔⴰⵡⵜ ⵉⵏⵓ ⴳ ⵜⵙⵓⵜⵍⵜ ⵜⵉⵙ 33 ⵉⵍⵍⴰⵏ ⴳ ⵍⵎⵉⴽⵙⵉⴽ, ⴰⵢⵍⵍⵉ ⵉⴳⴰⵏ ⴰⵙⴷⴷⵉⴷ ⴼ ⵓⵥⴰⵥⵓ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷⴷⵓ ⵜⵏⴰⵔⴰ ⵉⵕⵡⴰⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ, ⴳ ⵓⵍⵜⴰⵖ ⴳ ⵓⵙⴷⵓⵙ ⵏ ⵓⵎⵢⴰⵡⴰⵙ ⵉⴼⴼⵓⵙ-ⵉⴼⴼⵓⵙ, ⴷ ⵓⵙⵏⴰⵍ ⵏ ⵓⵙⵉⴷⴼ ⴰⵏⵎⵏⴰⴹ  ⴳ ⵉⵙⵡⵉⵔⵏ ⵉⵙⵔⵜⴰⵏⵏ ⴷ ⵉⴷⵎⵙⴰⵏⵏ ⴷ ⵉⵏⴰⵎⵓⵏⵏ ⴷ ⵉⴷⵍⵙⴰⵏⵏ.

ⵉⴳⴰ ⵓⵙⵡⴰⵍⴰ ⵓⵏⵥⵉⵥ ⵏ ⵓⴳⵍⵍⵉⴷ ⵏ ⵜⵎⴰⵣⵉⵔⵜ, ⵡⴰⴷ ⵉⵙⴽⵔⵏ ⴳ ⵓⵎⵢⴰⵡⴰⵙ ⵊⴰⵔ ⵉⵡⴰⵏⴽⵏ ⵏ ⵉⴼⴼⵓⵙ ⵙⴳ ⵜⵓⵎⴰⵢⵜ ⵜⴰⴷⵙⵜⴰⵔⵜ, ⴷ ⵜⵔⵙⵍⵜ ⵙⴳ ⵜⵉⵔⵙⴰⵍ ⵜⴰⴷⵉⴱⵍⵓⵎⴰⵙⵉⵜ ⵏ ⵍⵎⵖⵔⵉⴱⵏ ⴷ ⵡⴰⵍⴰⵢ ⵏ ⵜⵙⵔⵜⵉⵜ ⵏⵏⵙ ⵏ ⴱⵕⵕⴰ, ⴳ ⵓⵙⴰⵜⵉ ⵏ ⵓⵙⵎⴰⵇⵇⵍ ⴰⵙⵜⵔⴰⵜⵉⵜⵊⵉ ⵢⵓⵎⴰⵏ ⵉⴱⴷⴷⵏ ⴼ ⵓⵙⴷⵓⵙ ⵏ ⵓⴼⵔⴰ ⴷ ⵜⵏⴼⵔⵓⵜ ⴷ ⵓⵔⴳⴳⵉⴳ ⴷ ⵜⴳⵎⵉ ⵜⴰⴷⵎⵙⴰⵏⵜ.

ⵉⴳⴰ ⵓⵣⵎⵎⴻⵎ ⵏ ⵓⵍⵖⵓ ⴰⵎⵙⴽⴰⵔ ⵏ ⵓⵏⵎⵓⵇⵇⴰⵔ ⴰⴱⵕⵍⴰⵎⴰⵏⵉ ⵏ ⵉⴼⵔⵉⵇⵢⴰ ⴷ ⵎⴰⵔⵉⴽⴰⵏ ⵜⴰⵍⴰⵜⵉⵏⵉⵜ ⴷ ⵍⴽⴰⵔⴰⵢⵉⴱ (ⴰⴼⵔⵓⵍⴰⴽ), ⴰⵏⴰⵡ ⵏ ⵓⵍⵜⴰⵖ ⴷ ⵜⵉⵔⴰⵜ, ⵃⵎⴰ ⴰⴷ ⵉⵜⵜⵓⵙⵍⵍⴰ ⵓⴳⵔⴷ ⵏ ⵉⵎⴰⴷⴰⵏⵏ ⵏ ⵉⴼⵔⵉⵇⵢⴰ ⴷ ⵎⴰⵔⵉⴽⴰⵏ ⵜⴰⵏⴰⵎⵎⴰⵙⵜ ⴷ ⵜⵉⵏ ⵉⴼⴼⵓⵙ ⴷ ⵍⴽⴰⵔⴰⵢⵉⴱ, ⵅⴼ ⵜⵎⵙⴰⵔⵉⵏ ⵏ ⵓⴼⵔⴰ ⴷ ⵜⵏⴼⵔⵓⵜ ⴷ ⵜⵣⵔⴼⵜ ⵜⴰⵏⴰⵎⵓⵏⵜ ⴷ ⵜⴳⵎⵉ ⵜⴰⵙⵓⵍⴰⵏⵜ ⴷ ⵜⵏⵏⵓⴱⴹⴰ ⴷ ⵜⵉⵍⵉⵜ ⵏ ⵓⵙⵍⴳⵏ ⴷ ⵓⵡⵇⵇⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ.

ⵉⴳ ⵓⴽⵛⵓⵎ ⵏ ⵓⵏⵎⵓⵇⵇⴰⵔ ⵏ ⴼⵓⴱⵔⵉⵍ ⵙ ⵓⵏⵎⵓⵇⵇⴰⵔ ⵏ “ⵓⴼⵔⵓⵍⴰⴽ” ⴰⵙⴽⵔ ⵏ ⵓⵎⵢⴰⵡⴰⵙ ⵊⴰⵔ ⵜⵉⵎⵔⵙⴰⵍ ⵜⵉⴱⵕⵍⴰⵎⴰⵏⵉⵢⵏ ⵜⵉⴳⵔⴰⵖⵍⴰⵏⵉⵏ ⵏ ⵉⵡⴰⵏⴽⵏ ⵏ ⵉⴼⴼⵓⵙ ⴷ ⵓⵙⵏⴼⵍ ⵏ ⵜⵎⵓⵣⴰⵢⵉⵏ ⴷ ⵜⵉⵔⵎⵉⵜⵉⵏ ⴷ ⵓⵙⴷⵓⵙ ⵏ ⵓⵎⵛⴰⵡⴰⵕ ⴷ ⵓⵏⵔⴰⵎⴰⵙ ⵉ ⵓⵎⵣⴰⵖ ⵏ ⵜⵎⵙⴰⵔⵉⵏ ⵜⵉⵣⵔⴼⴰⵏⵉⵏ ⵏ ⵉⵎⴰⴷⴰⵏⵏ ⵏⵏⵖ.

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ

ⵎⵎⴰⵖⵏ ⵓⴽⴰⵏ ⵉⵡⴰⵏⴽⵏ ⵏ ⵉⴼⴼⵓⵙ ⴷ ⵉⴷⵔⵉⵣⵏ ⵏ ⵓⴱⴰⵢⵢⵓⵕ ⵏ ⴽⵓⴼⵉⴷ 19, ⵙⵍⴰⵡⴰⵏ ⴰⴽⴽⵯ ⴳ ⵓⵎⵏⵉⴷ ⵏ ⵜⴳⵎⵉ ⵜⴰⴷⵎⵙⴰⵏⵜ. ⵉⵔ ⴼⵍⵍⴰⵡⵏ ⵉⵜⵜⵓⵃⴹⴰ ⵓⵎⵓⵟⵍ ⵏ ⴽⵉⴳⴰⵏ ⵏ ⵉⵙⵏⴼⴰⵔⵏ ⵉⵖⴰⵜⴰⵔⵏ ⴷ ⵜⴳⵓⵏⵉ ⵏ ⵜⴷⵎⵙⴰ ⵜⴰⵎⴰⴹⵍⴰⵏⵜ, ⵍⵍⵉⵖ ⵜⵜⵓⵇⵇⴰⵏ ⵉⵡⵜⵜⴰ ⵏ ⵢⵉⵍ ⴷ ⵡⵉⵏ ⵓⵊⵏⵏⴰ ⴷ ⵡⵉⵏ ⵡⴰⴽⴰⵍ ⵊⴰⵔ ⵉⵡⴰⴽⵏ.

ⵉⴳⴰ ⴳ ⵓⵙⴷⴷⵉⴷ ⵎⴰⵙ ⴷ ⵉⴼⵍ ⵓⴱⴰⵢⵢⵓⵕ ⵏ ⴽⵓⴼⵉⴷ 19 ⵉⴷⵔⵉⵣⵏ ⵉⴷⵎⵙⴰⵏⵏ ⵥⴹⴰⵕⵏⵉⵏ ⴰⴷ ⵎⵖⵔⵏ ⴳ ⴽⵔⴰ ⵏ ⵜⵎⵉⵣⴰⵔ ⵍⵍⴰⵏ ⴳ ⵓⴱⵔⵉⴷ ⵏ ⵜⵣⵣⵉⴳⵣⵜⴽ, ⵖⵎ ⴰⵏⵏ ⴰⴼ ⴰⵖ ⴷ ⵉⵇⵇⴰⵏ ⴰⴷ ⵏⵙⵎⵖⵔ ⵜⵓⴳⴳⴰⵙ ⵏ ⵓⵎⵢⴰⵡⴰⵙ ⵃⵎⴰ ⴰⴷ ⵏⵣⵣⵔⵉ ⵉⴷⵔⵉⵣⵏ ⴰⴷ ⵏⵙⵔⵙ ⵜⵉⵎⵣⵡⵓⵔⴰ, ⵙ ⵎⴰⴷ ⴰⵖ ⵉⴼⴽⴰ ⵓⴱⴰⵢⵢⵓⵕ ⵙ ⴽⵉⴳⴰⵏ ⵏ ⵜⵎⵙⴰⵔⵉⵏ. ⵜⵉⵎⵙⵔⵜ ⵜⴰⵅⴰⵜⴰⵔⵜ ⵉⴳⴰ ⵜⵜ ⵜⴰⵢⴰⵏⵜ ⵏ ⵉⵎⴰⵍⴰ ⵏ ⵓⴼⴳⴰⵏ ⴷ ⵓⵙⵎⵖⵔ ⵏⵏⵖ ⵖ ⵓⵙⵉⵣⴷⵔ ⵏⵏⵙ.

ⵉⴼⴰⵡ ⵎⴰⵙ ⴷ ⴰⵎⵢⴰⵡⴰⵙ ⴰⴳⵔⴰⵖⵍⴰⵏ ⵉⴼⴼⵓⵙ-ⵉⴼⴼⵓⵙ ⵉⴳⴰ ⴳ ⵜⵓⵣⵎⵣ ⵏ ⵖⵉⵍⴰⴷ ⵢⴰⵏ ⴳ ⵉⵎⴰⵙⵙⵏ ⵏ ⵓⵣⵔⴰⵢ ⵏ ⵜⵎⵓⴽⵔⵉⵙⵉⵏ ⵜⵉⴷⵎⵙⴰⵏⵉⵏ ⴷ ⵜⵏⴰⵎⵓⵏⵉⵏ ⵏ ⵜⵎⵉⵣⴰⵔ ⵏⵏⵖ, ⵙⵍⴰⵡⴰⵏ ⴰⴽⴽⵯ ⴳ ⵜⵙⴳⴰ ⵏ ⵎⴰⵔⵉⴽⴰⵏ ⵜⴰⵏⴰⵎⵎⴰⵙⵜ ⴷ ⵍⴽⴰⵔⴰⵢⵉⴱ ⴷ ⵜⵏⵎⵏⵥⴰⵡⵜ ⵏ ⵉⴼⵔⵉⵇⵢⴰ, ⵖⵓⵔⵙⵏⵜ ⵜⵉⵥⴹⴰⵕⵉⵏ ⵜⵓⵛⵛⵉⵍⵉⵏ ⵉ ⵡⴰⵍⴰⵢ ⴰⴷⵎⵙⴰⵏ, ⵙ ⵎⴰⴷ ⵟⵟⴰⴼⵏⵜ ⴳ ⵓⴼⴳⴰⵏ ⵉⴳⴰⵏ ⴰⵄⵔⵔⵉⵎ ⵉⵃⵔⵛⵏ ⴷ ⵜⵥⴹⵕⵉⵏ ⴷ ⵉⵣⵓⵖⴰⵣ ⴷ ⵡⴰⴽⴰⵍ ⴷ ⵡⴰⵎⴰⵏ ⴷ ⵉⵙⵍⵎⴰⵏ ⴷ ⵉⵎⵓⴷⴰⵔ ⴳⴳⵓⵜⵏⵉⵏ ⴳⴰⵏⵉⵏ ⵉⵎⵏⵏⴰⵡⵏ.

ⵉⵙⵎⵓⵏ ⵓⵎⵏⵥⴰⵡ ⵏ ⵉⴼⵔⵉⵇⵢⴰ ⴽⵉⴳⴰⵏ ⵏ ⵜⴰⵎⵓⵏⵉⵏ ⵜⵉⴷⵎⵙⴰⵏⵉⵏ ⵙ ⵜⵖⴰⵔⴰⵙⵜ ⵏ ⵓⵙⵖⵏⵣⵉ ⵉⵍⴻⵍⵍⵉ ⵏ ⵜⴰⵎⵓⵏⵜ ⵏ ⵍⴰⴷⵡⴰⵏ ⵏⵖ ⴰⴳⴰⴷⴰⵣ ⵉⵛⵛⴰⵔⵏ ⵏ ⵜⴰⵙⵔⵜⵉⵜ ⵏ ⵉⴷⵔⵉⵎⵏ ⵉⵎⵓⵏⵏ, ⵖⵎⴽ ⴰⵏⵏ ⴷ ⵓⵏⵏⵓⵕⵥⵎ ⵏ ⵜⵙⴳⴰ ⴽⵓⵍⵍⵓ ⵎⵇⵇⵓⵔⵏ ⵏ ⵓⵙⵏⴼⵍ ⵉⵍⴻⵍⵍⵉ ⴳ ⵓⵎⴰⴹⴰⵍ ⴳ ⵉⴼⵔⵉⵇⵢⴰ ⴳ 2021.

ⴳ ⵓⵙⴰⵜⵉ ⴰⴷ, ⴼⵔⴽⵖ ⵙ ⵡⴰⵜⵉⴳ ⵏ ⵜⵡⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⴳ ⵓⵏⴳⵔⴰⵡ ⴰⴳⵔⴰⵖⵍⴰⵏ, ⴳ ⵓⵙⴽⵔ ⵏ ⵓⵙⵏⴼⴰⵔ ⵏ ⵓⵎⵢⴰⵡⴰⵙ ⵉⴼⴼⵓⵙ-ⵉⴼⴼⵓⵙ ⴳ ⵜⵙⴳⴳⵉⵡⵉⵏ ⵏ ⵍⴰⵟⵍⴰⵚⵉ, ⵍⵍⵉⵖ ⵜⴻⵟⵟⴰⴼ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ ⴳ ⵜⵉⵍⴰⵍ ⴳ ⵓⵙⴽⵔ ⵏ ⵜⵓⴳⴳⵯⴰⵙ ⴷ ⵓⵙⴷⴷⵓⵢ ⵏ ⵡⴰⴷⴷⴰⴷⵏ ⴷ ⵓⵙⴽⵔ ⵏ ⵜⵙⵏⵜⴰⵢⵉⵏ ⴷ ⵓⵙⵎⵖⵔ ⵏ ⵉⵎⴰⵙⵙⴰⵏ ⵉⵎⴰⴷⴷⴰⵙⵏ, ⵃⵎⴰ ⴰⴷ ⵜⵉⵍⵉ ⵜⵎⵢⴰⴷⴰⵙⵜ ⵏ ⴽⵓ ⵜⵎⵓⴽⵔⵉⵙⵉⵏ ⵣⴷⵉⵏⵉⵏ ⴷ ⵉⵡⵜⵜⴰⵙⵏ ⵛⵛⴰⵔⵏⵉⵏ.

 ⵏⵓⵎⵎⵔ ⵍⵍⵉⵖ ⵉⵍⵍⴰ ⵓⵙⵓⵊⴷ ⵏ ⵓⵖⴰⵡⴰⵙ ⵏ ⵜⵡⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⵉⵛⵛⴰⵔⵏ ⵊⴰⵔ ⵓⵏⵎⵓⵇⵇⴰⵔ ⵏ ⴼⵓⴱⵔⵉⵍ ⴷ ⵓⴱⵕⵍⴰⵎⵏ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⵉⵡⴰⵜⵜⵙⵏ ⴰⵙⴷⵓⵙ ⵏ ⵓⵎⵙⴰⵡⴰⵍ ⴰⵙⵔⵜⴰⵏ ⴷ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⵏⵉⵜ ⴷ ⵓⵙⵏⴼⵍ ⵏ ⵜⵉⵔⵎⵉⵜⵉⵏ ⴷ ⵜⵎⵓⵣⴰⵢⵉⵏ ⴰⴽⴷ ⵉⴱⵕⵍⴰⵎⵏⵏ ⵏ ⵉⵡⴰⵏⴽⵏ ⵄⵏⴳⵎⴰⵎⵏ ⴳ ⵓⵏⵎⵓⵇⵇⴰⵔ ⵏ ⴼⵓⴱⵔⵉⵍ.

ⵔⴰⴷ ⵢⴰⵡⵙ ⵓⵎⵓⵙⵙⵓ ⴰⴷ ⴰⴱⵕⵍⴰⵎⴰⵏⵉ ⵉⵜⵜⵓⵙⵏⵎⴰⵍⴰⵏ ⴰⵙⵙ ⴰⴷ ⴳ ⵕⵕⴱⴰⵟ ⴳ ⵓⵎⵙⴰⵡⴰⵍ ⴰⵙⵔⵜⴰⵏ ⵉⴷⵔⴰⵏ ⴷ ⵓⵎⵢⴰⵡⴰⵙ ⴰⴷⵉⴱⵍⵓⵎⴰⵙⵉ, ⵉ ⵓⵙⵓⵊⴷ ⵏ ⵉⴱⵔⵉⴷⵏ ⵏ ⵜⵡⵡⵓⵔⵉ ⵉⵛⵛⴰⵔⵏ ⴳ ⵉⴳⵔⴰⵏ ⵉⵙⵔⵜⴰⵏⵏ ⴷ ⵉⴷⵎⵙⴰⵏⵏ ⴷ ⵓⵙⵖⵏⵣⵉ ⴷ ⵉⴽⴰⴷⵉⵎⵉⵢⵏ ⴷ ⵉⴷⵍⵙⴰⵏⵏ.

ⴰⵙⵙ ⴰⴷ, ⵉⵇⵇⴰⵏ ⴷ ⵓⵙⵎⵖⵔ ⵏ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ ⵉⵕⵡⴰⵏ ⵉⵥⴹⴰⵕⵏ ⴰⴷ ⵜⴰⴼⵉ ⵉⴼⵙⵙⴰⵢⵏ ⵉ ⵜⵏⴰⵥⴰⵕⵉⵏ, ⵜⵙⵎⵖⵔ ⵜⴰⵎⴷⵔⴰⵡⵜ ⴷ ⵉⵎⵏⴰⴷⵏ ⵅⴰⵜⵔⵏⵉⵏ ⵉ ⵓⵎⵢⴰⵡⴰⵙ ⴰⴳⵜⵉⵔⴰⵏ, ⵙ ⵖⵎⴽ ⴰⴷ ⴰⴼ ⵜⴳⴰ ⵜⵡⵡⵓⵔⵉ ⵏⵏⵖ ⵜⴰⴱⵕⵍⴰⵎⴰⵏⵉⵜ ⵉⵎⵉⵙⵙ ⵏ ⵓⵙⴷⵓⵙ ⵏ ⵓⵎⵢⴰⵡⴰⵙ ⵉⴼⴼⵓⵙ-ⵉⴼⴼⵓⵙ, ⵜⵙⴽⵔ ⵓⵍⴰ ⵜⵉⴳⵎⵉ ⵜⴰⴷⵎⵙⴰⵏⵜ ⵉ ⵜⵎⵉⵣⴰⵔ ⵏⵏⵖ ⴷ ⵜⵎⵙⴰⵔⵉⵏ ⵏ ⵉⵎⴰⴷⴰⵏⵏ ⵏⵏⵖ.

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ

ⵉⵍⵍⴰ ⵡⴰⴷⴷⵓⵔ ⴷⴰⵔ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⵙ ⵙⵉⵏ ⵉⵙⵇⵇⵉⵎⵏ ⵏⵏⵙ, ⴷ ⴽⵓ ⵜⵉⵎⵔⵙⴰⵍ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ, ⵍⵍⵉⵖ ⵉⵙⵙⵏ ⵓⵏⴳⵔⴰⵡ ⴰⴳⵔⴰⵖⵍⴰⵏ ⵙ ⵜⵉⵍⴰⵍⵜ ⵏⵏⵙ ⴳ ⵓⵙⴷⵓⵙ ⵏ ⵓⵎⵢⴰⵡⴰⵙ ⵉⴼⴼⵓⵙ ⵉⴼⴼⵓⵙ ⴳ ⴽⵓ ⵉⵙⵡⵉⵔⵏ, ⴰⵔ ⴷ ⵜⵙⵙⴽⵜⵉ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⵜⵉⵣⴷⴰⵢⵉⵏ ⵏ ⵓⵎⵣⵔⵓⵢ ⴷ ⵡⴰⵜⵉⴳⵏ ⵛⵛⴰⵔⵏⵉⵏ ⵙⵎⵓⵏⵏⵉⵏ ⵊⴰⵔ ⵉⵎⴰⴷⴰⵏⵏ ⵏ ⵉⵡⴰⵏⴽⵏ ⵍⵍⴰⵏⵉⵏ ⴳ ⵜⵣⵣⵉⴳⵣⵜ ⴷ ⵉⵎⴰⴷⴰⵏⵏ ⴷ ⵜⵎⵉⵣⴰⵔ ⵏ ⵉⴼⵔⵉⵇⵢⴰ ⴷ ⵎⴰⵔⵉⴽⴰⵏ ⵜⵏⴰⵎⵎⴰⵙⵜ ⵙ ⵜⵖⴰⵔⴰⵙⵜ ⵉⵥⵍⵉⵏ.

ⵜⴳ ⵜⵉⵡⵉⵙ ⵏ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⴳ ⵓⵚⴽⵓ ⴰⵎⵔⵙⵍⴰⵏ ⵏ ⵓⵎⵢⴰⵡⴰⵙ ⴰⴱⵕⵍⴰⵎⵏⵉ ⵊⴰⵔ ⵉⵡⴰⵏⴽⵏ ⵏ ⵉⴼⴼⵓⵙ ⵙⴳ ⵓⴼⵔⴰⴽ ⵏⵏⵙ ⵙ ⵓⵛⵛⵉⵍ ⵏ ⵓⵎⵙⴰⵡⴰⵍ ⵉ ⵓⵙⵔⵓⵙ ⵏ ⵉⵡⵜⵜⴰⵙⵏ ⴷ ⵉⵖⴰⵡⴰⵙⵏ ⴷ ⵓⴹⴼⵕ ⵏⵏⵙⵏ.

ⵜⵙⵙⵏⵎ ⵎⴰⵙⴷ ⴰⵎⵢⴰⴷⴰⵙ ⵊⴰⵔ ⵉⵡⴰⵏⴽⵏ ⴷ ⵓⵙⵉⴷⴼ ⴰⴷⵎⵙⴰⵏ ⵍⵍⵉ ⵏⵔⴰ ⴰⴷ ⵜ ⵏⵍⴽⵎ ⵔⴰⴷ ⵢⵉⵍⵉ ⵙ ⵓⵙⵏⴼⵍ ⵏ ⵜⴰⵏⵏⴰⵢⵢⵉⵏ ⴷ ⵓⵣⴷⴷⵓⵢ ⵏ ⵡⴰⴷⴷⴰⴷⵏ ⵉⵙⵔⵜⴰⵏⵏ, ⵉⵇⵇⴰⵏ ⴷ ⴰⴷ ⵏⵎⴹⵉⴽⵉⵕ ⴼ ⵎⴰⵢⴰⴷ  ⴳ ⵜⵙⵓⵜⵍⵜ ⴰⴷ, ⵉ ⵓⵙⴷⵓⵙ ⵏ ⵉⵣⵣⵔⴰⴼⵏ ⴷ ⵜⵖⵓⵔⵉⵡⵉⵏ ⴷ ⵓⵙⵡⵓⴷⴷⵓ ⵏ ⵜⵓⵙⵙⵏⵉⵡⵉⵏ ⴷ ⵓⵙⴷⵓⵙ ⵏ ⵜⵙⵓⴳⴰⵔ ⴷ ⵜⵡⵉⵙⵉ ⴳ ⵜⵉⵍⵉⵜ ⵏ ⵜⵎⵔⴰⵔⵓⵜⵉⵏ ⵅⴼ ⵜⵎⵙⴰⵔⵉⵏ ⵜⵉⵙⵜⵔⴰⵜⵉⵊⵉⵢⵉⵏ ⵙⴳ ⵉⴱⵕⵍⴰⵎⴰⵏⵏ.

ⵉⴳ ⵖ ⵜⵉⵢⵢⴰⴼⵓⵜⵉⵏ ⵏ ⵜⵙⵎⵓⵏⴰⵢ ⴷ ⵉⵏⵎⵓⵇⵇⴰⵔⵏ ⴰⴷ ⴰⵙⴷⵓⵙ ⵏ ⵜⴷⴷⵓⴽⴽⵯⵍⴰ ⴷ ⵓⵏⵔⴰⵎⴰⵙ ⴰⵙⵉⵏⵔⴰⵏ ⵉⵙⵓⵍⵏ ⵊⴰⵔ ⵉⴳⵏⵙⴰⵏ ⵏ ⵉⵎⴰⴷⴰⵏⵏ ⴷ ⵓⵙⵕⵚⵓ ⵏ ⵓⵎⴰⵢⴰⵙ ⵏ ⵉⵎⴰⵍ ⵊⴰⵔ ⵏⵏⵙⵏ.

ⴰⵔ ⴷⴰⵖ ⵙⵔⵓⵏ ⵙⴱⵔⵔⴰⴽⵖ ⵖ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ, ⴷ ⵓⵎⵓⵔⵙ ⵉ ⵓⵏⵎⵓⵇⵇⴰⵔ ⵏ ⴼⵓⴱⵔⵉⵍ. ⵜⴰⵏⵎⵎⵉⵔⵜ.