ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2016/2021 :
ⴰⵙⵉⵡⴹ ⵏ ⵜⵙⵎⵓⵏⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵉⵏⵙⵙⵉⵅⴼⵏ ⴷ ⵜⵏⵙⵙⵉⵅⴼⵜ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵜⵉⴱⵕⵍⴰⵎⴰⵏⵉⵢⵉⵏ, ⴰⵢⵏⴰⵙ 24 ⵎⴰⵢⵢⵓ 2021
ⵉⵙⴳⵓⵎⵓⵏ ⵏ ⵜⵙⵎⵓⵏⵉ: ⵜⵉⵣⴷⴰⵢⵉⵏ ⵏⴳⵔ ⵍⵎⵖⵔⵉⴱ ⴷ ⵚⴱⴰⵏⵢⴰ, ⵜⴰⵎⵙⴰⵔⵜ ⵏ ⴼⴰⵍⵉⵚⵟⵉⵏ.
ⵉⵙⵏⵎⴰⵍⴰ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ ⵜⴰⵙⵎⵓⵏⵉ ⴷ ⵉⴷ ⵎⴰⵙⵙ ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵜⵉⴱⵕⵍⴰⵎⴰⵏⵉⵢⵉⵏ, ⴼ:
ⵜⵉⵣⵣⵉⴳⵣⵉⵏ ⵏ ⵜⵣⴷⴰⵢⵉⵏ ⵏⴳⵔ ⵍⵎⵖⵔⵉⴱ ⴷ ⵚⴱⴰⵏⵢⴰ, ⵜⴰⵎⵙⴰⵔⵜ ⵜⴰⵣⵔⴼⴰⵏⵜ ⵏ ⴼⴰⵍⵉⵚⵟⵉⵏ, ⴰⵖⴰⵡⴰⵙ ⵏ ⵓⵙⵇⵇⵉⵎ ⴳ ⵜⵉⴹⴰⴼ ⴷ ⵓⵣⵣⵔⴰⴼ.
ⵉⵙⵙⴽⵜⵉ ⴷ ⵓⵏⵙⵙⵉⵅⴼ ⴷ ⵉⴼⵔⴷⴰⵙ ⵏ ⵓⵙⵇⵇⵉⵎ ⴳ ⵜⵣⵡⵉⵔⵉ ⵜⵉⵎⵏⵜⵍⵉⵏ ⵏ ⵜⴰⵙⵙⴰⵙⵜ ⵏ ⵖⵉⵍⴰⴷ ⵖ ⵜⵣⴷⴰⵢⵉⵏ ⵏⴳⵔ ⵍⵎⵖⵔⵉⴱ ⴷ ⵚⴱⴰⵏⵢⴰ ⵍⵍⵉⵖ ⵉⴽⵛⵎ ⵡⴰⴷ ⵉⵜⵜⵓⵙⵎⵎⴰⵏ ⴱⵕⴰⵀⵉⵎ ⵖⴰⵍⵉ ⵙ ⵡⴰⴽⴰⵍ ⵏ ⵚⴱⴰⵏⵢⴰ ⵙ ⵜⵎⴰⴳⵉⵜ ⵏ ⵜⴽⵔⴽⴰⵙ ⴷ ⵜⵓⵔⴰⴳⵜ ⵏ ⵓⵎⵓⴷⴷⵓ ⵉⵜⵜⵓⵥⵡⵡⴰⵕⵏ ⴱⵍⴰ ⵉⵍⵍⴰ ⵓⵙⵏⵖⵎⵙ ⵏ ⵜⴳⵍⴷⵉⵜ, ⵏⵏⴰⵏ ⴽⵓ ⵉⴼⵔⴷⴰⵙ ⵏ ⵓⵙⵇⵇⵉⵎ ⵎⴰⵙ ⵉⴳⴰ ⵓⵙⴽⵔ ⴰⴷ ⵡⴰⴷ ⵉⵀⵔⵛⵏ ⵓⵔ ⵉⵥⵉⵍⵏ ⵎⵏⵉⴷ ⵏ ⵍⵎⵖⵔⵉⴱ ⵍⵍⵉ ⵉⵎⵓⵏⵏ ⴷ ⵚⴱⴰⵏⵢⴰ ⵖ ⴽⵉⴳⴰⵏ ⵏ ⵓⴷⵎⴰⵡⵏ ⵏ ⵓⵎⵢⴰⵡⴰⵙ ⴳ ⵜⵏⴼⵔⵓⵜ ⴷ ⵜⴷⵎⵙⴰ ⴷ ⵜⵙⵔⵜⵉⵜ.
ⵉⵏⵏⴰ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⴷ ⵉⴼⵔⴷⴰⵙ ⵏⵏⵙ, ⵎⴰⵙ ⵜⵙⵜⵉ ⵚⴱⴰⵏⵢⴰ ⴰⴷ ⵓⵔ ⵜⵔⴰⵔ ⴼ ⵉⵙⵇⵙⵉⵜⵏ ⵏ ⵍⵎⵖⵔⵉⴱ ⵎⵏⵉⴷ ⵏ ⵓⴽⵛⵎ ⵏ ⵓⴼⴳⴰⵏ ⴰⵎⵏⵜⴰⵢ ⴷ ⵓⴼⵔⴰⴳ ⵏ ⵡⴰⵏⴰⵡ ⴷ ⵜⵉⵕⵡⵉ ⵏ ⵜⵣⴷⴰⵢⵉⵏ ⵜⵉⵙⵉⵏⵔⴰⵏⵉⵏ, ⵜⵙⵜⵉ ⵓⵍⴰ ⵜⴷⵉⴱⵍⵓⵎⴰⵙⵉⵜ ⵏ ⵚⴱⴰⵏⵢⴰ ⴰⴷ ⵜⵣⵣⵉⴳⵣ ⴳ ⵓⵙⴷⵓⵙ ⵏ ⵜⴰⵙⵙⴰⵙⵜ, ⵙⵍⴰⵡⴰⵏ ⴰⴽⴽⵯ ⵎⴰⵙ ⴰ ⵜⵙⵉⴳⴳⵉⵍ ⵜⵣⵔⴼⵜ ⵏ ⵚⴱⴰⵏⵢⴰ ⴰⴼⴳⴰⵏ ⴰⵏⵏ, ⴰⵢⵍⵍⵉ ⵉⵙⵙⵀⵔⵛⵏ ⴰⵙⵓⵔⵙ ⴷ ⵉⵎⴰⵍ ⵏ ⵜⵣⴷⴰⵢⵉⵏ ⵏⴳⵔ ⵍⵎⵖⵔⵉⴱ ⴷ ⵚⴱⴰⵏⵢⴰ. ⵖⵎⴽ ⴰⵏⵏ ⴷ ⵜⵙⴳⵓⵔⵉⵡⵉⵏ ⵀⵔⵛⵏⵉⵏ ⴼ ⵜⵢⴰⵏⵜ ⵜⴰⵏⴰⴽⴰⵍⵜ ⵏ ⵍⵎⵖⵔⵉⴱ ⴷ ⵜⵓⴳⴳⴰⵙ ⵏ ⵍⵎⵖⵔⵉⴱ ⴳ ⵜⵎⵓⴽⵔⵉⵙⵉⵏ ⵜⵉⴳⵔⴰⵖⵍⴰⵏⵉⵏ ⵏ ⵓⵣⵡⴰⴳ ⴷ ⵜⵏⴼⵔⵓⵜ.
ⵣⵎⵎⵉⵎⵏ ⵉⴼⵔⴷⴰⵙ ⵏ ⵓⵙⵇⵇⵉⵎ ⵙ ⵓⵖⵉⵍⵓⴼ ⵉⴳⴳⵓⵜⵏ ⵜⵉⵙⴳⵓⵔⵉⵡⵉⵏ ⵍⵍⵉ ⵎⵎⴰⵖⵏⵉⵏ ⴰⴷ ⴷ ⵙⵙⴼⵖⵏⵜ ⵜⴰⵙⵙⴰⵙⵜ ⴰⴷ ⴳ ⵓⵎⵏⴰⴹ ⵏⵏⵙ, ⵙ ⵉⵎⵔⵙⵉⵡⵏ ⵔⴰⵏⵉⵏ ⴰⴷ ⵙⵙⴽⵛⵎⵏ ⵜⴰⵎⵓⵏⵜ ⵏ ⵓⵕⵓⴱⴱⴰ ⴳ ⵜⵣⴷⴰⵢⵜ ⵏⵏⵙ ⴷ ⵍⵎⵖⵔⵉⴱ ⵖ ⵉⵍⵍⴰ ⵓⵡⵇⵇⵔ ⴷ ⵓⵙⵓⵜⴳ ⴷ ⵓⵎⵢⴰⵡⴰⵙ ⵉⵜⵜⵓⵙⵏⴼⴰⵍⵏ.
ⵉⵙⵙⴽⵜⵉ ⴷ ⵓⵏⵙⵙⵉⵅⴼ ⴷ ⵉⴼⵔⴷⴰⵙ ⵏ ⵓⵙⵇⵇⵉⵎ ⴰⵙⵡⵉⵔ ⵏ ⵜⵎⵙⴰⵔⵜ ⵏ ⴼⴰⵍⵉⵚⵟⵉⵏ ⴳ ⵓⵍⴰⵡⵏ ⵏ ⵉⵎⵖⵔⵉⴱⵉⵢⵏ, ⴷ ⵓⴱⴷⴷⴰⴷ ⵏ ⵍⵎⵖⵔⵉⴱ ⴰⴳⵍⵍⵉⴷ ⴷ ⵜⵏⴱⴰⴹⵜ ⴷ ⵓⵎⴰⴷⴰⵏ ⵜⴰⵎⴰ ⵏ ⵓⵎⴰⴷⴰⵏ ⵏ ⴼⴰⵍⵉⵚⵟⵉⵏ ⴳ ⵡⴰⴷⴷⴰⴷⵏ ⵛⴷⴷⴰⵏⵉⵏ, ⵜⵜⵓⵣⵎⵎⴰⵎⵏ ⵓⵍⴰ ⴰⴷⴷⴰⴷⵏ ⵏ ⵜⴳⵍⴷⵉⵜⵎⵏⵉⴷ ⵏ ⵜⵎⵙⴰⵔⵉⵏ ⴳⴳⵓⵔⴰⵏⵉⵏ ⴷ ⵜⴽⵕⴹⵉ ⵉⵍⵍⴰⵏ ⵎⵏⵉⴷ ⵏ ⵉⴼⵉⵍⵉⵚⵟⵉⵏⵉⵢⵏ, ⵖⵎⴽ ⵍⵍⵉ ⴷ ⵙⵙⴽⵜⵉⵏ ⵜⵉⵍⴰⵍⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴷ ⵜ ⵉⵃⴼⴹ ⵕⴱⴱⵉ ⵍⵍⵉⵖ ⵉⴳⴰ ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵍⵇⵓⴷⵙ ⴷ ⵜⵓⴳⴳⴰⵙ ⵍⵍⵉ ⵉⵙⴽⵔ ⴱⴰⴱ ⵏ ⵡⴰⴷⴷⵓⵔ ⴷⴼⴼⵉⵔ ⵏ ⵜⵉⵍⵉⵜ ⵏ ⵜⵎⴰⵖⵜ ⵜⴰⵄⵚⴽⵕⵉⵜ ⴷ ⵜⵓⴳⴳⴰⵙ ⵏⵏⵙ ⵣⵣⵉⴳⵣⵏⵉⵏ ⵉ ⵓⵙⴱⴷⴷⵉ ⵏ ⵜⵎⴰⵖⵜ ⵏⴳⵔ ⵙⵏⴰⵜ ⵜⵙⴳⴳⵉⵡⵉⵏ, ⴷ ⵓⵙⴽⵔ ⵏ ⵜⵓⵜⵔⴰⵡⵉⵏ ⵏ ⵓⵎⴰⴷⴰⵏ ⴰⴼⵉⵍⵉⵚⵟⵉⵏⵉ ⴳⴰⵏⵉⵏ ⵜⵓⵍⴳⵉⵏⵉⵏ ⴳ ⵜⴻⵍⵉⵍⵍⵉ ⴷ ⵡⴰⴷⴷⵓⵔ ⴷ ⵓⵙⴽⵔ ⵏ ⵓⵡⴰⵏⴽ ⵏⵏⵙ ⴰⵙⵉⵎⴰⵏ. ⵉⵙⴰⵡⵍ ⵓⵏⵙⵙⵉⵅⴼ ⴷ ⵉⴼⵔⴷⴰⵙ ⵏ ⵓⵙⵇⵇⵉⵎ ⴼ ⵜⵓⵎⵔⵜ ⴷⴼⴼⵉⵔ ⵏ ⵓⵙⴱⴷⴷⵉ ⵏ ⵓⵇⵔⵢⴰⵏ ⴷ ⵓⵙⴽⵔ ⵏ ⵓⴼⵔⴰ ⵉ ⵓⵙⴱⴷⴷⵉ ⵏ ⵜⵎⵜⵜⴰⵏⵜ ⵏ ⵉⵎⴰⵏⵏ.
ⴳ ⵓⵙⵏⵎⴰⵍⴰ ⵏ ⵜⵡⵓⵔⵉⵡⵉⵏ ⵏ ⵓⵙⵇⵇⵉⵎ, ⵜⵎⴷⴰⵡⴰⵍ ⵜⵙⵎⵓⵏⵉ ⴼ ⵉⵎⵔⵙⵉⵡⵏ ⵏ ⵜⵉⴹⴰⴼ ⴷ ⵓⵙⴱⵓⵖⵍⵓ ⵏⵏⵙ, ⴷ ⵓⵖⴰⵡⴰⵙ ⵏ ⵓⵣⵣⵔⴰⴼ ⴳ ⵜⵡⵓⵔⵉ ⵏ ⵓⵙⵇⵇⵉⵎ.