ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵙⵏⴼⴰⵔ ⵏ ⵓⵙⵍⴳⵏ ⵏ ⵓⴼⵓⴽⴽⵓ 23.21 ⴼ ⵓⵣⵣⴳⵉⵔ ⵏ ⵓⵙⵍⴳⵏ ⵏ ⵓⵥⵕⴼ 2019
ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵢⵏⴰⵙ 27 ⴷⵓⵊⴰⵏⴱⵉⵔ 2021, ⵙ ⵜⵓⴳⵜ ⴰⵙⵏⴼⴰⵔ ⵏ ⵓⵙⵍⴳⵏ ⵏ ⵓⴼⵓⴽⴽⵓ 23.21 ⴼ ⵓⵣⵣⴳⵉⵔ ⵏ ⵓⵙⵍⴳⵏ ⵏ ⵓⵥⵕⴼ ⵏ 2019, ⴳ ⵜⵖⵉⵎⵉⵜ ⵜⴰⵣⵣⵔⴰⴼⵜ ⵍⵍⵉ ⵉⵙⵙⵉⵅⴼ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴷ ⵜⵉⵍⵉⵜ ⵏ ⵎⴰⵙⵙ ⴼⴰⵡⵣⵉ ⵍⵇⵊⵄ ⴰⵎⴰⵡⵙⴰⵙ ⴰⵎⴰⵔⵉ ⵖⵔ ⵜⵎⴰⵡⵙⴰⵙⵜ ⵏ ⵜⴷⵎⵙⴰ ⴷ ⵓⵥⵕⴼ ⵉⵜⵜⵓⵙⵎⴰⴳⴰⵍⵏ ⵙ ⵜⵎⵙⴰⵙⵜⵍⵜ, ⴷ ⵉⴳⵎⴰⵎⵏ ⵏ ⵜⵏⴱⴰⴹⵜ, ⵢⵉⵍⵉ ⵓⵙⵖⵣⵏ ⵙ ⵜⴰⵢⵢⵉⵀⵜ ⵏ 77 ⵏ ⵓⵎⴰⵔⵉ ⴷ ⵜⴰⴳⵯⵉⵜ ⵏ ⵢⴰⵏ ⵓⵎⴰⵔⵉ.
ⵢⵉⵡⵉ ⴷ ⵓⵙⵏⴼⴰⵔ ⵏ ⵓⵙⵍⴳⵏ ⵏ ⵓⴼⵓⴽⴽⵓ ⵉⵣⴷⵉⵏ ⴷ ⵓⵣⵣⴳⵉⵔ ⵏ ⵓⵙⵍⴳⵏ ⵏ ⵓⵥⵕⴼ ⵏ 2019 ⵉⴽⵛⵓⵎⵏ ⴷ ⵜⵎⴽⵕⴰⴹ ⵍⵍⴰⵏⵉⵏ ⴳ 2019, ⵎⴽ ⵍⵍⴰⵏⵜ ⵜⵉⵢⵢⴰⴼⵓⵜⵉⵏ ⵙⵎⴷⵏⵉⵏ ⵏ ⵓⵣⵣⴳⵉⵔ ⵏ ⵓⵙⵍⴳⵏ ⵏ ⵓⵥⵕⴼ ⵏ 2019 ⴳ ⵜⵎⵙⴰⵙⵜⵍⵜ ⵜⴰⵎⴰⵜⴰⵢⵜ ⴷ ⵉⵎⵉⴹⴰⵏⵏ ⵓⵙⵍⵉⴳⵏ ⵏ ⵜⵎⵙⴰⵙⵜⵍⵜ ⴷ ⵜⵏⵓⴼⴰ ⵜⵉⵏⵙⵉⵎⴰⵏⵉⵏ ⵏ ⵓⵡⴰⵏⴽ.
ⵙ ⵓⵎⴰⴳⵔⴰⴷ 65 ⵏ ⵓⵙⵍⴳⵏ ⴰⵎⴰⴷⴷⴰⵙ ⵏ ⵓⵥⵕⴼ, ⴷ ⵓⵎⴰⴳⵔⴰⴷ 76 ⵏ ⵓⴷⵓⵙⵜⵓⵔ, ⴰⵔ ⵉⵜⵜⵔⵓⵙ ⵓⵙⵏⴼⴰⵔ ⵏ ⵓⵙⵍⴳⵏ ⵏ ⵓⴼⵓⴽⴽⵓ ⵉⵣⴷⵉⵏ ⴷ ⵓⵣⵣⴳⵉⵔ ⵏ ⵓⵙⵍⴳⵏ ⵏ ⵓⵥⵕⴼ ⴽⵓ ⴰⵙⴳⴳⵯⴰⵙ ⵙ ⵜⵣⵡⵉⵔⵉ ⴷⴰⵔ ⵓⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵓⵔⵜⴰ ⵉⵙⵎⴷ ⵓⴼⴽⴽⵓ ⴰⵎⵣⵡⴰⵔⵓ ⵏ ⵓⵙⴳⴳⵯⴰⵙ ⵡⵉⵙ ⵙⵉⵏ ⵉⴹⴼⵕⵏ ⴰⵣⵣⴳⵉⵔ ⵏ ⵓⵙⵍⴳⵏ ⴰⴷ ⵏ ⵓⵥⵕⴼ. ⵙ ⵓⵎⵏⵏⵉ 66 ⵏ ⵓⵙⵍⴳⵏ ⴰⴷ ⴰⵎⴰⴷⴷⴰⵙ, ⴰⵔ ⵉⵜⵜⵎⵓⵏ ⴷ ⵎⵏⵏⴰⵡⵜ ⵜⴻⵜⴳⴰⵔⵉⵏ, ⴰⵔ ⵜⵜⴰⵣⵏ ⵜⵙⵏⴱⴹⴰⵢⵜ ⵏ ⵓⵙⵉⵟⵏ ⵉ ⵓⴱⵕⵍⴰⵎⴰⵏ ⴰⵏⵇⵇⵉⵙ ⴼ ⵓⵣⵣⴳⵉⵔ ⵏ ⵓⵙⵍⴳⵏ ⵏ ⵓⵥⵕⴼ ⴷ ⵜⵙⴳⵓⵔⵉ ⵜⴰⵎⴰⵜⴰⵢⵜ ⵏ ⵓⵎⵙⴰⵙⴰ ⵊⴰⵔ ⵉⵎⵉⴹⴰⵏⵏ ⵓⴼⵔⵉⴷⵏ ⵏ ⵉⵏⵎⵉⴹⴰⵏⵏ ⴷ ⵓⵙⵉⴹⵏ ⴰⵎⴰⵜⴰⵢ ⵏ ⵜⴳⵍⴷⵉⵜ.
