ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2016/2021 :
ⴰⵙⵉⵡⴹ ⵏ ⵜⵙⵎⵓⵏⵉ ⵏ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⴷ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵜⵉⴱⵕⵍⴰⵎⴰⵏⵉⵢⵉⵏ, ⴰⵢⵏⴰⵙ 22 ⵢⵓⵏⵢⵓ 2020
ⵉⵙⵏⵎⴰⵍⴰ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ ⵜⴰⵙⵎⵓⵏⵉ ⴷ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵜⵉⴱⵕⵍⴰⵎⴰⵏⵉⵢⵉⵏ ⴰⵙⵙ ⵏ ⵡⴰⵢⵏⴰⵙ 22 ⵢⵓⵏⵢⵓ 2020, ⵜⵥⵍⵉ ⵉ ⵓⵖⴰⵡⴰⵙ ⵏ ⵜⵡⵓⵔⵉ ⵏ ⵓⵙⵇⵇⵉⵎ.
ⵖ ⵜⵡⵓⵔⵉ ⵏ ⵜⵉⴹⴰⴼ, ⵣⵎⵎⵉⵎⵏ ⵉⴼⵔⴷⴰⵙ ⵏ ⵓⵙⵇⵇⵉⵎ ⵜⴰⵢⴰⴼⵓⵜ ⵉⵥⵉⵍⵏ ⵏ ⵜⵡⵓⵔⵉ ⵏ ⵜⵙⵇⵇⵉⵎⵉⵏ ⵜⵉⵎⵖⵍⴰⵍⵉⵏ ⵍⵍⵉ ⵉⴹⴼⵕⵏ, ⵙ ⵜⵙⵎⵓⵏⴰⵢ ⵏⵏⵙⵏⵜ, ⴽⵉⴳⴰⵏ ⵏ ⵜⵎⵙⴰⵔⵉⵏ ⴷ ⵉⵅⵎⵎⵉⵎⵏ ⵏ ⵡⴰⵎⵓⵏ ⵖ ⵜⵙⴳⵉⵡⵉⵏ ⵜⵉⵏⴰⵎⵓⵏⵉⵏ ⴷ ⵜⴷⵎⵙⴰⵏⵉⵏ ⴷ ⵜⵉⵏ ⵜⵏⴼⵔⵓⵜ. ⵖⵎⴽ ⵍⵍⵉ ⵥⵕⴰⵏ ⵜⴰⵣⵣⵉⴳⵣⵜ ⵏ ⵜⵡⵓⵔⵉ ⵏ ⵓⵣⵣⵔⴰⴼ ⴷ ⵉⵎⵏⵉⴷⵏ ⵏ ⵜⵡⵓⵔⵉ ⵏ ⵜⵉⴹⴰⴼ ⴷ ⵓⵣⵣⵔⴰⴼ ⴷ ⵜⵙⵏⵜⴰⵢⵉⵏ ⵍⵍⵉ ⵔⴰⴷ ⵢⴰⵡⵙ ⵖ ⵓⴱⵓⵖⵍⵓ ⵏ ⵜⵡⵓⵔⵉ ⵏ ⵜⵙⵓⵜⵍⵜ ⵖ ⵉⴳⵔⴰⵏ ⵏ ⵓⵣⵣⵔⴰⴼ ⴷ ⵜⵉⴹⴰⴼ.
ⵜⵎⴷⴰⵡⴰⵍ ⵜⵙⵎⵓⵏⵉ ⴰⴷ ⵓⵍⴰ ⴼ ⵓⵖⴰⵡⴰⵙ ⵏ ⵜⵡⵓⵔⵉ ⴷ ⵢⵓⵛⴽⴰⵏ ⵏ ⵓⵙⵇⵇⵉⵎ, ⵖ ⵎⴰ ⴷ ⵉⵥⵍⵉⵏ ⵙ ⵓⵙⵏⵎⴰⵍⴰ ⵏ ⵜⵖⵉⵎⵉⵜⵉⵏ ⵜⵉⵏⵎⵍⴰⵙⵙⵉⵏ ⵏ ⵉⵙⵇⵙⵉⵜⵏ ⵉⵎⵉⵡⴰⵏⵏ. ⵙ ⵜⵎⵍⴷⴰ ⴰⴷ, ⵙⴰⵡⵍⵏ ⵉⴼⵔⴷⴰⵙ ⵏ ⵓⵙⵇⵇⵉⵎ ⴼ ⵡⴰⵜⵉⴳ ⵉⵍⵍⴰⵏ ⴷⴰⵔ ⵜⵎⵙⴰⵔⵉⵏ ⵏ ⵖⵉⵍⴰⴷ ⵍⵍⴰⵏⵉⵏ ⵖ ⵜⵎⴰⵣⵉⵔⵜ ⵏⵏⵖ, ⴷ ⵜⵣⵣⵉⴳⵣⵉⵏ ⴹⴼⵕⵏⵉⵏ ⴳⴰⵏⵉⵏ ⵜⵉⵎⴰⵢⵏⵓⵜⵉⵏ ⵣⴷⵉⵏⵉⵏ ⴷ ⵉⵎⵔⵙⵉ ⵏ ⵓⴱⴰⵢⵢⵓⵕ ⴷ ⵡⴰⴷⴷⴰⴷ ⵏ ⵉⵖⴰⵡⴰⵍⵏ ⵉⴷⴰⵡⵙⴰⵏⵏ, ⵙⴷⴷⵉⴷⵏ ⵎⴰⵙ ⴷ ⵉⵇⵇⴰⵏ ⴰⴷ ⵉⴳ ⵓⵙⴰⵢⵔⵓⵔ ⴰⴱⵕⵍⴰⵎⴰⵏⵉ ⴰⵙⴰⵜⵉ ⵍⵍⵉ ⴷⴰⵔ ⵜⵉⵣⵡⵉⵔⵉ ⵖ ⵓⵎⴹⴰⴽⴰⵕ ⵏ ⵉⵅⵎⵎⵉⵎⵏ ⵏ ⵉⵏⵎⵓⵔⴰⵏ, ⵖⵎⴽ ⵍⵍⵉ ⵙⴷⴷⵉⴷⵏ ⵉⴼⵔⴷⴰⵙ ⵏ ⵓⵙⵇⵇⵉⵎ ⴰⴷ ⵢⵉⵍⵉ ⴽⵉⴳⴰⵏ ⵏ ⵓⵙⵎⵓⵙⵙⵓ ⵉ ⵓⴹⴼⵕ ⵏ ⵜⵓⴳⴳⴰⵙ ⵜⵉⵏⴰⵎⵓⵔⵉⵏ, ⵜⵉⵍⵉ ⵓⵍⴰ ⵜⵖⵓⵔⵉ ⵉ ⵜⵏⴱⴰⴹⵜ ⵃⵎⴰ ⴰⴷ ⵜⵏⴰⵢⵍⴽⴰⵎ ⵙ ⵜⵖⴰⵔⴰⵙⵜ ⵉⵣⵣⵉⴳⵣⵏ ⵉⴳⴰⵏ ⵜⴰⴷⵖⵢⴰⵏⵜ ⴷ ⵜⵓⵜⵔⵉⵡⵉⵏ ⴷ ⵜⵙⵓⵎⵔⵉⵏ ⵏ ⵉⴳⵏⵙⴰⵙⵏ ⵏ ⵜⵎⵜⵜⵉ ⵖ ⵢⴰⵏ ⵓⵙⵓⵔⵙ ⵖ ⵉⵍⵍⴰ ⵓⵎⵢⴰⵡⴰⵣ ⵉⴳⴰⵏ ⵚⴰⵃⴰ ⵏ ⵜⵏⴰⴼⵓⵜ ⵜⴰⵎⴰⵜⵜⵓⵢⵜ ⵏ ⵜⵎⵓⵔⵜ.
ⵜⵎⴷⴰⵡⴰⵍ ⵜⵙⵎⵓⵏⵉ ⵓⵍⴰ ⴼ ⵉⵎⵔⵙⵉ ⵏ ⵜⵎⵙⴽⴰⵔ ⵏ ⵡⴰⵔⴰⵢ ⵍⵍⵉ ⵙ ⵉⵙⵡⵓⵔⵉ ⵓⵙⵇⵇⵉⵎ, ⴷ ⵜⴱⵔⵉⴷⵜ ⵜⴰⵎⴹⴼⵓⵕⴰⵢⵜ ⵉⵜⵜⵓⵙⴽⴰⵔⵏ ⵖ ⵜⵉⵍⵉⵜ ⵖ ⵜⵡⵓⵔⵉⵡⵉⵏ ⵏ ⵜⵙⵇⵇⵉⵎⵉⵏ ⴷ ⵜⵖⵉⵎⵉⵜⵉⵏ ⵜⵉⵎⴰⵜⴰⵢⵉⵏ, ⴷ ⵓⵙⵏⵎⴰⵍⴰ ⵏ ⵜⵖⵉⵎⵉⵜⵉⵏ ⵜⵉⵏⵎⵍⴰⵙⵙⵉⵏ ⵏ ⵜⵉⴹⴰⴼ, ⵉⵙⴷⴷⵉⴷ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵎⴰⵙ ⴳⴰⵏ ⵉⵎⵔⵙⵉⵡⵏ ⴰⴷ ⵡⵉⴷ ⵉⵜⵜⵎⴹⴰⴽⴰⵕ ⵓⵙⵇⵇⵉⵎ ⵉⴼⴼⵖ ⵙ ⵜⵖⵜⴰⵙⵉⵏ ⵙⵔⵙⵏ ⵉⵥⵍⵉⵏ ⵙ ⵜⵎⵢⴰⴷⴰⵙⵜ ⵉⴳⴰⵏ ⵜⴰⵎⴰⴷⵔⴰⵡⵜ ⴷ ⴽⵓ ⵉⴼⵓⵍⵏ ⵏ ⵓⵙⵇⵇⵉⵎ.