ⵉⴷⵔⵓ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴳ ⵜⵙⵓⵜⵍⵜ ⵜⵉⵙ 22 ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⵎⴰⴷⴷⴰⵙⵜ ⵏ ⵜⵏⴼⵔⵓⵜ ⴷ ⵓⵎⵢⴰⵡⴰⵙ ⴳ ⵓⵕⵓⴱⴱⴰ ⴳ ⴼⵢⵉⵏⵏⴰ
ⵉⴷⵔⵓ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⴰⵎⵖⵔⵉⴱⵉ ⴳ ⵜⵙⵓⵜⵍⵜ ⵜⵉⵙ 22 ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⵏⵉⵜ ⵏ ⵜⵏⴼⵔⵓⵜ ⴷ ⵓⵎⵢⴰⵡⴰⵙ ⴳ ⵓⵕⵓⴱⴱⴰ ⵍⵍⵉ ⵜⵙⵏⵓⴱⴳ ⵜⵎⴰⵥⵓⵏⵜ ⵏ ⵏⵏⴰⵎⵙⴰ ⴼⵉⵉⵏⵏⴰ ⵓⵙⵙⴰ ⵏ 23 ⴷ 24 ⴱⵕⴰⵢⵕ 2022 ⴳ ⵓⴳⴰⴷⵉⵔ ⵏ ⵉⴳⵔⴰⵡⵏ ⵀⵓⴼⴱⵓⵔⴳ.
ⵢⵓⵎⴰ ⵓⴽⴰⴱⴰⵕ ⴰⴷ ⵙⴳ ⵓⵙⵇⵇⵉⵎ ⵏ ⵉⵎⵓⵔⴰ, ⵎⴰⵙⵙ ⵢⴰⵙⵉⵏ ⵄⵓⴽⴰⵛⴰ ⵙⴳ ⵜⵔⴰⴱⴱⵓⵜ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ, ⵎⴰⵙⵙ ⵅⴰⵍⵉⴷ ⵍⵃⴰⵜⵉⵎⵉ ⵙⴳ ⵜⵔⴰⴱⴱⵓⵜ ⵏ ⵜⵥⵖⵕⵜ ⴷ ⵜⵎⴰⵜⵔⴰⵔⵜ, ⵎⴰⵙⵙⴰ ⵎⴰⵕⵡⴰ ⴰⵏⵚⴰⵕⵉ ⵙⴳ ⵜⵔⴰⴱⴱⵓⵜ ⵜⴰⵙⵉⵎⴰⵏⵜ ⵉ ⵜⵎⵓⵏⵉ ⴷ ⵢⵉⵙⴽⵉⵍ. ⵙⴳ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⵎⴰⵙⵙ ⵍⵃⵓⵙⴰⵢⵏ ⵓⴷⴷⵎⵉⵏ ⵙⴳ ⵜⵔⴰⴱⴱⵓⵜ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ ⴷ ⵎⴰⵙⵙ ⵃⴰⴱⵍⴽⵔⵉⵎ ⵍⵀⵎⵙ ⵙⴳ ⵜⵔⴰⴱⴱⵓⵜ ⵏ ⵜⵣⵖⵔⵜ ⴷ ⵜⵎⴰⵜⵔⴰⵔⵜ.
ⴷⵔⵓⵏ ⴳ ⵜⵙⵓⵜⵍⵜ ⴰⴷ ⵉⴽⴰⴱⴰⵕⵏ ⵉⴱⵕⵍⴰⵎⴰⵏⵉⵢⵉⵏ ⴷ ⵉⵎⵓⵣⴰⵢⵏ ⵥⵍⵉⵏⵉⵏ ⴳ ⵜⵎⵙⴰⵔⵉⵏ ⵣⴷⵉⵏⵉⵏ ⴷ ⵉⵙⵓⴳⴰⵎ ⵏ ⵜⵙⵓⴳⵔⵜ. ⴳ ⵜⵙⵓⵜⵍⵜ ⴰⴷ, ⵔⴰⴷ ⵢⵉⵍⵉ ⵓⵎⴹⴰⴽⴰⵕ ⵏ ⵉⵎⵔⵙⵉⵡⵏ ⵣⴷⵉⵏⵉⵏ ⴷ ⵜⵥⴹⴰⵕⵜ ⵜⴰⵎⴰⵢⵏⵓⵜ ⴷ ⵡⴰⵡⵏⴰⴹ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⴼⵔⴰⴳ ⵏⵏⵙⵏ.
ⵉⵎⴹⴰⴽⴰⵕ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⴰⵎⵖⵔⵉⴱⵉ ⴷ ⵎⴰⵙⵙ PASCAL ALLIZARD ⴰⵎⴰⵔⵉ ⵏ ⵜⵏⵙⵙⵉⵅⴼⵜ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⵎⴰⴷⴷⴰⵙⵜ ⵏ ⵜⵏⴼⵔⵓⵜ ⴷ ⵓⵎⵢⴰⵡⴰⵙ ⴳ ⵓⵕⴱⴱⴰ ⴼ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ ⴷ ⵓⵙⴱⴷⴷⵉ ⵏ ⵜⵏⴰⵥⴰⵕⵉⵏ ⴷⴰⵜ ⵏ ⵜⵎⵉⵣⴰⵔ ⵏ ⵢⵉⵍ ⵓⵎⵍⵉⵍ ⴰⵏⴰⵎⵎⴰⵙ.
ⵖⵎⴽ ⵍⵍⵉ ⵉⵍⵍⴰ ⴼ ⵓⵙⴷⵓⵙ ⵏ ⵓⵎⵢⴰⵡⴰⴹⴰ ⴰⴱⵕⵍⴰⵎⴰⵏⵉ ⵉⵕⵡⴰⵏ ⴷ ⵉⵙⵓⵍⵏ ⴷ ⵙⵓⵏⴼⵍ ⵏ ⵜⵎⵓⵣⴰⵢⵉⵏ ⴷ ⵓⵏⵏⵓⵕⵥⵎ ⴼ ⵜⵎⵙⴽⴰⵔ ⴷ ⵜⵉⵔⵎⵉⵜⵉⵏ ⵥⵉⵍⵏⵉⵏ ⴷ ⵓⵣⴷⴰⵢ ⵉⵕⵡⴰⵏ ⵊⴰⵔ ⵉⵡⴰⵏⴽⵏ ⵉⵎⴷⵔⴰⵡⵏ ⵉⵏⴰⵎⵎⴰⵙⵏ ⵉ ⵓⵎⵢⴰⵡⴰⵙ ⴳ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⵎⴰⴷⴷⴰⵙⵜ ⵏ ⵜⵏⴼⵔⵓⵜ ⴷ ⵓⵎⵢⴰⵡⴰⵙ ⴳ ⵓⵕⵓⴱⴱⴰ ⵅⴼ ⵜⵎⵙⴰⵔⵉⵏ ⵜⵉⵎⵣⵡⵓⵔⴰ ⵛⵛⴰⵔⵏⵉⵏ ⵍⵍⵉ ⴷ ⵉⵇⵇⴰⵏ ⵓⵎⴹⴰⴽⴰⵕ ⴳ ⵜⵖⵉⵎⵉⵜⵉⵏ ⵏ ⵓⵏⵎⵓⵇⵇⴰⵔ ⴰⵏⵎⵎⴰⵙ ⵍⵍⵉ ⴷ ⵢⵓⵛⴽⴰⵏ ⵏ ⵜⵎⴰⴷⴷⴰⵙⵜ ⴰⴷ.