ⵙ ⵜⵓⴳⵜ, ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⴳⵣⵣⵓⵎ ⴰⵎⵣⵡⴰⵔⵓ ⵏ ⵓⵙⵏⴼⴰⵔ ⵏ ⵓⵙⵍⴳⵏ ⵏ ⵓⵥⵕⴼ ⵏ ⵓⵙⴳⴳⵯⴰⵙ ⴰⵥⵕⴼⴰⵏ 2023
ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴽⵡⴰⵙ 10 ⵏⵓⵡⴰⵏⴱⵉⵔ 2022, ⵙ ⵜⵓⴳⵜ ⴰⴳⵣⵣⵓⵎ ⴰⵎⵣⵡⴰⵔⵓ ⵏ ⵓⵙⵏⴼⴰⵔ ⵏ ⵓⵙⵍⴳⵏ 50.22 ⵏ ⵓⵙⴳⴳⵯⴰⵙ ⴰⵥⵕⴼⴰⵏ 2023, ⴳ ⵜⵖⵉⵎⵉⵜ ⵜⴰⵣⵔⴰⴼⵜ ⵍⵍⵉ ⵉⵙⵙⵉⵅⴼ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⵙ ⵜⵉⵍⵉⵜ ⵏ ⵎⴰⵙⵙ ⵏⴰⴷⵢⴰ ⴼⵜⵜⴰⵃ ⵍⵄⴰⵍⴰⵡⵉ ⵜⴰⵎⴰⵡⵙⴰⵙⵜ ⵏ ⵜⴷⵎⵙⴰ ⴷ ⵓⵥⵕⴼ, ⵎⴰⵙⵙ ⴼⴰⵡⵣⵉ ⵍⵇⵊⵄ ⴰⵎⴰⵡⵙⴰⵙ ⵏ ⵜⵎⵙⴰⵙⵜⵍⵜ, ⵎⴰⵙⵙ ⵎⵓⵚⵟⴰⴼⴰ ⴱⴰⵢⵜⵜⴰⵙ ⴰⵎⴰⵡⵙⴰⵙ ⵉⵜⵜⵓⵙⵎⴰⴳⴰⵍⵏ ⵙ ⵜⵣⴷⴰⵢⵉⵏ ⴷ ⵓⴱⵕⵍⴰⵎⴰⵏ, ⴰⵎⵙⵙⵉⵡⵍ ⴰⵎⴰⴷⴷⵓⴷ ⵙ ⵢⵙⵎ ⵏ ⵜⵏⴱⴰⴹⵜ.
ⵉⵔⴰ ⴰⴳⵣⵣⵓⵎ ⴰⵎⵣⵡⴰⵔⵓ ⵏ ⵓⵙⵏⴼⴰⵔ ⵏ ⵓⵙⵍⴳⵏ ⵏ ⵓⵥⵕⴼ ⵏ 2023 ⵎⴰⴷ ⵉⴳⴰⵏ 183 ⵏ ⵓⵎⴰⵔⵉ, ⵢⵉⴳⵯⵉ ⵜ 70 ⵏ ⵓⵎⴰⵔⵉ, ⵢⵉⵍⵉ ⵓⵎⴹⴰⴽⴰⵕ ⵏ ⵉⵙⵏⴼⵍⵏ ⵏ ⵜⵏⴱⴰⴹⵟ ⴷ ⵜⵓⴳⵜ ⴷ ⵜⵓⵣⵍⵜ ⵍⴽⵎⵏⵉⵏ 209 ⵏ ⵓⵙⵏⴼⵍ.
ⵎⵙⴰⵙⴰⵏ ⵉⵙⵡⴰⵍⴰⵢⵏ ⵉⵎⴰⵜⴰⵢⵏ ⵏ ⵓⵙⵏⴼⴰⵔ ⵏ ⵓⵙⵍⴳⵏ ⵏ ⵓⵥⵕⴼ ⵏ ⵓⵙⴳⴳⵯⴰⵙ ⴰⵥⵕⴼⴰⵏ 2023 ⴼ ⵓⵙⵕⵚⵓ ⵏ ⵜⵔⵙⴰⵍ ⵏ ⵓⵡⴰⵏⴽ ⴰⵏⴰⵎⵓⵏ, ⴷ ⵓⵙⵙⵉⴷⵔ ⵏ ⵜⴷⵎⵙⴰ ⵜⴰⵏⴰⵎⵓⵔⵜ ⵙ ⵓⵙⵏⴰⵍ ⵏ ⵓⵙⵙⴰⵔⵓ ⴷ ⵓⵙⵡⵓⴷⴷⵓ ⵏ ⵜⵎⵓⴽⵔⵉⵙⵜ ⵏ ⵡⴰⵎⴰⵏ ⴷ ⵜⵙⵓⵍⴰⵏⵜ ⵏ ⵉⵎⵓⴽⵏⵏ.
ⴳ ⵓⵙⵓⵊⴷ ⵏ ⵜⵏⴱⴰⴹⵜ ⵏ ⵓⵙⵏⴼⴰⵔ ⵏ ⵓⵙⵍⴳⵏ ⵏ ⵓⵥⵕⴼ ⵏ 2023 ⵜⴱⴷⴷ ⵜⵏⴱⴰⴹⵜ ⴼ ⵜⵓⵔⴷⴰⵡⵉⵏ ⴰⴷ: ⵓⵍⵓⵢ ⵏ ⵜⵓⵜⵔⴰ ⵏ ⴱⵕⵕⴰ (ⵓⵔ ⴷ ⵍⴼⵓⵙⴼⴰⵟ) ⵙ 205 %, ⵜⴰⵢⵢⴰⴼⵓⵜ ⵜⵏⴼⵍⴰⵃⵜ ⴰⵔ 75 ⵎⵍⵢⵓⵏ ⵇⵏⵟⴰⵕ, ⴰⵜⵉⴳ ⵏ ⵍⴱⵓⵟⴰⵏ ⴰⵔ 800 ⴷⵓⵍⴰⵕ ⵉ ⵟⵟⵓⵏ, ⴰⵚⵕⵓⴼ ⵏ ⵍⵓⵕⵓ ⵙ ⴷⴷⵓⵍⴰⵕ ⴰⵔ 1.044, ⵜⴰⵣⵣⵉⴳⵣⵜ ⴰⵔ 4 %, ⴰⵎⵓⴽⵔⵉⵙ ⵏ ⵜⵎⵙⴰⵙⵜⵍⵜ ⵉⵜⵜⵔⵙ ⴳ 4.5 %, ⵓⵍⵓⵢ ⵏ ⵡⴰⵜⵉⴳ ⵏ ⵜⵖⴰⵡⵙⵉⵡⵉⵏ ⴰⵔ 2%.
ⴰⵙⵎⵏⵉⴷ ⵏ ⵉⵏⵇⵇⵉⵙⵏ ⵏ ⵜⵙⵇⵇⵉⵎⵉⵏ ⵜⵉⵎⵖⵍⴰⵍⵉⵏ ⴼ ⵜⵎⵙⴰⵙⵜⵍⵉⵏ ⵜⴰⵢⵢⴰⵡⵉⵏ ⵔⴰⴷ ⵢⵉⵍⵉ ⴳ ⵓⵙⵉⵎⵡⴰⵙ 11 ⵏⵓⵡⴰⵏⴱⵉⵔ 2022, ⴰⵎⴹⴰⴽⴰⵕ ⵏ ⵓⴳⵣⵣⵓⵎ ⵡⵉⵙⵏ ⴼ ⵓⵙⵜⴰⵢ ⵏⵏⵙ ⵔⴰⴷ ⵢⵉⵍⵉ ⴳ ⵜⵖⵉⵎⵉⵜ ⵜⴰⵣⵣⵔⴰⴼⵜ ⵏ ⵡⴰⵙⵙ ⴰⴷ, ⴷ ⵓⵙⵜⴰⵢ ⴰⴽⴽⵯ ⵏ ⵓⵙⵏⴼⴰⵔ ⵏ ⵓⵙⵍⴳⵏ ⵏ ⵓⵥⵕⴼ 2023.