ⴰⵙⵎⴰⴷ ⵏ ⵡⴰⵙⵙ ⴰⴱⵕⵍⴰⵎⴰⵏⵉ ⵍⵍⵉ ⵉⵙⵏⵎⴰⵍⴰ ⵓⵙⵇⵇⵉⵎ ⵏ ⵉⵎⵓⵔⴰ ⴼ ” ⵜⵏⴱⴰⴹⵜ ⵉⵏⵏⵓⵕⵥⵎⵏ” ⴷ ⵓⵙⵉⵡⴹ ⵏ ⵜⵉⵢⵢⴰⴼⵓⵜⵉⵏ ⵏ ” ⵓⵏⵎⵓⵇⵇⴰⵔ ⵏ ⵡⴰⵎⵓⵔ ⵏ ⵡⴰⴽⵓⵛ 2022”
ⵉⵙⵎⴷ ⵡⴰⵙⵙ ⴰⴱⵕⵍⴰⵎⴰⵏⵉ ⵍⵍⵉ ⵉⵙⵏⵎⴰⵍⴰ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴽⵕⴰⵙ 02 ⵏⵓⵡⴰⵏⴱⵉⵔ ⴳ ⵡⴰⵎⵓⵔ ⵏ ⵡⴰⴽⵓⵛ ⴳ ⵓⵏⵎⵓⵇⵇⴰⵔ ⴰⵙⴳⴰⵡⴰⵏ ⵏ ⵜⵙⴳⴰ ⵏ ⵉⴼⵔⵉⵇⵢⴰ ⴷ ⵍⵇⴱⵍⵜ ⵜⴰⵏⴰⵎⵎⴰⵙⵜ ⵏ ⵜⵎⴷⵔⴰⵡⵜ ⵏ ⵜⵏⴱⴰⴹⵜ ⵉⵏⵏⵓⵕⵥⵎⵏ 2022, ⵍⵍⵉ ⵜⵙⵏⵓⴱⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⵙ ⵓⵎⵢⴰⵡⴰⵙ ⴰⴽⴷ ⵜⴰⵎⴷⵔⴰⵡⵜ ⵏ ⵜⵏⴱⴰⴷⵜ ⵉⵏⵏⵓⵕⵥⵎⵏ ⴳ 1 ⴰⵔ 3 ⵏⵓⵡⴰⵏⴱⵉⵔ, ⵙ ⵓⵙⵖⵣⵏ ⵏ ⵜⵢⵢⴰⴼⵓⵜⵉⵏ ⵏ ⵓⵏⵎⵓⵇⵇⴰⵔ.
ⵔⵓ ⴳ ⵓⵏⵎⵓⵇⵇⴰⵔ ⴰⴷ ⵓⵏⵙⵙⵉⵅⴼ ⵏ ⵜⴰⵎⵓⵏⵜ ⵜⴰⴱⵕⵍⴰⵎⵏⵉⵜ ⵜⴰⴳⵔⴰⵖⵍⴰⵏⵜ, ⵉⵏⵙⵙⵉⵅⴼⵏ ⵏ ⵉⴱⵕⵍⴰⵎⴰⵏⵏ ⵙⴳ ⵉⴼⵔⵉⵇⵢⴰ ⴷ ⵉⴱⵕⵍⴰⵎⴰⵏⵉⵢⵉⵏ, ⴰⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⴷ ⵜⵙⵇⵇⵉⵎⵉⵏ, ⵉⴳⵏⵙⴰⵙⵏ ⵏ ⵜⵏⴱⴰⴹⵜ ⴷ ⵡⴰⵎⵓⵏ ⴰⵖⵔⵎⴰⵏ ⴷ ⵜⴳⵔⴰⵡⵉⵏ ⵜⵉⵏⴰⴽⴰⵍⵉⵏ (ⵜⵉⵏⴱⴰⴹⵉⵏ ⵜⵉⴷⵖⴰⵔⴰⵏⵉⵏ) ⴷ ⵜⵎⵔⵙⴰⵍ ⵜⵉⴳⵔⴰⵖⵍⴰⵏⵉⵏ ⴷ ⵉⵎⵓⵣⴰⵢⵏ, ⵉⵍⵍⴰ ⵓⵎⴹⴰⴽⴰⵕ ⴼ ⵜⵎⴰⴼⴰⵡⵜ ⴳ ⵓⵙⵡⵓⴷⴷⵓ ⵏ ⵉⵕⵟⵟⴰⵍⵏ ⴳ ⵉⴼⵔⵉⵇⵢⴰ, ⵜⴰⴷⵉⵎⵓⵇⵔⴰⵟⵉⵜ ⵜⴰⵎⴰⴷⵔⴰⵡⵜ, ⵜⴰⵣⴷⴰⵢⵜ ⵊⴰⵔ ⵓⴱⵕⵍⴰⵎⵏ ⴷ ⵡⴰⵎⵓⵏ ⴰⵖⵔⵎⴰⵏ, ⵜⵉⵏⴰⵥⵔⵉⵏ ⵏ ⵜⵎⵓⵟⵟⵓⵏⵜ, ⴰⵏⵏⵓⵕⵥⵎⵏ ⴼ ⵡⴰⵎⵓⵏ, ⵜⵉⵎⵙⵊⴰⵔ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵍⵎⵖⵔⵉⵏ ⴳ ⵓⵎⵏⵉⴷ ⵏ ⵓⴱⵕⵍⴰⵎⴰⵏ ⵉⵏⵏⵓⵕⵥⵎⵏ, ⴰⵙⵕⵚⵓ ⵏ ⵜⵎⴰⴼⴰⵡⵜ ⴷ ⵓⴽⵛⵓⵎ ⵙ ⵜⵎⵓⵛⴰ ⴷ ⵓⵎⵢⴰⵡⴰⵙ ⴷ ⵜⵎⴰⵙⴰⵢⵜ ⴳⴰⵏⵉⵏ ⵜⵉⵔⵙⴰⵍ ⵏ ⵓⴱⵕⵍⴰⵎⴰⵏ ⵉⵏⵏⵓⵕⵣⵎⵏ.
ⵜⵉⵢⵢⴰⴼⵓⵜⵉⵏ ⵏ ⵓⵏⵎⵓⵇⵇⴰⵔ ⵏ ⵡⴰⵎⵓⵔ ⵏ ⵡⴰⴽⵓⵛ 2022:
ⵉⵏⵙⵙⵉⵅⴼⵏ ⴷ ⵉⴳⵎⴰⵎⵏ ⵏ ⵉⴱⵕⵍⴰⵎⴰⵏⵏ ⵉⴼⵔⵉⵇⵉⵢⵏ ⵎⵓⵏⵏⵉⵏ ⴳ ⵡⴰⵎⵓⵔ ⵏ ⵡⴰⴽⵓⵛ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵓⵎⵓⵇⵇⴰⵔ ⴰⴱⵕⵍⴰⵎⴰⵏⵉ ⴰⴼⵔⵉⵇⵉ ⴳ ⵓⵏⵎⵓⵇⵇⴰⵔ ⴰⵏⵎⵏⴰⴹ ⵏ ⵉⴼⵔⵉⵇⵢⴰ ⴷ ⵍⵇⴱⵍⵜ ⵜⴰⵏⴰⵎⵎⴰⵙⵜ ⴳ ⵓⵙⴰⵜⵉ ⵏ ⵜⵎⴷⵔⴰⵡⵜ ⵉ ⵜⵏⴱⴰⴹⵜ ⵉⵏⵏⵓⵕⵥⵎⵏ ⴳ 1 ⴰⵔ 3 ⵏⵓⵡⴰⵏⴱⵉⵔ 2022;
- ⵙⵙⵏⵏ ⴰⵜⵉⴳ ⴰⵙⵜⵔⴰⵜⵉⵀⵉ ⵏ ⵉⴱⵕⵍⴰⵎⴰⵏⵏ ⵉⵏⵏⵓⵕⵣⵎ ⴰⴽⴷ ⴰⵎⵓⵏ ⵏⵏⵙⵏ ⴳ ⵓⵙⵕⵚⵓ ⵏ ⵜⴷⵉⵎⵓⵇⵔⴰⵟⵉⵜ ⵜⴰⵎⵔⵙⵍⴰⵏⵜ ⵉⴱⴷⴷⵏ ⴼ ⵜⵎⵏⵏⴰⵡⵜ ⴼ ⵜⵎⴷⵔⴰⵡⵜ ⵏ ⵉⵏⵎⵓⵔⴰⵏ ⴷ ⵓⵙⵉⴷⴼ;
- ⴱⴷⴷⵏ ⴼ ⵉⵎⵏⴰⴹⵏ ⵉⵏⴰⵎⵓⵏⵏ ⴷ ⵉⵊⵢⵓⵙⵔⵜⴰⵏⵏ ⴷ ⵉⴱⵔⵙⵙⵉⵡⴷⵏ ⴷⴰⵜ ⵏ ⵜⴷⵉⵎⵓⵇⵔⴰⵜⵉⵜ ⵜⴰⵎⵔⵙⵍⴰⵏⵜ;
ⴰⵔ ⵙⴷⴷⵉⴷⵏ:
- ⴳⴰⵏ ⵡⴰⵜⵉⴳⵏ ⵏ ⵜⵎⴷⵔⴰⵡⵜ ⵉ ⵜⵏⴱⴰⴹⵜ ⵉⵏⵏⵓⵕⵥⵎⵏ ⴳ ⵓⴳⵯⵏⵙ ⵏ ⵜⵎⵙⴽⵔⵜ ⵜⴰⴷⵉⵎⵓⵇⵔⴰⵜⵉⵜ ⵜⴰⵜⵔⴰⵔⵜ, ⵜⴳ ⵜⵎⵙⴽⵔⵜ ⵏ ⵓⵏⵏⵓⵕⵥⵎ ⵏ ⵉⴱⵕⵍⴰⵎⴰⵏⵏ ⵜⴰⵎⵍⴷⴰ ⵏ ⵓⵙⵎⴰⵢⵏⵓ ⵏ ⵜⴷⵉⵎⵓⵇⵔⴰⵟⵉⵜ ⴷ ⵜⵖⴰⵔⴰⵙⵜ ⵏ ⵓⵙⴱⴷⴷⵉ ⵏ ⴳⴰⵔ ⵉⵙⵡⵉⵏⴳⵉⵎⵏ ⵏ ⵉⴱⵕⵍⴰⵎⴰⵏⵏ ⴷ ⵜⴻⵟⵟⵓⵕⴼⴰ;
- ⵉⵇⵇⴰⵏ ⴷⴰ ⴷ ⵢⵉⵍⵉ ⵓⵙⵕⵚⵓ ⵏ ⵜⴷⵉⵎⵓⵇⵔⴰⵜⵉⵜ ⴳ ⵓⵎⵏⴰⴹ ⵏ ⵓⵎⵣⵔⵓⵢ ⴷ ⵜⵖⵔⵎⴰ ⴷ ⵜⴷⵍⵙⴰ ⴷ ⵎⴰⴷ ⵉⵣⴷⵉⵏ ⴷ ⵓⵙⵕⵚⵓ ⴰⵎⵔⵙⵍⴰⵏ ⴳ ⵉⴼⵔⵉⵇⵢⴰ.
- ⵙⴷⴷⵉⴷⵏ ⴼ ⵡⴰⵜⵉⴳ ⵏ ⵜⵎⴷⵔⴰⵡⵜ ⴰⴽⴷ ⴰⵎⵓⵏ ⴰⵖⵔⵎⴰⵏ ⴰⴼⵔⵉⵇⵉ ⵉ ⵓⵙⵕⵚⵓ ⵏ ⵜⴷⵉⵎⵓⵇⵔⴰⵜⵉⵜ ⴷ ⵓⵙⵓⵊⴷ ⵏ ⵉⵙⵖⵡⴰⵏ ⵏ ⵉⴱⵕⵍⴰⵎⴰⵏⵏ ⴳ ⵜⵎⴷⵔⴰⵡⵜ ⵉ ⵜⵏⴱⴰⴹⵜ ⵉⵏⵏⵓⵕⵥⵎⵏ ⵙ ⵡⴰⵜⵉⴳⵏ ⵏ ⵜⴷⵉⵎⵓⵇⵔⴰⵜⵉⵜ ⵜⴰⵎⴷⵔⴰⵡⵜ ⴷ ⵜⵏⵎⵓⵔⵉ ⵉⵙⵔⵙⵏ ⵉⵡⵜⵜⴰ ⵏⴳⵔ ⵜⵙⵔⵜⵉⵜ ⴷ ⵜⵡⵡⵓⵔⵉ ⵏ ⵜⵎⵙⵎⵓⵏⵜ, ⵏⴳⵔ ⴰⵙⵔⵜⴰⵏ ⴷ ⵓⵖⵔⵎⴰⵏ.
- ⵙⵓⵜⴳⵏ ⵜⴰⴷⵉⵏⴰⵎⵉⵜ ⴷ ⵜⵉⴹⴰⴼ ⵏ ⵡⴰⵎⵓⵏ ⴰⵖⵔⵎⴰⵏ ⴰⴼⵔⵉⵇⵉ ⴳ ⵓⵏⵄⴰⵕ ⵏ ⵜⵎⵙⴰⵔⵉⵏ ⵏ ⵉⴼⵔⵉⵇⵢⴰ, ⵙⵍⴰⵡⴰⵏ ⴰⴽⴽⵯ ⵜⵉⵏ ⵜⵣⵔⴼⵜ ⵏ ⵓⵏⵣⵡⵉ ⴳ ⵉⴼⵔⵉⵇⵢⴰ ⴷⵉⵣⵔⴼⴰⵏ ⵏ ⵓⴼⴳⴰⵏ ⴷ ⵉⵣⵔⴼⴰⵏ ⵏ ⵜⵎⵖⴰⵔⵉⵏ ⴷ ⵜⴳⵎⵉ ⵜⴰⴷⵖⴰⵔⴰⵏⵜ ⵉⵙⵓⵍⵏ.
- ⵍⵍⵉⵖ ⵎⴹⴰⴽⴰⵕⵏ ⵉⴱⵕⵍⴰⵎⴰⵏⵉⵢⵏ ⵉⴼⵔⵉⵇⵢⵉⵏ ⴳ ⵓⵏⵎⵓⵇⵇⴰⵔ ⵏ ⵡⴰⵎⵓⵔ ⵏ ⵡⴰⴽⵓⵛ ⴼ ⵓⵙⵡⵓⴷⴷⵓ ⵏ ⵓⵕⵟⵟⴰⵍ ⴰⴳⴷⵓⴷⴰⵏ ⴳ ⵉⴼⵔⵉⵇⵢⴰⵍⵍⵉ ⵉⵜⵜⴰⵡⵙⵏ ⴳ ⵓⴱⵔⵉⴷ ⵏ ⵜⴳⵎⵉ ⴳ ⵉⴼⵔⵉⵇⵢⴰ, ⴰⵔ ⴰⵇⵔⴰⵏ ⵉ ⵓⵙⵉⴱⵙⵓⵙ ⵏ ⵓⵥⴰⵥⵓ ⴼ ⵜⵎⵉⵣⴰⵔ ⵏ ⵉⴼⵔⵉⵇⵢⴰ ⵍⵍⵉ ⴷⴰⵔ ⴰⵕⵟⵟⴰⵍ ⴷ ⵓⵥⵍⴰⴹ, ⴷ ⵓⵙⵉⵜⵜⵉ ⵏⵏⵙ ⴰⴽⴽⵯ, ⵙⵍⵡⴰⵏ ⴰⴽⴽⵯ ⴳ ⵓⵎⵏⴰⴹ ⴰⵊⵢⵓⵙⵔⵜⴰⵏ ⴰⴳⵔⴰⵖⵍⴰⵏ ⵉⵍⵍⴰⵏ ⴷ ⵉⴷⵔⵉⵣⵏ ⵏⵏⵙ ⴼ ⵡⴰⵜⵉⴳⵏ ⵏ ⵜⵥⴹⵕⵜ ⴷ ⵜⵏⴼⵔⵓⵜ ⵏ ⵓⵜⵛⵓ, ⴰⵢⵍⵍⵉ ⵉⵜⵜⵣⴰⵢⴰⴷⵏ ⵉ ⵉⴷⵔⵉⵣⵏ ⵏ ⵓⴱⴰⵢⵢⵓⵕ ⵏ ⴽⵓⴼⵉⴷ 19 ⵉⵙⴱⴷⴷⵏ ⵜⵉⴳⵎⵉ ⴳ ⵉⴼⵔⵉⵇⵢⴰ;
- ⵍⵍⵉⵖ ⵜⴳⴰ ⵜⵎⵓⵟⵟⵓⵏⵜ ⵙⴳ ⵉⵎⴰⵙⵙⵏ ⵏ ⵓⵏⵏⵓⵕⵥⵎ ⵏ ⵉⴱⵕⵍⴰⵎⴰⵏⵏ ⴷ ⵓⵙⵔⵅⵓ ⵏ ⵓⴽⵛⵓⵎ ⵙ ⵜⵎⵓⵛⴰ, ⴷ ⵓⵙⵕⵚⵓ ⵏ ⵜⵎⴰⴼⴰⵡⴰⵜ ⴷ ⵜⴷⵉⵎⵓⵇⵔⴰⵜⵉⵜ ⵏ ⵜⵎⵓⵛⴰ, ⵍⵍⵉⵖ ⵟⵟⴰⴼ ⵜⴻⵜⵉⴽⵏⵓⵍⵓⵊⵉⵜ ⵜⵉⵎⴽⵔⴰⴷ ⵜⵉⴳⵓⴷⴰⵏⵉⵏ, ⴷ ⵓⵥⴰⵥⵓ ⴼ ⵢⵉⴳⵔ ⵓⵙⵍⵉⴳ ⴷ ⵉⵏⵎⵓⵔⴰⵏ ⵉⴼⵔⵉⵇⵉⵢⵏ, ⴰⵔ ⴰⵇⵔⴰⵏ ⵉ ⵜⵉⵍⵉⵜ ⵏ ⵜⵙⵔⵜⴰⵢ ⵙⴳ ⵉⴷ ⴱⴰⴱⵏ ⵜⴻⵜⵉⴽⵏⵓⵍⵓⵊⵉⵜ ⵃⵎⴰ ⴰⴷ ⵓⵔ ⵢⵉⵍⵉ ⵓⵙⵏⵓⵃⵢⴰ ⵊⴰⵔ ⵜⵉⵎⵉⵣⴰⵔ ⵜⵉⵏⴱⵖⵓⵔⵉⵏ ⴷ ⵜⵎⵉⵣⴰⵔ ⵟⵟⴰⴼⵏⵉⵏ ⵜⵉⵖⵔⴰⴷ ⴷⵔⵓⵙⵏⵉⵏ, ⵙⵍⵡⴰⵏ ⴰⴽⴽⵯ ⵙ ⵓⵣⵣⵔⴰⵢ ⵏ ⵓⵙⵎⵔⵙ ⵏ ⵉⵙⵍⴽⵉⵏⵏ ⵏ ⵜⵡⴰⴼⵉⵜ ⴷ ⵓⵙⵔⵅⵓ ⵏ ⵡⴰⴷⴰⴼ ⵙ ⵓⵙⵎⴰⵜⵜⵉ ⵏ ⵜⴻⵜⵉⴽⵏⵓⵍⵓⵊⵉⵜ ⴷ ⵓⵙⵙⵔⵇⴱ ⵏ ⵜⵎⴳⵓⵔⵉ ⴷ ⵉⵢⴰⴼⵓⵜⵏ ⵉⴷⵖⴰⵔⴰⵏⵏ ⴳ ⵉⴼⵔⵉⵇⵢⴰ, ⵓⵔ ⴳⵉⵙ ⵜⵓⵔⴷⴰ ⵎⴰⵙ ⵉⵜⵜⵓⵙⴽⴰⵔ ⴽⵉⴳⴰⵏ ⴳ ⵓⴱⵔⵉⴷ ⴰⴷ.
- ⴰⵔ ⴰⵇⵔⴰⵏ ⵉ ⵜⵙⵏⵜⴰⵢⵜ ⵏ ⵜⵎⴷⵔⴰⵡⵜ ⵉ ⵜⵏⴱⴰⴷⵜ ⵉⵏⵏⵓⵕⵥⵎⵏ ⵉ ⵓⵙⵔⵅⵓ ⵏ ⵜⵎⴰⵎⴽⵜ ⵏ ⵓⴽⵛⵓⵎ ⵏ ⵉⴱⵕⵍⴰⵎⴰⵏⵏ, ⴷ ⵓⵙⵉⴷⴼ ⵏ ⵉⴱⵕⵍⴰⵎⴰⵏⵏ ⵉⵏⵏⵓⵕⵥⵎⵏ ⴳ ⵉⵙⵎ ⵏ ⵜⵙⵏⵜⴰⵢⵜ.
- ⴰⵔ ⵜⵜⵉⵏⵉⵏ ⵎⴰⵙ ⵔⴰⴷ ⵙⴷⵓⵙⵏⵜ ⵜⵎⵙⴽⴰⵔ ⴰⴷ ⴰⵡⴰⵏⴽ ⵏ ⵓⵙⵍⴳⵏ ⴷ ⵜⵎⵔⵙⴰⵍ ⴷ ⵜⵡⵉⵣ ⴳ ⵜⴷⵉⵏⴰⵎⵉⵜⵉⵏ ⵏ ⵓⵎⵓⴽⵏ ⴷ ⵜⴳⵎⵉ ⴷ ⵜⵎⴷⵔⴰⵡⵜ ⵜⴰⵙⵔⵜⴰⵏⵜ, ⴷ ⵓⴼⵔⴰⴳ ⵏ ⵜⴷⵉⵎⵓⵇⵔⴰⵜⵉⵜ ⴷ ⵓⵙⴽⵔ ⵏ ⵜⵙⵓⵍⴰⵏⵜ ⵏ ⵓⴼⵔⴰ ⴰⵏⴰⵎⵓⵏ ⴷ ⵜⵉⵍⵉⵜ ⵏ ⵓⵏⵣⵡⵉ ⵏ ⵜⵣⵣⵉⴳⵣⵜ ⵜⴰⴷⵎⵙⴰⵏⵜ ⴷ ⵜⵏⴰⵎⵓⵏⵜ.
- ⴰⵔ ⵙⵎⵢⴰⵏⵓⵏⵏ ⴰⵙⵖⵡⵏ ⵏⵏⵙⵏ ⴳ ⵜⵙⵏⵜⴰⵢⵜ ⵏ ⵜⵎⴷⵔⴰⵡⵜ ⵉⵏⵏⵓⵕⵣⵎⵏ ⴷ ⵡⴰⵜⵉⴳⵏ ⵏⵏⵙ ⴳ ⵓⵎⵏⴰⴷ ⴰⵏⴰⵎⵓⵔ ⴷ ⵓⵎⵔⵙⵍⴰⵏ ⵏ ⴽⵓ ⵜⴰⵎⴰⵣⵉⵔⵜ, ⴷ ⵓⵙⴽⵔ ⵙ ⵓⵎⵛⵡⴰⵕ ⴰⴳⴷⵓⴷⴰⵏ ⵙ ⵜⵉⵍⵉⵜ ⵏ ⵉⴱⵕⵍⴰⵎⴰⵏⵏ ⵜⴰⵎⴰ ⵏ ⵉⵅⵎⵎⵉⵎⵏ ⵏ ⵉⵏⵎⵓⵔⴰⵏ ⴷ ⵜⵏⵎⵓⵔⴰⵜⵉⵏ.