ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵙⵏⴼⴰⵔ ⵏ ⵓⵙⵍⴳⵏ ⵏ ⵓⴼⵓⴽⴽⵓ ⵉⵥⵍⵉⵏ ⵙ ⵓⵣⵣⴳⵉⵔ ⵏ ⵓⵙⵍⴳⵏ ⵏ ⵓⵥⵕⴼ ⵏ 2021

ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ  ⵙ ⵜⵓⴳⵜ, ⴰⵙⵙ ⵏ 24 ⵢⵓⵍⵢⵓⵣ 2023, ⴰⵙⵏⴼⴰⵔ ⵏ ⵓⵙⵍⴳⵏ ⵏ ⵓⴼⵓⴽⴽⵓ 11.23 ⵉⵣⴷⵉⵏ ⴷ ⵓⵣⵣⴳⵉⵔ ⵏ ⵓⵙⵍⴳⵏ ⵏ ⵓⵥⵕⴼ ⵏ ⵓⵙⴳⴳⵯⴰⵙ 20221, ⴳ ⵜⵖⵉⵎⵉⵜ ⵜⴰⵣⵣⵔⴰⴼⵜ ⵍⵍⵉ ⵉⵙⵙⵉⵅⴼ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⵜⵉⵍⵉⵜ ⵏ ⵎⴰⵙⵙ ⴼⴰⵡⵣⵉ ⵍⵇⵊⵄ ⴰⵎⴰⵡⵙⴰⵙ ⵉⵜⵜⵓⵙⵎⴰⴳⴰⵍⵏ ⵙ ⵜⵎⵙⴰⵙⵜⵍⵜ.

ⵙⵖⵣⵏ ⵉⴷ ⵎⴰⵙⵙ ⵉⵎⵓⵔⴰ ⵙ ⵜⵓⴳⵜ ⴰⵙⵏⴼⴰⵔ ⵏ ⵓⵙⵍⴳⵏ ⵏ ⵓⴼⵓⴽⴽⵓ ⴳ ⵍⵍⴰⵏⵜ ⵜⵉⵢⵢⴰⴼⵓⵜⵉⵏ ⵜⵓⵙⵎⵉⴷⵉⵏ ⵏ ⵓⵣⵣⴳⵉⵔ ⵏ ⵓⵙⵍⴳⵏ ⵏ ⵓⵥⵕⴼ ⵏ ⵓⵙⴳⴳⵯⴰⵙ ⵏ 2021, ⴳ ⵎⴰⴷ ⵉⵥⵍⵉⵏ ⵙ ⵜⵎⵙⴰⵙⵜⵍⵜ ⵜⴰⵎⴰⵜⴰⵢⵜ ⴷ ⵜⵎⵙⴰⵜⵍⵉⵏ ⵜⵓⵥⵍⵉⵢⵉⵏ ⴷ ⵜⵏⵓⴼⴰ ⵜⵉⵙⵉⵎⴰⵏⵉⵏ ⵏ ⵓⵡⴰⵏⴽ.

ⴳ ⵜⵎⵙⴰⵙⵜⵍⵜ ⵜⴰⵎⴰⵜⴰⵢⵜ, ⵍⴽⵎⵏⵜ ⵜⵎⴽⵕⴰⴹ ⴳ ⵜⴳⵉⵔⴰ ⵏ ⵓⵙⴳⴳⵯⴰⵙ 390.22 ⵎⵍⵢⴰⵕ ⴷⵔⵀⵎ, ⵣⵎⵎⵉⵎⵏ ⵉⵅⵎⵎⵉⵎⵏ ⵏ ⵉⵙⵓⴳⴰⵎ 335.62 ⵎⵍⵢⴰⵕ ⴷⵔⵀⵎ, ⵉⵍⵍⴰ ⵓⵙⵙⴽⵛⵎ ⵏ ⵎⴰⴷ ⵉⴳⴰⵏ 3535 ⵎⵍⵢⴰⵔ ⴷⵔⵀⵎ, ⴰⵢⵍⵍⵉ ⵉⵍⴽⵎⵏ 105.18 %.

ⴳ ⵎⴰⴷ ⵉⵥⵍⵉⵏ ⵙ ⵉⵎⵓⵟⵟⵓⵏⵏ ⵥⵍⵉⵏⵉⵏ, ⵍⴽⵎⵏⵜ ⵜⵎⴽⵕⴰⴹ 114.03 ⵎⵍⵢⴰⵕ ⴷⵔⵀⵎ, ⴳⵉⵙⵏⵜ ⵜⵉⵎⴽⵕⴰⴹ ⵏ ⵉⵎⵓⵟⵟⵓⵏⵏ ⴳⴰⵏⵉⵏ ⵡⵉⵏ ⵜⵖⴰⵡⵙⵉⵡⵉⵏ ⵥⵍⵉⵏⵉⵏ 86.77%, ⴳ ⵎⴰⴷ ⵉⵥⵍⵉⵏ ⵙ ⵉⵙⵓⴳⴰⵎ ⵏⵏⵙ, ⵉⵙⵔⵙ ⵓⵙⵍⴳⵏ ⵏ ⵓⵥⵕⴼ ⵏ ⵓⵙⴳⴳⵯⴰⵙ ⵏ 2021 94.30 ⵎⵍⵢⴰⵕ ⴷⵔⵀⵎ, ⵢⵉⵍⵉ ⵓⵙⵙⴽⵛⵎ ⵏ 130.05 ⵎⵍⵢⴰⵕ ⴷⵔⵀⵎ.

ⴳ ⵜⵙⵖⴰⵍ ⵏ ⵓⵙⴽⵔ, ⵙⴽⵔⵏ ⵉⵅⵎⵎⵉⵎⵏ ⵥⵍⵉⵏⵉⵏ ⵙ ⵓⵙⵍⴳⵏ ⵏ ⵓⵥⵕⴼ ⵏ ⵓⵙⴳⴳⵯⴰⵙ ⴰⵥⵕⴼⴰⵏ 2021 ⵎⴰⴷ ⵉⴳⴰⵏ 112 % ⴳ ⵉⵙⵓⴳⴰⵎ ⴷ 79 % ⵏ ⵓⵥⴰⵥⵓ.

ⵙ ⵓⵎⴰⵜⴰ, ⵜⵣⵎⵎⵉⵎ ⵜⵎⵙⴰⵙⵜⵍⵜ ⵜⴰⵎⴰⵜⴰⵢⵜ ⵢⴰⵏ ⵓⵥⴰⵥⵓ ⵏ ⵜⵎⴽⵕⴰⴷ  ⴼ ⵉⵓⴳⴰⵎ ⵉⵍⴽⵎⵏ 37.22 ⵎⵍⵢⴰⵕ ⴷⵔⵀⵎ, ⵣⵎⵎⵉⵎⵏ ⵉⵙⵓⴳⴰⵎ ⵏ ⵉⵎⵓⵟⵟⵓⵏⵏ ⵥⵍⵉⵏⵉⵏ ⵎⴰⴷ ⵉⴳⴰⵏ 16.02 ⵎⵍⵢⴰⵕ ⴷⵔⵀⵎ ⴼ ⵜⵎⴽⵕⴰⴹ. ⵉⵣⵎⵎⵉⵎ ⵓⵣⵣⴳⵉⵔ ⵏ ⵜⵎⵙⴰⵙⵜⵍⵜ ⵏ ⵓⵙⴳⴳⵯⴰⵙ ⵏ ⵓⵥⵕⴼ 2021 ⴰⵥⴰⵥⵓ ⵏ ⵜⵎⴽⵕⴰⴹ ⴼ ⵉⵙⵓⴳⴰⵎ ⵍⵍⵉ ⵉⵙⵔⵙ ⴰⵙⵏⴼⴰⵔ ⵏ ⵓⵙⵍⴳⵏ ⵏ ⵉⴼⵓⴽⴽⵓ ⵏ ⵓⵙⴳⴳⵯⴰⵙ ⴰⵥⵕⴼⴰⵏ 2021 ⴳ 17.98 ⵎⵍⵢⴰⵕ ⴷⵔⵀⵎ.