ⵜⴷⵔⵓ ⵜⴰⵢⵢⴰⵡⵜ ⵜⴰⴱⵕⵍⴰⵎⴰⵏⵉⵜ ⵜⴰⵄⵕⴰⴱⵜ ⴳ ⵜⵙⵓⵜⵍⵜ ⵏ ⵓⴱⵕⵍⴰⵎⴰⵏ ⴰⵄⵕⴰⴱ ⴳ ⵍⵇⴰⵀⵉⵕⴰ, 20 ⴷ 21 ⴷ 22 ⵉⵏⵏⴰⵢⵔ 2023
ⵜⴷⵔⵓ ⵜⴰⵢⵢⴰⵡⵜ ⵜⴰⵏⴰⵎⵓⵔⵜ ⵜⴰⴱⵕⵍⴰⵎⴰⵏⵉⵜ ⵜⴰⵎⵖⵔⵉⴱⵉⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵓⴱⵕⵍⴰⵎⴰⵏ ⴰⵄⵕⴰⴱ ⴳ ⵜⵙⵎⵓⵏⵉ ⵜⵉⵙ ⴽⵕⴰⴹⵜ ⵏ ⵜⵙⵓⵜⵍⵜ ⵜⵉⵙ ⴽⵕⴰⴹⴰⵜ ⵏ ⵉⵎⵉⵔ ⴰⵣⵔⴰⴼ ⵡⵉⵙ ⴽⵕⴰⴹ, ⵉⵍⵍⴰⵏ ⴳ ⵓⵙⵖⵉⵎ ⵏ ⵜⵏⴼⵍⵓⵙⵜ ⵜⴰⵎⴰⵜⴰⵢⵜ ⵏ ⵜⴰⵎⵓⵏⵜ ⵏ ⵉⵡⴰⵏⴽⵏ ⴰⵄⵕⴰⴱⵏ ⴳ ⵍⵇⴰⵀⵉⵕⴰ ⴳ ⵎⵉⵚⵕ ⵓⵙⵙⴰⵏ ⵏ 20 ⴰⵔ 22 ⵉⵏⵏⴰⵢⵔ 2023.
ⵢⵓⵎⴰ ⵓⵖⴰⵡⴰⵙ ⵏ ⵜⵡⵡⵓⵔⵉ ⵏ ⵜⵙⵓⵜⵍⵜ ⴰⴷ ⵜⵉⵙⵎⵓⵏⴰⵢ ⵏ ⵜⵙⵇⵇⵉⵎⵉⵏ ⵜⵉⵙⵓⵍⴰⵏⵉⵏ ⴷ ⵜⴰⵢⵢⴰⵡⵉⵏ, ⴷ ⵓⵙⴽⵔ ⵏ ⵜⵖⵉⵎⵉⵜ ⵜⴰⵎⴰⵜⴰⵢⵜ ⵉⵥⵍⵉⵏ ⴷ ⵓⵎⴹⴰⴽⴰⵕ ⵏ ⵜⵎⵙⴰⵔⵉⵏ ⵜⴰⵄⵕⴰⴱⵉⵏ ⵏ ⵉⵖⵉⵍⴰⴷ, ⴷ ⵓⴹⴼⵕ ⵏ ⵜⵣⵣⵉⴳⵣⵉⵏ ⵜⵉⵙⵔⵜⴰⵏⵉⵏ ⴷ ⵜⵏⴰⵎⵓⵏⵉⵏ ⵃⵎⴰ ⴰⴷ ⵎⵓⵏⵏ ⵡⴰⴷⴷⴰⴷⵏ ⵏ ⵉⵡⴰⵏⴽⵏ ⴰⵄⵕⴰⴱⵏ ⵉ ⵓⵙⴷⵓⵙ ⵏ ⵜⵡⵡⵓⵔⵉ ⵜⴰⵄⵕⴰⴱⵜ ⵉⵛⵛⴰⵔⵏ.
ⵉⵍⵍⴰ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴳ ⵓⴱⵕⵍⴰⵎⴰⵏ ⴰⵄⵕⴰⴱ ⵙ ⵜⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵜⵉⴷⵎⵙⴰⵏⵉⵏ ⴷ ⵜⵥⵕⴼⴰⵏⵉⵏ ⴳ ⵉⵍⵍⴰ ⵓⵎⴰⵔⵉ ⵎⴰⵙⵙ ⴰⵃⵎⴰⴷ ⵛⴻⴷ, ⴷ ⵜⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵏ ⵜⵏⴼⵔⵓⵜ ⵏ ⵓⵜⵛⵓ ⵍⵍⵉ ⵉⵙⵙⵉⵅⴼ ⴰⵙⵙ ⴰⵎⵛⵛⵉⵡⵕ ⵎⵓⵃⴰⵎⵎⴰⴷ ⴱⴰⴽⵓⵕⵉ ⵍⵍⵉ ⵉⴳⴰⵏ ⴰⴳⵯⵏⵙⴰⵙ ⵏ ⵜⴰⵢⵢⴰⵡⵜ ⵜⴰⴱⵕⵍⴰⵎⴰⵏⵉⵜ ⵜⴰⵎⵖⵔⵉⴱⵉⵜ ⴳ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⴰ ⴷ ⵜⵙⵔⵜⴰⵏⵜ ⴷ ⵜⵏⴼⵔⵓⵜ ⵜⴰⵏⴰⵎⵓⵔⵜ. ⵜⴳ ⵎⴰⵙⵙ ⵜⴰⵎⴰⵔⵉⵜ ⵅⴰⴷⵉⵊⴰ ⵃⵊⵓⴱⵉ ⵜⴰⵎⴰⵔⵉⵜ ⵏ ⵜⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵜⵉⵏⴰⵎⵓⵏⵉⵏ ⴷ ⵜⵙⴳⵯⵎⴰⵏⵉⵏ ⴷ ⵜⴷⵍⵙⴰⵏⵉⵏ ⴷ ⵜⵎⵖⴰⵔⵜ ⴷ ⵉⵄⵔⵔⵉⵎⵏ, ⵉⴳ ⵎⴰⵙ ⵎⵓⵃⴰⵎⵎⴰⴷ ⵄⵉⵢⵢⴰⵛ ⴰⴳⵎⴰⵎ ⴳ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵜⵉⵣⵣⵔⴰⴼⵉⵏ ⴷ ⵜⵣⵔⴼⴰⵏⵉⵏ ⴷ ⵉⵣⵔⴼⴰⵏ ⵏ ⵓⴼⴳⴰⵏ.
ⴳ ⵓⵙⴰⵜⵉ ⵏ ⵜⵏⴰⵔⴰ ⵏ ⵜⵎⵙⴰⵔⵉⵏ ⵜⴰⵄⵕⴰⴱⵉⵏ ⵜⵉⵙⵜⵔⴰⵜⵉⵊⵉⵢⵉⵏ, ⴰⵔ ⵜⵜⴰⵡⵙⵏ ⵉⴳⵎⴰⵎⵏ ⵏ ⵜⴰⵢⵢⴰⵡⵜ ⵜⴰⵎⵖⵔⵉⴱⵉⵜ ⴳ ⵜⵙⵓⵜⵍⵉⵏ ⵏ ⵜⵙⵇⵇⵉⵎⵜ ⵏ ⴼⴰⵍⵉⵙⵜⵉ ⴷ ⵓⴹⴼⵕ ⵏ ⵜⵣⵣⵉⴳⵣⵜ ⵏ ⵉⵙⵓⵔⵙⵏ ⴷ ⵜⵖⵜⴰⵙⵉⵏ ⵏⵏⵙ.