ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⴰⵙⴷⵓⵙ ⵏ ⵓⵣⴷⴰⵢ ⴰⴱⵕⵍⴰⵎⴰⵏⵉ ⵉ ⵜⴳⵎⵉ ⵜⴰⵙⵓⵍⴰⵏⵜ ⴷ ⵓⵙⴷⵓⵙ ⵏ ⵓⴼⵔⴰ ⴷ ⵜⵏⴼⵔⵓⵜ ⵉⴳⵔⴰⵖⵍⴰⵏⵏ ⴷ ⵓⵙⵎⵖⵔ ⵏ ⵜⴷⵎⵙⴰ ⴷⴼⴼⵉⵔ ⵏ ⵓⴱⴰⵢⵢⵓⵕ ⵏ ⴽⵓⴼⵉⴷ 19, ⴳ ⵉⵎⴹⴰⴽⴰⵕⵏ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⴽⴷ ⵉⵏⵙⵙⵉⵅⴼⵏ ⵏ ⵉⴱⵕⵍⴰⵎⴰⵏⵏ ⴷ ⵉⴽⴰⴱⴰⵕⵏ ⵉⴳⵎⴰⵎⵏ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵉⵡⴰⵏⴽⵏ ⵏ ⵉⴼⴼⵓⵙ ⵏ ⵍⵇⴱⵍⵜ ⵏ ⴰⵙⵢⴰ
ⵉⴷⵔⵓ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴳ ⵜⵖⵉⵎⵉⵜ ⵏ ⵓⵎⵙⴰⵡⴰⵍ ⴷ ⵉⴱⵕⵍⴰⵎⴰⵏⵉⵢⵏ ⵏ ⵉⴽⴰⴱⴰⵕⵏ ⵉⴳⵎⴰⵎⵏ ⴳ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⵣⵍⵖⴰ ⵏ ⵉⵡⴰⵏⴽⵏ ⵏ ⵉⴼⴼⵓⵙ ⵏ ⵍⵇⴱⵍⵜ ⵏ ⴰⵙⵢⴰ.
ⵖⵎⴽ ⵍⵍⵉ ⵉⵙⴽⵔ ⵉⵎⴹⴰⴽⴰⵕⵏ ⴰⴽⴷ ⵉⴽⴰⴱⴰⵕⵏ ⴷⵔⵓⵏⵉⵏ ⴳ ⵜⵙⵓⵜⵍⵜ ⵜⵉⵙ 43 ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ, ⵉⵍⵍⴰⵏ ⴳ 20 ⴰⵔ 25 ⵏⵓⵡⴰⵏⴱⵉⵔ 2022 ⴳ ⵜⴳⵍⴷⵉⵜ ⵏ ⴽⴰⵎⴱⵓⴷⵢⴰ, ⴷⴷⵓ ⵜⵎⴰⵜⴰⵔⵜ: “ⴰⴷ ⵏⵎⵓⵏ ⴰⴽⴽⵯ ⵉ ⵜⵣⵍⵖⴰ ⵏ ⵜⵎⵜⵜⵉⵡⵉⵏ ⵏ ⵉⴼⴼⵓⵙ ⵏ ⵍⵇⴱⵍⵜ ⵏ ⴰⵙⴰⵢⴰ ⵙ ⵜⵖⴰⵔⴰⵙⵜ ⵉⵙⵓⵍⵏ ⵢⵓⵎⴰⵏ”.
ⵉⵙⵎⵏⵉⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵜⵉⵔⵎⵉⵜ ⵜⴰⵎⵖⵔⵉⴱⵉⵜ ⴳ ⵉⴳⵔⴰⵏ ⵏ ⵜⵏⴼⵔⵓⵜ ⴷ ⵓⴼⵔⴰ ⴷ ⵜⵥⴹⴰⵕⵜ ⵜⴰⵎⴰⵢⵏⵓⵜ ⴷ ⵓⵙⵎⴰⵜⵜⵉ ⴰⵎⵓⵟⵟⵓⵏ ⴷ ⵓⵙⵡⵓⴷⴷⵓ ⵏ ⵜⴳⵍⴷⵉⵜ ⵏ ⵉⴷⵔⵉⵣⵏ ⵉⴷⵎⵙⴰⵏⵏ ⴷ ⵉⵏⴰⵎⵓⵏⵏ ⴷ ⵉⴷⵓⵙⴰⵏⵏ ⵏ ⵓⴱⴰⵢⵢⵓⵕ, ⵙ ⵜⵏⴰⵔⴰ ⵜⵓⵏⵥⵉⵣⵟ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⴰⵎⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ.
ⵙⵓⵜⴳⵏ ⵉⴱⵕⵍⴰⵎⴰⵏⵉⵢⵏ ⵉⴳⵎⴰⵎⵏ ⴳ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⴰⵏⴷⵓⵏⵉⵙⵢⴰ ⴷ ⵙⴰⵏⵖⴰⴼⵓⵔⴰ ⴷ ⵎⴰⵍⵉⵣⵢⴰ ⴷ ⴼⵉⵜⵏⴰⵎ ⴷ ⵟⴰⵢⵍⴰⵏⴷ ⴷ ⴼⵉⵍⵉⴱⵉⵏ ⴷ ⴱⵕⵓⵏⴰⵢ ⴷ ⵍⴰⵡⵙ, ⴰⵙⵡⵓⴷⴷⵓ ⵉⵥⵉⵍⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵏ ⵜⴰⵙⵙⴰⵙⵜ ⵏ ⴽⵓⴼⵉⴷ 19, ⴷ ⵜⵓⴳⴳⵯⴰⵙ ⵜⵜⴰⵡⵙⴽⴰⵔⵏⵉⵏ ⴳ ⵜⴳⵎⵉ ⵜⴰⵏⴼⴳⴰⵏⵜ ⵜⴰⵙⵓⵍⴰⵏⵜ ⴷ ⵜⵥⴹⴰⵕⵉⵏ ⵜⵉⵎⴰⵢⵏⵓⵜⵉⵏ ⴷ ⵓⴼⵔⴰ ⴷ ⵜⵏⴼⵔⵓⵜ ⴷⵜⵎⵢⵉⴷⵉⵔⵜ ⵜⴰⴳⵔⴰⵖⵍⴰⵏⵜ.
ⵉⵙⵎⵏⵉⴷ ⵓⵍⴰ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⵜⵉⵎⵥⵍⴰⵢ ⵏ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⵙ ⵙⵉⵏ ⵉⵙⵇⵇⵉⵎⵏ ⵏⵏⵙ ⴳ ⵉⴳⴰⵏ ⵏ ⵓⵣⵣⵔⴰⴼ ⴷ ⵜⵉⴹⴰⴼ ⵏ ⵜⵡⵡⵓⵔⵉ ⵜⵓⵏⴱⵉⴹⵜ ⴷ ⵓⵙⵓⵜⴳ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ, ⴷ ⵓⵙⵉⵙⵙⵏ ⵏ ⵡⴰⵏⴰⵡ ⴰⵎⵖⵔⵉⴱⵉ ⴳ ⵉⵏⵎⵓⵇⵇⴰⵔⵏ ⵉⴱⵕⵍⴰⵎⴰⵏⵉⵢⵉⵏ ⵉⴳⵔⴰⵖⵍⴰⵏⵏ.
ⵖⵎⴽⵍⵍⵉ ⵉⵙⴽⵔ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵉⵎⴹⴰⴽⴰⵕⵏ ⴷ ⵉⵏⵙⵙⵉⵅⴼⵏ ⵏ ⵉⴽⴰⴱⴰⵕⵏ ⵏ ⴼⵉⵜⵏⴰⵎ ⴷ ⵟⴰⵢⵍⴰⵏⴷ ⴷ ⵏⵏⴰⵔⵡⵉⵊ ⵉⴳⴰⵏ ⵜⵉⵎⵥⵕⵉⵜ ⴳ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ.
ⵢⵉⵍⵉ ⵓⵎⴹⴰⴽⴰⵔ ⴰⵙⵉⵏⵔⴰⵏ ⴼ ⵓⵙⴷⵓⵙ ⵏ ⵜⵣⴷⴰⵢⵉⵏ ⴷ ⵓⴷⵔⴰⵡ ⵏ ⵜⵎⵓⵣⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⴷ ⵓⵣⴷⴰⵢ ⵉ ⵜⴳⵎⵉ ⴷ ⵓⴼⵔⴰ ⴷ ⵜⵏⴼⵔⵓⵜ,ⵙ ⵓⵎⵙⴰⵡⴰⵍ ⴷ ⵓⵎⵣⵔⴰⵢ ⴷ ⵓⵎⵢⴰⵡⴰⴹ ⵉⵔⵡⴰⵏ ⵉⵙⵓⵍⵏ.
ⵙⴰⵡⵍⵏ ⵉⵏⵙⵙⵉⵅⴼⵏ ⵏ ⵉⴽⴰⴱⴰⵕⵏ ⴼ ⵓⵅⵎⵎⴻⵎ ⵏ ⵜⵎⵉⵣⴰⵔ ⵏⵏⵙⵏ ⴳ ⵜⵣⴷⴰⵢⵉⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵓⵙⵓⵜⴳ ⵏ ⵜⵉⵍⴰⵍⴰⵜ ⵏ ⵉⴱⵕⵍⴰⵎⴰⵏⵏ ⴳ ⵓⵙⵡⵉⵔ ⴰⴷ ⵍⵍⵉⵖ ⵉⴳⴰ ⵍⵎⵖⵔⵉⴱ ⴰⵡⴰⵏⴽ ⴰⴼⵔⵉⵇⵉ ⴷ ⵡⴰⵄⵕⴰⴱ ⵉⵟⵟⴰⴼⵏ ⵉⵎⵉⵙⵙ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⴰⴽⴷ ⵜⴰⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⵣⵍⵖⴰ ⵏ ⵉⵡⴰⵏⴽⵏ ⵏ ⵉⴼⴼⵓⵙ ⵏ ⵍⵇⴱⵍⵜ ⵏ ⴰⵙⵢⴰ, ⵙⴷⴷⵉⴷⵏ ⴼ ⵓⵏⴰⵔⵓⵣ ⵉ ⵓⵎⵢⴰⵡⴰⵙ ⴰⵙⵉⵏⵔⴰⵏ ⴰⵅⴰⵜⴰⵔ.
ⴳ ⵓⵎⵏⵉⴷ ⵏⵏⵙ, ⵉⵙⵓⵜⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⵜⵉⵕⵡⵉ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⵉⵍⵍⴰⵏ ⵙ ⵓⵙⵓⵔⵙ ⵏ ⵓⴳⵎⴰⵎ ⵉⵎⵥⵕⵉ ⵉⵟⵟⴰⴼ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⵎⵙⵎⵓⵏⵜ ⴰⴷ, ⴷ ⵓⵎⵢⴰⵡⴰⵙ ⴰⵙⵉⵏⵔⴰⵏ ⵍⵍⵉ ⵉⵙⴽⴰⵔ ⴰⴽⴷ ⴽⵉⴳⴰⵏ ⵏ ⵉⴳⵎⴰⵎⵏ, ⵉⵙⴷⴷⵉⴷ ⴼ ⵓⵙⵓⵊⴷ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵉ ⵓⵙⴷⵓⵙ ⵏ ⵓⵎⵢⴰⵡⴰⴹ ⴰⴽⴷ ⵉⴱⵕⵍⴰⵎⴰⵏⵏ ⵏ ⵜⵎⵙⵎⵓⵏⵜ ⴷ ⵉⴼⵜⵉⵇⵢⴰ ⴷ ⵜⵎⵉⵣⴰⵔ ⵏ ⵡⴰⵄⵕⴰⴱⵏ, ⵉ ⵜⴳⵎⵉ ⵜⴰⴷⵎⵙⴰⵏⵜ ⴷ ⵜⵏⴰⵎⵓⵏⵜ ⴷ ⵜⴷⵍⵙⴰⵏⵜ. ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⵓⴷⵖⴰⵔ ⵏ ⵍⵎⵖⵔⵉⴱ ⴳ ⵉⵙⵡⵉⵔⵏ ⴰⴼⵔⵉⵇⵉ ⴷ ⵡⴰⵄⵕⴰⴱ ⴷ ⵓⵏⴰⵎⵓⵏ, ⵉⴳ ⴰⵏⴰⵡ ⴳ ⴽⵉⴳⴰⵏ ⵏ ⵉⴳⵔⴰⵏ ⴷ ⵜⵉⵔⵎⵉⵜ ⵏⵏⵙ ⵍⵍⵉ ⵎⵓ ⵜⵜⴰⵍⵙⵏⵜ ⴽⵉⴳⴰⵏ ⵏ ⵜⵎⵉⵣⴰⵔ ⴳ ⵓⵎⴰⴹⴰⵍ.
ⴳ ⵉⵏⵎⵓⵇⵇⴰⵔⵏ ⴰⴷ, ⵉⵍⵍⴰ ⵓⵎⵙⴰⵙⴰ ⴰⴽⴷ ⵉⵏⵙⵙⵉⵅⴼⵏ ⵏ ⵉⴱⵕⵍⴰⵎⴰⵏ ⴷ ⵉⴽⴰⴱⴰⵕⵏ ⴷⵔⵓⵏⵉⵏ ⴳ ⵜⵙⵓⵜⵍⵜ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⵣⵍⵖⴰ ⵏ ⵉⵡⴰⵏⴽⵏ ⵏ ⵉⴼⴼⵓⵙ ⵏ ⵍⵇⴱⵍⵜ ⵏ ⴰⵙⵢⴰ, ⴼ ⵓⵎⵙⴰⵙⴰ ⵏ ⵓⵎⵢⴰⵡⴰⵙ ⴳ ⵉⵙⵡⵉⵔⵏ ⴰⵙⵉⵏⵔⴰⵏ ⴷ ⵓⴳⵜⵉⵔⴰⵏ ⴷ ⵓⵙⵏⴼⵍ ⵏ ⵉⵔⵣⴰⴼⵏ ⵊⴰⵔ ⵉⴽⴰⴱⴰⵕⵏ.
ⵉⵃⴰⴹⵕ ⴳ ⵉⵏⵎⵓⵇⵇⴰⵔⵏ ⵎⴰⵙⵙ ⴰⵃⴰⵎⴷ ⵜⵡⵉⵣⵉ ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⵥⵖⵕⵜ ⴷ ⵜⵎⴰⵜⵔⴰⵔⵜ, ⴷ ⵎⴰⵙⵙ ⵍⵎⵓⵚⵟⴰⴼⴰ ⵜⴰⵔⴼⵉⵢⴰ ⵉⵍⵍⴰⵏ ⴼ ⵜⵡⵡⵓⵔⵉⵡⵉⵏ ⵏ ⵜⵎⵙⵇⵇⴰⴷⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵟⴰⵢⵍⴰⵏⴷ.