ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2016/2021 :
ⵉⵙⴽⵔ ⵓⵙⵉⵔⴰ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⴰⵎⵓⵏⵜ ⵉ ⵓⵏⴰⵎⵎⴰⵙⵜ ⵜⴰⵔⴰⴱⴱⵓⵜ ⵏ ⵜⵡⵓⵔⵉ ⵉⵜⵜⵓⵙⵎⴰⴳⴰⵍⵏ ⵙ ⵜⵖⵔⵉ ⴷ ⵓⴹⴼⵕ ⵏ ⵜⴼⵔⴽⴰ “ ⴷⴼⴼⵉⵔ ⵏ ⴽⵓⴼⵉⴷ 19” ⵙ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵎⵖⵔⵉⴱⵉ
ⵔⴰⴷ ⵉⵙⴽⵔ ⵓⵙⵉⵔⴰ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⴰⵎⵓⵏⵜ ⵉ ⵓⵏⴰⵎⵎⴰⵙ ⵜⴰⵔⴰⴱⴱⵓⵜ ⵏ ⵜⵡⵓⵔⵉ ⵉⵜⵜⵓⵙⵎⴰⴳⴰⵍⵏ ⵙ ⵜⵖⵔⵉ ⴷ ⵓⴹⴼⵕ ⵏ ⵜⴼⵔⴽⴰ “ⴷⴼⴼⵉⵔ ⵏ ⴽⵓⴼⵉⴷ 19”, ⵔⴰⴷ ⵜⵜ ⵉⵙⵙⵉⵅⴼⵜ ⵎⴰⵙⵙ ⵍⵃⴱⵉⴱ ⵍⵎⴰⵍⴽⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴳ ⵜⵙⵓⵎⵉⵏ ⵏ ⵓⵙⵉⵔⴰ ⵏ ⵜⵎⵙⵎⵓⵏⵜ ⵉⵜⵜⵓⵙⴽⴰⵔⵏ ⴳ ⴰⴽⵕⴰⵙ 16 ⵢⵓⵏⵢⵓ 2021 ⵙ ⵓⴼⵉⵣⵢⵓⴽⵓⵏⴼⵉⵕⵓⵏⵚ ⵙ ⵜⵉⵍⵉⵜ ⵏ ⵎⴰⵙⵙ ⴷⴰⴼⵉⴷ ⵙⴰⵙⵙⵓⵍⵉ ⴰⵏⵙⵙⵉⵅⴼ ⵏ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ ⴷ ⵓⵏⵙⵙⵉⵅⴼ ⵏ ⵜⵎⵙⵎⵓⵏⵜ ⴷ ⵉⴳⵎⴰⵎⵏ ⵏ ⵓⵙⵉⵔⴰ.
ⵉⵙⴷⴷⵉⴷ ⵎⴰⵙⵙ ⵍⵎⴰⵍⴽⵉ, ⴳ ⵓⵜⴳⵓⵔⵉ ⵏⵏⵙ, ⵎⴰⵙ ⵉⴳⴰ ⵓⵏⴰⵎⵎⴰⵙ ⵜⴰⵙⴳⴰ ⴳ ⵉⴷⵔⵓⵙ ⵓⵙⵉⴷⴼ ⴰⴷⵎⵙⴰⵏ ⴳ ⵓⵎⴰⴹⴰⵍ, ⵎⵇⵇⴰⵔ ⴷ ⵜⵉⵡⵉ ⵜⵙⵎⴰⴹⴰⵍⵜ ⵜⴰⵎⵓⵏⵜ ⵜⴰⵏⵎⵏⴰⴹⵜ ⴷ ⵓⵙⵓⵜⴳ ⵏ ⵓⵎⵎⵉⵥⵏ, ⴷ ⵎⵇⵇⴰⵔ ⵜⵉⵡⵉ ⵜⵙⴳⴰ ⴰⴷ 20 % ⵏ ⵓⵙⵖⵏⵣⵉ ⴰⵎⴰⴹⵍⴰⵏ.
ⵉⵙⵎⵏⵉⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵜⵉⵎⵏⵜⵍⵉⵏ ⴷⴰⵜ ⵏ ⵓⵎⵣⴰⵔⴰⵢ ⵊⴰⵔ ⵜⵖⵣⴰⵔ ⵏ ⵓⵏⴰⵎⵎⴰⵙ, ⴳ ⵉⵍⵍⴰ ⵓⵙⴰⵔⵓ ⵏ ⵜⵏⴼⵔⵓⵜ ⵓⵔ ⵉⴳⴰⴷⴷⴰⵏ ⴳ ⵜⵙⴳⴰ ⵏ ⵓⵙⵏⵇⵔ ⴰⵏⴰⵎⵎⴰⵙ ⴷ ⵉⵥⵥⵍⵎⴹ ⵏ ⵉⴼⵔⵉⵇⵢⴰ, ⴳ ⵍⵉⴱⵢⴰ ⴷ ⴼⵉⵍⵉⵙⵟⵉⵏ ⴷ ⵙⵓⵔⵢⴰ, ⴷ ⵜⵎⵓⴽⵔⵉⵙⵜ ⵏ ⵓⵣⵡⴰⴳ ⵉⵍⵍⴰⵏ ⴳ ⵓⵏⴰⵎⵎⴰⵙ ⴷ ⵓⵙⵡⵓⵔⵉ ⵏ ⵍⵎⴰⴼⵢⴰⵜ ⵏ ⵓⵙⵙⵔⵡⵍ ⵏ ⵉⵡⴷⴰⵏ, ⵉⴱⴷⵔ ⴰⵎⴰⵢⴰⵡⴰⵙ ⴷ ⵓⵣⴷⴷⵓⵢ ⵊⴰⵔ ⵓⵕⵓⴱⴱⴰ ⴷ ⵉⴼⵔⵉⵇⵢⴰ ⵉ ⵓⵙⴱⴷⴷⵉ ⵏⵏⵙ, ⴷ ⵜⵓⴳⴳⴰⵙ ⵏ ⵍⵎⵖⵔⵉⴱ ⵍⵍⵉⵖ ⵉⴳⴰ ⵜⴰⵎⴰⵣⵉⵔⵜ ⵏ ⵓⵣⴷⵓⵖ ⴷ ⵓⵣⵔⴰⵢ.
ⵉⵙⴰⵡⴰⵍ ⵎⴰⵙⵙ ⵍⵎⴰⵍⴽⵉ ⴼ ⵜⴷⵔⵓⵙⵜ ⵏ ⵉⵙⵙⴰⵔⵓⵜⵏ ⵏ ⴱⵕⵕⴰ ⴳ ⵉⵡⴰⵏⴽⵏ ⵏ ⵉⴼⴼⵓⵙ ⵏ ⵓⵏⴰⵎⵎⴰⵙ, ⴷ ⴳⴰⵔ ⵉⴷⵔⵉⵣⵏ ⵏ ⵉⵙⵏⴼⵍⵏ ⵏ ⵓⵏⵣⵡⵉ, ⴷ ⵜⵎⵓⴽⵔⵉⵙⵜ ⵏ ⵜⴰⴳⴰⵏⵉⵏ ⴷ ⵜⴷⵔⵓⵙⵜ ⵏ ⵡⴰⵎⴰⵏ, ⴰⵢⵍⵍⵉ ⵉⵜⵜⴰⵊⵊⴰⵏ ⵉⵎⵣⴷⴰⵖⵏ ⵉ ⵓⵣⵡⴰⴷ ⵉ ⵓⵙⵉⴳⴳⵍ ⵏ ⵜⵎⵉⵣⴰⵔ ⵏ ⵜⴳⵎⵉ, ⴰⵢⵍⵍⵉ ⵉⵥⵥⴰⵢⵏ ⴼ ⵉⵡⴰⵏⴽⵏ ⵏ ⵓⵣⵔⴰⵢ ⴷ ⵓⵙⵏⵓⴱⴳ.
ⵉⵖⵔ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵉ ⵉⴱⵕⵍⴰⵎⴰⵏⵉⵢⵏ ⵏ ⵓⵏⴰⵎⵎⴰⵙ ⵉ ⵓⵙⴷⵓⵙ ⵏ ⵜⵡⵉⵣⵉ ⴷ ⵜⴳⵎⵉ ⵉⵛⵛⴰⵔⵏ ⵏⴳⵔ ⵉⵡⴰⵏⴽⵏ ⵏ ⵓⵏⴰⵎⵎⴰⵙ, ⵃⵎⴰ ⴰⴷ ⵢⵓⵔⵔⵉ ⵉ ⵜⵙⴳⴰ ⴰⴷ ⴰⴷⵖⴰⵔ ⵏⵏⵙ ⵍⵍⵉⵖ ⵜⴳⴰ ⴰⴷⴷⵓⵢ ⵏ ⵜⵖⵔⵎⴰ, ⵢⵉⵏⵉ ⵎⴰⵙ ⵉⵎⵔⵙ ⵍⵎⵖⵔⵉⴱ ⴳ ⵓⵙⴽⵔ ⵏ ⵜⴳⵎⵉ ⵏ ⵜⵡⵉⵣⵉ ⴷ ⵓⵙⴷⵓⵙ ⵏ ⵓⵎⵢⴰⵡⴰⵙ ⵉⴼⴼⵓⵙ-ⵉⴼⴼⵓⵙ ⴰⴽⴷ ⵉⵡⴰⵏⴽⵏ ⵏ ⵉⴼⵔⵉⵇⵢⴰ, ⵢⵓⵊⴰⴷ ⵓⵍⴰ ⵉ ⵓⴷⵔⵓ ⵏ ⵜⵉⵔⵎⵉⵜ ⵏⵏⵙ ⴳ ⵜⵙⴳⴰ ⵏ ⵓⵏⴰⵎⵎⴰⵙ.
ⵉⵖⵔ ⵎⴰⵙⵙ ⵍⵎⴰⵍⴽⵉ ⵉ ⵜⵉⵍⵉⵜ ⵏ ⵜⵎⵢⵉⵎⴰⵏⵜ ⵏ ⵜⵎⵜⵜⴰ ⵎⵓⵏⵏⵉⵏ ⵃⵎⴰ ⴰⴷ ⵢⵉⵍⵉ ⵓⴼⵙⵙⴰⵢ ⴰⵣⵔⴼⴰⵏ ⵉⵙⵓⵍⵏ ⴷ ⵉⵜⵜⵓⵇⴱⴰⵍⵏ ⵏⴳⵔ ⵜⵙⴳⴳⵉⵡⵉⵏ ⵏ ⵜⵎⴰⵖⴰⵜ ⵉⵜⵜⵓⵙⴽⴰⵔⵏ ⴼ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵜ, ⴷⴷⵣⴰⵢⵔ ⴷ ⵍⵎⵖⵔⵉⴱ, ⵍⵍⵉ ⴷ ⵉⴽⴽⴰⵏ ⵜⴰⵎⴰⵖⵜ ⵜⴰⵙⵎⵎⴰⴹⵜ. ⴰⵢⵍⵍⵉ ⵔⴰⴷ ⵢⴰⵡⵙ ⴳ ⵓⵚⴽⵓ ⵏ ⵜⵎⵓⵏⵜ ⵜⴰⵎⵖⴰⵔⵉⴱⵉⵜ, ⴰⵢⵍⵍⵉ ⵔⴰⴷ ⵉⵙⴽⵔ ⴳ ⵜⵙⴳⴰ ⵏ ⵓⵏⴰⵎⵎⴰⵙ ⵢⴰⵜ ⵜⵙⴳⴰ ⵉⴷⵓⵙⵏ ⴳ ⵉⵍⵍⴰ ⵓⴱⵓⵖⵍⵓ ⵏ ⵉⵎⴰⴷⴰⵏⵏ ⵉⵎⵖⴰⵔⵉⴱⵉⵢⵏ, ⵉⵖ ⵎⵓⵏⵏ ⵉⵡⴰⵏⴽⵏ ⵉⵎⵖⴰⵔⵉⴱⵉⵢⵏ, ⵜⴰⵙⴳⴰ ⴰⴷ ⴰⵔ ⴰⵙ ⵉⴼⵜⵜⵓ ⴽⵓ ⴰⵙⴳⴳⵯⴰⵙ 2% ⴳ ⵓⵢⴰⴼⵓ ⵏⵏⵙ ⴰⴳⵯⵏⵙⴰⵏ ⴰⵎⵙⴰⵔⵉ ⵙ ⵓⵙⵓⵔⵙ ⵏ ⵖⵉⵍⴰⴷ.
ⵢⵉⵏⵉ ⵎⴰⵙⵙ ⵍⵎⴰⵍⴽⵉ ⵎⴰⵙ ⵢⵉⵡⵉ ⵓⴱⴰⵢⵢⵓⵕ ⵏ ⴽⵓⴼⵉⴷ 19 ⵜⴰⵢⵏⵉⵜ ⵏ ⵓⵎⴰⴹⴰⵍ ⵉ ⵜⵛⵛⴰⵃⵓⵕⵜ ⵏ ⵓⵙⵓⵔⵙ ⴰⵏⴼⴳⴰⵏ, ⵉⵇⵇⴰⵏ ⴷ ⴰⴷ ⵜⴳ ⵜⴷⵓⵙⵉ ⴳ ⵜⵎⵣⵡⴰⵔ ⵏ ⵉⴷ ⴱⴰⴱ ⵏ ⵜⵖⵜⴰⵙⵜ, ⵢⵉⵏⵉ ⵎⴰⵙ ⵢⵓⵊⴰⴷ ⵍⵎⵖⵔⵉⴱ ⴰⴷ ⵉⴳ ⴰⵙⴰⴽⵉ ⵏ ⵜⵎⴰⴷⵔⴰⵡⵜ ⵓⵕⵓⵜⴰⵏⴰⵎⵎⴰⵙⵜ ⵉⴱⴷⴷⵏ ⴼ ⵓⴼⵔⴰ ⴷ ⵜⵏⴼⵔⵓⵜ ⴷ ⵓⴷⴷⵓⵔ ⴰⵏⴼⴳⴰⵏ ⴷ ⵜⴳⵎⵉ ⵜⴰⵙⵓⵍⴰⵏⵜ.