ⴳ ⵡⴰⵙⵙ ⴰⵎⴰⴹⵍⴰⵏ ⵏ ⵉⴼⵔⵉⵇⵢⴰ , ⴰⵔ ⵢⴰⵇⵔⴰ ⵓⵙⵇⵇⵉⵎ ⵏ ⵉⵎⵓⵔⴰ ⵉ ⵜⵡⵉⵣⵉ ⴰⴽⴷ ⵉⴼⵔⵉⵇⵢⴰ ⴳ ⵓⵙⴱⴷⴷⵉ ⵏ ⵓⴱⴰⵢⵢⵕ ⵏ ⴽⵓⴼⵉⴷ 19

ⴰⵔ ⵉⵙⴼⵓⴳⵍⴰ ⵓⵎⴰⴹⴰⵍ ⴰⵙⴳⴳⵯⴰⵙ ⴰⴷ “ⴰⵙⵙ ⴰⵎⴰⴹⵍⴰⵏ ⵏ ⵉⴼⵔⵉⵇⵢⴰ” ⴳ ⵢⴰⵏ ⵓⵎⵏⴰⴹ ⵉⵥⵍⵉⵏ ⴳ ⵉⵍⵍⴰ ⵓⵙⴼⵔⵓⵔⵜ ⵏ ⵓⴱⴰⵢⵢⵓⵕ ⵏ ⴽⵓⴼⵉⴷ 19 ⴷ ⵉⴷⵔⵉⵣⵏ ⵏⵏⵙ ⵉⵏⴰⵎⵓⵏⵏ ⴷ ⵉⴷⵎⵙⴰⵏⵏ.

ⵙ ⵜⵎⵍⴷⴰ ⴰⴷ, ⵍⵍ ⵉⵎⵢⴰⵔ ⵓⵙⵇⵇⵉⵎ ⵏ ⵉⵎⵓⵔⴰ ⴰⴷ ⵜⵜ ⵉⵙⴼⵓⴳⵍⵓ ⵙⴳ 2017, ⵉⵇⵇⴰⵏⴷ ⵓⵙⴽⵜⵉ ⵏ ⵜⵡⵉⵙⵉ ⵏ ⵜⵎⴰⵣⵉⵔⵜ ⵏⵏⵖ ⴳ ⵜⴷⵉⵏⴰⵎⵉⵜ ⵜⴰⵎⴰⵢⵏⵓⵜ ⴳ ⵜⵎⵔⵙⴰⵍ ⵏ ⵜⵎⵓⵏⵜ ⵏ ⵉⴼⵔⵓⵉⵇⵢⴰ ⴷⴼⴼⵉⵔ ⵎⴰⴷ ⵢⵓⵔⵔⵉ ⵍⵎⵖⵔⵉⴱ ⴳ ⵉⵏⵏⴰⵢⵔ 2017 ⵙ ⵜⵓⵡⵊⴰ ⵏⵏⵙ ⵜⴰⵎⵔⵙⵍⴰⵏⵜ ⵜⴰⴼⵔⵉⵇⵉⵜ.

ⵢⵉⵡⵉ ⴷ ⵓⵖⵓⵍⴰ ⴷ ⴽⵉⴳⴰⵏ ⵏ ⵜⴷⵉⴰⵏⵎⵉⵜⵉⵏ ⴷ ⵜⵡⵓⵔⵉ ⵜⴰⵅⴰⵜⴰⵔⵜ ⴼⵉⵍⵍⴰ ⴳ ⵓⴱⴰⵔⴰⵣ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵄⵣⵣⵓ ⵕⴱⴱⵉ, ⵖ ⵍⵍⴰⵏ ⵉⵔⵣⴰⴼⵏ ⵉⵎⴰⴷⴷⵓⴷⵏ ⵏ ⴱⴰⴱ ⵏ ⵡⴰⴷⴷⵓⵔ ⵉ ⵜⵓⴳⵜ ⵏ ⵜⵎⵉⵣⴰⵔ ⵏ ⵉⴼⵔⵉⵇⵢⴰ, ⴷ ⵜⵎⵢⴰⵇⵇⴰⵏⵉⵏ ⵜⵉⵙⵏⵔⴰⵏⵉⵏ ⴼ ⵉⴱⴷⴷ ⴱⴰⴱ ⵏ ⵡⴰⴷⴷⵓⵔ ⴼ ⵓⵣⵎⵎⴻⵎ ⵏⵏⵙⵏⵜ ⴷ ⵉⵙⵏⴼⴰⵔⵏ ⵛⵛⴰⵔⵏⵉⵏ ⴼ ⵉⴱⴷⴷ ⴼ ⵓⵕⵥⵥⵓⵎ ⵏⵏⵙⵏ ⴷ ⵓⴹⴼⵕ ⵏⵏⵙⵏ ⴰⴽⴷ ⴰⵢⵜⵎⴰⵙ ⵉⵏⵙⵙⵉⵅⴼⵏ ⵏ ⵉⵡⴰⵏⴽⵏ ⵏ ⵉⴼⵔⵉⵇⵢⴰ.

ⵜⵎⵎⴰⵖ ⵜⵎⴰⵣⵉⵔⵜ ⵏⵏⵖ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴷ ⵓⵙⵎⴰⵇⵇⵍ ⵏⵏⵙ ⵉ ⵓⵎⵢⴰⵡⴰⵙ ⴰⴼⵔⵉⵇⵉ, ⴼ ⵓⵣⵣⴳⵉⵔ ⵏ ⵜⵙⵔⵜⴰⵢ ⵏ ⵓⵎⵢⴰⵡⴰⵙ ⴰⵙⵉⵏⵔⴰⵏ ⴷ ⵓⴳⵜⵉⵔⴰⵏ ⵉⴱⴷⴷⵏ ⴼ ⵚⴰⵃⴰ ⵉⵛⵛⴰⵔⵏ ⴷ ⵜⵎⴰⴷⵔⴰⵡⵉⵏ ⵏ ⵓⴼⴰⵔⵙ ⴷ ⵜⴳⵎⵉ ⵜⴰⵙⵉⴷⴼⴰⵏⵜ ⵜⴰⵙⵓⵍⴰⵏⵜ ⴷ ⵓⴷⵔⵓ ⵏ ⵜⵉⵔⵎⵉⵜⵉⵏ ⴷ ⵜⵉⴽⴽⵉ ⵏ ⵜⵓⵎⴰⵢⵜ ⵖ ⵜⵍⵍⴰ ⵜⵡⵓⵔⵉ ⵏ ⵓⵎⵢⴰⵡⴰⵙ ⵉⴼⴼⵓⵙ-ⵉⴼⴼⵓⵙ ⵙ ⵎⴰⴷ ⵉⵙⴽⵔⵏ ⵙ ⵉⵏⴰⵔⵓⵣⵏ ⴷ ⵉⵙⵖⴰⵡⵙⴰⵜⵏ ⵏ ⵉⵎⴰⴷⴰⵏⵏ ⵏ ⵓⵎⵏⵥⴰⵡ ⴳ ⵜⵡⵓⵔⵉ ⴷ ⵓⴷⴷⵓⵔ ⴷ ⵚⴰⵃⴰ ⵙⴳ ⵜⵉⵥⴹⴰⵕⵉⵏ ⵏⵏⵙ ⴷ ⵓⵙⵎⵔⵙ ⵏⵏⵙⵏⵜ ⵖ ⵜⵉⵍⵉⵜ ⵏ ⵉⴼⵔⵉⵇⵢⴰ ⵜⴰⵎⴰⵢⵏⵓⵜ.

ⵏⵙⵔⵙ ⴰⵙⴷⵖⵔ ⴰⴼⵔⵉⵇⵉ ⵏ ⵜⵎⴰⵣⵉⵔⵜ ⵏⵏⵖ ⵍⵍⵉ ⵉⵙⵙⵕⵚⵓ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵙ  ⵓⵙⵎⴰⵇⵇⵍ ⵏ ⵓⵎⵢⴰⵡⴰⵙ ⴳ ⵓⵎⵏⵥⴰⵡ, ⴷⴰⵜ ⵏ ⵜⵎⴰⵙⴰⵢⵜ ⵏ ⵜⵡⵉⵙⵉ ⵜⴰⵎⵔⵙⵍⴰⵏⵜ ⵜⴰⴱⵕⵍⴰⵎⴰⵏⵉⵜ ⴳ ⵓⵙⵎⵖⵔ  ⵙ ⵓⵙⵡⵉⵔ ⵏ ⵜⵎⵙⴽⵔⵜ ⵜⴰⴳⵍⴷⴰⵏⵜ ⴳ ⵉⴼⵔⵉⵇⵢⴰ.

ⵖⵎⴽ ⴰⴷ, ⴰⴼ ⵏⵎⵎⴰⵖ ⴼ ⵓⵙⴷⵓⵙ ⵏ ⵜⵣⴷⴰⵢⵉⵏ ⵏⵏⵖ ⴷ ⵉⴱⵕⵍⴰⵎⴰⵏⵏ ⵉⵏⴰⵎⵓⵔⵏ ⵉⴼⵔⵉⵇⵉⵢⵏ, ⴷ ⵓⵙⴰⵜⵉ ⴰⵙⵉⵏⵔⴰⵏ ⴷ ⵓⴳⵜⵉⵔⴰⵏ ⴷ ⵓⵙⵎⵔⵙⵍ ⴷ ⵓⵣⵎⵎⴻⵎ ⵏ ⵜⵎⵢⴰⵇⵇⴰⵏⵉⵏ ⴷ ⵓⵙⴽⵔ ⵏ ⵜⴰⵢⵢⴰⵡⵉⵏ ⵜⵉⴱⵕⵍⴰⵎⵏⵉⵢⵉⵏ ⵜⵉⵏⴰⵎⵓⵔⵉⵏ ⴷ ⵜⵔⵓⴱⴱⴰ ⵏ ⵜⴷⴷⵓⴽⴽⵯⵍⴰ ⵜⵉⴱⵕⵍⴰⵎⴰⵏⵉⵢⵉⵏ ⴷ ⵓⵙⵏⵎⴰⵍⴰ ⵏ ⵉⵏⵎⵓⵇⴰⵔⵏ ⵉⵙⴳⵓⵎⴰⵏⵏ ⴼ ⵜⵎⵙⴰⵔⵉⵏ ⴼ ⵏⵎⵎⴰⵖ ⴳ ⵜⵎⴰⴷⴷⴰⵙⵉⵏ ⵜⵉⴱⵕⵍⴰⵎⵏⴰⵉⵢⵉⵏ ⵜⵉⴳⵔⴰⵖⵍⴰⵏⵉⵏ ⵉ ⵚⴰⵃⴰ ⵏ ⵉⴼⵔⵉⵇⵢⴰ ⴰⵎ ⴰⵣⵡⴰⴳ ⴷ ⵓⵏⵣⵡⵉ ⴷ ⵜⵎⴰⴷⵔⴰⵡⵜ ⵉ ⵜⴳⵎⵉ ⴷ ⵜⵎⵙⴰⵔⵉⵏ ⵏ ⵜⵎⵖⴰⵔⵉⵏ ⴷ ⵉⵄⵔⵔⵉⵎⵏ ⴷ ⵜⴻⵜⵉⴽⵏⵓⵍⵓⵊⵉⵢⵉⵏ ⵜⵉⵎⴰⵢⵏⵓⵜⵉⵏ.

ⴰⵙⴳⴳⵯⴰⵙ ⴰⴷ, ⵉⵍⵍⴰ ⵡⴰⵙⵙ ⴰⵎⴰⴹⵍⴰⵏ ⵏ ⵉⴼⵔⵉⵇⵢⴰ, ⵉ ⵡⵉⵙ ⵙⵉⵏ ⵉⵙⴳⴳⵯⴰⵙⵏ, ⴳ ⵓⵎⵏⴰⴹ ⵉⵥⵍⵉⵏ ⴳ ⵉⵍⵍⴰ ⵓⵙⴼⵔⵓⵔⵜ ⵏ ⵓⴱⴰⵢⵢⵓⵕ ⵏ ⴽⵓⴼⵉⴷ 19 ⴷ ⵉⴷⵔⵉⵣⵏ ⵏⵏⵙ ⵉⴷⵎⵙⴰⵏⵏ ⴷ ⵉⵏⴰⵎⵓⵏⵏ. ⵎⵇⵇⴰⵔ ⴷⵔⵓⵙⵏⵜ ⵜⵥⴹⴰⵔⵕⵉⵏ ⵏⵏⵙ, ⵎⵍⴰⵏⵜ ⵎⵏⵏⴰⵡⵜ ⵜⵎⵉⵣⴰⵔ ⵏ ⵓⵎⵏⵥⴰⵡ ⵉⵎⴰⵏ ⵏ ⵜⵎⴰⵙⴰⵢⵜ ⴳ ⵓⵙⴱⴷⴷⵉ ⵏ ⵓⴱⴰⵢⵢⵓⵕ ⵙ ⵓⵡⵇⵇⵔ ⵏ ⵜⵎⵙⴽⴰⵔ ⵏ ⵡⴰⵔⴰⵢ ⵜⵓⵛⵛⵉⵍⵉⵏ ⵉ ⵡⴰⵔⴰⵢ ⴷ ⵜⵡⵉⵣⵉ.  ⵖⵎⴽ ⵍⵍⵉ ⵉⵏⵏⴰ ⵎⴰⵙⵙ ⴰⵏⵟⵓⵏⵢⵓ ⴳⵓⵜⵉⵔⵉⵛ, ⴰⵏⴼⵍⵓⵙ ⴰⵎⴰⵜⴰⵢ ⵏ  ⵜⵎⵜⵜⴰ ⵎⵓⵏⵏⵉⵏ:” ⵎⵍⴰⵏ ⵉⵡⴰⵏⴽⵏ ⵏ ⵉⴼⵔⵉⵇⵢⴰ ⵜⴰⵏⴰⵔⴰ ⵜⴰⵎⴰⵢⵏⵓⵜ ⵉⵙⵜⴰⵀⵍⵍⴰⵏ ⴰⵙⵓⵜⴳ ⴳ ⵜⵎⴰⵖⵜ ⵏⵏⵙⵏ ⵎⴳⴰⵍ ⵏ ⵓⴱⴰⵢⵢⵓⵕ ⵏ ⴽⵓⴼⵉⴷ 19”.

ⵜⴳⴰ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉ ⵍⵎⵖⵔⵉⴱ ⴳ ⵓⵙⴱⴷⴷⵉ ⵏⵏⵙ ⵏ ⵓⴱⴰⵢⵢⵓⵕ ⴳ ⵉⵙⵡⵉⵔⵏ ⵉⴷⵓⵙⴰⵏⵏ ⴷ ⵉⴷⵎⵙⴰⵏⵏ ⴷ ⵉⵏⴰⵎⵓⵏⵏ, ⴰⵔ ⵜⵎⵎⴰⵍ ⵜⵉⵎⵥⵍⵉⵜ ⵏ ⵡⴰⵏⴰⵡ ⴰⵎⵖⵔⵉⴱⵉ ⴷ ⵜⵉⵕⵡⵉ ⵏ ⵜⵙⵜⵔⴰⵜⵉⵊⵉⵜ ⵜⴰⵎⵖⵔⵉⴱⵉⵜ ⵉⵎⵓⵏⵏ ⵙ ⵓⴼⵔⴰⴳ ⴰⴳⵍⴷⴰⵏ ⵉⵥⵍⵉⵏ, ⵜⵜⵓⵙⴽⴰⵔⵏ ⵓⵍⴰ ⵉⵎⵓⵔⵙⵏ ⵢⴰⴹⵏⵉⵏ ⴳ ⵓⵎⵏⵥⴰⵡ, ⵎⴰⵛⵛ ⵉⵇⵇⴰⵏⴷ ⵓⵍⴰ ⴰⴷ ⵜⴰⵡⵙ ⵜⵔⴰⴱⴱⵓⵜ ⵜⴰⵎⴰⴹⵍⴰⵏⵜ ⴳ ⵜⵡⵉⵣⵉ ⴷ ⵓⵙⵏⴰⵍ ⵏ ⵉⵎⴰⴷⴰⵏⵏ ⵏ ⵉⴼⵔⵉⵇⵢⴰ ⵍⵍⵉ ⵓⵔⵜⴰ ⵍⴽⵉⵎⵏ ⵉⴳⵣⵣⴰⵢⵏ ⴳⵓⵎⵏⵉⵏ ⴷ ⵜⵥⴹⴰⵕⵉⵏ ⵜⵉⵎⵜⵜⵉⵡⵉⵏ ⴷ ⵜⵥⵕⴼⴰⵏⵉⵏ ⴷ ⵜⵍⵓⵊⵉⵙⵜⵉⴽⵉⵢⵉⵏ ⵉ ⵓⵙⴱⴷⴷⵉ ⵏ ⵓⴱⴰⵢⵢⵓⵕ ⴷ ⵉⴷⵔⵉⵣⵏ ⵏⵏⵙ.

ⴳ ⵡⴰⵙⵙ ⴰⵎⴰⴹⵍⴰⵏ ⵏ ⵉⴼⵔⵉⵇⵢⴰ, ⴰⵔ ⵉⵙⵓⵜⴳ ⵓⵙⵇⵇⵉⵎ ⵏ ⵉⵎⵓⵔⴰ ⵜⵉⵙⵏⵜⴰⵢⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⵏ ⵜⵡⵉⵣⵉ ⴷ ⵓⵙⵏⴰⵍ ⵏ ⴽⵉⴳⴰⵏ ⵏ ⵜⵎⵉⵣⴰⵔ ⵏ ⵉⴼⵔⵉⵇⵢⴰ ⴳ ⵓⵙⴱⴷⴷⵉ ⵏⵏⵙⵏⵜ ⵏ ⵓⴱⴰⵢⵢⵓⵕ, ⴷ ⵜⵖⵔⵉ ⵏ ⴱⴰⴱ ⵏ ⵡⴰⴷⴷⵓⵔ ⵉ ⵜⵔⴰⴱⴱⵓⵜ ⵜⴰⴳⵔⴰⵖⵍⴰⵏⵜ ⵉ ⵓⵙⵏⴰⵍ ⵏ ⵜⵎⵉⵣⴰⵔ ⵏ ⵓⵎⵏⵥⴰⵡ ⵙⵖⴰⵡⵙⴰⵏⵉⵏ ⵙ ⵓⵙⵏⴰⵍ, ⴷ ⵓⵙⴽⵔ ⵏ ⵓⵛⵛⵉⵍ ⵏ ⵜⵡⵉⵣⵉ ⴰⵎⴰⴹⵍⴰⵏ ⴷ ⵓⵏⴼⴰⴳⵏ. ⵖⵎⴽ ⴰⵏⵏ ⴰⴼ ⴷⴰⵖ ⵏⴰⵇⵔⴰ ⵉ ⵜⵔⴰⴱⴱⵓⵜ ⴰⴷ ⵙ ⵓⵙⴽⵔ ⵏ ⵜⵙⵏⵜⴰⵢⵜ ⴷ ⵜⵖⵓⵔⵉ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴷⴰⵔ ⵜⵏⴱⴰⴹⵉⵏ ⵏ ⵉⵡⴰⵏⴽⵏ ⵉⴱⵖⵓⵔⵏ,  ⵉ ⵓⵙⴽⵔ ⵙ ⵉⵎⴰⵏ ⵏ ⵜⵡⵉⵣⵉ ⴷ ⵓⴷⵔⴰⵡ ⵏ ⵜⵥⴹⴰⵕⵉⵏ ⴳ ⵓⵙⴱⴷⴷⵉ ⵏ ⵓⴱⴰⵢⵢⵓⵕ ⵙ ⵉⴳⵣⵣⴰⵢⵏ ⴷ ⵉⵎⴰⵙⵙⵏ ⵏ ⵡⴰⵔⴰⵢ ⴷ ⵜⵡⴰⴼⵉⵜ.

ⵉⵍⵍⴰ ⵓⴼⵔⴰⴽ ⴰⴱⵕⵍⴰⵎⴰⵏⵉ ⴰⵎⴰⴹⵍⴰⵏ ⴷⴰⵜ ⵏ ⵉⵔⵉⵎ ⵎⵏⵉⴷ ⵏ ⵜⴰⵙⵙⴰⵙⵜ ⵏ ⵉⴷ ⵍⵎⵏⴰⵢⵏ ⵏ ⵉⴼⵔⵉⵇⵉⵢⵏ ⵎⴳⴰⵍ ⵏ ⵓⴱⴰⵢⵢⵓⵕ ⴷ ⵉⴷⵔⵉⵣⵏ ⵏⵏⵙ ⴷ ⵉⴷⵔⵉⵣⵏ ⵏ ⵉⵙⵏⴼⵍⵏ ⵏ ⵓⵏⵣⵡⵉ ⴷ ⵓⵙⵏⵣⵔⵓⴼ ⴷ ⵓⵣⵡⴰⴳ ⴰⵏⴱⵣⴰⵣ.