ⵊⵓⵏⵉⴼ: ⵉⴷⵔⵓ ⵓⴽⴰⴱⴰⵕ ⴰⵎⵖⵔⵉⴱⵉ ⴳ ⵓⵣⵣⵔⴰⵢ ⵏ ⵓⵏⵇⵇⵉⵙ ⵉⵙⵎⵓⵏⵏ ⵉⵏⵇⵇⵉⵙⵏ ⵉⴳⵔⴰⵖⵍⴰⵏⵏ 19 ⴷ 20 ⴷ 21 ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴼ ⵓⵙⵡⵓⵔⵉ ⵙ ⵜⵎⵢⴰⵇⵇⴰⵏⵜ ⵜⴰⴳⵔⴰⵖⵍⴰⵏⵜ ⵏ ⵓⵙⵉⵜⵜⵉ ⵏ ⵡⴰⵏⴰⵡⵏ ⵏ ⵓⵙⵏⵓⵃⵢⵓ ⴰⵥⵓⵕⴰⵏ
ⵉⴷⵔⵓ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⵙⴳ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵜⵡⵓⵔⵉ ⵏ ⵓⵣⵣⵔⴰⵢ ⵏ ⵓⵏⵇⵇⵉⵙ ⵉⵙⵎⵓⵏⵏ ⵉⵏⵇⵇⵉⵙⵏ ⵉⴳⵔⴰⵖⵍⴰⵏⵏ 19 ⴷ 20 ⴷ 21 ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵉⵣⴷⵉⵏ ⴷ ⵓⵙⴽⵔ ⵏ ⵜⵎⵢⴰⵇⵇⴰⵏⵜ ⵜⴰⴳⵔⴰⵖⵍⴰⵏⵜ ⵉ ⵓⵙⴱⴷⴷⵉ ⵏ ⵡⴰⵏⴰⵡⵏ ⵏ ⵓⵙⵏⵓⵃⵢⵓ ⴰⵥⵓⵕⴰⵏ, ⴳ ⵊⵓⵏⵉⴼ ⵓⵙⵙⴰⵏ ⵏ 22 ⴷ 23 ⵏⵓⵡⴰⵏⴱⵉⵔ 2023.
ⵢⵓⵎⴰ ⵓⴽⴰⴱⴰⵕ ⴰⴷ:
- ⵎⴰⵙⵙ ⴰⵎⴰⵔⵉ ⵙⴰⵄⵉⴷ ⵙⵔⴰⵔ, ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵜⵣⵔⴼⵜ ⴷ ⵓⵣⵣⵔⴰⴼ ⴷ ⵉⵣⵔⴼⴰⵏ ⵏ ⵓⴼⴳⴰⵏ;
- ⵎⴰⵙⵙⴰ ⵜⴰⵎⴰⵔⵉⵜ ⵃⴰⵢⴰⵜ ⵓⵎⵏⵊⵓⵊ ⵙⴳ ⵜⵔⴰⴱⴱⵓⵜ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ;
- ⵎⴰⵙⵙ ⵙⵙⴰⵍⴽ ⵍⴱⴽⴰⵎ, ⵙⴳ ⵜⵔⴰⴱⴱⵓⵜ ⵏ ⵜⵥⵖⵕⵜ ⴷ ⵜⵎⴰⵜⵔⴰⵔⵜ;
- ⵎⴰⵙⵙⴰ ⵜⴰⵎⴰⵔⵉⵜ ⴼⴰⵟⵉⵎⴰ ⴱⵏ ⵄⵉⵣⵣⴰ, ⵙⴳ ⵜⵔⴰⴱⴱⵓⵜ ⵜⴰⵙⵉⵎⴰⵏⵜ ⵉ ⵜⵎⵓⵏⵉ ⴷ ⵢⵉⵙⴽⵉⵍ;
ⵔⴰⴷ ⵢⵉⵍⵉ ⴳ ⵓⵏⵎⵓⵇⵇⴰⵔ ⴰⴷ ⴰⵎⴰⴹⵍⴰⵏ ⵓⵙⵎⵏⵉⴷ ⵏ ⵓⵏⵇⵇⵉⵙ ⴰⵏⴰⵎⵓⵔ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷⴰⵜ ⵏ ⵓⵙⵇⵇⵉⵎ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵙ ⵓⵎⵙⴰⵙⴰ ⴷ ⵉⵙⵖⵡⴰⵏ ⵉⴳⵔⴰⵖⵍⴰⵏⵏ ⵏ ⵍⵎⵖⵔⵉⴱ ⴳ ⵢⵉⴳⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⵏⵢⴰⵍⴽⴰⵎ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵉⵎⴰⵙⵙⵏ ⵏ ⵜⵎⵜⵜⴰ ⵎⵓⵏⵏⵉⵏ ⵉ ⵉⵣⵔⴼⴰⵏ ⵏ ⵓⴼⴳⴰⵏ ⴳ 2022 ⴷ 2023, ⵉ ⵓⵙⴽⵔ ⵏ ⵓⵙⵎⴰⵇⵇⵍ ⴰⵙⵜⵔⴰⵜⵉⵊⵉ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ.
ⵔⴰⴷ ⵢⵉⵍⵓ ⵓⴷⵔⴰⵡ ⵏ ⵜⵉⵔⵎⵉⵜ ⵜⴰⵎⵣⵡⴰⵔⵓⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵢⵉⴳⵔ ⵏ ⵓⵙⴱⴷⴷⵉ ⵏ ⵡⴰⵏⴰⵡⵏ ⵏ ⵓⵙⵏⵓⵃⵢⵓ ⴰⵥⵓⵕⴰⵏ ⴷ ⵓⵙⵡⵓⵔⵉ ⵏⵏⵙ ⵙ ⵜⵎⵢⴰⵇⵇⴰⵏⵉⵏ ⵏ ⵜⵎⵜⵜⴰ ⵎⵓⵏⵏⵉⵏ ⴷ ⵜⵎⵙⴽⴰⵔ ⵍⵍⴰⵏⵉⵏ ⵉ ⵓⵣⵣⴳⵉⵔ ⵏ ⵉⵙⵖⵍⴰⴼ ⵜⵜⴰⵡⵙⵎⵏⴰⴷⵏⵉⵏ ⴳ ⵢⵉⴳⵔ ⴰⴷ, ⵖⵎⴽ ⴰⵏⵏ ⴷ ⵓⵙⵙⵏ ⵏ ⵜⵣⵣⵉⴳⵣⵉⵏ ⵜⵉⵎⴳⴳⵓⵔⴰ ⵏ ⵉⵎⴰⵙⵙⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵎⴰⵣⵉⵔⵜ ⵏⵏⵖ.
ⵔⴰⴷ ⵉⴼⵔⵓ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⴰⵎⵖⵔⵉⴱⵉ ⴳ ⵓⵎⵙⴰⵡⴰⵍ ⴰⴷ ⴰⴽⴷ ⵜⴰⵙⵇⵇⵉⵎⵜ ⵏ ⵜⵎⵜⵜⴰ ⵎⵓⵏⵏⵉⵏ ⵉⵜⵜⵓⵥⵍⴰⵢⵏ ⵙ ⵓⵙⵏⵓⵃⵢⵓ ⴰⵥⵓⵕⴰⵏ ⴳ ⵓⵙⴰⵜⵉ ⵏ ⵓⴽⴰⴱⴰⵕ ⴰⵎⴰⴷⴷⵓⴷ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⴰⵎⴰⵡⵙⴰⵙ ⵏ ⵜⵣⵔⴼⵜ.