ⴰⴽⴰⴱⴰⵕ ⴰⴱⵕⵍⴰⵎⴰⵏⵉ ⴰⵎⵖⵔⵉⴱⵉ ⵖ ⵜⵡⵓⵔⵉⵡⵉⵏ ⵏ ⵜⵙⵓⵜⵍⵜ ⵏ ⵜⴳⵔⵙⵜ ⵜⵉⵙ 19 ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⵎⴰⴷⴷⴰⵙⵜ ⵏ ⵜⵏⴼⵔⵓⵜ ⴷ ⵓⵎⵢⴰⵡⴰⵙ ⵖ ⵓⵕⵓⴱⴱⴰ
ⵢⵉⵡⵙ ⵢⴰⵏ ⵓⴽⴰⴱⴰⵕ ⴰⴱⵕⵍⴰⵎⴰⵏⴰⵉ ⴰⵎⵖⵔⵉⴱⵉ ⵖ ⵜⵡⵓⵔⵉⵡⵉⵏ ⵏ ⵜⵙⵓⵜⵍⵜ ⵏ ⵜⴳⵔⵙⵜ ⵜⵉⵙ ⵜⵥⴰⵜ ⴷ ⵎⵔⴰⵡⵜ ⵏ ⵜⵎⵙⵎⵓⵏⵜ ⵜⴰⴱⵕⴰⵍⴰⵎⴰⵏⵉⵜ ⵏ ⵜⵎⴰⴷⴷⴰⵙⵜ ⵏ ⵜⵏⴼⵔⵓⵜ ⴷ ⵓⵎⵢⴰⵡⴰⵙ ⵖ ⵓⵕⵓⴱⴱⴰ. ⵜⵍⵍⴰ ⵜⵙⵓⵜⵍⵜ ⴰⴷ ⵖ ⵓⴳⴰⴷⵉⵔ ⵏ ⵉⴳⵔⴰⵡⵏ hofburg ⵖ ⴼⵢⵉⵏⵏⴰ ⵜⴰⵎⵏⵥⴰⵡⵜ ⵏ ⵏⵏⴰⵎⵙⴰ, ⵓⵙⵙⴰⵏ ⵏ 20 ⴷ 21 ⴱⵕⴰⵢⵕ 2020, ⵃⴰⴹⵕⵏ ⴳⵉⵙ ⵉⴱⵕⵍⴰⵎⴰⵏⵏ ⵉⴳⵎⴰⵎⵏ ⵖ ⵜⵎⵙⵎⵓⵏⵜ (353 ⵏ ⵓⴳⵎⴰⵎ), ⴷ ⵉⴱⵕⵍⴰⵎⴰⵏⵏ ⵏ ⵉⵡⴰⵏⴽⵏ ⵉⵎⴰⴷⵔⴰⵡⵏ ⵉ ⵓⵎⵢⴰⵡⴰⵙ, ⵖⵎⴽ ⴰⵏⵏ ⴷ ⴽⵉⴳⴰⵏ ⵏ ⵜⵎⴰⴷⴷⴰⵙⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵜⵉⴳⵔⴰⵖⵍⴰⵏⵉⵏ ⴷ ⵜⵉⵙⴳⴰⵡⴰⵏⵉⵏ ⵉⴳⴰⵏ ⵜⵉⵎⵏⵥⴰ.
ⵔⴰⴷ ⵜⵥⵍⵉ ⵜⵙⵓⵜⵍⵜ ⴰⴷ ⵉ ⵜⵏⴽⴷⴰ ⵏ ⵜⵓⵎⴰⵢⵜ ⵜⴰⵎⴰⵜⴰⵢⵜ ⵏ ⵜⵏⴰⴹⵉⵏ ⵏ ⴽⵕⴰⴹⵜ ⵜⵙⵇⵇⵉⵎⵉⵏ ⵜⵉⵎⴰⵜⴰⵢⵉⵏ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ, ⵍⵍⵉ ⴼ ⵔⴰⴷ ⵢⵉⵍⵉ ⵓⵎⴹⴰⴽⴰⵕ ⵖ ⵜⵙⵓⵜⵍⵜ ⵏ ⵓⵙⴳⴳⵯⴰⵙ ⴷ ⵢⵓⵛⴽⴰⵏ, ⵖⵎⴽ ⴰⵏⵏ ⴷ ⵓⵎⴹⴰⴽⴰⵕ ⴼ ⴽⵉⴳⴰⵏ ⵏ ⵉⵎⵔⵙⵉⵡⵏ ⵙⵜⴰⵡⵀⵎⵎⴰⵏⵉⵏ ⵉ ⵜⵙⵔⵜⵉⵜ ⵜⴰⴳⵔⴰⵖⵍⴰⵏⵜ ⵙⵍⴰⵡⴰⵏ ⴰⵢⵍⵍⵉ ⵉⵀⵎⵎⴰⵏ ⴰⵎⵢⴰⵡⴰⵙ ⵖ ⵉⴳⵔⴰⵏ ⴰⴷ: ⵜⴰⵏⴼⵔⵓⵜ ⴷ ⵜⵣⵡⴰⴳⵜ ⴷ ⵓⵡⵏⴰⴹ, ⵉⵙⴽⵉⵍ ⵊⴰⵔ ⵉⵡⵜⵎⴰⵏ ⴷ ⵜⵓⵜⵎⵉⵏ, ⵜⴰⴷⵉⵎⵓⴽⵔⴰⵟⵉⵜ ⴷ ⵓⵃⵟⵟⵓ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵖ ⵉⵣⵎⴰⵣ ⵏ ⵜⴰⵙⵙⴰⵙⵉⵏ, ⵜⴰⴷⵔⴼⵉⵜ ⵏ ⵜⵏⵖⵎⴰⵙⵜ.
ⵔⴰⴷ ⵜⵣⵔⵉ ⵜⵙⵓⵜⵍⵜ ⵏ ⵜⴳⵔⵙⵜ ⵜⵉⵙ 19 ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⵎⴰⴷⴷⴰⵙⵜ ⵏ ⵜⵏⴼⵔⵓⵜ ⴷ ⵓⵎⴰⵢⴰⵡⴰⵙ ⵖ ⵓⵕⵓⴱⴱⴰ ⵖ ⵙⵉⵏ ⵓⵙⵙⴰⵏ, ⵉⵍⵉⵏⵜ ⴳⵉⵙ ⴽⴽⵓⵥⵜ ⵜⵖⵉⵎⴰ, ⵉⵍⵉⵏⵜ ⵖ ⵓⵖⴰⵡⴰⵙ ⵏ ⵜⵡⵓⵔⵉ ⵏⵏⵙ ⵜⵙⵎⵓⵏⴰⵢ ⵏ ⵜⵙⵇⵇⵉⵎⵜ ⵜⴰⵙⵓⵍⴰⵏⵜ ⴷ ⵜⵉⵏ ⴽⵕⴰⴹⵜ ⵜⵙⵇⵇⵉⵎⵉⵏ ⵜⵉⵎⴰⵜⴰⵢⵉⵏ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ; ⵜⴰⵙⵇⵇⵉⵎⵜ ⵜⴰⵎⴰⵜⴰⵢⵜ ⵏ ⵜⴷⵉⵎⵓⵇⵔⴰⵟⵉⵜ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵎⵙⴰⵔⵉⵏ ⵜⵉⵏⴼⴳⴰⵏⵉⵏ, ⵜⴰⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵜⵉⴷⵎⵙⴰⵏⵉⵏ ⴷ ⵜⵎⴰⵙⵙⴰⵏⵉⵏ ⴷ ⵜⵉⴽⵏⵓⵍⵓⵊⵉⵜ ⴷ ⵓⵡⵏⴰⴹ, ⵜⴰⵙⵇⵇⵉⵎⵜ ⵜⴰⵎⴰⵜⴰⵢⵜ ⵏ ⵜⵖⴰⵡⵙⵉⵡⵉⵏ ⵜⵉⵙⵔⵜⴰⵏⵉⵏ ⴷ ⵜⵏⴼⵔⵓⵜ.
ⵉⴷⵔⵓ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⵖ ⵜⵙⵓⵜⵍⵜ ⴰⴷ ⵙ ⵢⴰⵏ ⵓⴽⴰⴱⴰⵕ ⵖ ⵍⵍⴰⵏ ⵉⴳⵎⴰⵎⵏ ⵏ ⵜⴰⵢⵢⴰⵡⵜ ⵜⴰⵏⴰⵎⵓⵔⵜ ⵖ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⵎⴰⴷⴷⴰⵙⵜ ⵏ ⵜⵏⴼⵔⵓⵜ ⴷ ⵓⵎⵢⴰⵡⴰⵙ ⵖ ⵓⵕⵓⴱⴱⴰ, ⵖ ⵍⵍⴰⵏ ⵙⵎⵎⵓⵙ ⵉⴱⵕⵍⴰⵎⴰⵏⵉⵢⵏ; ⴳⵉⵙⵏ ⴽⵕⴰⴹ ⵉⴳⵎⴰⵎⵏ ⵙⴳ ⵓⵙⵇⵇⵉⵎ ⵏ ⵉⵎⵓⵔⴰ: ⵎⴰⵙⵙⴰ ⵜⴰⵎⴰⵔⵉⵜ ⵜⵓⵔⵉⵢⵢⴰ ⴼⴰⵕⴰⵊ ⵙⴳ ⵜⵔⴰⴱⴱⵓⵜ ⵏ ⵜⵥⵖⵓⵕⵜ ⴷ ⵜⵎⴰⵜⵔⴰⵔⵜ, ⵎⴰⵙⵙ ⴰⵎⴰⵔⵉ ⵎⵓⵃⴰⵎⵎⴰⴷ ⵍⵎⵉⵍⴰⵃⵉ ⵙⴳ ⵜⵔⴰⴱⴱⵓⵜ ⵜⴰⵙⵔⵎⵓⵏⵜ, ⵎⴰⵙⵙ ⴰⵎⴰⵔⵉ ⵊⴰⵎⴰⵍ ⴱⵏⵛⵇⵕⵓⵏ ⴽⴰⵔⵉⵎⵉ ⵙⴳ ⵜⴳⵔⵓⵎⵎⴰ ⵜⴰⴱⵕⵍⴰⵎⴰⵏⵉⵜ ⵏ ⵡⴰⵍⴰⵢ ⴷ ⵜⵙⵔⵎⵓⵏⵜ; ⴷ ⵙⵉⵏ ⵉⴳⵎⴰⵎⵏ ⵙⴳ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ, ⵎⴰⵙⵙ ⴰⵎⵛⵛⵉⵡⵕ ⵎⵓⵃⴰⵎⵎⴰⴷ ⵍⴱⴰⴽⴽⵓⵕⵉ ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ, ⴷ ⵎⴰⵙⵙ ⴰⵎⵛⵛⵉⵡⵕ ⵄⴱⴷⵍⴽⵔⵉⵎ ⵍⵀⴰⵎⵙ ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⵥⵖⵓⵕⵜ ⴷ ⵜⵎⴰⵜⵔⴰⵔⵜ.