ⴰⵏⴳⵓⵍⴰ: ⵉⴷⵔⵓ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴳ ⵓⴳⵔⴰⵡ ⴰⵎⴰⵜⴰⵢ ⵡⵉⵙ 147 ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⴷ ⵜⵙⵓⵜⵍⵜ ⵜⵉⵙ 2012 ⵏ ⵓⵙⵇⵇⵉⵎ ⵉⵏⴱⴹⵏ ⴷ ⵜⵙⵎⵓⵏⴰⵢ ⵏⵏⵙ

ⵜⴷⵔⵓ ⵜⴰⵢⵢⴰⵡⵜ ⵜⴰⴱⵕⵍⴰⵎⴰⵏⵉⵜ ⵜⴰⵏⵎⵓⵔⵜ ⵏ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴳ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴱⵔⴰⵖⵍⴰⵏⵜ, ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵎⵓⵃⴰⵎⵎⴰⴷ ⵚⵚⴱⴱⴰⵕⵉ, ⴰⵎⴰⵔⵉ ⴰⵎⵣⵡⴰⵔⵓ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴳ ⵜⵡⵓⵔⵉⵡⵉⵏ ⵏ ⵜⵎⵙⵎⵓⵏⵜ ⵜⴰⵎⴰⵜⴰⵢⵜ ⵜⵉⵙ 147 ⵏ ⵜⴰⵎⵓⵏ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⴷ ⵜⵙⵓⵜⵍⵜ ⵜⵉⵙ 212 ⵏ ⵓⵙⵇⵇⵉⵎ ⵉⵏⴱⴷⵏ ⴷ ⵜⵙⵎⵓⵏⴰⵢ ⵍⵍⵉ ⴷⵉⵙ ⵣⴷⵉⵏⵉⵏ, ⵍⵍⵉ ⵜⵙⵏⵓⴱⴳ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⴳ ⵜⴳⴷⵓⴷⴰⵏⵜ ⵏ ⴰⵏⴳⵓⵍⴰ ⴳ ⵜⵎⴰⵥⵓⵏⵜ ⵍⵡⴰⵏⴷⴰ ⴳ 23 ⴰⵔ 27 ⴽⵟⵓⴱⵕ 2023.

ⵢⵓⵎⴰ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⵎⴰⵙⵙ ⴰⵃⵎⴰⴷ ⵜⵡⵉⵣⵉ, ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⵣⵖⵕⵜ ⴷ ⵜⵎⴰⵜⵔⴰⵔⵜ, ⵎⴰⵙⵙ ⴰⵎⴰⵔⵉ ⵎⵓⵚⵟⴰⴼⴰ ⵔⴷⴷⴰⴷ, ⵙⴳ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ, ⵎⴰⵙⵙ ⴰⵎⴰⵔⵉ ⵄⵓⵎⴰⵔ ⵃⵊⵉⵔⴰ, ⵙⴳ ⵜⵔⴰⴱⴱⵓⵜ ⵜⴰⵙⵉⵎⴰⵏⵜ ⵏ ⵜⵎⵓⵏⵉ ⴷ ⵢⵉⵙⴽⵉⵍ, ⵎⴰⵙⵙⴰ ⵜⴰⵎⴰⵔⵉⵜ ⵅⴷⴷⵓⵊ ⵙⵙⵍⴰⵙⵉ ⵙⴳ ⵜⵔⴰⴱⴱⵓⵜ ⵜⴰⵙⵔⵎⵓⵏⵜ-ⵜⴰⵣⵓⵍⵜ ⵏ ⵍⵉⵜⵜⵉⵃⴰⴷ, ⵙⴳ ⵓⵙⵇⵇⵉⵎ ⵏ ⵉⵎⵛⵉⵡⴰⵕ: ⴰⵎⵛⵛⵉⵡⵕ ⴽⴰⵎⴰⵍ ⴰⵢⵜ ⵎⵉⴽ, ⵙⴳ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ, ⴰⵎⵛⵛⵉⵡⵕ ⵃⴰⵙⴰⵏ ⵛⵎⵉⵙ, ⵙⴳ ⵜⵔⴰⴱⴱⵓⵜ ⵏ ⵜⵣⵖⵕⵜ ⴷ ⵜⵎⴰⵜⵔⴰⵔⵜ, ⵎⴰⵙⵙ ⵏⴰⵊⵉⴱ ⵍⵅⴰⴷⴷⵉ, ⴰⵎⴰⵔⴰ ⴰⵎⴰⵜⴰⵢ ⵏ ⵓⵙⵇⵇⵉⵎ ⵏ ⵉⵎⵓⵔⴰ.

ⵉⴷⵔⵓ ⵓⴽⴰⴱⴰⵕ ⵏ ⵍⵎⵖⵔⵉⴱ ⴳ ⵜⵙⵎⵓⵏⴰⵢ ⵜⵉⵊⵢⵓⵙⵔⵜⴰⵏⵉⵏ ⵜⴰⴼⵔⵉⵇⵉⵜ ⴷ ⵜⴰⵄⵕⴰⴱⵜ ⴷ ⵜⵓⵙⵍⵉⵎⵜ ⵍⵍⵉ ⵉⵍⵍⴰⵏ ⵓⵙⵙⴰⵏ ⵏ 20 ⴷ 21 ⴽⵟⵓⴱⵕ 2023, ⵉⵍⵍⴰ ⵓⵙⵏⴼⵍ ⵏ ⵜⴰⵏⵏⴰⵢⵢⵉⵏ ⵅⴼ ⵉⵎⵏⵏⵉⵜⵏ ⵏ ⵓⵖⴰⵡⴰⵙ ⵏ ⵜⵡⵡⵓⵔⵉ ⵏ ⵜⵎⵙⵎⵓⵏⵜ ⵜⴰⵎⴰⵜⴰⵢⵜ ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉ ⵜⴰⴳⵔⴰⵖⵍⴰⵏⵜ, ⴷ ⵓⵔⵣⵣⵓ ⵏ ⵜⵣⵣⵓⵍⵉⵏ ⵅⵡⴰⵏⵉⵏ ⴳ ⵜⴳⵔⴰⵡⵉⵏ ⵏ ⵜⴰⵎⵓⵏⵜ, ⵢⵉⵍⵉ ⵓⵎⵙⴰⵙⴰ ⴼ ⵓⵙⵏⴰⵍ ⵏ ⵢⴰⵏ ⴳ ⵉⵎⵏⴽⴰⴷⵏ ⵉ ⵜⵏⵙⵙⵉⵅⴼⵜ ⵏ ⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ. ⵥⵕⴰⵏ ⵉⵎⴷⵔⴰⵡⵏ ⵓⵍⴰ ⵉⵙⵖⵍⴰⴼ ⵏ ⵓⴳⵔⴰⵡ ⵏ ⵓⵎⵙⴰⵡⴰⵍ ⵊⴰⵔ ⵉⵙⴳⴷⵏ, ⵙⵍⴰⵡⴰⵏ ⴰⴽⴽⵯ ⵜⴰⵙⵓⵎⵔⵜ ⵉⵍⵍⴰⵏ ⴳ: “ⴰⵚⵉⵡⴹ ⵏ ⵡⴰⵎⵓⵔ ⵏ ⵡⴰⴽⵓⵛ” ⵉⵣⴷⵉⵏ ⴷ “ⵓⵙⴽⵔ ⵏ ⵉⵎⵉⵙⵙ ⴰⵎⵔⵙⵍⴰⵏ ⴳ ⵓⵙⴰⵜⵉ ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ, ⵉⴱⴷⴷⵏ ⴼ ⵉⵢⴰⴼⵓⵜⵏ ⵏ ⵓⴳⵔⴰⵡ ⵏ ⵡⴰⵎⵓⵔ ⵏ ⵡⴰⴽⵓⵛ ⵉ ⵜⵖⵔⵉ ⵏ ⵜⵎⵙⴽⴰⵔ ⵥⵉⵍⵏⵉⵏ ⴷ ⵓⴹⴼⵕ ⵏ ⵜⵎⴰⵢⵏⵓⵜⵉⵏ ⴷ ⵓⵙⵎⵏⵉⴷ ⵏ ⵜⵙⵓⵎⴰⵔ ⴳ ⵢⵉⴳⵔ ⵏ ⵓⵎⵙⴰⵡⴰⵍ ⵏ ⵉⵙⴳⴷⵏ”.

ⵖⵎⴽ ⵍⵍⵉ ⵔⴰⴷ ⵉⴷⵔⵓ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⵏ ⵍⵎⵖⵔⵉⴱ ⴳ ⵜⴼⴼⵓⴳⵍⴰ ⵜⴰⵎⴰⴷⴷⵓⴷⵜ ⵏ ⵓⵕⵥⵥⵓⵎ ⵏ ⵜⵙⵓⵜⵍⵜ ⴰⴷ, ⵍⵍⵉⵖ ⵉⵙⵎⵏⵉⴷ ⵓⵏⵙⵙⵉⵅⴼ ⵏ ⴰⵏⴳⵓⵍⴰ ⵊⵡⴰⵡ ⵍⵓⵔⵉⵏⵙⵓ ⵢⴰⵜ ⵜⴳⵓⵔⵉ ⴼ ⵉⵙⵓⵔⵙⵏ ⴳ ⴼⴰⵍⵉⵚⵟⵉⵏ, ⵉⵙⴷⴷⵉⴷ ⴼ ⵓⵍⴽⴰⵎ ⵏ ⵜⵡⵉⵣⵉ ⵙ ⵖⴰⵣⵣⴰ ⵉ ⵓⵙⵉⴼⵙⵓⵙ ⵏ ⵜⴰⵙⵙⴰⵙⵜ ⵏ ⵉⴼⴰⵍⵉⵚⵟⵉⵏⵉⵢⵏ. ⵜⵙⵓⵜⴳ ⵎⴰⵙⵙⴰ ⴽⴰⵔⵓⵍⵉⵏⴰ ⵙⵉⵔⴽⵉⵔⴰ ⵜⴰⵏⵙⵙⵉⵅⴼⵜ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⴳ ⴰⵏⴳⵓⵍⴰ, ⴰⵜⵉⴳ ⵏ ⵜⵙⵎⵓⵏⴰⵢ ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⵍⵍⵉ ⵜⵙⵏⵓⴱⴳ ⵜⵎⴰⵣⵉⵔⵜ ⵏⵏⵙ, ⵜⵙⴰⵡⵍ ⴼ ⵓⵏⴰⵔⵓⵣ ⵏⵏⵙ ⵃⵎⴰ ⴰⴷ ⵜⴰⵡⵙ ⵜⵎⵙⵎⵓⵏⵜ ⵜⴰⵎⴰⵜⴰⵢⵜ ⴷ ⵓⵙⵎⴰⵏⴰⵢ ⵢⴰⴹⵏⵉⵏ ⴳ ⵓⴼⵓⵖ ⵏ ⵉⵢⴰⴼⵓⵜⵏ ⴼ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⴳ ⵜⴰⵎⵓⵏⵜ.

ⴳ ⵓⴳⵔⴰⵡ ⴰⴷ, ⵉⴷⵔⵓ ⵓⴽⴰⴱⴰⵕ ⴳ ⵜⴳⵔⴰⵡⵉⵏ ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ: ⴰⵙⵇⵇⵉⵎ ⵉⵏⴱⴹⵏ, ⵜⵉⵙⵇⵇⵉⵎⵉⵏ ⵜⵉⵙⵓⵍⴰⵏⵉⵏ, ⵜⴰⵙⵇⵇⵉⵎⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵉⵥⵍⵉⵏ ⵙ ⵉⴱⵕⵍⴰⵎⴰⵏⵉⵢⵏ ⴷ ⵜⵙⵇⵇⵉⵎⵜ ⵏ ⵜⵎⵙⴰⵔⵉⵏ ⵣⴷⵉⵏⵉⵏ ⴷ ⵍⵇⴱⵍⵜ ⵏ ⵜⵉⵥⵥⵓⵎⵜ, ⴷ ⵓⴳⵔⴰⵡ ⵏ ⵉⴱⵕⵍⴰⵎⴰⵏⵉⵢⵏ ⴷ ⵓⴳⵔⴰⵡ ⵏ ⵉⴱⵕⵍⴰⵎⴰⵏⵉⵢⵏ ⵉⵄⵔⵔⵉⵎⵏ. ⵔⴰⴷ ⵉⵙⵎⵏⵉⴷ ⵎⴰⵙⵙ ⵎⵓⵃⴰⵎⵎⴰⴷ ⵚⵚⴱⴱⴰⵕⵉ, ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵜⴰⴳⵓⵔⵉ ⵏ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴼ ⵓⵙⵏⵜⵍ ⵏ ⵜⵙⵓⵜⵍⵜ: “ⵜⴰⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⵉ ⵓⴼⵔⴰ ⴷ ⵜⵣⵔⴼⵜ ⴷ ⵜⵎⵔⵙⴰⵍ ⴷⵓⵙⵏⵉⵏ”, ⴰⵢⵍⵍⵉ ⵉⴳⴰⵏ ⴰⵡⵜⵜⴰⵙ ⵡⵉⵙ 16 ⵏ ⵉⵡⵜⵜⴰⵙ ⵏ ⵜⵎⵜⵜⴰ ⵎⵓⵏⵏⵉⵏ ⵉ ⵜⴳⵎⵉ ⵜⴰⵙⵓⵍⴰⵏⵜ. ⵥⴹⴰⵕⵏ ⵉⴱⵕⵍⵎⴰⵏⵉⵢⵏ ⴰⴷ ⵙⴰⵡⵍⵏ ⴼ ⵓⵙⵙⵔⵇⴱ ⵏ ⵜⵎⵙⴽⴰⵔ ⵜⵉⴱⵕⵍⴰⵎⴰⵏⵉⵢⵏ ⵉ ⵓⵙⵔⵙ ⵏ ⵉⵙⵍⴳⵏⵏ ⴷ ⵜⵍⴳⴰⵎⵉⵏ ⵍⵍⵉ ⵏⴱⴹⵏⵉⵏ ⴰⵎⵓⵏⵏ ⴷ ⵜⵉⴹⴰⴼ ⵏ ⵜⵡⵓⵔⵉ ⵏ ⵜⵏⴱⴰⴹⵉⵏ ⴷ ⵓⵙⴽⵕ ⵏ ⵓⵎⴰⴹⴰⵍ ⴳ ⵉⵍⵍⴰ ⵓⴼⵔⴰ ⴷ ⵜⵣⵔⴼ ⴷ ⵓⴱⵓⵖⵍⵓ.

ⵔⴰⴷ ⵉⵙⵙⵉⵛⴼ ⵎⴰⵙⵙ ⵏⴰⵊⵉⴱ ⵍⵅⴰⴷⴷⵉ, ⴰⵎⴰⵔⴰ ⴰⵎⴰⵜⴰⵢ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵜⴰⵙⵎⵓⵏⵉ ⵏ ⵉⵏⴼⵍⴰⵙ ⵉⵎⴰⵜⴰⵢⵏ ⵏ ⵉⴱⵕⵍⴰⵎⴰⵏⵏ ⵉⴳⵎⴰⵎⵏ ⴳ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⴰⵖⵍⴰⵏⵜ, ⵔⴰⴷ ⵎⴹⴰⴽⴰⵕⵏ ⴼ ⵉⵙⵏⵜⵍⵏ ⵙⵜⴰⵡⵀⵎⵎⴰⵏⵉⵏ ⵣⴷⵉⵏⵉⵏ ⴷ “ⵜⵙⵓⴳⴰⵔ ⵏ ⵜⵎⵙⵙⵓⴳⵓⵔⵜ ⵜⴰⴱⵕⵎⵍⴰⵎⵉⵜ ⴳ ⵎⴰⴷ ⵉⵥⵍⵉⵏ ⵙ ⵓⵙⵏⵎⴰⵍⴰ ⵏ ⵓⴼⵓⵍⵍⵙ ⴰⵎⴳⵓⵔⴰⵏ ⴷ ⵓⵙⵎⵔⵙ ⵏⵏⵙ”, “ⴰⵙⴷⵓⵙ ⵏ ⵜⵎⴰⴼⴰⵡⵜ ⴷ ⵓⵙⵇⵙⵉ ⵙ ⵓⵎⵢⴰⵡⴰⴹ ⴰⵎⵔⵙⵍⴰ ⵉⵥⵉⵍⵏ ⴳ ⵉⴱⵕⵍⴰⵎⴰⵏⵏ”, “ⴰⵙⵎⴰⵢⵏⵓ ⴷ ⵜⵙⵉⵎⵓⵇⵔⴰⵟⵉⵜ ⵏ ⵜⴳⵯⵏⵙⴰⵙⵜ ⵏ ⵓⵣⵎⵣ ⵏ ⵜⴰⵙⵙⴰⵙⵉⵏ”,

ⵔⴰⴷ ⵢⵉⵍⵉ ⵓⵙⵜⴰⵢ ⵏ ⵓⵏⵙⵙⵉⵅⴼ ⴰⵎⴰⵢⵏⵓ ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⵙⴳ ⴽⴽⵓⵥⵜ ⵜⵎⵖⴰⵔⵉⵏ ⵙⴳ ⵙⵙⵉⵏⵉⴳⴰⵍ ⴷ ⵎⴰⵍⴰⵡⵉ ⴷ ⵜⴰⵏⵥⴰⵏⵢⴰ ⴷ ⵚⵚⵓⵎⴰⵍ.

ⵔⴰⴷ ⵉⴼⴼⵖ ⵓⴳⵔⴰⵡ ⵙ ⵜⵖⵜⴰⵙⵜ ⴼ ⵓⵙⵏⵜⵍ ⵍⵍⵉ ⴼ ⵜⵎⴹⴰⴽⴰⵕ ⵜⴰⵙⵇⵇⵉⵎⵜ ⵜⴰⵙⵓⵍⴰⵏⵜ ⵉ ⵜⴷⵎⵓⵇⵔⴰⵟⵉⵜ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⴼ: “ⵜⵉⵍⴰⵍⵜ ⵏ ⵉⴱⵕⵍⴰⵎⴰⵏⵏ ⴳ ⵓⵙⴱⴷⴷⵉ ⵏ ⵓⵙⵖⵏⵣⵉ ⴳ ⵜⴰⵣⵣⴰⵉⵏ ⴳ ⵜⵓⴷⵔⴰⵡⵉⵏ ⵏ ⵉⴳⵉⴳⵍⵏ”. ⵔⴰⴷ ⵜⴼⴼⵖ ⵜⵎⵙⵎⵓⵏⵜ ⵙ ⵓⵙⵖⵣⵏ ⵏ ⵜⴻⵜⴳⴰⵔⵜ ⵉⵙⵎⴷⵏ ⴼ ⵓⵙⵏⵜⵍ ⵏ ⵓⵎⴹⴰⴽⴰⵕ ⴰⵎⴰⵜⴰⵢ.