ⴰⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ: ⵜⴰⵡⴰⵍⴰ ⵜⴰⵣⵣⵔⴰⴼⵜ ⵜⵉⵙ 11, 2021-2026:
ⵉⵎⴹⴰⴽⴰⵕ ⵓⴽⴰⴱⴰⵕ ⴰⵎⵖⵔⵉⴱⵉ ⴷ ⵜⵏⵙⵙⵉⵅⴼⵜ ⵏ ⵜⵔⴰⴱⴱⵓⵜ ⵜⴰⴱⵕⵍⴰⵎⴰⵏⵉⵜ ⵜⴰⴱⵕⵉⵟⴰⵏⵉⵜ ⴳ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ, ⴳ ⵓⵙⴰⵜⵉ ⵏ ⵜⵙⵓⵜⵍⵜ ⵜⵉⵙ 147 ⵏ ⵜⴰⵎⵓⵏⵜ ⴳ ⴰⵏⴳⵓⵍⴰ
ⵉⵎⴹⴰⴽⴰⵕ ⵎⴰⵙⵙ ⵎⵓⵃⴰⵎⵎⴰⴷ ⵚⵚⴱⴱⴰⵕⵉ, ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴷ ⵓⵎⴹⴰⴽⴰⵕ ⴰⴱⵕⵍⴰⵎⴰⵏⵉ ⴰⵎⵖⵔⵉⴱⵉ ⴰⴽⴷ ⵎⴰⵙⵙ ⴽⴰⵔⵉⵏ ⴱⵔⴰⴷⵍⵉ ⵜⴰⵏⵙⵙⵉⵅⴼⵜ ⵏ ⵜⵔⴰⴱⴱⵓⵜ ⵜⴰⴱⵕⵍⴰⵎⴰⵏⵉⵜ ⴳ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ, ⴰⵙⵙ ⵏ 26 ⴽⵟⵓⴱⵕ 2023. ⴳ ⵓⵙⴰⵜⵉ ⵏ ⵓⴳⵔⴰⵡ ⴰⵎⴰⵜⴰⵢ 147 ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⴳ ⵍⵡⴰⵏⴷⴰ ⴳ ⴰⵏⴳⵓⵍⴰ ⵙⴳ 23 ⴰⵔ 27 ⴽⵟⵓⴱⵕ 2023.
ⵉⵙⵎⵏⵉⴷ ⵓⴽⴰⴱⴰⵕ ⵏ ⴱⵕⵉⵟⴰⵏⵢⴰ ⴰⴼⵛⴰⴷ ⵏⵏⵙ ⴷⴼⴼⵉⵔ ⵏ ⵓⵎⴷⵓⴷⵉ ⵏ ⵍⵃⴰⵡⵣ, ⵖⵎⴽ ⴰⵏⵏ ⴷ ⵜⵡⵉⵣⵉ ⴰⴽⴷ ⵜⴰⴳⵍⴷⵉⵜ ⵏ ⵍⵎⵖⵔⵉⴱ, ⵉⵙⵓⵜⴳ ⵉⵎⴰⵏ ⵏ ⵜⵡⵉⵣⵉ ⴷⴰⵔ ⵓⵡⴰⵏⴽ ⵏ ⵍⵎⵖⵔⵉⴱ ⴰⴳⵍⵍⵉⴷ ⴷ ⵜⵏⴱⴰⴹⵜ ⴷ ⵓⵎⴰⴷⴰⵏ ⴳ ⵜⵡⵓⵔⵉⵡⵉⵏ ⵏ ⵓⵙⵏⵊⵊⵎ ⴳ ⵍⵎⵖⵔⵉⴱ, ⴷ ⵜⵙⵏⵜⴰⵢⵉⵏ ⵏ ⵎⵖⵔⵉⴱⵉⵢⵏ ⵣⴷⵖⵏⵉⵏ ⴳ ⴱⵕⵉⵟⴰⵏⵢⴰ ⴳ ⵜⵡⵓⵔⵉ ⵏ ⵓⵙⵏⴰⵍ ⵏ ⵓⵏⴳⵉⵙⵏ.
ⵉⵙⵡⴰⵍ ⵎⴰⵙⵙ ⵚⵚⴱⴱⴰⵕⵉ, ⴰⵏⵙⵙⵉⵅⴼ ⵏ ⵓⴽⴰⴱⴰⵕ ⴼ ⵓⵙⵏⵉⵎⵎⵔ ⴷ ⵓⵙⵓⵜⴳ ⵏ ⴱⵕⵉⵟⴰⵏⵢⴰ ⴼ ⵓⴱⴷⴷⴰⴷ ⵏⵏⵙ ⴷ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵜⴰⵙⵙⴰⵙⵜ ⴰⴷ, ⴷ ⵓⵙⵏⴰⵍ ⵏⵏⵙ ⴰⵜⵉⵇⵏⵉ ⴳ ⵜⵡⵓⵔⵉⵡⵉⵏ ⵏ ⵓⵙⵙⵏⵊⵎ, ⵉⵙⴰⵡⴰⵍ ⴼ ⵜⵣⴷⴰⵢⵉⵏ ⵥⵉⵍⵏⵉⵏ ⵙⵎⵓⵏⵏⵉⵏ ⵙⵏⴰⵜ ⵜⴳⵍⴷⵉⵜⵉⵏ. ⵖⵎⴽ ⵍⵍⵉ ⵉⵙⵎⵏⵉⴷ ⵉⵙⵡⵓⴷⴷⵓⵜⵏ ⵍⵍⵉ ⵜⵙⴽⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⵉ ⵓⵙⴱⴷⴷⵉ ⵏ ⵉⴷⵔⵉⵣⵏ ⵏ ⵓⵎⴷⵓⴷⵉ.
ⵖⵎⴽ ⵍⵍⵉ ⵉⵙⵡⵓⴷⴷⵓⵜⵏ ⵍⵍⵉ ⵜⵙⴽⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⴳ ⵍⵍⴰⵏⵜ ⵜⵙⵎⵓⵏⴰⵢ ⵙⵜⴰⵡⵀⵎⵎⴰⵏⵉⵏ ⴰⴽⴷ ⵜⴰⵏⴱⴰⴹⵜ ⴳ ⵉⵍⵍⴰ ⵓⵙⵔⵙ ⵏ ⵜⵎⵣⵡⵓⵔⴰ ⵃⵎⴰ ⴰⴷ ⵢⵉⵍⵉ ⵡⴰⵍⴰⵙ ⵏ ⵓⵚⴽⵓ ⵏ ⵉⴷⵖⴰⵔⵏ ⵍⵍⵉ ⵢⵓⵜ ⵓⵎⴷⵓⴷⵉ ⴷ ⵓⵙⵏⵓⴱⴳ ⵏ ⵓⵏⴳⵉⵙⵏ, ⵢⵉⵍⵉ ⵓⵖⵓⵍ ⵏ ⵜⵖⵔⵉ ⴷⴼⴼⵉⵔ ⵏ ⵉⵎⴰⵍⴰⵙ ⵙ ⵓⵙⴽⵔ ⵏ ⵜⴷⴰⵍⵉⵡⵉⵏ ⵜⴰⵏⴰⵡⵉⵏ ⵉ ⵉⵏⵍⵎⴰⴷⵏ ⵏ ⵓⵙⵙⵍⵎⴷ ⴰⵎⵏⵣⵓ, ⴷ ⵓⵙⵎⴰⵜⵜⵉ ⵏ ⵉⵏⵍⵎⴰⴷⵏ ⵏ ⵓⵙⵙⵍⵎⴷ ⵏ ⵉⵙⵉⵏⴰⵏⵏ ⵉ ⵜⵎⵉⵣⴰⵔ ⴰⵥⵏⵉⵏ ⵃⵎⴰ ⴰⴷ ⵜⵉⵍⵉ ⵜⵣⵣⵉⴳⵣⵜ ⵏ ⵏ ⵜⵖⵔⵉ ⵏⵏⵙⵏ. ⵖⵎⴽ ⵍⵍⵉ ⵉⵍⵍⴰ ⵓⵚⴽⵓ ⵏ ⵉⴷⵖⴰⵔⵏ ⵏ ⵜⴷⵓⵙⵉ ⴷ ⵜⵎⵙⵙⵓⴳⵓⵔⵜ ⵉ ⵚⴰⵃⴰ ⵏ ⵉⵏⵎⵓⵔⴰⵏ ⵏ ⵜⵙⴳⴳⵉⵡⵉⵏ ⴰⴷ, ⵢⵉⵍⵉ ⵓⵙⵏⴰⵍ ⴰⵥⵕⴼⴰⵏ ⵉ ⵜⴰⵡⵊⵉⵡⵉⵏ ⵜⵜⴰⵡⴹⵕⵕⴰⵏⵉⵏ ⵃⵎⴰ ⴰⴷ ⵜⵉⵍⵉ ⵜⵡⵉⵙⵉ ⵏⵏⵙⵏⵜ ⵉ ⵓⵣⵣⵔⴰⵢ ⵏ ⵜⴰⵙⵙⴰⵙⵜ ⴰⴷ.
ⴳ ⵓⵏⵎⵓⵇⵇⴰⵔ ⴰⴷ, ⵉⵍⵍⴰ ⵓⵎⴹⴰⴽⴰⵔ ⵏ ⵜⵎⵙⴰⵔⵉⵏ ⵛⵛⴰⵔⵏⵉⵏ ⴰⵎ ⴰⵙⵓⵔⵙ ⴳ ⵜⵙⴳⴰ ⵖⴰⵣⵣⴰ ⴷ ⵓⵣⵡⴰⴳ ⵓⵏⵜⵉⵍ ⴷ ⵓⵙⴱⴷⴷⵉ ⵏⵏⵙ ⴷ ⵡⴰⵡⵏⴰⴹ ⴷ ⵓⵙⵏⴼⵍ ⵏ ⵓⵏⵣⵡⵉ ⴷ ⵜⵥⴹⴰⵕⵉⵏ ⵜⵉⵎⴰⵢⵏⵓⵜⵉⵏ ⴷ ⵓⵙⵎⴰⵜⵜⵉ ⴰⵥⴹⴰⵕⴰⵏ. ⴳ ⵜⴳⵉⵔⴰ, ⵉⵍⵍⴰ ⵓⵙⵓⵜⴳ ⵏ ⵜⵣⴷⴰⵢⵉⵏ ⵥⵉⵍⵏⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ ⴷ ⵓⵙⴷⵉⴷ ⴼ ⵓⵙⴷⵓⵙ ⵏ ⵓⵎⵢⴰⵡⴰ ⴷ ⵓⵙⵏⴼⵍ ⵏ ⵜⵉⵔⵎⵉⵜⵉⵏ ⴷ ⵜⵎⵓⵣⴰⵢⵉⵏ.
ⵉⵃⴰⴹⵕ ⴳ ⵓⵏⵎⵓⵇⵇⴰⵔ ⴰⴷ ⵎⴰⵙⵙ ⵎⵓⵚⵟⴰⴼⴰ ⵔⴷⴷⴰⴷ ⵙⴳ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ, ⵎⴰⵙⵙ ⵄⵓⵎⴰⵕ ⵃⵊⵉⵔⴰ ⵙⴳ ⵜⵔⴰⴱⴱⵓⵜ ⵜⴰⵙⵉⵎⴰⵏⵜ ⵉ ⵜⵎⵓⵏⵉ ⴷ ⵢⵉⵙⴽⵉⵍ, ⵎⴰⵙⵙⴰ ⵅⴷⴷⵓⵊ ⵙⵙⵍⴰⵙⵉ ⵙⴳ ⵜⵔⴰⴱⴱⵓⵜ ⵜⴰⵙⵔⵎⵓⵏⵜ- ⵜⵓⵣⵍⵜ ⵏ ⵍⵉⵜⵜⵉⵃⴰⴷ. ⴷ ⵎⴰⵙⵙ ⵍⵓⵔⴷ ⵜⵉⵎ ⵍⵓⴼⵜⵓⵏ ⵙⴳ ⵓⴽⴰⴱⴰⵕ ⴰⵎⴰⴳⴰⵥ, ⵜⴰⵎⴰⵔⵉⵜ ⵎⴰⵙⵙⴰ ⴽⴰⵢⵜ ⵓⵙⴰⵎⵓⵔ ⵙⴳ ⵓⴽⴰⴱⴰⵕ ⵏ ⵉⵎⵙⵡⵓⵔⵉⵢⵏ, ⵍⵓⵔⴷ ⵔⵉⵏⴰⵔⴷ ⵙⴳ ⵓⴽⴰⴱⴰⵕ ⴰⴷⵉⵎⵓⵇⵔⴰⵟⵉ ⵉⵍⴻⵍⵍⵉ.