ⴰⵙⵎⴰⴷ ⵏ ⵜⵙⵓⵜⵍⵜ 147 ⵏ ⵓⴳⵔⴰⵡ ⴰⵎⴰⵜⴰⵢ ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⵙ ⵓⵙⵎⵏⵉⴷ ⵏ ⵓⵙⴰⵔⵓ ⴼ ⵓⴳⵔⴰⵡ ⴰⴱⵕⵍⴰⵎⴰⵏⵉ ⴰⴳⵔⴰⵖⵍⴰⵏ ⵏ ⵓⵎⵙⴰⵡⴰⵍ ⴳⵔ ⵉⵙⴳⴷⵏ ⵉⵍⵍⴰⵏ ⵙ ⵉⵡⵉⵣ ⴰⵎⴰⵜⵜⵓⵢ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⴰⵎⵓⵔ ⵏ ⵡⴰⴽⵓⵛ ⵙⴳ 13 ⴰⵔ 15 ⵢⵓⵏⵢⵓ 2023

ⵙ ⵜⵎⵍⴷⴰ ⵏ ⵓⵙⵎⴰⴷ ⵏ ⵜⵡⵓⵔⵉⵡⵉⵏ ⵏ ⵓⴳⵔⴰⵡ ⴰⵎⴰⵜⴰⵢ ⵡⵉⵙ 147 ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⴷ ⵜⵙⵓⵜⵍⵜ ⵜⵉⵙ 2012 ⵏ ⵓⵙⵇⵇⵉⵎ ⵉⵏⴱⴹⵏ ⴷ ⵜⵙⵎⵓⵏⴰⵢ ⵏⵏⵙ, ⵍⵍⵉ ⵜⵙⵏⵓⴱⴳ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⴳ ⴰⵏⴳⵓⵍⴰ ⴳ ⵜⵎⴰⵥⵓⵏⵜ ⵍⵡⴰⵏⴷ ⴳ 23 ⴰⵔ 27 ⴽⵟⵓⴱⵕ 2023. ⴳ ⵓⵙⴰⵜⵉ ⵏ ⵓⵎⵏⵏⵉ ⵉⵥⵍⵉⵏ ⵙ ⵓⵙⵎⵏⵉⴷ ⵏ ⵜⵉⵍⴰⵍ ⵍⵍⵉ ⵜⵙⵏⵎⴰⵍⴰ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⴳ ⵓⵙⴳⴳⵯⴰⵙ ⴰⴷ, ⵉⵍⵍⴰ ⵓⵙⵎⵏⵉⴷ ⵏ ⵓⵙⴰⵔⵓ ⴼ ⵓⴳⵔⴰⵡ ⴰⴱⵕⵍⴰⵎⴰⵏⵉ ⴰⴳⵔⴰⵖⵍⴰⵏ ⵏ ⵓⵎⵙⴰⵡⴰⵍ ⴳⵔ ⵉⵙⴳⴷⵏ ⵉⵜⵜⵓⵙⵏⵎⴰⵍⴰⵏ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷⴷⵓ ⵉⵡⵉⵣ ⴰⵎⴰⵜⵜⵓⵢ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⴳ ⵜⵖⵔⵎⵜ ⵏ ⵡⴰⵎⵓⵔ ⵏ ⵡⴰⴽⵓⵛ ⵙⴳ 13 ⴰⵔ 15 ⵢⵓⵏⵢⵓ 2023. ⵉⵍⵍⴰ ⵓⵙⵓⵜⴳ ⵏ ⵓⵙⵏⵎⴰⵍⴰ ⵉⵥⵉⵍⵏ ⵏ ⵓⴳⵔⴰⵡ ⴰⴷ ⵍⵍⵉ ⵉⵙⵏⵓⴱⴳ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⵙ ⵜⴷⵔⴰⵡⵜ ⴰⴽⴷ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⴷ ⵓⵙⵏⴰⵍ ⵏ ⵜⵎⴰⴷⴷⴰⵙⵜ ⴰⵙⴳⴷⵏ ⵉ ⵓⴼⵔⴰ ⴷ ⵜⴰⵎⵓⵏⵜ ⵏ ⵜⵖⵔⵎⵉⵡⵉⵏ ⵉⴹⴼⵕⵏ ⵜⴰⵎⴰⴷⴷⴰⵙⵜ ⵏ ⵜⵎⵜⵜⴰ ⵎⵓⵏⵏⵉⵏ ⴷ ⵜⵣⵍⵖⴰ ⵜⴰⵎⵓⵃⵎⵎⴰⴷⵜ ⵉ ⵉⵎⴰⵙⵙⴰⵏⵏ.

ⴳ ⵓⵙⵎⵏⵉⴷ ⵏ ⵓⵙⴰⵔⵓ ⴰⴷ, ⵜⵙⵎⴰⵢⵏⵓ ⵜⵏⵙⵙⵉⵅⴼⵜ ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⴰⵙⵓⵜⴳ ⵏⵏⵙ ⴷ ⵓⵙⵏⵉⵎⵎⵔ ⵏⵏⵙ ⵉ ⵜⴳⵍⴷⵉⵜ ⵏ ⵍⵎⵖⵔⵉⴱ ⵙ ⵓⵙⵎⴰⵇⵇⵍ ⵉⴷⵔⴰⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⵉ ⵓⵙⴷⵓⵙ ⵏ ⵜⴷⵍⵙⴰ ⵏ ⵜⵎⵢⵉⴷⵉⵔⵜ ⴷ ⵓⵎⵙⵓⵔⵓⴼ ⴷ ⵓⵎⵙⴰⵡⴰⵍ ⵊⴰⵔ ⵉⵙⴳⴷⵏ ⴳ ⵓⵎⴰⴹⴰⵍ ⴰⴽⴽⵯ.