ⴰⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ: ⵜⴰⵡⴰⵍⴰ ⵜⴰⵣⵣⵔⴰⴼⵜ ⵜⵉⵙ 11, 2021-2026:
ⵉⵎⴹⴰⴽⴰⵕ ⵓⴽⴰⴱⴰⵕ ⴰⵎⵖⵔⵉⴱⵉ ⴷ ⵎⴰⵙⵙ ⵊⵓⵏ ⴼⵕⵓⵏⵚⵡⴰ ⵏⴷⵓⵏⴳⵓ, ⴰⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵍⴳⴰⴱⵓⵏ, ⴳ ⵓⵙⴰⵜⵉ ⵏ ⵓⴳⵔⴰⵡ ⴰⵎⴰⵜⴰⵢ 147 ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ
ⵉⵙⴽⵔ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⴰⵎⵖⵔⵉⴱⵉ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵎⵓⵃⴰⵎⵎⴰⴷ ⵚⵚⴱⴱⴰⵕⵉ ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵏⵎⵓⵇⵇⴰⵔ ⴷ ⵎⴰⵙⵙ ⵊⵓⵏ ⴼⵕⵓⵏⵚⵡⴰ ⵏⴷⵓⵏⴳⵓ ⴰⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵍⴳⴰⴱⵓⵏ ⴰⵙⵙ ⵏ 25 ⴽⵟⵓⴱⵕ 2023. ⴳ ⵓⵙⴰⵜⵉ ⵏ ⵜⴷⵔⴰⵡⵜ ⴳ ⵓⴳⵔⴰⵡ ⴰⵎⴰⵜⴰⵢ 147 ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⴳ ⴰⵏⴳⵓⵍ ⵙⴳ 23 ⴰⵔ 27 ⴽⵟⵓⴱⵕ 2023.
ⵉⵃⴰⴹⵕ ⴳ ⵓⵏⵎⵓⵇⵇⴰⵔ ⴰⴷ ⵎⴰⵙⵙ ⵎⵓⵚⵟⴰⴼⴰ ⵔⴷⴷⴰⴷ ⵙⴳ ⵓⴳⵔⴰⵡ ⵓⵏⴰⵎⵓⵔ ⵏ ⵉⵏⵙⵉⵎⴰⵏⵏ, ⴷ ⵎⴰⵙⵙ ⵄⵓⵎⴰⵕ ⵃⵊⵉⵔⴰ ⵙⴳ ⵜⵔⴰⴱⴱⵓⵜ ⵜⴰⵙⵉⵎⴰⵏⵜ ⵏ ⵜⵎⵓⵏⵉ ⴷ ⵢⵉⵙⴽⵉⵍ. ⵖⵎⴽ ⵍⵍⵉ ⵉⵃⴰⴹⵕ ⵎⴰⵙⵙ ⴼⵓⵙⵜⵉⵏ ⴱⵓⴽⵓⴱⵉ ⴰⵏⵙⵙⵉⵅⴼ ⵉⵣⵔⵉⵏ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ, ⵎⴰⵙⵙ ⴰⵎⵉⵕⴰⵍ ⴳⴰⴱⵔⵉⵢⵢⵉⵍ ⵎⴰⵍⵉ, ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ, ⵎⴰⵙⵙ ⴰⵎⴰⵔⵉ ⴷⵢⴰⵏ ⵎⵉⵏⴳⵉ ⵎⴰⴽⵢⵉ ⴷ ⵎⴰⵙⵙ ⴰⵎⴰⵔⵉ ⵓⵔⵉⵍⵢⴰⵏ ⵏⵜⵓⵜⵓⵎ ⵎⵉⴱⵢⴰⵎ, ⵎⴰⵙⵙ ⴰⵎⵙⵇⵇⴰⴷ ⵏ ⵍⴳⴰⴱⵓⵏ ⴳ ⴰⵏⴳⵓⵍⴰ ⴳⵉ ⴱⵍⵉⵣ ⵏⴰⵎⴱⵓ.
ⵉⵙⵎⵏⵉⴷ ⵓⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵍⴳⴰⴱⵓⵏ ⴰⵙⵎⴰⵇⵇⵍ ⴼ ⵓⵙⵓⵔⵙ ⴰⵙⵔⵜⴰⵏ ⵏ ⵜⵎⴰⵣⵉⵔⵜ ⵏⵏⵙ, ⵉⵙⴷⴷⵉⴷ ⴼ ⵜⵓⴳⴳⴰⵙ ⵏ ⵜⵏⴱⴰⴹⵉⵏ ⵃⵎⴰ ⴰⴷ ⵢⵉⵍⵉ ⵓⵖⵓⵍ ⵙ ⵓⵏⴳⵔⴰⵡ ⴰⴷⵙⵜⴰⵔ, ⵙ ⵓⵙⴽⵔ ⵏ ⵎⴰⵕⵕⴰ ⵜⵉⵎⵔⵙⴰⵍ ⴷ ⵜⵏⴱⴰⴹⵜ ⴷ ⵜⵙⵏⴱⴹⴰⵢⵜ ⵜⴰⴷⵙⵜⴰⵔⵜ ⴷ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⴷ ⵓⵙⵇⵇⵉⵎ ⵉⵎⵛⵉⵡⴰⵕ ⴳⴰⵏⵉⵏ ⵉⵙⵎⵓⵜⵜⵓⵢⵏ ⵙ ⵜⴷⵔⴰⵡⵜ ⵏ ⵎⴰⵕⵕⴰ ⵉⴳⵏⵙⴰⵙⵏ ⵏ ⵜⵎⵜⵜⵉ. ⵖⵎⴽ ⵍⵍⵉ ⵜⵍⵍⴰ ⵜⵓⵜⵔⴰ ⵏ ⵎⴰⵕⵕⴰ ⵉⵏⵎⵓⵔⴰⵏ ⵙⴳ ⵓⵏⵙⵙⵉⵅⴼ ⵏ ⵉⵎⴰⵡⵙⴰⵙⵏ ⴰⴷ ⴼⴽⵉⵏ ⵜⵉⵙⵓⵎⴰⵔ ⵉ ⵓⵙⴽⵔ ⵏ ⵓⴳⵔⴰⵡ ⴰⵏⴰⵎⵓⵔ ⴳ ⵎⴰ ⵏⵏ ⵓⵔ ⵢⴰⴳⴳⵓⴳⵏ.
ⵉⵙⵓⵜⴳ ⵎⴰⵙⵙ ⵚⵚⴱⴱⴰⵕⵉ ⵜⴰⵣⴷⴰⵢⵜ ⵜⴰⵎⵣⵔⴰⵢⵜ ⵉⵍⵍⴰⵏ ⵊⴰⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵍⴳⴰⴱⵓⵏ, ⵉⵙⴷⴷⵉⴷ ⴼ ⵡⴰⴷⴷⴰⴷ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵓⵡⵇⵇⵔ ⵏ ⵜⵔⵙⵍⵜ ⵏ ⵡⴰⵔⴰⴽⵛⵓⵎ ⴳ ⵜⵖⴰⵡⵙⵉⵡⵉⵏ ⵜⵉⴳⵏⵙⴰⵏⵉⵏ ⵏ ⵉⵡⴰⵏⴽⵏ, ⵉⵙⵓⵜⴳ ⵜⵓⵏⵥⵉⵥⵜ ⵏ ⵉⵎⵙⴽⴰⵔⵏ ⴷⴷⵔⵏⵉⵏ ⴳ ⵍⴳⴰⴱⵓⵏ ⴳ ⵜⵎⵙⵙⵓⴳⵓⵔⵜ ⵏ ⵜⵡⵓⵔⵉ ⵉⵜⵜⵓⵙⵎⴰⵜⵜⵓⵢⵏ, ⵉⵙⴷⴷⵉⴷ ⵎⴰⵙ ⵜⵍⵍⴰ ⵜⵎⵢⵉⵎⴰⵏⵜ ⴷⴰⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⵃⵎⴰ ⴰⴷ ⵜⴼⴼⵓⵖⵜ ⵜⵎⴰⵣⵉⵔⵜ ⴰⴷ ⵜⴰⵎⴷⴷⴰⴽⴽⵯⵍⵜ ⵙⴳ ⵓⵙⵓⵔⵙ ⴰⴷ ⴳ ⵎⴰ ⵏⵏ ⵓⵔ ⵢⴰⴳⴳⵓⴳⵏ.
ⵉⵙⴰⵡⵍ ⵓⵏⵙⵙⵉⵅⴼ ⵏ ⵓⴽⴰⴱⴰⵕ ⴰⵎⵖⵔⵉⴱⵉ ⵓⵍⴰ ⴼ ⵓⵙⴷⵓⵙ ⵏ ⵓⵎⵢⴰⵡⴰⵙ ⴷ ⵜⴷⴷⵓⴽⴽⵯⵍⴰ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ ⴳ ⵙⵏⴰⵜ ⵜⵎⵉⵣⴰⵔ ⴳ ⵓⵙⵡⵉⵔ ⴰⵙⵉⵏⵔⴰⵏ ⴷ ⵓⵙⵎⵀⵍ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⴷ ⵓⵙⵏⴼⵍ ⵏ ⵉⵔⵣⴰⴼⵏ ⵖⵎⴽ ⴰⵏⵏ ⵓⵍⴰ ⴷ ⵓⵙⵡⵉⵔ ⴰⴳⵜⵉⵔⴰⵏ, ⵙ ⵜⵣⵣⵉⴳⵣⵜ ⵏ ⵓⵙⵏⴰⵍ ⵉⵜⵜⵓⵙⵏⴼⴰⵍⵏ ⴷ ⵓⵙⵎⵓⵏ ⵏ ⵡⴰⴷⴷⴰⴷⵏ ⴳ ⵉⵏⵎⵓⵇⵇⴰⵔⵏ ⵉⴱⵕⵍⴰⵎⴰⵏⵉⵢⵏ ⵉⴳⵔⴰⵖⵍⴰⵏⵏ ⴰⵎ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ.