ⴰⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ: ⵜⴰⵡⴰⵍⴰ ⵜⴰⵣⵣⵔⴰⴼⵜ ⵜⵉⵙ 11, 2021-2026:
ⴳ ⵜⴳⵓⵔⵉ ⵙ ⵉⵙⵎ ⵏ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴳ ⵓⴳⵔⴰⵡ ⵡⵉⵙ 147 ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉ ⵜⴰⴳⵔⴰⵖⵍⴰⵏⵜ, ⵉⵖⵔⴰ ⵎⴰⵙⵙ ⵎⵓⵃⴰⵎⵎⴰⴷ ⵚⵚⴱⴱⴰⵕⵉ, ⴰⵎⴰⵔⵉ ⴰⵎⵣⵡⴰⵔⵓ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵉ ⵓⵙⴱⴷⴷⵉ ⵏ ⵜⴰⵙⵙⴰⵙⵜ ⵏ ⵓⵎⴰⴷⴰⵏ ⴰⴼⵉⵍⵉⵚⵟⵉⵏⵉ, ⵉⵙⴰⵡⵍ ⴼ ⵓⵎⵓⵔⵙ ⵏ ⵍⵎⵖⵔⵉⴱ ⴳ ⵉⵎⵉⵥ ⵏ ⵜⵏⴰⵥⴰⵕⵉⵏ ⵏ ⵜⴳⵎⵉ
ⵉⵙⴰⵡⵍ ⵎⴰⵙⵙ ⵎⵓⵃⴰⵎⵎⴰⴷ ⵚⵚⴱⴱⴰⵕⵉ, ⴰⵎⴰⵔⵉ ⴰⵎⵣⵡⴰⵔⵓ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵏⵙⵙⵉⵅⴼ ⵏ ⵓⴽⴰⴱⴰⵕ ⴰⵎⵖⵔⵉⴱⵉ ⵉⴷⵔⵓⵏ ⴳ ⵓⴳⵔⴰⵡ ⴰⵎⴰⵜⴰⵢ ⵡⵉⵙ 147 ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⴳ ⴰⵏⴳⵓⵍⴰ, ⴼ ⵓⵙⵓⵜⴳ ⵏ ⵏ ⵓⴱⴰⵕⵍⴰⵎⴰⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵉ ⵡⴰⴷⴷⴰⴷⵏ ⵉⵎⵣⵔⴰⵢⵏ ⵓⵏⵥⵉⵥⵏ ⴳⴰⵏⵉⵏ ⵡⵉⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵍⵇⵓⴷⵙ ⴳ ⵓⵙⵏⴰⵍ ⵏ ⵓⵎⴰⴷⴰⵏ ⴰⴼⵉⵍⵉⵚⵟⵉⵏⵉ ⴳ ⵜⵖⵏⵙⴰ ⵏⵏⵙ ⵉ ⵉⵣⵔⴼⴰⵏ ⵏⵏⵙ ⴳⴰⵏⵉⵏ ⵉⵣⵔⴼⴰⵏ ⵜⵜⴰⵡⴹⵎⴰⵏⵏⵉⵏ ⵙ ⵉⵎⵇⵇⵏⵏ ⴷ ⵜⵖⵜⴰⵙⵉⵏ ⵜⵉⴳⵔⴰⵖⵍⴰⵏⵉⵏ.
ⵉⵙⵎⵏⵉⴷ ⵎⴰⵙⵙ ⵚⵚⴱⴱⴰⵕⵉ, ⵜⴰⴳⵓⵔⵉ ⴰⵙⵙ ⵏ ⵓⴽⵕⴰⵙ 25 ⴽⵟⵓⴱⵕ 2023 ⴳ ⴰⵏⴳⵓⵍⴰ ⴷⴰⵜ ⵏ ⵓⴳⵔⴰⵡ ⴰⵎⴰⵜⴰⵢ ⵡⵉⵙ 147 ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ, ⵙ ⵉⵙⵎ ⵏ ⵜⴰⵢⵢⴰⵡⵜ ⵜⴰⴱⵕⵍⴰⵎⴰⵏⵉⵜ ⵜⴰⵏⴰⵎⵓⵔⵜ ⵏ ⵓⴱⵕⵍⴰⴰⵏ ⵏ ⵍⵎⵖⵔⵉⴱ ⴳ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ, ⵉⵖⵔⴰ ⵎⴰⵙⵙ ⵎⵓⵃⴰⵎⵎⴰⴷ ⵚⵚⴱⴱⴰⵕⵉ ⵉ ⵓⵙⴱⴷⴷⵉ ⵏ ⵜⴰⵙⵙⴰⵙⵜ ⵏ ⵓⵎⴰⴷⴰⵏ ⴰⴼⵉⵍⵉⵚⵟⵉⵏⵉ ⴷ ⵓⵙⴱⴷⴷⵉ ⵏ ⵜⵎⴰⵖⵜ ⴳ ⵡⴰⴽⴰⵍ ⵏ ⴼⴰⵍⵉⵚⵟⵉⵏ ⵜ ⵓⵙⵎⵀⵍ ⵏ ⵜⵡⵡⵓⵔⵉ ⵜⴰⴷⵉⴱⵍⵓⵎⴰⵙⵉⵜ ⴷ ⵜⵙⵔⵜⴰⵏⵜ ⴳ ⵓⵙⴰⵜⵉ ⵏ ⵓⵙⵡⵓⵔⵉ ⵍⵍⵉ ⵔⴰⴷ ⵢⴰⵡⵉ ⴳ ⵜⴳⵉⵔⴰ ⵉ ⵜⵉⵍⵉⵜ ⵏ ⵓⵡⴰⵏⴽ ⴰⴼⵉⵍⵉⵚⵟⵉⵏⵉ ⵉⴳⴰⵏ ⵜⴰⵙⵉⵎⴰⵏⵜ ⵙ ⵜⵎⵔⵙⴰⵍ ⵏⵏⵙ ⴷ ⵉⵡⵜⵜⴰ ⵏⵏⵙ ⵜⵜⵓⵙⵙⴰⵏⵏⵉⵏ ⴳ ⵓⵙⵡⵉⵔ ⴰⴳⵔⴰⵖⵍⴰⵏ, ⵜⴰⵎⴰⵥⵓⵏⵜ ⵏⵏⵙ ⵍⵇⵓⴷⵙ.
ⵉⵙⵡⴰⵍ ⵎⴰⵙⵙ ⵚⵚⴱⴱⴰⵕⵉ ⴼ ⵜⴷⵓⵙⵉ ⵏ ⵓⵚⴽⵓ ⴰⵎⵔⵙⵍⴰⵏ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⵉⵏⵡⵉⵜ ⵏ ⵡⴰⵏⴰⵡ ⴰⴷⵉⵎⵓⵇⵔⴰⵟⵉ ⴰⵎⵖⵔⵉⴱⵉ, ⴰⵢⵍⵍⵉ ⵢⵉⵡⵙⵏ ⵙ ⵜⵏⴰⵔⴰ ⵏ ⴱⴰⴱ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ,ⴳ ⵓⵙⴱⴷⴷⵉ ⵏ ⵙⵉⵏ ⵉⵣⵎⴰⵣ ⵀⵔⵛⵏⵉⵏ ⵍⵍⵉ ⵉⵥⵕⴰ ⵍⵎⵖⵔⵉⴱ ⵜⵉⴳⴰⵔⵉⵡⵉⵏ ⴰⴷ: ⵜⴰⵎⵣⵡⴰⵔⵓⵜ ⴰⴱⴰⵢⵢⵓⵔ ⵏ ⴽⵓⵕⵓⵏⴰ ⴽⵓⴼⵉⴷ 19, ⵜⵉⵙ ⵙⵏⴰⵜ ⵜⵣⴷⵉ ⴷ ⵓⵎⴷⵓⴷⵉ ⵏ ⵍⵃⴰⵡⵣ ⵏ ⵡⴰⵎⵓ ⵏ ⵡⴰⴽⵓⵛ ⴳ 8 ⵛⵓⵜⴰⵏⴱⵉⵔ ⵉⵣⵔⵉⵏ.
ⵉⵏⵏⴰ ⵎⴰⵙⵙ ⵚⵚⴱⴱⴰⵕⵉ ⵎⴰⵙ ⵜⵙⵔⵙ ⵜⵎⴰⵣⵉⵔⵜ ⵏⵏⵖ ⵜⵉⵔⵙⴰⵍ ⵏ ⵓⵔⴳⴳⵉⴳ ⴰⵎ ⴰⵙⴽⵔ ⵏ ⵓⵡⴰⵏⴽ ⵏ ⵜⵎⵔⵙⴰⵍ ⵙⵡⵓⵔⵉⵏⵉⵏ, ⴷ ⵓⵙⵓⵊⴷ ⵏ ⵡⴰⵏⴰⵡ ⴰⵏⴰⵎⵓⵔ ⵉ ⵜⵣⵔⴼⵜ ⵜⴰⵏⴰⵎⵓⵏⵜ ⴷ ⵜⴷⵎⵙⴰⵏⵜ, ⵉ ⵉⵅⴼ ⵏⵏⵙ ⴷ ⵜⴳⵎⵉ ⵜⴰⵙⵔⵜⴰⵏⵜ ⵉⴱⴷⴷⵏ ⴼ ⵉⵣⵔⴼⴰⵏ ⴷ ⵓⴷⵓⵙⵜⵓⵔ ⴷ ⵜⴳⵎⵉ ⵜⴰⵙⵓⵍⴰⵏⵜ, ⴷ ⵓⵙⴽⵔ ⵏ ⵜⴰⵙⵓⵜⵉⵏ ⵜⵉⵎⴰⵢⵏⵓⵜⵉⵏ ⵏ ⵉⵣⵔⴼⴰⵏ ⵉⴷⵎⵙⴰⵏⵏ ⴷ ⵉⵏⴰⵎⵓⵏⵏ ⴷ ⵉⵡⵏⴹⴰⵏⵏ ⴷ ⵉⴷⵍⵙⴰⵏⵏ ⴷ ⵉⵙⵏⵉⵍⵙⵏ, ⵉⵣⵎⵎⵉⵎ ⴰⵔⵎⴰⵙ ⵏ ⵜⴳⵍⴷⵉⵜ ⴳ ⵜⵏⴰⵥⴰⵕⵉⵏ ⵏ ⵜⴳⵎⵉ ⵜⴰⵙⵓⵍⴰⵏⵜ ⵜ ⵜⴷⵉⵎⵓⵇⵔⴰⵟⵉⵜ, ⴷ ⵉⵙⵜⴰⵢⵏ ⵉⵙⵜⵔⴰⵜⵉⵊⵉⵢⵏ ⴱⴷⴷⵏⵉⵏ ⴼ ⵓⴼⴳⴰⵏⴷ ⵓⵙⵖⵓⴷⵓ ⵏ ⵜⴳⵏⵙⴰⵙⵜ ⵏ ⵜⵎⵖⴰⵔⵉⵏ ⴷ ⵉⵄⵔⵔⵉⵎⵏ, ⴷ ⵓⵚⴽⵓ ⵏ ⵓⵡⴰⵏⴽ ⵏ ⵓⵣⵔⴼ ⴷ ⵓⵙⵍⴳⵏ, ⴷ ⵜⴳⵎⵉ ⵜⴰⵎⴰⵜⴰⵢⵜ ⵙ ⴰⵕⵕⴰ ⵉⵎⵏⴰⴷⵏ ⵏⵏⵙ.
ⵔⴰⴷ ⵉⴷⵔⵓ ⵓⴽⴰⴱⴰⵕ ⴰⴷ ⴰⵎⵖⵔⵉⴱⵉ ⴳ ⵓⴳⵔⴰⵡ ⴰⵎⴰⵜⴰⵢ ⵡⵉⵙ 147 ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⴷ ⵜⵙⵓⵜⵍⵜ ⵜⵉⵙ 212 ⵏ ⵓⵙⵇⵇⵉⵎ ⵉⵏⴱⴹⵏ ⴷ ⵜⵙⵎⵓⵏⴰⵢ ⵏⵏⵙ, ⵍⵍⵉ ⵔⴰⴷ ⵜⵙⵏⵓⴱⴳ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⴰⵏⴳⵓⵍⴰ ⴳ ⵜⵎⴰⵥⵓⵏⵜ ⵏⵏⵙ ⵍⵡⴰⵏⴷⴰ ⵙⴳ 23ⴰⵔ 27 ⴽⵟⵓⴱⵕ 2023.
ⵢⵓⵎⴰ ⵓⴽⴰⴱⴰⵕ ⵏ ⵜⴰⵢⵢⴰⵡⵜ ⵜⴰⴱⵕⵍⴰⵎⴰⵏⵉⵜ ⵜⴰⵎⵖⵔⵉⴱⵉⵜ ⵎⴰⵙⵙ ⴰⵎⴰⵔⵉ ⴰⵃⵎⴰⴷ ⵜⵡⵉⵣⵉ ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⵥⵖⵕⵜ ⴷ ⵎⴰⵜⵔⴰⵔⵜ, ⴰⵎⴰⵔⵉ ⵎⵓⵚⵟⴰⴼⴰ ⵔⴷⴷⴰⴷ ⵙⴳ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ, ⴰⵎⴰⵔⵉ ⵄⵓⵎⴰⵕ ⵃⵊⵉⵔⴰ ⵙⴳ ⵜⵔⴰⴱⴱⵓⵜ ⵜⴰⵙⵉⵎⴰⵏⵜ ⵉ ⵜⵎⵓⵏⵉ ⴷ ⵢⵉⵙⴽⵉⵍ, ⵜⴰⵎⴰⵔⵉⵜ ⵅⴷⴷⵓⴽ ⵙⵙⵍⴰⵙⵉ, ⵙⴳ ⵜⵔⴰⴱⴱⵓⵜ ⵜⴰⵙⵔⵎⵓⵏⵜ- ⵜⵓⵣⵍⵜ ⵏ ⵍⵉⵜⵜⵉⵃⴰⴷ, ⵙⴳ ⵓⵙⵇⵇⵉⵎ ⵏ ⵉⵎⵛⵉⵡⴰⵕ ⴰⵎⵛⵛⵉⵡⵕ ⴽⴰⵎⴰⵍ ⴰⵢⵜ ⵎⵉⴽ, ⵙⴳ ⵜⵔⴰⴱⴱⵓⵜ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ, ⴰⵎⵛⵛⵉⵡⵕ ⵃⴰⵙⴰⵏ ⵛⴰⵎⵉⵙ ⵙⴳ ⵜⵔⴰⴱⴱⵓⵜ ⵏ ⵜⵥⵖⵕⵜ ⴷ ⵜⵎⴰⵜⵔⴰⵔⵜ, ⵎⴰⵙⵙ ⵏⴰⵊⵉⴱ ⵍⵅⴰⴷⴷⵉ ⴰⵎⴰⵔⴰ ⴰⵎⴰⵜⴰⵢ ⵏ ⵓⵙⵇⵇⵉⵎ ⵏ ⵉⵎⵓⵔⴰ.