ⵉⴷⵔⵓ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴳ ⵜⵎⵙⵎⵓⵏⵜ ⵜⴰⵎⴰⵜⴰⵢⵜ ⵜⵉⵙ 146 ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⴳ ⵍⵎⴰⵏⴰⵎⴰ ⴳ ⵍⴱⴰⵃⵕⴰⵢⵏ
ⵉⴷⵔⵓ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴳ ⵜⵎⵙⵎⵓⵏⵜ ⵜⴰⵎⴰⵜⴰⵢⵜ ⵜⵉⵙ 146 ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⴷ ⵜⵙⵓⵜⵍⵜ ⵜⵉⵙ 211 ⵏ ⵓⵙⵇⵇⵉⵎ ⵏⵏⵙ, ⵙⴳ 11 ⴰⵔ 15 ⵎⴰⵕⵚ 2023 ⴳ ⵍⵎⴰⵏⴰⵎⴰ-ⵜⴰⴳⵍⴷⵉⵜ ⵏ ⵍⴱⴰⵃⵕⴰⵢⵏ.
ⵉⴳⴰ ⵓⵏⵎⵓⵇⵇⴰⵔ ⴰⴷ ⵜⴰⵎⵍⴷⴰ ⵏ ⵓⵎⴹⴽⴰⵔ ⴷ ⵓⵎⵙⴰⵡⴰⵍ ⵉ ⵓⵙⴷⵓⵙ ⵏ ⵜⵓⴳⴳⴰⵙ ⵜⵉⴱⵕⵍⴰⵎⴰⵏⵉⵢⵉⵏ ⴳ ⵓⵎⴹⴰⴽⴰⵔ ⴰⵎⴰⵜⴰⵢ ⵏ ⵜⵙⵓⵜⵍⵜ ⴰⴷ ⵉⵣⴷⵉⵏ ⴳ ⵓⵙⴷⵓⵙ ⵏ ⵜⵎⵢⵉⴷⵉⵔⵜ ⴷ ⵡⴰⵎⵓⵏⵏ ⵉⵎⴰⵜⴰⵢⵏ ⴷ ⵓⵙⴱⴷⴷⵉ ⵏ ⵓⵙⵏⵓⵃⵢⴰ.
ⴳ ⵜⵙⵓⵜⵍⵜ ⴰⴷ ⵜⵉⵙ 146, ⵔⴰⴷ ⵢⵉⵍⵉ ⵓⵙⵜⴰⵢ ⵏ ⵓⵏⵙⵙⵉⵅⴼ ⵏ ⵜⵙⵓⵜⵍⵜ ⴷ ⵓⵣⵣⵔⴰⵢ ⵏ ⵜⵙⵓⵎⴰⵔ ⵏ ⵜⴰⵢⵢⴰⵡⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵍⵍⵉ ⴷⵔⵓⵏⵉⵏ ⴷ ⵓⵎⴹⴰⴽⴰⵕ ⵏ ⵜⵎⵙⴰⵔⵉⵏ ⴳ ⵜⵙⵇⵇⵉⵎⵉⵏ ⵜⵉⵙⵓⵍⴰⵏⵉⵏ. ⵔⴰⴷ ⵉⴷⵔⵓ ⵓⴽⴰⴱⴰⵕ ⵏ ⵜⴰⵢⵢⴰⵡⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⵙⵎⵓⵏⴰⵢ ⵏ ⵜⵙⵇⵇⵉⵎⵉⵏ ⵜⵉⵎⵖⵍⴰⵍⵉⵏ ⵏ ⵜⵎⵙⵎⵓⵏⵜ ⵜⵉⵙ 146 ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ: ⵜⴰⵙⵇⵇⵉⵎⵜ ⵏ ⵓⴼⵔⴰ ⴷ ⵜⵏⴼⵔⵓⵜ ⵜⵉⴳⵔⴰⵖⵍⴰⵏⵉⵏ, ⵜⴰⵙⵇⵇⵉⵎⵜ ⵏ ⵜⴳⵎⵉ ⵜⴰⵙⵓⵍⴰⵏⵜ ⴷ ⵓⵙⵙⵥⵕⴼ ⴷ ⵓⵙⵖⵏⵣⵉ, ⵜⴰⵙⵇⵇⵉⵎⵜ ⵏ ⵜⴷⵉⵎⵓⵇⵕⴰⵟⵉⵜ ⴷ ⵉⵣⵔⴼⴰⵏ ⵏ ⵓⴼⴳⴰⵏ, ⵜⴰⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⵜⵎⵜⵜⴰ ⵎⵓⵏⵏⵉⵏ. ⵖⵎⴽ ⴰⵏⵏ ⴷ ⵜⴷⵔⴰⵡⵜ ⴳ ⵜⵎⵙⵎⵓⵏⵜ ⵜⴰⵎⴰⵜⴰⵢⵜ ⴷ ⵓⵙⵇⵇⵉⵎ ⵉⵏⴱⴹⵏ.
ⵔⴰⴷ ⵜⵎⴹⴰⴽⴰⵕ ⵜⵙⵇⵇⵉⵎⵜ ⵜⴰⵙⵓⵍⴰⵏⵜ ⵏ ⵓⴼⵔⴰ ⴷ ⵜⵏⴼⵔⵓⵜ ⵉⴳⵔⴰⵖⵍⴰⵏⵏ ⴰⵙⵏⴼⴰⵔ ⵏ ⵜⵖⵜⴰⵙⵜ ⴼ ⵉⴱⴽⴽⴰⴹⵏ ⵉⵍⵉⴽⵟⵕⵓⵏⵉⵢⵏ ⴷ ⵉⵎⵉⵣⵉⵜⵏ ⴼ ⵜⵏⴼⵔⵓⵜ ⵜⴰⴳⵔⴰⵖⵍⴰⵏⵜ, ⵔⴰⴷ ⵜⵙⵖⵣⵏ ⵜⵙⵇⵇⵉⵎⵜ ⵏ ⵜⴳⵎⵉ ⵜⴰⵙⵓⵍⴰⵏⵜ ⵜⴰⵖⵜⴰⵙⵜ ⵏⵏⵙ ⴼ ⵜⵓⴳⴳⴰⵙ ⵜⵉⴱⵕⵍⴰⵎⴰⵏⵉⵢⵉⵏ ⴼ ⵜⴰⴳⴰⵏⵉⵏ, ⴷ ⵓⵙⵎⵏⵉⴷ ⵏ ⵉⵏⵇⵇⵉⵙⵏ ⴼ ⵜⵉⵍⴰⵍ ⵏ ⵜⵙⵇⵇⵉⵎⵉⵏ ⵜⵉⵙⵓⵍⴰⵏⵉⵏ.
ⵔⴰⴷ ⵉⴷⵔⵓ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴳ ⵜⵙⵎⵓⵏⴰⵢ ⵏ ⵜⵔⵓⴱⴱⴰ ⵜⵉⵊⵢⵓⵙⵔⵜⴰⵏⵉⵏ ⵜⴰⵄⵕⴰⴱⵜ ⵜⴰⴼⵔⵉⵇⵉⵜ ⴷ ⵜⵓⵙⵍⵉⵎⵜ ⵍⵍⵉ ⵔⴰⴷ ⵉⵥⵍⵉ ⵉ ⵜⵖⵔⵉ ⴷ ⵓⵙⵏⴼⵍ ⵏ ⵜⴰⵏⵏⴰⵢⵢⵉⵏ ⴼ ⵜⵙⵓⵎⴰⵔ ⵏ ⵓⵖⴰⵡⴰⵙ ⵏ ⵜⵡⵡⵓⵔⵉ ⴳ ⵜⵎⵙⵎⵓⵏⵜ ⵜⴰⵎⴰⵜⴰⵢⵜ ⴷ ⵓⵙⵇⵇⵉⵎ ⵉⵏⴱⴹⵏ ⴷ ⵓⵎⵙⴰⵙⴰ ⴼ ⵉⵎⵏⴽⴰⴷⵏ ⵏ ⵡⴰⵎⴰⵎⵙⵏ ⵅⵡⴰⵏⵉⵏ ⴳ ⵜⵙⵇⵇⵉⵎⵉⵏ ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ.
ⵔⴰⴷ ⵉⵙⵙⵉⵅⴼ ⵎⴰⵙⵙ ⵏⴰⵊⵉⴱ ⵍⵅⴷⴷⵉ, ⴰⵎⴰⵔⴰ ⴰⵎⴰⵜⴰⵢ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵜⴰⵙⵎⵓⵏⵉ ⵏ ⵜⵎⵙⵎⵓⵏⵜ ⵏ ⵉⵏⴼⵍⴰⵙ ⵉⵎⴰⵜⴰⵢⵏ ⵏ ⵉⴱⵕⵍⴰⵎⴰⵏⵏ ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ, ⵙ ⵜⴷⵔⴰⵡⵜ ⵏ ⵎⴰⵙⵙ ⴰⵍⴰⵙⴰⴷ ⵣⵣⵕⵡⴰⵍⵉ, ⴰⵏⴼⵍⵓⵙ ⴰⵎⴰⵜⴰⵢ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ, ⵔⴰⴷ ⵢⵉⵍⵉ ⵓⵎⴹⴰⴽⴰⵕ ⵏ ⵉⵎⵔⵙⵉⵡⵏ: ⵉⴼⵙⵙⴰⵢⵏ ⵏ ⵡⴰⵔⵉⵙⴽⵉⵍ ⵊⴰⵔ ⵉⵔⴳⴰⵣⵏ ⴷ ⵜⵎⵖⴰⵔⵉⵏ ⴳ ⵓⴱⵕⵍⴰⵎⴰⵏ ? ⵉⴱⵕⵍⴰⵎⴰⵏⵏ ⴷ ⵜⵎⴰⵖⵜ ⵏ ⵜⵏⵓⴼⴰ, ⵜⵉⵍⴰⵍⵜ ⵏ ⵉⴱⵕⵍⴰⵎⴰⵏⵏ ⴳ ⵓⵙⴱⴷⴷⵉ ⵏ ⵓⵙⵏⴼⵍ ⵏ ⵓⵏⵣⵡⵉ, ⵔⴰⴷ ⵢⵉⵍⵉ ⵓⵔⵣⵣⵓ ⴼ ⵜⵎⵙⴽⴰⵔ ⵥⵉⵍⵏⵉⵏ ⵉ ⵉⴱⵕⵍⴰⵎⴰⵏⵏ ⵉⵎⵓⵟⵟⵓⵏ.
ⵔⴰⴷ ⵜⵙⵎⴷ ⵜⴰⵎⵙⵎⵓⵏⵜ ⵜⴰⵎⴰⵜⴰⵢⵜ ⵜⴰⵡⵡⵓⵔⵉ ⵏⵏⵙ ⵙ ⵓⵙⵖⵣⵏ ⵏ ⵜⴻⵜⴳⴰⵔⵜ ⵜⴰⵎⴳⴳⴰⵔⵓⵜ ⴼ ⵓⵎⴹⴰⴽⴰⵕ ⴰⵎⴰⵜⴰⵢ ⵏ ⵓⵙⴳⴳⵯⴰⵙ ⴰⴷ.
ⵔⴰⴷ ⵉⵎⴹⴰⴽⴰⵕ ⵓⴽⴰⴱⴰⵕ ⴰⴱⵕⵍⴰⵎⵉ ⴳ ⵜⵙⵓⵜⵍⵜ ⴰⴷ ⴷ ⵉⴽⴰⴱⴰⵕⵏ ⵢⴰⴹⵏⵉⵏ ⵉ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⴰⵙⵉⵏⵔⴰ ⴷ ⵓⴳⵜⵉⵔⴰⵏ.
ⵢⵓⵎⴰ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ: ⵎⴰⵙⵙ ⵏⵏⵄⵎⴰ ⵎⵉⵢⵢⴰⵕⴰ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵃⵎⴰⴷ ⵜⵡⵉⵣⵉ, ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⵥⵖⵔⵜ ⴷ ⵜⵎⴰⵜⵔⴰⵔⵜ, ⵎⴰⵙⵙ ⵎⵓⵚⵟⴰⴼⴰ ⵔⴷⴷⴰⴷ, ⵙⴳ ⵜⵔⴰⴱⴱⵓⵜ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵎⴰⵙⵙ ⵄⵓⵎⴰⵕ ⵃⵊⵉⵕⴰ, ⵙⴳ ⵜⵔⴰⴱⴱⵓⵜ ⵜⴰⵙⵉⵎⴰⵏⵜ ⵉ ⵜⵎⵓⵏⵉ ⴷ ⵢⵉⵙⴽⵉⵍ, ⵎⴰⵙⵙ ⵅⴷⴷⵓⵊ ⵙⵙⵍⴰⵙⵉ, ⵙⴳ ⵜⵔⴰⴱⴱⵓⵜ ⵜⴰⵙⵔⵎⵓⵏⵜ, ⵎⴰⵙⵙ ⴽⴰⵎⴰⵍ ⴰⵢⵜ ⵎⵉⴽ, ⵙⴳ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ ⵏ ⵉⵏⵙⵉⵎⴰⵏⵏ ⵙⴳ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ, ⵎⴰⵙⵙ ⵃⴰⵙⴰⵏ ⵛⵎⵉⵙ ⵙⴳ ⵜⵔⴰⴱⴱⵓⵜ ⵏ ⵜⵥⵖⵔⵜ ⴷ ⵜⵎⴰⵜⵔⴰⵔⵜ.