ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⴰⵙⵉⵡⴹ ⴰⵏⵖⵎⴰⵙ ⴼ ⵜⴳⵓⵔⵉ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ, ⴳ ⵜⵙⵓⵜⵍⵜ ⵜⵉⵙ 144 ⵏ ⵓⴳⵔⴰⵡ ⴰⵎⴰⵜⴰⵢ ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ
ⵉⵙⵎⵏⵉⴷ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵜⴰⴳⵓⵔⵉ ⴳ ⵜⵙⵓⵜⵍⵜ ⵜⵉⵙ 144 ⵏ ⵓⴳⵔⴰⵡ ⴰⵎⴰⵜⴰⵢ ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⴳ ⴱⵏⵓⵙⴰ ⴷⵓⵡⴰ ⴱⴰⵍⵉ ⵙ ⵉⵙⵎ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ. ⵉⵙⵓⵜⴳ ⴳⵉⵙ ⵜⵓⴳⴳⵯⴰⵙ ⵏ ⵓⴱⵕⵍⴰⵎⴰⵏ ⵏ ⵉⵏⴷⵓⵏⵉⵙⵢⴰ ⵉ ⵓⵙⵎⵔⵙ ⵏ ⵜⵙⵓⵜⵍⵜ ⴰⴷ ⵉⵙⵙⵔⵖ ⵜ ⵓⵍⴰ ⵓⵙⵜⴰⵢ ⵏ ⵉⵎⵔⵙⵉ ⵏ ⵓⵙⵎⵓⵙⵙⵓ ⵏ ⵉⴱⵕⵍⴰⵎⴰⵏⵏ ⵉ ⵓⵙⴱⴷⴷⵉ ⵏ ⵉⵙⵏⴼⵍⵏ ⵏ ⵓⵏⵣⵡⵉ ⵉⴳⴰⵏ ⴰⵙⵏⵜⵍ ⴰⴷⵙⵍⴰⵏ ⵏ ⵜⵙⵓⵜⵍⵜ ⴰⴷ.
ⴳ ⵜⴳⵓⵔⵉ ⵏⵏⵙ, ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⵓⵍⵜⴰⵖ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵉⵄⵣⵣⵓ ⵕⴱⴱⵉ ⵉ ⵡⴰⵡⵏⴷ ⴷ ⵓⵙⴽⵔ ⵏ ⵉⵙⵖⵍⴰⴼ ⵏ ⵜⵎⵢⴰⵇⵇⴰⵏⵜ ⵏ ⵜⵎⵜⵜⴰ ⵎⵓⵏⵏⵉⵏ ⵉ ⵉⵙⵏⴼⵍⵏ ⵏ ⵓⵏⵣⵡⵉ, ⵜⴳ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴳ ⵎⴰⵕⵚ ⴳⵏⴰⵢⵔⵓⴱⵉ ⵜⴰⵏⵙⵙⵉⵅⴼⵜ ⵏ ⵜⵙⵓⵜⵍⵜ ⵜⵉⵙ ⵚⴹⵉⵚⵜ ⵉ ⵜⵎⵙⵎⵓⵏⵜ ⵏ ⵜⵎⵜⵜⴰ ⵎⵓⵏⵏⵉⵏ ⵉ ⵡⴰⵡⵏⴰⴹ ⵉ ⵙⵉⵏ ⵉⵙⴳⴳⵯⴰⵙⵏ, ⵜⵙⵏⵓⴱⴳ ⵢⴰⴷ ⴳ ⵏⵓⵡⴰⵏⴱⵉⵔ 2016 ⵜⴰⵙⵓⵜⵍⵜ ⵜⵉⵙ 22 ⵏ ⵓⴳⵔⴰⵡ ⵏ ⵜⵎⵢⴰⵇⵇⴰⵏⵜ ⵏ ⵜⵎⵜⵜⴰ ⵎⵓⵏⵉⵏ ⵉⵙⵎⴷⵏ ⵙ ⵉⵙⵡⵓⴷⴷⵓⵜⵏ ⵉ ⵚⴰⵃⴰ ⵏ ⵡⴰⴽⴰⵍ, ⵜⵙⴽⵔ ⵓⵍⴰ ⴽⵉⴳⴰⵏ ⵏ ⵜⵙⵏⵜⴰⵢⵉⵏ ⴼ ⵜⵣⵔⴼⵜ ⵏ ⵓⵏⵣⵡⵉ ⵉ ⵉⴼⵔⵉⵇⵢⴰ.
ⵉⵙⵙⴽⵜⵉ ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵜⵉⵣⵡⵉⵔⵉ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴳ ⵓⵙⴱⴷⴷⵉ ⵏ ⵉⵙⵏⴼⵍⵏ ⵏ ⵏⵣⵡⵉ ⴳ ⵎⴰⴷ ⵉⵣⴷⵉⵏ ⴷ ⵡⴰⵡⵏⴰⴹ ⴷ ⵜⵉⵔⵖⵉ ⵏ ⵡⴰⴽⴰⵍ, ⵉⴳ ⵡⴰⵡⵏⴰⴹ ⵢⴰⵜ ⵜⵙⵔⵜⵉⵜ ⵜⴰⵎⴰⵜⴰⵢⵜ ⴼ ⵉⵙⴰⵡⵍ ⵓⴷⵓⵙⵜⵓⵔ, ⵉⵙⵎⵏⵉⴷ ⵓⵍⴰ ⴽⵉⴳⴰⵏ ⵏ ⵜⵙⵔⵜⴰⵢ ⴷ ⵉⵖⴰⵡⴰⵙⵏ ⴷⵉⴷⵙ ⵥⵍⵉⵏⵉⵏ.
ⵢⵉⵏⵉ ⵓⵍⴰ ⵎⴰⵙ ⵜⴷⵔⵓ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⵜⴰⵎⵓⵣⴰⵢⵜ ⵏⵏⵙ ⴰⴽⴷ ⵜⵉⵎⵉⵣⴰⵔ ⵏ ⵉⴼⵔⵉⵇⵢⴰ ⵙ ⵉⵙⵏⴼⴰⵔⵏ ⵉⵎⵣⵡⵓⵔⴰ ⴰⵎ ⴰⵎⵙⴰⵙⴰ ⵏ ⵜⴼⵍⵍⴰⵃⵜ ⵜⴰⵎⵖⵔⵉⴱⵉⵜ ⵍⵍⵉ ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⵙ ⵡⵉⵙ ⵚⴹⵉⵚ ⴳ ⵓⴳⵔⴰⵡ ⵏ ⵡⴰⵎⵓⵔ ⵏ ⵡⴰⴽⵓⵛ ⴼ ⵓⵏⵣⵡⵉ ⴳ 2016, ⵉⵖⵔ ⵓⵏⵙⵉⵅⴼ ⵏ ⵓⵙⵇⵇⵉⵎ ⴰⴷ ⵉⵍⵉⵏⵜ ⵜⴷⵔⴰⵡⵉⵏ ⵉ ⵓⵙⴱⴷⴷⵉ ⵏ ⵜⵎⵓⴽⵔⵉⵙⵉⵏ ⵏ ⵓⵏⵣⵡⵉ ⴳ ⵉⴼⵔⵉⵇⵢⴰ ⵍⵍⵉⵖ ⵜⴻⵟⵟⴰⴼ ⵉⴼⵔⵉⵇⵢⴰ ⵎⴰⴷ ⵉⴳⴰⵏ 60 % ⵏ ⵉⴽⴰⵍⵉⵡⵉⵏ ⴳⴰⵏⵉⵏ ⵡⵉⵏ ⵜⴼⵍⵍⴰⵃⵜ.
ⵉⵙⴰⵡⵍ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⵉⵔⴽⴰⵏ ⵍⵍⴰⵏⵉⵏ ⴳ ⵡⴰⵡⵏⴰⴹ ⴰⵢⵉⵍⴰⵏ, ⴷ ⵓⵍⵜⴰⵖ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴳ ⵜⵙⵏⵜⴰⵢ ⵜⵉⴳⵔⴰⵖⵍⴰⵏⵉⵏ ⵏ ⵓⴼⵔⴰⴳ ⵏ ⵡⴰⵡⵏⴰⴹ ⴰⵢⵉⵍⴰⵏ, ⵜⴳ ⵜⴷⵔⴰⵡⵜ ⵏ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴳ ⵓⴳⵔⴰⵡ ⵏ ⴱⵔⵉⵙⵜ ⴳ ⴼⵕⴰⵏⵚⴰ ⴳ ⴱⵕⴰⵢⵕ 2022 ⵢⴰⵜ ⴳⵉⵙⵏⵜ.
ⵖⵎⴽ ⵍⵍⵉ ⵉⵙⴰⵡⵍ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⵜⵎⵓⴽⵔⵉⵉⵙⵏ ⵏ ⵓⵣⵣⴳⵉⵔ ⵏ ⵜⵎⵢⴰⵇⵇⴰⵏⵉⵏ ⵍⵍⴰⵏⵉⵏ ⴳ ⵢⵉⴳⵔ ⵏ ⵓⴼⵔⴰⴳ ⵏ ⵡⴰⵡⵏⴰⴹ ⴰⵎ ⴰⵍⵜⴰⵖ ⵏ ⵜⵏⴱⴰⴹⵉⵏ ⴷ ⵓⵣⵙⵙⵥⵕⴼ ⴷ ⵜⵖⴰⵡⵙⴰ ⵏ ⵜⴻⵜⵉⴽⵏⵓⵍⵓⵊⵉⵜ.
ⵃⵎⴰ ⴰⴷ ⵢⵉⵍⵉ ⵡⴰⵏⴰⵡ ⴳ ⵢⵉⴳⵔ ⵏ ⵓⴼⵔⴰⴳ ⵏ ⵡⴰⵡⵏⴰⴹ, ⵉⵙⵎⵏⵉⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵜⵉⵔⵎⵉⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴳ ⵢⵉⴳⵔ ⵏ ⵓⴼⵔⴰⴳ ⵏ ⵡⴰⵡⵏⴰⴹ ⵙ ⵓⵙⵎⵔⵙ ⵏ ⵜⴻⵜⵉⴽⵏⵓⵍⵓⵊⵉⵜ ⵜⴰⵎⴰⵢⵏⵓⵜ ⴷ ⵜⵥⴹⴰⵕⵉⵏ ⵜⵉⵎⴰⵢⵏⵓⵜⵉⵏ ⵍⵍⵉⵖ ⵢⵓⵎⵥ ⵍⵎⵖⵔⵉⴱ ⵎⴰⴷ ⵉⴳⴰⵏ 50 % ⵙⴳ ⵜⴰⵥⴹⴰⵕⵜ ⵜⴰⵎⴰⵢⵏⵓⵜ ⵢⴰⵡⵙ ⵓⵙⵎⵔⵙ ⵏ ⵜⵎⵓⵟⵟⵓⵏⵜ ⴰⵙⵎⵔⵙ ⵏ ⵓⴼⵔⴽⵓⴽ ⵙ 80 % .