ⵉⴷⵔⵓ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⴳ ⵓⴳⵔⴰⵡ ⴰⵎⴰⵜⴰⵢ ⵡⵉⵙ 144 ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⴳ ⵉⵏⴷⵓⵏⵉⵙⵢⴰ
ⵉⵙⵙⵉⵅⴼ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴽⴰⴱⴰⵕ ⵏ ⵉⴳⵎⴰⵎⴰⵏ ⵏ ⵜⴰⵢⵢⴰⵡⵜ ⵜⴰⵏⴰⵎⵓⵔⵜ ⴳ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⵉ ⵓⴳⵔⴰⵡ ⴰⵎⴰⵜⴰⵢ ⵡⵉⵙ 144 ⵏ ⵜⴰⵎⵓⵏⵜ ⴰⴷ, ⴷ ⵜⵙⵓⵜⵍⵜ ⵜⵉⵙ 209 ⵏ ⵓⵙⵇⵇⵉⵎ ⵏ ⵜⴰⵎⵓⵏⵜ ⴷ ⵜⵙⵎⵓⵏⴰⵢ, ⵍⵍⵉ ⵉⵙⵏⵓⴱⴳ ⵓⴱⵕⵍⴰⵎⴰⵏ ⵏ ⵉⵏⴷⵓⵏⵉⵙⵢⴰ ⴳ ⵏⵓⵙⴰⴷⵡⴰ ⵙⴳ 20 ⴰⵔ 24 ⵎⴰⵕⵙ 2022.
ⵉⵍⵍⴰ ⴳ ⵓⴽⴰⴱⴰⵕ ⴰⴷ:
- ⵎⴰⵙⵙ ⴰⵎⴰⵔⵉ ⴰⵃⵎⴰⴷ ⵜⵡⵉⵣⵉ, ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⵥⵖⵔⵜ ⴷ ⵜⵎⴰⵜⵔⴰⵔⵜ.
- ⵎⴰⵙⵙⴰ ⵜⴰⵎⴰⵔⵉⵜ ⵅⴷⴷⵓⵊ ⵙⵙⵍⴰⵙⵉ, ⵜⴰⵔⴰⴱⴱⵓⵜ ⵜⴰⵙⵔⵎⵓⵏⵜ.
- ⵎⴰⵙⵙ ⴰⵎⵛⵛⵉⵡⵕ ⴽⴰⵎⴰⵍ ⴰⵢⵜ ⵎⵉⴽ, ⵜⴰⵔⴰⴱⴱⵓⵜ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ.
- ⵎⴰⵙⵙ ⴰⵎⵛⵛⵉⵡⵕ ⵃⴰⵙⴰⵏ ⵛⴰⵎⵉⵙ, ⵜⴰⵔⴰⴱⴱⵓⵜ ⵏ ⵜⵥⵖⵔⵜ ⴷ ⵜⵎⴰⵜⵔⴰⵔⵜ.
ⵔⴰⴷ ⵢⵉⵍⵉ ⵓⵎⴹⴰⴽⴰⵕ ⴼ ⵓⵙⵏⴼⵍ ⵏ ⵓⵏⵣⵡⵉ ⴷ ⵜⵉⵍⴰⵍⵜ ⵏ ⵉⴱⵕⵍⴰⵎⴰⵏⵏ ⴳ ⵓⵣⵣⴳⵉⵔ ⵏ ⵜⵙⵔⵜⴰⵢ ⴷ ⵜⵎⵢⴰⵇⵇⴰⵏⵉⵏ ⵜⵉⵏⴰⵎⵓⵔⵉⵏ ⴷ ⵜⴳⵔⴰⵖⵍⴰⵏⵉⵏ ⴼ ⵓⵙⵏⴼⵍ ⵏ ⵓⵏⵣⵡⵉ ⵉ ⵓⵙⴷⵓⵙ ⵏ ⵜⵡⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⴼ ⵓⵙⵏⴼⵍ ⵏ ⵓⵏⵣⵡⵉ.
ⵔⴰⴷ ⵜⴻⵜⵜⵓⵙⵎⵉⴷ ⵜⵙⵓⵜⵍⵜ ⴰⴷ ⵙ ⵜⴻⵜⴳⴰⵔⵜ ⵜⴰⵎⴳⴳⴰⵔⵓⵜ ⴼ ⵉⵎⵔⵙⵉ ⴰⴷ ⴷ ⵓⵙⵖⵣⵏ ⵏ ⵜⵖⵜⴰⵙⵉⵏ ⵍⵍⵉ ⴼ ⵔⴰⴷ ⵜⵎⴹⵉⴽⵉⵕ ⵜⵙⵇⵇⵉⵎⵜ ⵜⴰⵙⵓⵍⴰⵏⵜ ⵏ ⵓⴼⵔⴰ ⴷ ⵜⵏⴼⵔⵓⵜ ⵜⴰⴳⵔⴰⵖⵍⴰⵏⵜ ⴷ ⵜⵙⵇⵇⵉⵎⵜ ⵜⴰⵙⵓⵍⴰⵏⵜ ⵉ ⵜⴳⵎⵉ ⵜⴰⵙⵓⵍⴰⵏⵜ ⴼ ⵓⴼⵔⴰ ⵉⵙⵓⵍⵏ, ⴷ ⵓⵙⴷⵓⵙ ⵏ ⵜⴻⵜⵉⴽⵏⵓⵍⵓⵊⵉⵜ ⴷ ⵓⵎⵓⵢⴰⵡⴰⴹ ⴳⴰⵏⵉⵏ ⴰⵎⴰⵡⴰⵙ ⵏ ⵓⵙⵙⵍⵎⴷ ⵖ ⵏⵉⵜ ⵍⵍⴰⵏ ⵉⵣⵎⴰⵣ ⵏ ⵓⴱⴰⵢⵢⵓⵕ.
ⵔⴰⴷ ⵉⵙⴽⵔ ⵓⴽⴰⴱⴰⵕ ⴰⵎⵖⵔⵉⴱⵉ ⵉⵏⵎⵓⵇⵇⴰⵔⵏ ⴷ ⵉⴽⴰⴱⴰⵕⵏ ⴷⵔⵓⵏⵉⵏ ⴳ ⵓⵙⴰⵜⵉ ⵏ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⴰⵙⵉⵏⵔⴰⵏ ⴷ ⵓⴳⵜⵉⵔⴰⵏ.
ⵉⵙⵎⵓⵏ ⵓⴳⵔⴰⵡ ⴰⵎⴰⵜⴰⵢ ⵜⵉⴳⵔⴰⵡⵉⵏ ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⴰⵎ: ⴰⵙⵇⵇⵉⵎ ⵓⵏⴱⵉⴹ, ⵜⵉⵙⵇⵇⵉⵎⵉⵏ ⵜⵉⵎⵖⵍⴰⵍⵉⵏ, ⵜⴰⵙⵇⵇⵉⵎⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵉ ⵉⴱⵕⵍⴰⵎⴰⵏⵉⵢⵉⵏ, ⵜⴰⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⵍⵇⴱⵍⵜ ⵜⴰⵏⴰⵎⵎⴰⵙⵜ, ⴰⴳⵔⴰⵡ ⵏ ⵜⵎⵖⴰⵔⵉⵏ ⵜⵉⴱⵔⵍⴰⵎⴰⵏⵉⵢⵉⵏ, ⴰⴳⵔⴰⵡ ⵏ ⵉⴱⵕⵍⴰⵎⴰⵏⵏ ⵉⵄⵔⵔⵉⵎⵏ.