ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⵉⵏⵙⵙⵉⵅⴼⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⴳ ⵜⵡⵡⵓⵔⵉⵡⵉⵏ ⵏ ⵓⴳⵔⴰⵡ 143 ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵉⵜ ⵜⴰⴳⵔⴰⵖⵍⴰⵏⵜ
ⵢⵉⵡⵙ ⵓⴽⴰⴱⴰⵕ ⴰⵎⵖⵔⵉⴱⵉ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴷ ⵎⴰⵙⵙ ⵏⵏⵄⵎⴰ ⵎⴰⵢⵢⴰⵕⴰ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ, ⴳ ⵜⵡⵡⵓⵔⵉⵡⵉⵏ ⵏ ⵓⴳⵔⴰⵡ 143 ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⴳ 26 ⴰⵔ 30 ⵏⵓⵡⴰⵏⴱⵉⵔ 2021. ⵜⴽⵛⵎ ⵜⵡⵉⵙⵉ ⴰⴷ ⴳ ⵜⵡⵡⵓⵔⵉ ⵏ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ ⴷ ⵓⵙⴷⵓⵙ ⵏ ⵜⵉⵍⵉⵜ ⵏ ⵍⵎⵖⵔⵉⴱ ⴳ ⵓⵙⵡⵉⵔ ⴰⴱⵕⵍⴰⵎⴰⵏⵉ ⴰⴳⵔⴰⵖⵍⴰⵏ.
ⵉⵙⵏⵓⴱⴳ ⵓⴱⵕⵍⴰⵎⴰⵏ ⵏ ⵚⴱⴰⵏⵢⴰ ⵜⴰⵙⵓⵜⵍⵜ ⴰⴷ, ⵙ ⵜⵡⵉⵙⵉ ⵏ ⵉⴱⵕⵍⴰⵎⴰⵏⵏ ⵉⵏⴰⵎⵓⵔⵏ ⴷ ⵉⴽⴰⴱⴰⵕⵏ ⵏ ⵉⵡⴰⵏⴽⵏ ⵍⵍⴰⵏⵉⵏ ⴳ ⵜⴰⵎⵓⵏⵜ ⴷ ⵜⴰⵎⵓⵏⵉⵏ ⴷ ⵜⵎⴰⴷⴷⴰⵙⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵜⵉⵏⵎⵏⴰⴹⵉⵏ ⴷ ⵜⵙⴳⴰⵡⵏⵉⵏ ⴳⴰⵏⵉⵏ ⵉⴳⵎⴰⵎⵏ ⵉⵎⵥⵕⴰⵢⵏ ⵙⵓⵍⵏⵉⵏ.
ⵔⴰⴷ ⵉⵙⵏⵎⴰⵍⴰ ⵓⴽⴰⴱⴰⵕ ⴰⵎⵖⵔⵉⴱⵉ ⵉⵏⵎⵓⵇⵇⴰⵔⵏ ⴼ ⵓⵎⵢⴰⵡⴰⵙ ⴰⵙⵉⵏⵔⴰⵏ ⴷ ⵉⴱⵕⵍⴰⵎⴰⵏⵏ ⵉⵡⵙⵏⵉⵏ ⵉ ⵓⵎⵣⴰⵖ ⵏ ⵜⵏⵓⴼⴰ ⴰⵜⵜⵓⵢⵏⵉⵏ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ, ⴳ ⵜⵍⵍⴰ ⵜⵎⵙⴰⵔⵜ ⵜⴰⵏⴰⵎⵓⵔⵜ ⴷ ⵜⵣⵣⵉⴳⵣⵜ ⵜⵓⵏⴳⵉⵎⵜ ⴷ ⵜⴷⵉⵎⵓⵇⵔⴰⵟⵉⵜ ⴳ ⵜⴳⵍⴷⵉⵜ, ⴷ ⵓⵣⴷⴷⵓⵢ ⵏ ⵡⴰⴷⴷⴰⴷ ⴼ ⵉⵙⵏⵜⴰⵍ ⵏ ⵖⵉⵍⴰⴷ ⴷ ⵜⵎⵙⴰⵔⵉⵏ ⵛⵛⴰⵔⵏⵉⵏ, ⵖⵎⴽ ⴰⵏⵏ ⵓⵍⴰ ⴼ ⵉⵖⴰⵡⴰⵙⵏ ⵏ ⵜⵡⵡⵓⵔⵉ ⴷ ⵜⵙⵏⵜⴰⵢⵉⵏ ⵛⵛⴰⵔⵏⵉⵏ ⴰⴽⴷ ⵜⴰⵎⵓⵏⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵜⵉⵙⴳⴰⵡⴰⵏⵉⵏ.
ⵔⴰⴷ ⵢⵉⵍⵉ ⵓⵍⴰ ⵓⵙⵖⵣⵏ ⵏ ⵜⵙⵜⵔⴰⵜⵉⵊⵉⵜ ⵜⴰⵎⴰⵢⵏⵓⵜ ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⵏ 2022/2026 ⵍⵍⵉ ⵔⴰⴷ ⵢⵉⵍⵉ ⴼ ⵓⵏⵣⵡⵉ ⴷ ⵜⴷⵉⵎⵓⵇⵔⴰⵟⵉⵜ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵏⴳⴰⴷⴷⴰⵢⵜ ⴷ ⵓⴼⵔⴰ ⴷ ⵜⵏⴼⵔⵓⵜ ⴷ ⵜⴳⵎⵉ ⵜⴰⵙⵓⵍⴰⵏⵜ.