ⴰⵙⵉⵔⴰ(2016-2021):
ⴰⵙⵉⵡⴹ ⵏ ⵜⵙⵎⵓⵏⵉ ⵏ ⵓⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵉⵏⴰⵙ 14 ⵢⵓⵍⵢⵓⵣ 2020
ⵉⵙⵏⵎⴰⵍⴰ ⵓⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵜⴰⵙⵎⵓⵏⵉ ⵏⵏⵙ ⵜⴰⵏⵎⵍⴰⵙⵙⵜ ⵙ ⵜⵏⵙⵙⵉⵅⴼⵜ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ, ⴰⵙⵙ ⵏ ⵓⵙⵉⵏⴰⵙ 14 ⵢⵓⵍⵢⵓⵣ 2020, ⵜⵥⵍⵉ ⵉ ⵜⵉⴹⴰⴼ ⴷ ⵓⵣⵣⵔⴰⴼ.
ⵖ ⵜⵉⴹⴰⴼ, ⵉⵙⵔⵙ ⵓⵙⵉⵔⴰ ⴰⵖⴰⵡⴰⵙ ⵏ ⵜⵡⵓⵔⵉ ⵏ ⵜⵖⵉⵎⵉⵜ ⵜⴰⵢⵢⵓⵔⴰⵏⵜ ⵉⵥⵍⵉⵏ ⵙ ⵉⵙⵇⵙⵉⵜⵏ ⵉⵎⵉⵡⴰⵏⵏ ⵉ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴼ ⵜⵙⵔⵜⵉⵜ ⵜⴰⵎⴰⵜⴰⵢⵜ ⴼ : "ⵜⴰⵙⵔⵜⵉⵜ ⵜⴰⵎⴰⵜⴰⵢⵜ ⵉⵜⵜⵓⴼⴽⴰⵏ ⵉ ⵉⵄⵔⵔⵉⵎⵏ ⵖ ⵎⴰ ⴷ ⵉⵣⴷⵉⵏ ⴷ ⵓⴱⴰⵢⵢⵓⵕ ⵏ ⴽⵓⵕⵓⵏⴰ", ⵔⴰⴷ ⵜⵉⵍⵉ ⴰⵙⵙ ⵏ ⵡⴰⵢⵏⴰⵙ 20 ⵢⵓⵍⵢⵓⵣ 2020.
ⵖ ⵓⵣⵣⵔⴰⴼ, ⵉⵥⵕⴰ ⵓⵙⵉⵔⴰ ⵉⴹⵕⵉⵚⵏ ⵉⵣⵣⵔⴰⴼⵏ ⵍⵍⵉ ⴷ ⵜⵙⵔⵙ ⵜⵏⴱⴰⴹⵜ ⴷ ⵡⵉⵍⵍⵉ ⴷ ⵢⵓⵣⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ, ⵉⵚⵕⴼ ⵜⵏ ⵉ ⵜⵙⵇⵇⵉⵎⵉⵏ ⵜⵉⵎⵥⵍⴰⵢ.
ⵉⵥⵕⴰ ⵓⵙⵉⵔⴰ ⵓⵍⴰ ⵜⴰⵍⴳⴰⵎⵜ ⵏ ⵉⵙⵏⴼⴰⵔⵏ ⴷ ⵜⵙⵓⵎⵔⵉⵏ ⵜⵜⵓⵖⵔⴰⵏⵉⵏ ⴷ ⵉⵖⴰⵡⴰⵙⵏ ⵏ ⵜⵙⵎⵓⵏⴰⵢ ⵏ ⵜⵙⵇⵇⵉⵎⵉⵏ ⵜⵉⵎⵖⵍⴰⵍⵉⵏ, ⴷ ⵓⵏⵇⵇⵉⵙ ⵏ ⵜⵙⵎⵉⴳⵍⵜ ⵏ ⵓⵙⴰⴳⴳⵯ ⵜⴰⵎⵙⵉⴽⵓⴷⵜ ⴼ ⵜⵙⵇⵓⵏⵙⵓⵜⵉⵏ ⵏ ⵜⴳⵍⴷⵉⵜ ⵖ ⴱⵕⵕⴰ, ⴷ ⵓⵏⵇⵇⵉⵙ ⵏ ⵓⵙⵇⵇⵉⵎ ⴰⴷⵎⵙⴰⵏ ⴷ ⵓⵏⴰⵎⵓⵏ ⴷ ⵓⵡⵏⴹⴰⵏ ⴼ : "ⴰⵣⵣⴰⵣ ⵏ ⵓⵙⵎⴰⵜⵜⵉ ⵏ ⵜⵥⴹⴰⵕⵜ ⵉ ⵓⵙⵔⵓⵙ ⵏ ⵍⵎⵖⵔⵉⴱ ⵖ ⵓⴱⵔⵉⴷ ⵏ ⵜⵣⵣⵉⴳⵣⵜ ⵜⴰⵣⴳⵣⴰⵡⵜ".
ⵖ ⵜⴳⵉⵔⴰ, ⵉⵥⵕⴰ ⵓⵙⵉⵔⴰ ⵜⴰⵙⵓⵎⵔⵜ ⵏ ⵓⵣⵎⵎⴻⵎ ⵏ ⵜⵎⵢⴰⵇⵇⴰⵏⵜ ⵏ ⵜⵎⴰⴷⵔⴰⵡⵜ ⴷ ⵓⵎⵢⴰⵡⴰⵙ ⴷ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵉ ⵜⵉⴹⴰⴼ ⵏ ⵓⵃⵟⵟⵓ ⵏ ⵜⵎⵓⵛⴰ ⵉⵍⴰⵏ ⴰⴼⵔⵉⵙ ⴰⵏⵉⵎⴰⵏ.