ⵜⵉⵡⵉⵙⵉ ⵏ ⵓⴽⴰⴱⴰⵕ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵖ ⵜⵙⵓⵜⵍⵜ ⵜⵉⵙ 14 ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵢⵉⵍⵍ ⵓⵎⵍⵉⵍ ⴰⵏⴰⵎⵎⴰⵙ
ⵢⵉⵡⵙ ⵢⴰⵏ ⵓⴽⴰⴱⴰⵕ ⵙⴳ ⵓⵙⵇⵇⵉⵎ ⵏ ⵉⵎⵓⵔⴰ ⵖ ⵜⵡⵓⵔⵉⵡⵉⵏ ⵏ ⵜⵙⵓⵜⵍⵜ ⵜⵉⵙ 14 ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵢⵉⵍⵍ ⵓⵎⵍⵉⵍ ⴰⵏⴰⵎⵎⴰⵙ ⵓⵙⵙⴰⵏ ⵏ 20 ⴷ 21 ⵖ ⴰⵜⵉⴰⵏ ⵖ ⵍⵢⵓⵏⴰⵏ.
ⵉⵙⵎⵓⵏ ⵓⴽⴰⴱⴰⵕ ⴰⴷ:
- ⴰⵎⴰⵔⵉ ⵎⴰⵙⵙ ⵄⴰⴱⴷⵍⵍⴰⵟⵉⴼ ⴱⵕⵕⵓⵃⵓ, ⵜⴰⵔⴰⴱⴱⵓⵜ ⵏ ⵜⵣⵔⴼⵜ ⴷ ⵜⴳⵎⵉ.
- ⴰⵎⴰⵔⵉ ⵎⴰⵙⵙ ⵎⵓⵃⴰⵎⵎⴰⴷ ⵍⵃⵊⵉⵕⴰ, ⵜⴰⵔⴰⴱⴱⵓⵜ ⵏ ⵜⵥⵖⵕⵜ ⴷ ⵜⵎⴰⵜⵔⴰⵔⵜ.
- ⴰⵎⴰⵔⵉ ⵎⴰⵙⵙ ⵛⵓⵇⵔⴰⵏ ⴰⵎⴰⵎ, ⵜⴰⵔⴰⴱⴱⵓⵜ ⵜⴰⵙⵔⵎⵓⵏⵜ.
ⵉⴳⴰ ⵖ ⵓⵖⴰⵡⴰⵙ ⵏ ⵜⵙⵓⵜⵍⵜ ⴰⴷ ⴰⵎⴹⴰⴽⴰⵕ ⴷ ⵓⵣⵣⵔⴰⵢ ⵏ ⵜⵏⴰⴹⵉⵏ ⴷ ⵉⵙⵏⴼⴰⵔⵏ ⵏ ⵜⵖⵜⴰⵙⵉⵏ ⴷ ⵉⴼⴼⵖⵏ ⵙⴳ ⵜⵙⵇⵇⵉⵎⵉⵏ ⵜⵉⵙⵓⵍⴰⵏⵉⵏ ⵏ ⵜⵎⵙⵎⵓⵏⵜ: ⵜⴰⵙⵇⵇⵉⵎⵜ ⵏ ⵓⵎⵢⴰⵡⴰⵙ ⴰⵙⵔⵜⴰⵏ ⴷ ⵓⵏⴼⵔⴰⵏ, ⵜⴰⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵜⵉⴷⵎⵙⴰⵏⵉⵏ ⴷ ⵜⵉⵏⴰⵎⵓⵏⵉⵏ ⴷ ⵓⵎⵢⴰⵡⴰⵙ ⴰⵡⵏⴹⴰⵏ, ⵜⴰⵙⵇⵇⵉⵎⵜ ⵏ ⵓⵎⵙⴰⵡⴰⵍ ⵏⴳⵔ ⵜⵖⵔⵎⵉⵡⵉⵏ ⴷ ⵉⵣⵔⴼⴰⵏ ⵏ ⵓⴼⴳⴰⵏ.
ⵉⵡⵉⵏ ⴷⴷ ⵜⵏⴰⴹⵉⵏ ⵏ ⵜⵙⵓⵜⵍⵜ ⴰⴷ ⴼ ⵉⵎⵔⵙⵉⵡⵏ ⴳⴰⵏⵉⵏ ⵉⵎⵣⵡⵓⵔⴰ ⵉ ⵉⵡⴰⵏⴽⵏ ⵏ ⵜⵙⴳⴰ ⵏ ⵓⵕⵓ-ⵜⴰⵏⴰⵎⵎⴰⵙⵜ ⵙⵍⴰⵡⴰⵏ ⴰⴽⴽⵯ: ⵜⵉⵣⵣⵉⴳⵣⵉⵏ ⵏ ⵜⵙⵔⵜⵉⵜ ⴷ ⵜⵏⴼⵔⵓⵜ ⵖ ⵜⵙⴳⴰ ⵏ ⵉⵥⵥⵍⵎⴹ ⵏ ⵉⴼⵔⵉⵇⵢⴰ ⴷ ⵓⵙⵏⵇⵔ ⴰⵏⴰⵎⵎⴰⵙ, ⵉⵙⴷⵉⴷⴷⵉⵢⵏ ⵉⵎⴰⵢⵏⵓⵜⵏ ⵏ ⵓⴱⵔⵙⵉⵡⴷ, ⴰⵎⵢⴰⵡⴰⵙ ⴰⴷⵎⵙⴰⵏ, ⴰⵙⵎⵀⵍ ⵏ ⵓⵙⵖⵏⵣⵉ, ⴰⵙⵏⴼⵍ ⵏ ⵓⵏⵣⵡⵉ, ⵜⴰⵣⵡⴰⴳⵜ, ⴰⵙⵙⴷⵓⵙ ⵏ ⵉⵣⵔⴼⴰⵏ ⵏ ⵓⴼⴳⴰⵏ.
ⵜⵥⵍⵉ ⵜⵙⵓⵜⵍⵜ ⴰⴷ ⵓⵍⴰ ⵙ ⵜⴼⵓⴳⵍⴰ ⵏ ⵓⵙⵏⴼⵍ ⵏ ⵜⵏⵙⵙⵉⵅⴼⵜ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵢⵉⵍⵍ ⵓⵎⵍⵉⵍ ⴰⵏⴰⵎⵎⴰⵙ, ⴷ ⵜⵉⴽⴽⵉ ⵏ ⵜⵙⵎⵖⵓⵔⵜ ⵏ ⵜⵎⵙⵎⵓⵏⵜ ⵏ ⵓⵙⴳⴳⵯⴰⵙ 2020 ⵉ ⵉⵏⵎⵖⵉⵔⵏ ⵉⵎⵥⵍⴰⵢⵏ ⵖ ⵜⵙⴳⴰ ⵏ ⵢⵉⵍⵍ ⴰⵏⴰⵎⵎⴰⵙ.