ⴰⵙⵉⵡⴹ ⴼ ⵜⵙⵎⵓⵏⵉ ⵏ ⵜⵙⵇⵇⵉⵎⵜ ⵏ ⵓⵙⵙⵍⵎⴷ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ, ⴰⴽⵕⴰⵙ 13 ⵎⴰⵢⵢⵓ 2020

ⵜⵙⵏⵎⴰⵍⴰ ⵜⵙⵇⵇⵉⵎⵜ ⵏ ⵓⵙⵙⵍⵎⴷ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ ⴰⵙⵙ ⵏ ⵓⴽⵕⴰⵙ 13 ⵎⴰⵢⵢⵓ ⵜⴰⵙⵎⵓⵏⵉ ⵍⵍⵉ ⵉⵙⵙⵉⵅ ⵓⵏⵙⵙⵉⵅⴼ ⵏ ⵜⵙⵇⵇⵉⵎⵜ ⴰⵎⴰⵔⵉ ⵎⴰⵙⵙ ⵎⵓⵃⴰⵎⵎⴰⴷ ⵎⴰⵍⴰⵍ, ⵙ ⵜⵉⵍⵉⵜ ⵏ ⵎⴰⵙⵙ ⵙⴰⵄⵉⴷ ⴰⵎⵣⴰⵣⵉ ⴰⵎⵡⴰⵙⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵉⵍⵖ ⴰⵣⵣⵓⵍⴰⵏ ⴷ ⵓⵙⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ ⴰⵎⵙⵙⵉⵡⵍ ⵓⵏⵚⵉⴱ ⵙ ⵢⵉⵙⵎ ⵏ ⵜⵏⴱⴰⴹⵜ, ⴷ ⵎⵏⵏⴰⵡ ⴳ ⵉⴷ ⵎⴰⵙⵙ ⴷ ⵉⵙⵜ ⵎⴰⵙⵙⴰ ⵉⴳⵎⴰⵎⵏ ⵏ ⵜⵙⵇⵇⵉⵎⵜ ⵓⵍⴰ ⵡⵉ ⴷ ⵓⵔ ⴳⴰⵏⵉⵏ ⵉⴳⵎⴰⵎⵏ ⵙ ⵜⵉⵍⵉⵜ ⵏⵏⵙⵏ ⵖ ⵜⴷⴰⵍⴰ ⵏ ⵜⵙⵎⵓⵏⵉ, ⵖⵎⴽ ⴰⵏⵏ ⵓⵍⴰ ⵙ ⵜⵖⴰⵔⴰⵙⵜ ⵏ ⵓⴼⵉⵣⵢⵓⴽⵓⵏⴼⵉⵕⵓⵏⵚ.

ⵜⵥⵍⵉ ⵜⵙⵎⵓⵏⵉ ⴰⴷ ⵉⴽⴽⴰⵏ ⵓⴳⴳⴰⵔ ⵏ ⴽⵕⴰⴹⵜ ⵜⵙⵔⴰⴳⵉⵏ ⵉ ⵜⵖⵔⵉ ⵏ ⵜⵓⵜⵔⵉⵡⵉⵏ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵜⵉⴱⵕⵍⴰⵎⴰⵏⵉⵢⵉⵏ:

1- ⵜⵉⵎⵙⴽⴰⵔ ⵜⵉⵎⵣⵡⵓⵔⴰ ⴷ ⵉⵙⵡⵓⴷⴷⵓⵜⵏ ⵏ ⵡⴰⵔⴰⵢ ⵖ ⵜⵣⵣⵉⴳⵣⵜ ⵏ ⵓⴱⴰⵢⵢⵓⵕ ⵏ ⴽⵓⵕⵓⵏⴰ  ⵖ ⵜⵏⵎⴰⵍ ⴷ ⵜⵙⴷⴰⵡⵉⵢⵉⵏ,

2- ⵉⵙⵡⵓⴷⴷⵓⵜⵏ ⵉⵍⵍⴰⵏ ⵉ ⵓⵙⴽⵔ ⵏ ⵉⵔⵉⵎⵏ ⵉⵎⵙⵍⴽⵉⵏⵏ ⵖ ⵜⵎⵔⵙⴰⵍ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⴷ ⵉⵎⴰⵍ ⵏ ⵓⵙⴳⴳⵯⴰⵙ ⵏ ⵜⵖⵔⵉ; (ⵜⴰⵔⴰⴱⴱⵓⵜ ⵜⴰⵙⵉⵎⴰⵏⵜ ⵏ ⵜⵎⵓⵏⵉ ⴷ ⵢⵉⵙⴽⵉⵍ).

3- ⵉⵙⵡⵓⴷⴷⵓⵜⵏ ⴷ ⵜⵎⵙⴽⴰⵔ ⵏ ⵜⵎⴰⵡⴰⵙⴰⵜ ⵉ ⵓⵙⴱⴷⴷⵉ ⵏ ⵓⴱⴰⵢⵢⵓⵕ ⵏ ⵓⴼⵉⵔⵓⵙ ⵏ ⴽⵓⵕⵓⵏⴰ ⵖ ⵓⵙⴰⵢⵔⴰⵔ ⵏ ⵜⵏⵎⴰⵍ ⴷ ⵜⵙⴷⴰⵡⵉⵢⵉⵏ; (  ⵜⴰⵔⴰⴱⴱⵓⵜ ⵏ ⵜⵣⵔⴼⵜ ⴷ ⵜⴳⵎⵉ).

4- ⴰⵙⵓⵔⵙ ⵏ ⵓⵙⵙⵍⵎⴷ ⵖ ⵡⴰⴷⴷⴰⴷ ⵏ ⵉⵖⴰⵡⴰⵍⵏ ⵉⴷⴰⵡⵙⴰⵏⵏ ⴷ ⵓⵣⵣⵔⴰⵢ ⴰⵎⵣⵡⴰⵔⵓ ⵏ ⴽⵓ ⵉⵙⵡⵓⴷⴷⵓⵜⵏ ⵉⵍⵍⴰⵏ ⴷ ⵜⵎⵙⴽⴰⵔ ⵍⵍⵉ ⵔⴰⴷ ⵢⵉⵍⵉ; (ⵜⴰⵔⴰⴱⴱⵓⵜ ⵜⴰⵙⵔⵎⵓⵏⵜ).

5- ⴰⵣⵣⵔⴰⵢ ⵏ ⵜⵉⵔⵎⵉⵜ ⵏ ⵜⵏⴽⴷⴰ ⵏ ⵜⵎⵙⵉⵔⵉⵏ ⵙ ⵜⵉⴳⴳⵓⴳⵜ ⴷ ⵉⵙⵡⵓⴷⴷⵓⵜⵏ ⵍⵍⵉ ⵜⵙⴽⵔ ⵜⵎⴰⵡⴰⵙⵜ ⵖ ⵉⵔⵉⵎⵏ ⵙⵍⴰⵡⴰⵏ  ⴰⴽⴽⵯ ⵉⵎⵙⵍⴽⵉⵏⵏ,

6- ⴰⵎⵏⵉⴷ ⵏ ⵜⵏⴱⴰⴹⵜ ⵉ ⵡⴰⵍⴰⵢ ⵏ ⵉⵎⵉⴽ ⵙ ⵉⵎⵉⴽ ⵏ ⵓⵥⵍⴰⵢ ⴰⴷⵓⵙⴰⵏ ⵖ ⵓⵏⴳⵔⴰⵡ ⴰⵙⴳⵎⴰⵏ; (ⵜⴰⵔⴰⴱⴱⵓⵜ ⵏ ⵜⵥⵖⵓⵕⵜ ⴷ ⵜⵎⴰⵜⵔⴰⵔⵜ).

7- ⵜⴰⵢⵢⴰⴼⵓⵜ ⵏ ⵓⵙⵙⵍⵎⴷ ⴷ ⵓⵙⵎⵓⵜⵜⴳ ⵙ ⵜⵉⴳⴳⵓⴳⵜ, ⴷ ⵉⵎⵏⵉⴷⵏ ⵏ ⵓⵙⴳⴳⵯⴰⵙ ⵏ ⵜⵖⵔⵉ ⵖ ⵜⵎⵙⴽⴰⵔ ⵏ ⵡⴰⴷⴷⴰⴷ ⵏ ⵉⵖⴰⵡⴰⵍⵏ ⵉⴷⴰⵡⵙⴰⵏⵏ; (ⵜⴰⵔⴰⴱⴱⵓⵜ ⵜⴰⵃⴰⵔⴰⴽⵉⵜ).

8- ⴰⵖⴰⵡⴰⵙ ⵏ ⵜⵎⴰⵡⵙⴰⵙⵜ ⵖ ⵉⵔⵉⵎⵏ ⵏ ⵜⴳⵉⵔⴰ ⵏ  ⵓⵙⴳⴳⵯⴰⵙ ⵏ ⵜⵖⵔⵉ ⵖ ⵜⵎⵙⴽⴰⵔ ⵏ ⵡⴰⴷⴷⴰⴷ ⵏ ⵉⵖⴰⵡⴰⵍⵏ ⵉⴷⴰⵡⵙⴰⵏⵏ; ( ⵜⴰⵔⴰⴱⴱⵓⵜ ⵏ ⵓⴳⵔⴰⵡ ⴰⴷⵙⵜⴰⵔ).

9- ⴰⵙⵡⵓⴷⴷⵓ ⵏ ⵓⵏⴳⵔⴰⵡ ⵏ ⵓⵙⵙⵍⵎⴷ ⴷⴼⴼⵉⵔ ⵏ ⵓⵙⵎⴰⴷ ⵏ ⵡⴰⴷⴷⴰⴷ ⵏ ⵉⵖⴰⵡⴰⵍⵏ ⵉⴷⴰⵡⵙⴰⵏⵏ, ⴷ ⵓⵙⵏⵜⵉ  ⴰⵎⴰⵢⵏⵓ ⵏ ⵜⵖⵔⵉ ⵖ  ⵓⵙⴳⴳⵯⴰⵙ ⴰⵏⵎⵍⴰⵏ 2019-2020.