ⴰⵏⵎⵓⵇⵇⴰⵔ ⵏ ⵜⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵏ ⵜⵓⵍⴽⵉⵎⵉⵏ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵉⴳⵯⵏⵙⴰⵙⵏ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ, ⴰⴽⵕⴰⵙ 12 ⵢⵓⵍⵢⵓⵣ 2023
ⵜⵙⴽⵔ ⵜⵙⵇⵇⵉⵎⵜ ⵏ ⵜⵓⵍⴽⵉⵎⵉⵏ ⴰⵏⵎⵓⵇⵇⴰⵔ ⵏ ⵓⵎⵢⴰⵡⴰⴹ, ⴰⴽⵕⴰⵙ 12 ⵢⵓⵍⵢⵓⵣ 2023, ⵙ ⵜⵏⵙⵙⵉⵅⴼⵜ ⵏ ⵎⴰⵙⵙⴰ ⵅⴰⴷⵉⵊⴰ ⵣⵣⵓⵎⵉ ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵏ ⵜⵓⵍⴽⵉⵎⵉⵏ, ⴷ ⵉⴳⵯⵏⵙⴰⵙⵏ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ. ⵉⵍⵍⴰ ⵓⵏⵎⵓⵇⵇⴰⵔ ⴰⴽⴷ ⵎⴰⵙⵙⴰ Louise Barton ⵜⴰⵏⵎⵀⴰⵍⵜ ⵏ ⵜⵙⵇⵇⵉⵎⵉⵏ ⴳ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ, ⴷ ⵎⴰⵙⵙ Alessandro Mancini ⴰⴳⵯⵏⵙⴰⵙ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ, ⴷ ⵎⴰⵙⵙⴰ Grazia Alessandra Siino ⵜⴰⵏⵙⵙⵉⵅⴼⵜ ⵏ ⵓⵙⵏⴼⴰⵔ ⵏ ⵓⵙⵏⴰⵍ ⵏ ⵜⵣⵣⵉⴳⵣⵜ ⵏ ⵜⵉⵍⴰⵍⵜ ⵏ ⵓⴱⵕⵍⴰⵎⴰⵏ ⴳ ⵍⵎⵖⵔⵉⴱ ⴳ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵔⵓⴱⴱⴰ.
ⵉⵍⵍⴰ ⵓⵏⵎⵓⵇⵇⴰⵔ ⴰⴷ ⴳ ⵓⵙⴰⵜⵉ ⵏ ⵓⵙⵓⵊⴷ ⵏ ⵜⵙⵇⵇⵉⵎⵜ ⵏ ⵜⵓⵍⴽⵉⵎⵉⵏ ⵏ ⵓⵖⴰⵡⴰⵙ ⵏⵏⵙ ⵏ ⵜⵡⵓⵔⵉ ⵉ ⵓⵙⴳⴳⵯⴰⵙ ⴷ ⵢⵓⵛⴽⴰⵏ, ⴳ ⵓⵙⴰⵜⵉ ⵏ ⵓⵙⴽⵔ ⵏ ⵓⵙⵏⴼⴰⵔ ⵏ ⵓⵙⵏⴰⵍ ⴷ ⵜⵣⵣⵉⴳⵣⵜ ⵏ ⵜⵉⵍⴰⵍⵜ ⵏ ⵓⴱⵕⵍⴰⵎⴰⵏ ⴳ ⵓⵙⴷⵓⵙ ⵏ ⵜⴷⵉⵎⵓⵇⵔⴰⵟⵉⵜ ⴳ ⵍⵎⵖⵔⵉⴱ (2020-2023) ⵍⵍⵉ ⵜⵙⵙⵥⵕⴼ ⵜⴰⵎⵓⵏⵜ ⵏ ⵓⵕⵓⴱⴱⴰ ⴷ ⵓⵣⵣⴳⵉⵔ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ ⵙ ⵜⴷⵔⴰⵡⵜ ⴰⴽⴷ ⵜⴰⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ.
ⴳ ⵜⵙⵎⵓⵏⵉ ⴰⴷ, ⵉⵍⵍⴰ ⵓⵎⴹⴰⴽⴰⵕ ⵏ ⵜⵎⵙⴰⵔⵉⵏ ⵥⵍⵉⵏⵉⵏ ⴷ ⵜⵙⵇⵇⵉⵎⵜ ⵏ ⵜⵓⵍⴽⵉⵎⵉⵏ ⴷ ⵉⴱⵔⵉⴷⵏ ⵏ ⵓⵙⵎⵀⵍ ⵏ ⵉⵎⴰⵙⵙⵏ ⵏ ⵜⴷⵉⵎⵓⵇⵔⴰⵟⵉⵜ ⵜⴰⵎⴰⴷⵔⴰⵡⵜ ⴷ ⵓⵙⵙⵔⵇⴱ ⵏ ⵉⵏⵎⵓⵔⴰⵏ ⵉ ⵓⵙⵎⵏⵉⴷ ⵏ ⵜⵙⵏⵜⴰⵢⵉⵏ ⴳ ⵢⵉⴳⵔ ⵏ ⵜⵓⵍⴽⵉⵎⵉⵏ ⴷ ⵜⵓⵜⵔⴰⵡⵉⵏ ⵏ ⵓⵣⵣⵔⴰⴼ.