ⵜⴰⵙⵎⵓⵏⵉ ⵏ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵜⵉⴱⵕⵍⴰⵎⴰⵏⵉⵢⵉⵏ, ⴰⵙⵉⵏⴰⵙ 12 ⵎⴰⵢⵢⵓ 2020

ⵉⵙⵏⵎⴰⵍⴰ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵜⴰⵙⵎⵓⵏⵉ  ⴷ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵜⵉⴱⵕⵍⴰⵎⴰⵏⵉⵢⵉⵏ, ⴰⵙⵙ ⵏ ⵓⵙⵉⵏⴰⵙ 12 ⵎⴰⵢⵢⵓ 2020, ⵜⵥⵍⵉ ⵉ ⵓⵎⴷⵉⵡⴰⵍ ⴼ ⵜⵡⵓⵔⵉⵡⵉⵏ ⵏ ⵓⵙⵇⵇⵉⵎ ⵖ ⵉⵎⵏⵉⴷⵏ ⵏ ⵜⵉⴹⴰⴼ ⴷ ⵓⵣⵣⵔⴰⴼ ⴷ ⵓⵙⵏⵎⴰⵍⴰ ⵏ ⵜⵖⵉⵎⵉⵜⵉⵏ ⵏⵏⵙ.

ⵖ ⵓⵎⵏⵉⴷ ⵏ ⵜⵉⴹⴰⴼ: ⵜⵎⴷⴰⵡⴰⵍ ⵜⵙⵎⵓⵏⵉ  ⵖ ⵓⵙⵏⵎⴰⵍⴰ ⵏ ⵓⵖⴰⵡⴰⵙ ⵏ ⵜⵡⵓⵔⵉ ⵏ ⵡⴰⵙⵙ ⵏ ⵡⴰⵢⵏⴰⵙ 18 ⵎⴰⵢⵢⵓ, ⵙ ⵜⵖⴰⵔⴰⵙⵜ ⵍⵍⵉ ⵔⴰⴷ ⴷ ⵢⴰⵡⵉ ⵜⵉⵕⵡⵉ ⴷ ⵓⵙⵎⴰⴷ ⴷ ⵓⵙⵡⵓⴷⴷⵓ ⵉⵥⵉⵍⵏ ⵏ ⵡⴰⴽⵓⴷ ⵖ ⵜⵣⴷⴰⵢⵉⵏ ⵏⴳⵔ ⵉⵙⵇⵇⵉⵎⵏ ⵏ ⵓⴱⵕⵍⴰⵎⴰⵏ. ⵉⵍⵍⴰ ⵓⵎⴷⵉⵡⴰⵍ ⵓⵍⴰ ⴼ ⵓⵙⵏⵎⴰⵍⴰ ⵏ ⵙⵏⴰⵜ ⵜⵖⵉⵎⵉⵜⵉⵏ ⵜⵓⵙⵎⵉⴷⵉⵏ ⴰⵙⵙ ⵏ ⵡⴰⵢⵏⴰⵙ 18 ⵎⴰⵢⵢⵓ, ⵔⴰⴷ ⵜⵥⵍⵉ ⵜⵎⵣⵡⴰⵔⵓⵜ ⵉ ⵉⵙⵇⵙⵉⵜⵏ ⵏ ⵉⵎⴰⵍⴰⵙⵙ ⵍⵍⵉ ⵔⴰⴷ ⵢⵉⵍⵉ ⵖ ⵜⵙⵔⴰⴳⵜ ⵜⵉⵙ ⵢⴰⵜ ⴷ ⵎⵔⴰⵡⵜ ⴷ ⵓⵣⴳⵏ ⵏ ⵜⵉⴼⴰⵡⵉⵏ ⴼ ⵢⵉⴳⵔ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵉⵍⵖ ⴰⵣⵣⵓⵍⴰⵏ ⴷ ⵓⵙⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ, ⵔⴰⴷ ⵜⵉⵍⵉ ⵙ ⵉⵙⵇⵙⵉⵜⵏ ⵉⴹⴼⵕ ⵓⵎⴹⴰⴽⴰⵕ.

ⵜⵉⵖⵉⵎⵉⵜ ⵜⵉⵙ ⵙⵏⴰⵜ ⵔⴰⴷ ⵜⵉⵍⵉ ⵖ ⵓⵙⴰⵜⵉ ⵏ ⵓⵎⵏⵏⵉ 68 ⵏ ⵓⴷⵓⵙⵜⵓⵔ ⵙ ⵜⵓⵜⵔⴰ ⵏ ⵜⵏⴱⴰⴹⵜ, ⵔⴰⴷ ⵜⴳ ⵜⴰⵙⵎⵓⵏⵉ ⵉⵛⵛⴰⵔⵏ ⵏ ⵉⵙⵇⵇⵉⵎⵏ ⵏ ⵓⴱⵕⵍⴰⵎⴰⵏ, ⵔⴰⴷ ⴳⵉⵙ ⵉⵙⵎⵏⵉⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵙⵉⵙⴼⵉⵡⵏ ⴼ ⵜⵣⵣⵉⴳⵣⵜ ⵏ ⵓⵙⵡⵓⴷⴷⵓ ⵏ ⵓⵥⵍⴰⵢ ⴰⴷⵓⵙⴰⵏ ⴷⴼⴼⵉⵔ ⵏ 20 ⵎⴰⵢⵢⵓ.

ⵖ ⵓⵎⵏⵉⴷ ⵏ ⵓⵣⵣⵔⴰⴼ: ⵙⴳⴰⴷⴷⴰⵏ ⵉⵎⴷⵔⴰⵡⵏ ⵖ ⵜⵙⵎⵓⵏⵉ ⵜⵉⵖⵉⵎⵉⵜ ⵉⵥⵍⵉⵏ ⵏ ⵓⴽⵕⴰⵙ 13 ⵎⴰⵢⵢⵓ ⵉ ⵜⵖⵔⵉ ⴷ ⵓⵙⵜⴰⵢ ⵏ ⵓⵙⵏⴼⴰⵔ ⵏ ⵓⵙⵍⴳⵏ ⵏ ⵓⵙⵔⵙ ⵏ ⵉⴱⴹⵉⵢⵏ ⵥⵍⵉⵏⵉⵏ ⵣⴷⵉⵏⵉⵏ ⵙ ⵜⵎⵖⵓⵏⵉⵏ ⵏ ⵉⵎⵓⴷⴷⵓⵜⵏ ⴷ ⵜⵣⴷⵓⵖⵉⵏ ⵏ ⵜⵎⴰⵍⵍⴰⵢⵜ ⴷ ⵜⵎⵖⵓⵏⵉⵏ ⵏ ⵡⴰⵙⵙⴰⵢ ⵏ ⵉⴳⵏⵏⴰ ⵏ ⵉⵏⵎⵓⴷⴷⴰ.

ⴱⴷⴷⵏ ⴽⵓ ⵉⴼⵔⴷⴰⵙ ⵏ ⵓⵙⵇⵇⵉⵎ ⵖ ⵜⵙⵎⵓⵏⵉ ⴰⴷ ⴼ ⵡⴰⵢⴷⴰ ⴰⵣⵣⵔⴰⴼ ⵍⵍⵉ ⵙⵙⵎⵎⵏⵉⴷⵏⵜ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵜⵉⴱⵕⵍⴰⵎⴰⵏⵉⵢⵉⵏ ⵖ ⴳⴰⵏⵜ ⵜⵙⵓⵎⴰⵔ ⵏ ⵉⵙⵍⴳⵏⵏ ⵉⵜⵜⴰⵡⵉⵏ ⵙ ⴰⵢⵍⵍⵉ ⵙ ⵜⵙⵖⴰⵡⵙⴰ ⵜⵡⵓⵔⵉ ⵏ ⵓⵣⵣⵔⴰⴼ ⵖ ⵉⴳⵔⴰⵏ ⵉⵏⴰⵎⵓⵏⵏ ⴷ ⵉⴷⵎⵙⴰⵏⵏ ⴷ ⵡⵉⵏ ⵓⵙⵡⵓⴷⴷⵓ ⴷ ⵜⵎⵙⴽⴰⵔ, ⵉⵍⵍⴰⵏ ⴼ ⵉⵙⵍⴳⵏⵏ ⵏ ⵜⵎⵖⵓⵏⵉⵏ ⴷ ⵉⵙⵖⵡⴰⵏ ⴷ ⵓⵃⵟⵟⵓ ⵏ ⵓⵎⵙⵎⵓⵔ ⴷ ⵡⴰⵔⵔⴰⵣ ⴼ ⵉⵏⴳⴰⵙⵏ ⵏ ⵜⵡⵓⵔⵉ ⴷ ⵡⴰⴷⴷⴰⴷ ⵏ ⵉⵖⴰⵡⴰⵍⵏ ⵉⴷⴰⵡⵙⴰⵏⵏ ⴷ ⵜⴳⵔⵉⵡⵜ ⵏ ⵉⵙⴰⴼⴰⵔⵏ ⴷ ⵓⵙⵍⴳⵏ ⴰⵙⴰⵜⵉ ⵉⵣⴷⵉⵏ ⴷ ⵓⵏⴳⵔⴰⵡ ⵏ ⵜⴷⵓⵙⵉ, ⵖⵎⴽ ⵍⵍⵉ ⵜⵀⵎⵎⴰ ⵜⵓⴳⵜ ⴳⵉⵙⵏⵜ ⵜⴰⵏⴰⵎⵉⵜ ⵏ ⵓⵙⴽⵔ ⵏ ⵉⵙⵇⵇⵉⵎⵏ ⵏ ⵓⵎⴷⵉⵡⴰⵍ ⵏ ⵜⴳⵔⴰⵡⵉⵏ  ⵜⵉⵏⴰⴽⴰⵍⵉⵏ ⴷ ⵉⵙⵇⵇⵉⵎⵏ ⵉⵎⵙⵙⵓⴳⵓⵔⵏ ⵏ ⵜⵎⵙⵙⵓⵔⵉⵏ ⵎⵓ ⵜⵎⵓⵜⵜⴰ ⵜⵎⴰⵙⴰⵢⵜ ⴷ ⵓⵣⵎⵣ ⵏ ⵓⵥⵍⴰⵢ ⴰⴷⵓⵙⴰⵏ.

ⵖ ⵓⵎⵏⵉⴷ ⵏ ⵓⵙⵏⵎⴰⵍⴰ ⵏ ⵜⵎⴰⵎⴽⵉⵏ ⵏ ⵓⵙⴽⵔ ⵏ ⵜⵖⵉⵎⵉⵜⵉⵏ ⵏ ⵜⵉⴹⴰⴼ ⴷ ⵓⵣⵣⵔⴰⴼ: ⵉⵙⴰⵡⵍ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⴷ ⴽⵓ ⵉⴼⵔⴷⴰⵙ ⵏ ⵓⵙⵇⵇⵉⵎ ⴼ ⵓⵙⵓⵜⴳ ⵏⵏⵙⵏ ⴷ ⵓⵏⵔⴰⵎⴰⵙ ⵏⵏⵙⵏ ⵏ ⵜⵉⵔⴰⵜ ⵏ ⴽⵓ ⵉⴳⵎⴰⵎⵏ ⵖ ⵜⴷⵔⴰⵡⵜ ⵖ ⵜⵡⵓⵔⵉⵡⵉⵏ ⵏ ⵓⵙⵇⵇⵉⵎ, ⵙⴷⴷⵉⴷⵏ ⵙ ⵓⵣⵎⵣⵣⵓ ⵎⴰⵙ ⵡⴰⵜⵜⵙⵏⵜ ⵜⵎⵙⴽⴰⵔ ⵏ ⵡⴰⵔⴰⵢ ⵍⵍⵉ ⵉⵙⴽⵔ ⵓⵙⵇⵇⵉⵎ ⴰⵃⵟⵟⵓ ⵏ ⵜⴼⴰⵜⵉⵜ ⵏⵏⵙⵏ, ⴳⴰⵏⵜ ⵜⵉⵎⵙⴽⴰⵔ ⵜⵉⵎⵙⵓⵜⵍⴰⵏⵉⵏ ⵉⵣⴷⵉⵏ ⴷ ⵓⵣⵎⵣ ⴰⴷ, ⵎⵛⴰⵛⴽⵏ ⴷ ⵉⵎⴷⵔⴰⵡⵏ ⴰⴷ ⵢⵉⵍⵉ ⵓⵙⵡⵉⵏⴳⵎ ⵖ ⵜⵎⴰⵎⴽⵉⵏ ⴷ ⵢⵓⵙⴰⵏ ⵉ ⵎⴰⵢⴰ ⵏⵏ.

ⵖ ⵓⵎⵏⵉⴷ ⵏ ⵉⵎⵔⵙⵉ ⵏ ⵜⵖⵉⵎⵉⵜⵉⵏ ⵏ ⵓⵣⵣⵔⴰⴼ: ⵉⵙⴰⵡⵍ ⵓⵏⵙⵙⵉⵅⴼ ⴷ ⵜⵏⵙⵙⵉⵅⴼⵜ ⴷ ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⵎⴰⵙ ⴱⴷⴷⵏ ⴼ ⵜⵙⵏⵙⵉ ⵉⴷⵓⵙⵏ ⵏ ⵓⴷⵓⵙⵜⵓⵔ ⴷ ⵓⵏⴳⵔⴰⵡ ⴰⴳⵯⵏⵙⴰⵏ ⵏ ⵓⵙⵇⵇⵉⵎ.