ⵜⵉⵙⵎⵓⵏⴰⵢ ⵏ ⵜⵙⵇⵇⵉⵎⵜ ⵜⴰⴱⵕⵍⴰⵎⴰⵏⵉⵜ ⵉⵛⵛⴰⵔⵏ ⵍⵎⵖⵔⵉⴱ ⵜⴰⵎⵓⵏⵜ ⵏ ⵓⵕⵓⴱⴱⴰ ⴳ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ, ⵙⵜⵔⴰⵙⴱⵓⵔⴳ ⵙⴳ 12 ⴰⵔ 14 ⵛⵓⵜⴰⵏⴱⵉⵔ 2022
ⴳ ⵓⵎⵏⴰⴹ ⵏ ⵓⵎⵛⴰⵡⴰⵕ ⴰⴽⴷ ⵜⴰⵙⴳⴰ ⵏ ⵓⵕⵓⴱⴱⴰ, ⵜⵙⵏⵎⴰⵍⴰ ⵜⵙⵇⵇⵉⵎⵜ ⵜⴰⴱⵕⵍⴰⵎⵏⵉⵜ ⵉⵛⵛⴰⵔⵏ ⵍⵎⵖⵔⵉⴱ-ⵜⴰⵎⵓⵏⵜ ⵏ ⵓⵕⵓⴱⴱⴰ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵍⵃⵙⵏ ⵃⴰⴷⴷⴰⴷ ⵜⵉⵙⵎⵓⵏⴰⵢ ⴳ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ ⴳ ⵙⵜⵔⴰⵙⴱⵓⵔⴳ ⵙⴳ 12 ⴰⵔ 14 ⵛⵓⵜⴰⵏⴱⵉⵔ 2022.
ⵉⵎⴰⵇⵇⴰⵔ ⵓⴽⴰⴱⴰⵕ ⴰⴱⵕⵍⴰⵎⵏⵉ ⴰⵎⵖⵔⵉⴱⵉ ⵙⴳ ⵜⴰⵙⵇⵇⵉⵎⵜ ⴰⴷ ⵜⴰⴱⵕⵍⴰⵎⴰⵏⵉⵜ ⵉⵛⵛⴰⵔⵏ ⴷ 21 ⵏ ⵓⵎⴰⵔⵉ ⵏ ⵓⵕⵓⴱⴱⴰ ⴳ ⵙⵜⵔⴰⵙⵜⴱⵓⵔⴳ ⵙⴳ ⵎⵏⵏⴰⵡⵜ ⵜⵔⵓⴱⴱⴰ ⵜⵉⵙⵔⵜⴰⵏⵉⵏ ⵉ ⵓⵎⴹⴰⴽⴰⵔ ⵏ ⵓⵏⵇⵇⵉⵙ ⴼ ⵓⵙⵖⵍⴼ ⵏ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ ⵉ ⵜⴳⵏⵙⴰⵙⵜ ⴷ ⵓⵎⴰⵔⵉ ⵏⵏⵙ ⵉ ⵓⴳⵏⵙⴰⵙ ⴰⵎⴰⵜⵜⵓⵢ ⵏ ⵜⴰⵎⵓⵏⵜ ⵉ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵜⵙⵔⵜⵉⵜ ⵜⴰⵏⴼⵔⵓⵜ ⵅⴼ ⵜⵎⴷⵔⴰⵡⵜ ⵜⴰⵎⴰⵢⵏⵓⵜ ⴷ ⵉⵡⴰⵏⴽⵏ ⴰⴹⵊⴰⵕⵏ ⵏ ⵉⴼⴼⵓⵙ, ⴰⵖⴰⵡⴰⵙ ⴰⵎⴰⵢⵏⵓ ⵏ ⵢⵉⵍ ⵓⵎⵍⵉⵍ ⴰⵏⴰⵎⵎⴰⵙ ⵉⵜⵜⵓⵙⵜⴰⵢⵏ ⴳ ⵜⵖⵉⵎⵉⵜ ⵜⴰⵎⴰⵜⴰⵢⵜ ⵏ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ ⴳ ⵙⵜⵔⴰⵙⴱⵓⵔⴳ ⴰⵙⵙ ⵏ 14 ⵛⵓⵜⴰⵏⴱⵉⵔ 2022.
ⵉⵍⵍⴰ ⵓⵙⵓⵊⴷ ⴰⵎⵣⵡⴰⵔⵓ ⵏ ⵓⵏⵇⵇⵉⵙ ⴰⴷ ⴰⴷⵙⵍⴰⵏ ⵍⵍⵉ ⵢⵓⵎⴰⵏ ⵜⴰⵙⵓⵎⵔⵜ ⵏ ⵓⵙⵏⴼⴰⵔ ⵏ ⵉⵙⵏⴼⵍⵏ ⵉⵎⴰⵢⵏⵓⵜⵏ ⴳⴰⵏⵉⵏ ⵎⴳⴰⵍ ⵏ ⵍⵎⵖⵔⵉⴱ ⵎⵇⵇⴰⵔ ⵢⴰⴷ ⵉⵍⵍⴰ ⵓⵎⴹⴰⴽⴰⵕ ⵏ ⵓⵏⵇⵇⵉⵙ ⴰⴷ ⴳ ⵜⵙⵇⵇⵉⵎⵜ ⵏ ⴱⵕⵕⴰ ⴳ ⵢⵓⵍⵢⵓⵣ ⵉⵣⵔⵉⵏ, ⵍⵍⵉⵖ ⵜⵍⵍⴰ ⵜⵙⵓⵎⵔⵜ ⵏ ⵓⵙⵏⴼⵍ ⴷ ⵓⵙⵏⴼⴰⵔ ⵏ ⵓⵙⵖⵍⴼ ⴳⴰⵏⵉⵏ ⵎⴳⴰⵍ ⵏ ⵍⵎⵖⵔⵉⴱ ⵙⴳ ⴽⵔⴰ ⵏ ⵉⴱⵕⵍⴰⵎⴰⵏⵉⵢⵏ ⵏ ⵓⵕⵓⴱⴱⴰ ⵙⴳ ⵜⵔⴰⴱⴱⵓⵜ ⵏ ⵉⵣⴳⵣⴰⵡⵏ ⴷ ⵓⵥⵍⵎⴰⴹ ⵏ ⵓⵕⵓⴱⴱⴰ ⵉⵎⵓⵏⵏ, ⵜⵉⵍⵉⵜ ⵜⴰⴳⵯⵉⵜ ⵏⵏⵙ ⵙⴳ ⵜⵔⴰⴱⴱⵓⵜ ⵏ ⴱⵕⵕⴰ ⴳ ⵜⵉⵣⵉ ⴰⵏⵏ.
ⵙ ⵜⵙⵜⵔⴰⵜⵉⵊⵉⵜ ⴰⴷ ⵙⴽⵔⵏ ⵡⴰⵄⴷⵉⵡⵏ ⵏ ⵍⵎⵖⵔⵉⴱ ⴷ ⵜⵉⵔⵎⵉⵜ ⵏⵏⵙⵏ ⵉ ⵓⵊⵍⵓ ⵏ ⵓⴳⴷⵓⴷ ⵏ ⵓⵕⵓⴱⴱⴰ ⵍⵍⵉ ⵉⴱⴷⴷⵏ ⴳ ⵜⵙⵇⵇⵉⵎⵜ ⵏ ⴱⵕⵕⴰ ⴳ ⵡⴰⵢⵢⵓⵔ ⵏ ⵢⵓⵍⵢⵓⵣ, ⵙ ⵜⵓⴳⴳⴰⵙ ⵏ ⵜⵔⵓⴱⴱⴰ ⵜⵉⴱⵕⵍⴰⵎⴰⵏⵉⵢⵉⵏ ⵏ ⵓⵕⵓⴱⴱⴰ ⵙ ⵓⵣⴷⴰⵢ ⴷ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⴰⵎⵖⵔⵉⴱⵉ ⵙⴳ ⵜⴰⵎⵓⵏⵜ ⵉⵛⵛⴰⵔⵏ, ⵍⵍⴰⵏ ⵜⴰⴳⴰⵔ ⴰⴷ ⵉⵙⵏⴼⵍⵏ ⵉⵎⴰⵢⵏⵓⵜⵏ ⵀⵎⵎⴰⵏⵉⵏ ⵜⵉⵎⵢⴰⵇⵇⴰⵏⵉⵏ ⵏ ⵜⵎⴷⵔⴰⵡⵜ ⵊⴰⵔ ⵍⵎⵖⵔⵉⴱ ⴷ ⵜⴰⵎⵓⵏⵜ ⵏ ⵓⵕⵓⴱⴱⴰ ⴷ ⵓⵙⵓⵔⵙ ⵏ ⵓⵣⵔⴼⴰⵏ ⵏ ⵓⴼⴳⴰⵏ ⴷ ⵜⵙⵓⵎⵔⵜ ⵜⴰⵎⵖⵔⵉⴱⵉⵜ ⵉ ⵓⴼⵓⴽⴽⵓ ⵏ ⵜⵎⴰⵖⵜ ⴼ ⵜⵎⵙⴰⵔⵜ ⵜⴰⵏⴰⵎⵓⵔⵜ.
ⵜⵙⴽⵔ ⵜⵙⵇⵇⵉⵎⵜ ⵜⴰⴱⵕⵍⴰⵎⴰⵏⵉⵜ ⵉⵛⵛⴰⵔⵏ ⵊⴰⵔ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴷ ⵜⴰⵎⵓⵏⵜ ⵏ ⵓⵕⵓⴱⴱⴰ ⵉⵏⵎⵓⵇⵇⴰⵔⵏ ⵓⵙⵙⴰⵏ ⵏ 13 ⴷ 14 ⵛⵓⵜⴰⴱⵉⵔ ⴷ 21 ⵏ ⵓⵎⴰⵔⵉ ⵏ ⵓⵕⵓⴱⴱⴰ ⵃⵎⴰ ⴰⴷ ⵜⵉⵍⵉ ⵜⴰⴳⵯⵉⵜ ⵏ ⵉⵙⵏⴼⵍⵏ ⴳⴰⵏⵉⵏ ⵎⴳⴰⵍ ⵏ ⵍⵎⵖⵔⵉⴱ, ⵢⵉⵍⵉ ⵡⴰⵡⴰⵍ ⴼ ⵜⵉⵔⴰⵜ ⵉⵛⵛⴰⵔⵏ ⵉ ⵜⵣⵣⵉⴳⵣⵜ ⵏ ⵓⵎⵙⴰⵡⴰⵍ ⵓⵕⵓ-ⴰⵎⵖⵔⵉⴱⵉ ⴷ ⵡⴰⵜⵉⴳ ⵏ ⵜⵡⴰⴼⵉⵜ ⵏ ⵉⴼⵙⵙⴰⵢⵏ ⵉ ⵜⵏⴰⵥⴰⵕⵉⵏ ⵃⵎⴰ ⴰⴷ ⵉⵜⵜⵓⴼⴽⵉ ⵓⵏⴼⵓⵙ ⴰⵎⴰⵢⵏⵓ ⵉ ⵜⵣⴷⴰⵢⵉⵏ ⵉⵙⵎⵓⵏⵏ ⵍⵎⵖⵔⵉⴱ ⴷ ⵜⴰⵎⵓⵏⵜ ⵏ ⵓⵕⵓⴱⴱⴰ ⴷ ⵜⵉⵍⵉⵜ ⵏ ⵜⵡⵡⵓⵔⵉ ⵏ ⵜⵡⵉⵙⵉ ⵉ ⵓⵙⵎⵖⵔ ⵏ ⵜⵙⵔⵜⵉⵜ ⵏ ⵜⵓⴷⴷⵊⵓⵔⴰ ⵏ ⵓⵕⵓⴱⴱⴰ ⵙ ⵓⵙⵎⵔⵙ ⵏ ⵜⵎⵍⴷⴰ ⵏ ⵓⵎⵢⴰⵡⴰⵙ ⵍⵍⴰⵏⵉⵏ ⵉ ⵓⵙⴽⵔ ⵏ ⵜⵏⴼⵔⵓⵜ ⵉⵙⵓⵍⵏ ⴷ ⵥⵥⵀⵕⵜ ⵉⵛⵛⴰⵔⵏ.
ⴳ ⵜⵙⵎⵓⵏⴰⵢ ⴰⴷ, ⵖⵔⴰⵏ ⵉⴳⵎⴰⵎⴰⵏ ⵏ ⵜⵙⵇⵇⵉⵎⵜ ⵜⴰⴱⵕⵍⴰⵎⴰⵏⵉⵜ ⵉⵛⵛⴰⵔⵏ ⵊⴰⵔ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴷ ⵜⴰⵎⵓⵏⵜ ⵏ ⵓⵕⵓⴱⴱⴰ ⵉ ⵓⵙⴷⵓⵙ ⴷ ⵓⵙⵏⴰⵍ ⵏ ⵓⵚⴽⵓ ⵊⴰⵔ ⵍⵎⵖⵔⵉⴱ ⴷ ⵓⵕⵓⴱⴱⴰ ⵙ ⵓⵙⵕⵚⵓ ⵏ ⵜⴳⵎⵉ ⵉⵛⵛⴰⵔⵏ, , ⵙⵍⴰⵡⴰⵏ ⴰⴽⴽⵯ ⴳ ⵉⴳⵔⴰⵏ ⵏ ⵜⵥⴹⴰⵕⵜ ⵜⴰⵎⴰⵢⵏⵓⵜ ⴷ ⵓⴼⵔⴰ ⴷ ⵜⵏⴼⵔⵓⵜ ⴷ ⵜⴼⵍⵍⴰⵃⵜ ⴷ ⵜⴳⵯⵎⵔⵜ ⵜⴰⵢⵍⴰⵏⵜ ⴷ ⵓⵣⵡⴰⴳ ⴷ ⵓⴱⴽⴽⴰⴹ ⴷ ⵓⴱⵔⵙⵙⵉⵡⴷ ⵙⵎⴰⴷ ⵉⵍⵍⴰⵏ ⴳ ⵜⵎⴷⵔⴰⵡⵜ ⵊⴰⵔ ⵍⵎⵖⵔⵉⴱ ⴷ ⵓⵕⵓⴱⴱⴰ. ⵙⴷⴷⵉⴷⵏ ⵉⵎⵖⵔⵉⴱⵉⵢⵏ ⵉⵎⵖⵔⵉⴱⵉⵢⵏ ⴼ ⵓⴼⵔⴰⴽ ⵙ ⵓⵙⵓⵔⵙ ⵉⵍⵍⴰⵏ ⴷ ⵜⵣⵣⵉⴳⵣⵜ ⵏ ⵉⵙⴷⵓⴷⴷⵉⵢⵏ ⵏ ⵜⵏⴼⵔⵓⵜ.
ⵙ ⵜⵉⵢⵢⴰⴼⵓⵜⵉⵏ ⴰⴷ, ⵜⵥⴹⴰⵕ ⵜⵙⵇⵇⵉⵎⵜ ⵜⴰⴱⵕⵍⴰⵎⴰⵏⵉⵜ ⵉⵛⵛⴰⵔⵏ ⴰⴷ ⵜⵙⴱⴷⴷ ⵙⵉⵏ ⵉⵙⵏⴼⴰⵔⵏ ⵏ ⵓⵙⵏⴼⵍ ⴳ ⵜⵖⵉⵎⵉⵜ ⵜⴰⵎⴰⵜⴰⵢⵜ ⵏ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ ⴳ ⵙⵜⵔⴰⵙⴱⵓⵔⴳ, ⵔⴰⴷ ⵢⵉⵍⵉ ⵓⵙⵉⵜⵜⵉ ⵏ ⵓⵙⵏⴼⵍ ⴷ ⵜⴰⴳⵯⵉⵜ ⵏ ⵡⵉⵙ ⵙⵉⵏ ⴳ ⵜⵖⵉⵎⵉⵜ ⵏ ⵓⵙⵜⴰⵢ ⵙ ⵜⵓⴳⵜ ⵉⴼⴰⵡⵏ, ⴳ ⵍⵍⴰⵏ ⴽⵓ ⵜⴰⵙⴳⵉⵡⵉⵏ ⵜⵉⵙⵔⵜⴰⵏⵉⵏ ⵙⴳ ⵓⴼⴰⵙⵉ ⴷ ⵜⵓⵥⵥⵓⵎⵜ ⴷ ⵓⵥⵍⵎⴰⴹ ⵎⵎⵉ ⵙⴷⴷⵉⴷⵏⵉⵏ ⴼ ⵜⵉⵍⴰⵍⵜ ⵏ ⵍⵎⵖⵔⵉⴱ ⴰⴽⴷ ⵓⵕⵓⴱⴱⴰ ⴳ ⵎⴰⵕⵕⴰ ⵏ ⵉⴳⵔⴰⵏ ⴷ ⵓⵙⴱⴷⴷⵉ ⵏ ⵜⵉⵔⵎⵉⵜⵉⵏ ⴳⴰⵏⵉⵏ ⵎⴳⴰⵍ ⵏ ⵜⵣⵣⵉⴳⵣⵜ ⵏ ⵜⵡⴰⴷⴰ ⵏ ⵜⴳⵎⵉ ⴷ ⵓⴼⵔⴰⴳ ⵏ ⵜⴰⵢⴰⵏⵜ ⵜⴰⵏⴰⴽⴰⵍⵜ.
ⵉⴷⵔⵓ ⴳ ⵜⵙⵎⵉⴳⵍⵜ:
- ⵎⴰⵙⵙ ⴰⵎⵛⵛⵉⵡⵕ ⵍⵃⵙⵏ ⵃⴰⴷⴷⴰⴷ, ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵜⴰⴱⵕⵍⴰⵏⵉⵜ ⵉⵛⵛⴰⵔⵏ ⵍⵎⵖⵔⵉⴱ ⴷ ⵜⴰⵎⵓⵏⵜ ⵏ ⵓⵕⵓⴱⴱⴰ;
- ⵎⴰⵙⵙⴰ ⵜⴰⵎⴰⵔⵉⵜ ⵣⵉⵏⴰ ⵛⴰⵀⵉⵎ, ⵜⴰⵔⴰⴱⴱⵓⵜ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ.
- ⵎⴰⵙⵙ ⴰⵎⴰⵔⵉ ⵀⵉⵛⴰⵎ ⴰⵢⵜ ⵎⵏⵏⴰ, ⵜⵔⴰⴱⴱⵓⵜ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ.
- ⵎⴰⵙⵙⴰ ⵜⴰⵎⴰⵔⵉⵜ ⴼⴰⵟⵉⵎⴰ ⵥⵥⴰⵀⵕⴰ ⴱⵏ ⵟⴰⵍⴱ, ⵙⴳ ⵜⴰⵔⴰⴱⴱⵓⵜ ⵏ ⵜⵥⵖⵕⵜ ⴷ ⵜⵎⴰⵜⵔⴰⵔⵜ.
- ⵎⴰⵙⵙ ⴰⵎⴰⵔⵉ ⵄⴰⴱⴷⵍⵎⴰⵊⵉⴷ ⵍⴼⴰⵙⵉ ⵍⴼⵉⵀⵔⵉ, ⵜⴰⵔⴰⴱⴱⵓⵜ ⵜⴰⵙⵉⵎⴰⵏⵜ ⵏ ⵜⵎⵓⵏⵉ ⴷ ⵢⵉⵙⴽⵉⵍ.