ⴰⵙⵉⵔⴰ(2016-2021):
ⵎⴰⵙⵙ ⵎⵓⵃⴰⵎⵎⴰⴷ ⵜⵡⵉⵎⵉ ⴱⵏ ⵊⵍⵍⵓⵏ, ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴳ ⵜⵙⵓⵜⵍⵜ 12 ⵏ ⵓⴳⵔⴰⵡ ⵏ ⵉⵏⵙⵙⵉⵅⴼⵏ ⵉⵣⵣⵔⴰⴼⵏ ⴷ ⵉⵏⵙⵙⵉⵅⴼⵏ ⵏ ⵜⴰⵢⵢⴰⵡⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴼⵕⴰⵏⴽⵓⴼⵓⵏⵉⵜ
ⵉⴷⵔⵓ ⵎⴰⵙⵙ ⵎⵓⵃⴰⵎⵎⴰⴷ ⵜⵡⵉⵎⵉ ⴱⵏ ⵊⵍⵍⵓⵏ, ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴳ ⵜⵙⵓⵜⵍⵜ 12 ⵏ ⵓⴳⵔⴰⵡ ⵏ ⵉⵏⵙⵙⵉⵅⴼⵏ ⵏ ⵉⵙⵇⵇⵉⵎⵏ ⵉⵣⵣⵔⴰⴼⵏ ⴷ ⵉⵏⵙⵙⵉⵅⴼⵏ ⵏ ⵜⴰⵢⵢⴰⵡⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴼⵕⴰⵏⴽⵓⴼⵓⵏⵉⵜ, ⴳ 25 ⴰⵔ 28 ⵎⴰⵢⵢⵓ 2021 ⴳ ⴽⵉⴳⴰⵍⵉ ⵜⴰⵎⴰⵥⵓⵏⵜ ⵏ ⵕⵓⵡⴰⵏⴷⴰ.
ⵉⴷⵔⵓ ⴳ ⵓⴳⵔⴰⵡ ⴰⴷ 90 ⵏ ⵓⵎⴷⵔⴰⵡ ⵙⴳ ⵉⴱⵕⵍⴰⵎⴰⵏⵏ ⵉⴼⵔⵉⵇⵉⵢⵏ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴼⵔⵕⴰⵏⴽⵓⴼⵓⵏⵉⵜ ⴳ ⵓⵎⵏⴰⴹ ⴰⴳⵔⴰⵖⵍⴰⵏ ⵖ ⵉⵍⵍⴰ ⵓⵙⴱⴷⴷⵉ ⵏ ⵓⴱⴰⵢⵢⵓⵕ ⵏ ⴽⵓⴼⵉⴷ 19, ⵔⴰⴷ ⵉⵎⴹⴰⴽⴰⵕ ⴼ ⵉⵙⵓⵔⵙⵏ ⵉⵙⵔⵜⴰⵏⵏ ⴷ ⵉⵏⴰⵎⵓⵏⵏ ⴷ ⵉⴷⵓⵙⴰⵏⵏ ⴳ ⵜⵎⵉⵣⴰⵔ ⵙⴰⵡⴰⵍⵏⵉⵏ ⵜⴰⴼⵕⴰⵏⵚⵉⵚⵜ, ⴷ ⵜⵉⵍⴰⵍⵜ ⵏ ⵜⵙⵇⵇⵉⵎⵜ ⵜⴰⴱⵕⵍⴰⵎⴰⵏⵉⵜ ⵉⵛⵛⴰⵔⵏ “ⴳ5 ⵙⵙⴰⵃⵉⵍ” ⴳ ⵜⵉⵍⵉⵜ ⵏ ⵜⵏⴼⵔⵓⵜ ⴷ ⵓⴼⵔⴰ ⴳ ⵜⵎⵉⵣⴰⵔ ⵏ ⵙⵙⴰⵃⵉⵍ.
ⵉ ⵓⵙⵓⵊⴷ ⵏ ⵓⴳⵔⴰⵡⴰ ⴰⵏⵎⵏⴰⴹ ⵡⵉⵙ 28 ⵏ ⵜⵙⴳⴰ ⵏ ⵉⴼⵔⵉⵇⵢⴰ ⵉⴹⴼⵕⵏ ⵜⴰⵎⵙⵎⵓⵏⵜ ⵜⴰⴱⵕⵍⴰⵎⵏⵉⵜ ⵉ ⵜⴼⵕⴰⵏⴽⵓⴼⵓⵏⵉⵜ, ⵔⴰⴷ ⵢⵉⵍⵉ ⵓⵎⴹⴰⴽⴰⵕ ⵏ ⵜⵉⵍⴰⵍⵜ ⵏ ⵉⴱⵕⵍⴰⵎⴰⵏⵏ ⴷⴼⴼⵉⵔ ⵏ ⴽⵓⴼⵉⴷ 19, ⴷ ⵜⵉⵍⴰⵍⵜ ⵏ ⵓⵥⵏⵥⵕ ⵏ ⵜⵙⴳⴰ ⵏ ⵓⵙⵏⴼⵍ ⵉⵍⴻⵍⵍⵉ ⵏ ⵓⵎⵏⵥⴰⵡ ⵏ ⵉⴼⵔⵉⵇⵢⴰ ⵍⵍⵉ ⵉⴳⴰⵏ ⵜⴰⵔⵙⵍⵜ ⵏ ⵜⴳⵎⵉ ⴷ ⵓⵙⵉⴷⴼ ⴳ ⵉⴼⵔⵉⵇⵢⴰ, ⴷ ⵜⵉⵍⴰⵍⵜ ⵏ ⵜⵎⵖⴰⵔⵜ ⴳ ⵜⴳⵎⵉ ⵜⴰⵙⵔⵜⴰⵏⵜ ⴷ ⵜⴷⵎⵙⴰⵏⵜ ⴷ ⵜⵏⴰⵎⵓⵏⵜ.
ⵔⴰⴷ ⵉⵙⴽⵔ ⵎⴰⵙⵙ ⵎⵓⵃⵎⵎⴰⴷ ⵜⵡⵉⵎⵉ ⴱⵏ ⵊⵍⵍⵓⵏ, ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵉⵏⵎⵓⵇⴰⵔⵏ ⵉⵙⵉⵏⵔⴰⵏⵏ ⴷ ⵎⴰⵙⵙⴰ Donatille Mukabalisa ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵕⵡⴰⵏⴷⴰ, ⴷ ⵉⵏⵙⵙⵉⵅⴼⵏ ⵏ ⵉⴱⵕⵍⴰⵎⴰⵏⵏ ⴷ ⵉⴽⴰⴱⴰⵕⵏ ⴷⵔⵓⵏⵉⵏ ⴳ ⵓⴳⵔⴰⵡ ⴰⴷ.