ⵜⴰⴳⵓⵔⵉ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴳ ⵜⵙⵓⵜⵍⵜ ⵉⵥⵍⵉⵏ ⵏ ⵓⴱⵕⵍⴰⵎⴰⵏ ⵏ ⴰⵣⵉⵔⴱⵉⵊⴰⵏ ⵙ ⵜⵎⵍⴷⴰ ⵏ ⵓⴽⵜⵜⵓⵢ ⵡⵉⵙ 100 ⵏ ⵜⵍⴰⵍⵉⵜ ⵏ ⵉⴳⵍⵍⵉⵏ ⵏ ⵓⵏⵙⵙⵉⵅⴼ ⵃⴰⵢⴷⴰⵔ ⵄⵍⵉⵢⵢⵉⴼ

ⵜⴰⵏⴳⴳⵯⵓⵜ ⵉⵄⵣⵣⴰⵏ ⵎⴰⵙⵙⴰ ⵚⴰⵃⵉⴱⴰ ⵄⵍⵉ ⵇⵉⵣⵉ ⵖⴰⴼⴰⵔⵓⴼⴰ, ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵜⴳⴷⵓⴷⴰⵏⵜ ⵏ ⴰⵣⵉⵔⴱⵉⵊⴰⵏ,

ⵉⵏⴳⴳⵯⴰ ⵉⵏⵙⵙⵉⵅⵏ ⵏⵉⵙⵇⵇⵉⵎⵏ ⵉⵣⵣⵔⴰⴼⵏ ⵃⴰⴹⵕⵏⵉⵏ,

ⵜⵉⵏⴳⴳⵯⴰ ⴷ ⵉⵏⴳⴳⵯⴰ.

ⵖⵓⵔⵉ ⵜⵓⵎⵔⵜ ⵜⴰⵅⴰⵜⴰⵔⵜ ⴰⴷ ⵔⴰⵔⵖ ⵉ ⵜⵖⵓⵔⵉ ⵏ ⵜⵏⴳⴳⵯⵓⵜ ⵉⵄⵣⵣⴰⵏ ⵎⴰⵙⵙⴰ ⵚⴰⵃⵉⴱⴰ ⵄⵍⵉ ⵇⵉⵣⵉ ⵖⴰⴼⴰⵔⵓⴼⴰ, ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵜⴳⴷⵓⴷⴰⵏⵜ ⵏ ⴰⵣⵉⵔⴱⵉⵊⴰⵏ ⵉ ⵜⴷⵔⴰⵡⵜ ⴳ ⵜⵙⵓⵜⵍⵜ ⵉⵥⵍⵉⵏ ⵏ ⵓⴱⵕⵍⴰⵎⴰⵏ ⵏ ⴰⵣⵉⵔⴱⵉⵊⴰⵏ ⵉ ⵓⵙⵎⵖⵔ ⵏ ⵓⴽⵯⵜⵜⵓⵢ ⵏ ⵜⵍⴰⵍⵉⵜ ⵏ ⵡⴰⴷ ⵉⴱⵏⴰⵏ ⴰⵣⵉⵔⴱⵉⵊⴰⵏ ⵜⴰⵜⵔⴰⵔⵜ ⴰⵏⵙⵙⵉⵅⴼ ⵉⵣⵔⵉⵏ ⵃⴰⵢⴷⴰⵔ ⵄⵍⵉⵢⵢⵉⴼ ⴰⴷ ⵜ ⵉⵕⵃⵎ ⵕⴱⴱⵉ.

ⵉⴳⴰ ⵜⴰⵎⵢⵓⵔⵜ ⵉⴼⵓⵍⴽⵉⵏ ⴰⴷ ⵉⵙⵏⵎⴰⵍⴰ ⵓⴱⵕⵍⴰⵎⴰⵏ ⵏ ⵜⵎⴰⵣⵉⵔⵜ ⵏⵏⵓⵏ ⵜⴰⵙⵓⵜⵍⵜ ⴰⴷ ⵉⴳⴰⵏ ⴰⵙⵉⵙⵙⵏ ⵏ ⵜⵎⵜⵜⵉ ⵏ ⴰⵣⵉⵔⴱⵉⵊⴰⵏ ⵉ ⵢⴰⵏ ⵡⴰⵡⵔⵉⴽ ⴰⵏⴰⵎⵓⵔ ⵉⵣⴷⵉⵏ ⴷ ⵓⵎⵣⵔⵓⵢ ⴰⵜⵔⴰⵔ ⵏ ⵜⵎⴰⵣⵉⵔⵜ ⵏⵏⵓⵏ ⵉⴼⵓⵍⴽⵉⵏ, ⴳ ⵜⴼⵔⴽⴰ ⵏ ⵓⵚⴽⵓ ⵏ ⵜⵙⵉⵎⴰⵏⵜ ⵏⵖ ⵜⴰⴼⵔⴽⴰ ⵏ ⵓⵙⴽⵔ ⵏ ⵜⵏⴽⵔⴰ ⵉⴳⴳⵓⵜⵏ ⴳ ⵎⴰⵕⵕⴰ ⵉⴳⵔⴰⵏ ⴷ ⵓⴷⵎⴰⵡⵏ ⵍⵍⵉ ⵜⵙⴽⴰⵔ ⴰⵣⵉⵔⴱⵉⵊⴰⵏ, ⵜⴰⵏⴽⵔⴰ ⵍⵍⵉ ⵎⵓ ⵜⵣⵔⵉ ⵜⵖⵍⴰⵖⴰⵍⵜ ⵏⵏⵙ ⵉⵡⵜⵜⴰ ⵉⵏⴰⵎⵓⵔⵏ ⴷ ⵢⵉⴳⵔ ⴰⵊⵢⵓⵙⵔⵜⴰⵏ ⵏ ⴰⵣⵉⵔⴱⵉⵊⴰⵏ ⵉ ⵎⴰⵕⵕⴰ ⵜⵉⵙⴳⴳⵉⵡⵉⵏ ⵏ ⵓⵎⴰⴹⴰⵍ ⴷ ⵜⵎⵉⵣⴰⵔ ⵏⵏⵙ.

ⵉⵖ ⵉⵣⴷⵉ ⵓⵎⵣⵔⵓⵢ ⵏ ⵜⵎⵉⵣⴰⵔ ⴳ ⵡⴰⴷⴷⴰⴷⵏ ⴳⴳⵓⵜⵏⵉⵏ ⵙ ⴽⵔⴰ ⵏ ⵉⵙⵎⴰⵡⵏ, ⵍⵍⵉ ⵙⴼⵓⴳⵍⴰⵏ ⵉⵎⴰⴷⴰⵏⵏ ⴷ ⴰⵔ ⵜⵏ ⴰⴷⴷⵔⴰⵏ ⵡⴰⵍⵙⵉⵡⵏ, ⵓⵔ ⴳⵉⵙ ⵜⵓⵔⴷⴰ ⵎⴰⵙ ⵜⵣⴷⵉ ⵜⵏⴽⵔⴰ ⵏ ⴰⵣⵉⵔⴱⵉⵊⴰⵏ ⵙ ⵉⵙⵎ ⵏ ⵓⵏⵙⵙⵉⵅⴼ ⵃⴰⵢⴷⴰⵔ ⵄⵍⵉⵢⵢⵉⴼ. ⴷ ⴰⵎⴹⴼⵓⵕ ⵏ ⵜⵎⵙⴰⵔⵉⵏ, ⴳⵉⵖ ⵉⵏⵉⴳⵉ ⵎⴰⵙⴷ ⵜⴰⵎⴰⵣⵉⵔⵜ ⵏⵏⵓⵏ ⵙ ⵜⴰⵎⵓⵏⵜ ⵏⵏⵙ ⴼ ⵉⵏⵎⵖⵓⵔⵏ ⵏⵏⵙ, ⴷ ⵜⵓⴳⴳⵯⴰⵙ ⵏ ⵜⵓⴼⵔⵉⵏⵜ ⴷ ⵜⵙⵓⴳⵔⵜ ⵏⵏⵙ ⴷ ⵜⵉⴷⴰⴼ ⵏⵏⵙ, ⵜⴳⴰ ⴰⵙⵙ ⴰⴷ ⵜⴰⵎⴰⵣⵉⵔⵜ ⵉⴳⴰⵏ ⴰⵏⴰⵡ ⴳ ⵜⵏⴽⵔⴰ ⵢⵉⵡⵉⵏ ⵜⴰⵢⵏⵉⵜ, ⵎⵇⵇⴰⵔ ⵉⵛⵇⵇⴰ ⵓⵎⵏⴰⴹ ⴰⵏⵎⴰⵏⴹ ⴷ ⵓⴱⵔⴰⵖⵍⴰⵏ. ⵜⵙⵙⵎⵏ ⵎⴰⵎⵏⴽ ⵙ ⵜⵙⵏⴼⴰⵍⵎ ⵜⵉⵥⴹⴰⵕⵉⵏ ⵏ ⵜⵎⴰⵣⵉⵔⵜ ⵏⵏⵓⵏ ⵙ ⵉⴳⴰⴷⴰⵔⵏ ⵙ ⵡⴰⵜⴰⵉⴳⵏ ⴰⵜⵜⵓⵢⵏⵉⵏ. ⵜⵙⵙⵏⵎ ⵓⵍⴰ ⵎⴰⵎⵏⴽ ⵙ ⵜⵙⵎⵔⵙⵎ ⴰⴼⵓⵍⴽⵉ ⴰⵎⵏⵏⴰⵡ ⵏ ⵜⵎⴰⵣⵉⵔⵜ ⵏⵏⵓⵏ ⴰⴷ ⵉⴳ ⵉⵎⵉⵙⵙ ⵏ ⵓⵍⴷⴰⵢ ⴷ ⵜⴷⵓⵙⵉ ⵉⴱⵙⵓⵙⵏ. ⵜⵙⵙⵏⵎ ⵓⵍⴰ ⵎⴰⵎⵏⴽ ⵙ ⵜⵙⵎⵓⵏⵎ ⵊⴰⵔ ⵜⴰⴷⵍⵙⴰ ⵏⵏⵓⵏ ⵜⴰⵏⴰⵎⵓⵏⵜ ⴷ ⵜⵎⵣⵔⴰⵢⵜ ⵉⴱⵓⵖⵍⴰⵏ ⵉⴳⴰⵏ ⵜⴰⵣⵔⴰⵢⵜ ⴷ ⵜⵎⴰⵜⵔⴰⵔⵜ, ⴰⵢⵍⵍⵉ ⵉⵜⵜⴼⴰⵡⵏ ⴳ ⵓⵥⵟⵟⴰ ⵏⵏⵓⵏ ⵏ ⵓⵚⴽⵓ ⵢⵉⵏ ⵜⵉⵟⵟ, ⴷ ⵜⵖⵔⵎⵉⵏ ⵏⵏⵓⵏ ⵉⵙⵎⵓⵏⵏ ⵊⴰⵔ ⵜⴰⴼⵔⴰⵔⵜ ⴷ ⵜⵣⵣⵓⵍⵜ, ⴷ ⵓⴷⵎ ⴰⵜⵔⴰⵔ ⵏ ⴰⵣⵉⵔⴱⵉⵊⴰⵏ ⵉⵙⵎⵓⵇⵇⵓⵍ ⵉⵎⴰⵍ. ⵜⴳⴰ ⵜⴰⴷⵓⵙⵉ ⵉⴱⵙⵓⵙⵏ ⵉⵜⵜⵓⵙⴽⴰⵔⵏ ⴳ ⵎⴰⴷ ⵉⴷⵔⵓⵙⵏ ⴳ 30 ⵏ ⵓⵙⴳⴳⵯⴰⵙ, ⵃⵎⴰ ⴰⴷ ⵜⴳ ⴰⵣⵉⵔⴱⵉⵊⴰ, ⴳ ⵓⴷⵖⴰⵔ ⵏⵏⵙ ⴰⵊⵢⵓⵖⵔⴰⴼⵉ, ⵢⴰⵜ ⵙⴳ ⵜⵎⵉⵣⴰⵔ ⴷⵔⵓⵙⵏⵉⵏ ⵉⵙⵎⴰⵏ ⵊⴰⵔ ⵜⵉⵎⵥⵍⵉⵜ ⴷ ⵓⴼⵓⵍⴽⵉ ⵏ ⵍⵇⴱⵍⵜ, ⴷ ⵓⴼⵓⵍⴽⵉ ⴷ ⵜⵖⵓⵙⵉ ⵏ ⵍⵇⵓⵇⴰⵣ, ⴷ ⵎⴰⴷ ⵜⵙⵉⴳⴳⵉⵍ ⵜⵎⴰⵜⵔⴰⵔⵜ  ⴳⵜⴷⵓⵙⵉ ⵏ ⵓⵎⵃⵉⵣⵡⴰⵔ, ⵃⵎⴰ ⴰⴷ ⵜⵎⵍ ⴰⴷⵖⴰⵔ ⵏⵏⵙ ⵉⴳⴰⵏ ⴰⵙⴰⵢⵔⵓⵔ ⵉⵣⴷⵉⵏⴷ ⵉⵙⵎⵓⵏⵏ ⵊⴰⵔ ⵜⵖⵔⵎⵉⵏ ⴷ ⵜⴷⵍⵙⵉⵡⵉⵏ ⵥⵍⵉⵏⵉⵏ.

ⴰⵣⵉⵔⴱⵉⵊⴰⵏ ⵙ ⵎⴰⴷ ⵜⵙⴽⵔ ⵙ ⵜⵎⵏⵏⴰⵡⵜ ⵏⵏⵙ ⵜⴰⴷⵍⵙⴰⵏ, ⴷ ⵓⵙⵡⵉⵔ ⵏ ⵓⴼⵔⴰⴽ ⵏ ⵓⵎⴰⴷⴰⵏ ⵏⵏⵙ ⴷ ⵜⵙⵓⴳⵔⵜ ⵏⵏⵙ ⴼ ⵓⵙⵏⴼⵍⵓⵍ ⴷ ⵓⴼⴰⵔⵙ ⴷ ⵓⴱⵟⵟⵓ ⵏ ⵓⴳⴰⴷⴰⵔ, ⴰⵢⵍⵍⵉ ⵢⵉⵡⵙⵏ ⴰⴷ ⵜⵉⵍⵉ ⵜⴷⵓⵍⵉ ⵜⴰⵏⴰⵎⵎⴰⵙⵜ ⵉⴳⴳⵓⵜⵏ ⵢⵉⵙⵉⵏ ⵜⴰⵎⵜⵔⴰⵔ, ⵜⴳⴰⵙⵖⵎⴽⴰⴷ, ⵜⴰⵔⵙⵍⵜⵏⵓⵔⴳⴳⵉⴳⴰⵏⵎⵏⴰⴹ ⴷ ⵢⴰⵜ ⵙⴳ ⵜⵉⵎⵉⵣⴰⵔ ⵉⵎⵎⴰⵍⴰⵏ ⵎⴰⵙ ⵓⵔ ⵜⵎⵣⵔⵉ ⵜⵎⴰⵜⵔⴰⵔⵜ ⴷ ⵜⴷⵉⵎⵓⵇⵔⴰⵟⵉⵜ ⴷ ⵍⵉⵙⵍⵎⴰⵎⴰ ⵎⵙⵓⵔⵓⴼ ⴰⵏⴰⵎⵎⴰⵙ.

ⵎⴰⵙⵙⴰ ⵜⴰⵏⵙⵙⵉⵅⴼⵜ

ⴳ ⵜⴳⵍⴷⵉⵜ ⵏ ⵍⵎⵖⵔⵉⴱⵏ, ⵏⴷⵔⵓ ⴷ ⵜⵎⴰⵣⵉⵔⵜ ⴰⴷ ⵉⴳⴰⵏ ⵜⴰⴳⵯⵎⴰⵜ ⵢⴰⵏ ⵓⴱⵔⵉⴷ ⵉⴳⴰⵏ ⵢⴰⵏ ⵉⴳⴰⵏ ⵡⵉⵏ ⵓⵡⵇⵇⵔ ⵏ ⵜⵎⵏⵏⴰⵡⵜ ⴷ ⵓⵙⵓⵜⴳ ⵏ ⵜⵎⵏⵏⴰⵡⵜ ⵜⴰⴷⵍⵙⴰⵏⵜ ⵉⴷⵔⴰⵏ ⵉⵣⴷⵉⵏ ⴷ ⵓⵎⵣⵔⵓⵢⵢ ⵉⴷⵔⴰⵏ ⴷ ⵜⵖⵔⵎⴰ ⵢⵉⵡⵙⵏ ⵙ ⴽⵉⴳⴰⵏ ⴳ ⵜⵉⵍⵉⵜ ⵏ ⵜⵎⴰⵜⵔⴰⵔⵜ ⴷ ⵓⵙⵏⵍⵉ ⴰⵜⵔⴰⵔ. ⵏⴷⵔⵓ ⴷ ⵜⵎⴰⵣⵉⵔ ⵜⵏⵏⵓⵏ, ⵎⴽ ⴰⵏⵏ ⴷ ⵜⵎⵉⵣⴰⵔ ⵜⴰⵢⵜⵎⴰⵜⵉⵏ ⵃⴰⴹⵕⵏⵉⵏ ⴳ ⵓⵏⵎⵓⵇⵇⴰⵔ ⴰⴷ, ⵜⴰⵎⴰⵙⴰⵢⵜ  ⵜⴰⵏⴰⵎⵓⵔⵜ ⴷ ⵜⵎⵣⵔⴰⵢⵜ ⴷ ⵜⵙⵔⵜⴰⵏⵜ ⴳ ⵓⵙⴱⴷⴷⵉ ⵏ ⵓⵎⵣⴰⵔⴰⵢ ⴷ ⵓⴼⵔⴰⴳ ⵏ ⵜⵢⴰⵏⵜ ⵜⴰⵏⴰⴽⴰⵍⵜ ⴷ ⵓⵎⵣⴰⵖ ⵏ ⵓⴼⵔⴰⴳ ⵏ ⵜⵅⵅⵓⵜⵔⴰ ⵜⴰⵏⴰⵎⵓⵔⵜ, ⴷ ⵓⵙⵖⵉⵡⵙ ⵏ ⵓⵙⴽⵔ ⵏ ⵜⵏⴽⵔⴰ ⵜⴰⴷⵎⵙⴰⵏⵜ ⴷ ⵓⵎⵛⴰⴱⴱⴰⴽ ⴰⵏⴰⵎⵓⵏ ⴳ ⵓⵙⴰⵜⵉ ⵏ ⵓⵡⴰⵏⴽ ⵏ ⵓⵙⵍⴳⵏ ⴷ ⵓⵣⵔⴼ ⴷ ⵜⵎⵔⵙⴰⵍ ⴷ ⵜⵎⵏⵏⴰⵡⵜ ⵏ ⵜⵉⴷⵜ ⵉⴳⴰⵏ ⵙⴳ ⵜⵎⴰⴳⵉⵜ ⵏⵏⵖ ⴷ ⵜⵉⵍⵉⵜ ⵏⵏⵖ.

ⴳ ⵡⴰⴷⴷⴰⴷ ⵏ ⵍⵎⵖⵔⵉⴱ, ⵉⵣⴷⵉ ⵓⵎⵣⵔⵓⵢ ⵏ ⵓⵎⵓⵔⵙ ⴷ ⵜⵣⵣⵉⴳⵣⵜ ⴷ ⴽⵕⴰⴹ ⵉⴳⵍⴷⴰⵏⵏ ⵉⵅⴰⵜⴰⵔⵏ: ⴰⵎⵖⴰⵔ ⵏ ⵓⵙⵍⵔⵍⵍⵉ ⴰⵏⴰⵎⵓⵔ ⴷ ⴱⴰⴱⴰⵙ ⵏ ⵜⵎⵜⵜⵉ ⵉⴳⵍⵍⵉⵏ ⵏ ⵓⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵙⵎⵎⵓⵙ, ⴷ ⵓⵎⵚⴽⵓ ⵏ ⵍⵎⵖⵔⵉⴱ ⴰⵜⵔⴰⵔ  ⵉⵙⵎⵓⵏⵏ ⵜⵉⵎⵜⵜⵉ ⵉⴳⵍⵍⵉⵏ ⵏ ⵓⴳⵍⵍⵉⴷ ⵍⵃⴰⵙⴰⵏ ⵡⵉⵙ ⵙⵉⵏ, ⴷ ⵓⵎⵖⴰⵔ ⵏ ⵓⵙⵎⵖⵔ ⴰⵎⵖⵔⵉⴱⵉ ⵏ ⵖⵉⵍⴰⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ. ⵔⵉⵖ ⴰⴷ ⴰⵡⵏ ⵉⵏⵉⵖ ⵎⴰⵙ ⵍⵍⴰⵏⵜ ⴽⵉⴳⴰⵏ ⵏ ⵜⵖⴰⵡⵙⵉⵡⵉⵏ ⵛⵛⴰⵔⵏⵉⵏ ⵊⴰⵔ ⵏⵏⵖ ⴷ ⴽⵉⴳⴰⵏ ⵏ ⵉⵎⵏⴰⴷⵏ ⵎⵓⵏⵏⵉⵏ ⵊⴰⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⴳⴷⵓⴷⴰⵏⵜ ⵏ ⴰⵣⵉⵔⴱⵉⵊⴰⵏ.

ⵎⴰⵙⵙⴰ ⵜⴰⵏⵙⵙⵉⵅⴼⵜ

ⵉⵏⴳⴳⵯⴰ ⴷ ⵜⵏⴳⴳⵯⴰ

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ

ⵢⴰⵜ ⵙⴳ ⵜⵎⵙⵉⵔⵉⵏ ⵍⵍⵉ ⵏⵜⵜⴰⵡⵉ ⴳ ⵜⴰⵍⴰⵍⵙⵜ ⵏ ⵓⵎⵓⵔⵙ ⵏ ⴰⵣⵉⵔⴱⵉⵊⴰⵏ ( ⴰⴽⴰⵍ ⵏ ⵜⴰⴽⴰⵜ ⵏ ⵜⵉⴼⴰⵡⵉⵏ), ⵉⴳⴰ ⵜⵜ ⵎⴰⵙ ⵓⵔ ⵉⵍⵍⵉ ⵏⴰⵃⵢⴰ ⵊⴰⵔ ⵍⵉⵙⵍⴰⵎ ⴷ ⵜⵎⵢⵓⵔⵉⵏ ⴷ ⵜⵣⵣⵉⴳⵣⵜ. ⵜⴰⵎⴰⵙⵉⵔⵜ ⴰⴷ ⵏⵉⵜ ⴰⴷ ⵏⵥⵕⵕⴰ ⴳ ⵡⴰⴷⴷⴰⴷⵏ ⵏ ⵓⵎⵓⵔⵙ ⵏ ⵜⵎⵉⵣⴰⵔ ⵜⴰⵢⵜⵎⴰⵜⵉⵏ ⴳ ⵜⵙⴳⴰ ⵏ ⵓⵔⴰⵙⵢⴰ ⴷ ⵍⵅⴰⵍⵉⵊ ⴰⵄⵕⴰⴱ ⴷ ⵍⵇⴱⵍⵜ ⵜⴰⵏⴰⵎⵎⴰⵙⵜ, ⴷ ⵡⴰⴷⴷⴰⴷ ⵏⵏⵖ ⴰⵎⵖⵔⵉⴱⵉ ⵓⵍⴰ ⵏⵜⵜⴰⵏ.

ⵜⴳⴰ ⵜⴰⵍⵍⴰⵙⵜ ⵏ ⵓⵎⵓⵔⵙ ⵏ ⴰⵣⵉⵔⴱⵉⵊⴰⵏ ⵜⵓⴳⴳⴰ ⵉⴱⴷⴷⵏ ⵎⴰⵙⴷ ⵜⴰⵎⵏⵏⴰⵡⵜ ⴷ ⵜⵎⵥⵍⵉⵜ ⴷ ⵓⵡⵇⵇⵔ ⵏ ⵜⵎⵥⵍⴰⵢ ⴷ ⵉⵎⵏⴰⴹⵏ ⴷ ⵜⵎⵢⵓⵔⵉⵏ ⵜⵉⵙⵔⵜⴰⵏⵉⵏ ⵏ ⴽⵔⴰⵢⴳⴰⵜ ⵜⴰⵎⴰⵣⵉⵔⵜ, ⴳⴰⵏ ⵜⵉⵔⵙⴰⵍ ⵏ ⵜⵣⵣⵉⴳⵣⵜ, ⵡⴰⴷ ⵉⵔⴰⵏ ⴰⴷ ⵉⵙⴽⵔ ⴰⵏⴰⵡⵏ ⵉⴷⵍⵙⴰⵏⵏ ⴷ ⵉⵙⵔⵜⴰⵏⵏ ⴷ ⵓⵙⴱⵣⵣⵉⵣ ⵏⵏⵙ ⴼ ⵓⵎⴰⴹⴰⵍ ⴰⵔ ⵉⵜⵜⴰⵡⵉ ⵙ ⵓⵎⴰⵜⴰ ⵙ ⵉⵎⵓⴽⵔⵉⵙⵏ ⵉⴷⵍⵙⴰⵏⵏ.

ⴳ ⵜⴳⵉⵔⴰ, ⵉⴳⴰ ⵉⵢⵉ ⵜⵓⵎⵔⵜ ⴰⴷ ⴷⵔⵓⵖ ⴳ ⵜⵎⵙⴰⵔⵜ ⵜⴰⵏⴰⵎⵓⵔⵜ ⵏ ⴰⵣⵉⵔⴱⵉⵊⴰⵏ ⵖ ⵜⵔⴰ ⵜⵎⵔⵙⵍⵜ ⵜⴰⵣⵣⵔⴰⴼⵜ ⴰⴷ ⵜⵙⵎⵖⵔ ⵢⴰⵏ ⵡⴰⵡⵔⵉⴽ ⵉⴽⵛⵎⵏ ⴰⵎⵣⵔⵓⵢ ⵏ ⵜⵎⴰⵣⵉⵔⵜ ⴰⴷ ⵉⴷⵔⴰⵏ ⵢⴰⵡⵙ ⴳ ⵓⵙⴽⵔ ⵏⵏⵙ.

ⴰⵢⵢⵓⵣ ⵏⵏⵓⵏ ⴼ ⵎⴰⴷ ⵜⵙⴽⵔⵎ, ⵜⴰⵏⵎⵎⵉⵔⵜ ⴼ ⵓⵙⵏⵓⴱⴳ ⵉⵥⵉⵍⵏ.