ⵉⵙⵏⵓⴱⴳ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⵜⵉⵡⵡⵓⵔⵉⵡⵉⵏ ⵏ ⵓⵥⵟⵟⴰ ⵏ ⵜⵎⵖⴰⵔⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⴷ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴼⵔⴰⵏⴽⵓⴼⵓⵏⵉⵜ, 1 ⴷ 2 ⵎⴰⵕⵚ 2023
ⵔⴰⴷ ⵉⵙⵏⵓⴱⴳ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⵜⵉⵡⵡⵓⵔⵉⵡⵉⵏ ⵏ ⵓⵥⵟⵟⴰ ⵏ ⵜⵎⵖⴰⵔⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⴷ ⵜⵙⵇⵇⵉⵎⵜ ⵏ ⵜⵖⴰⵡⵙⵡⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴼⵔⴰⵏⴽⵓⴼⵓⵏⵉⵜ, 1 ⴷ 2 ⵎⴰⵕⵚ 2023.
ⵉⵍⵍⴰ ⴳ ⵓⵖⴰⵡⴰⵙ ⵏ ⵜⵡⵡⵓⵔⵉ ⵓⵙⵎⵏⵉⴷ ⵏ ⵉⵏⵇⵇⵉⵙⵏ ⴼ ⵓⵥⵟⵟⴰ ⴷ ⵜⵡⵡⵓⵔⵉ ⵏⵏⵙ ⵙⴳ ⵢⵓⵍⵢⵓⵣ 2022 ⴰⵔ ⴱⵕⴰⵢⵕ 2023, ⴷ ⵜⵙⵔⵜⵉⵜ ⵉⵍⵍⴰⵏ ⴳ ⵓⵎⵏⵉⴷ ⵏ ⵓⵙⴱⴷⴷⵉ ⵏ ⵜⴽⵕⴹⵉ ⵎⴳⴰⵍ ⵏ ⵜⵎⵖⴰⵔⵉⵏ ⴳ ⵉⴱⵕⵍⴰⵎⴰⵏⵏ ⴷ ⵉⵎⵔⵙⵉⵡⵉⵏ ⵣⴷⵉⵏⵉⵏ ⴷ ⵉⵣⵔⵔⴼⴰⵏ ⵏ ⵜⵎⵖⴰⵔⵜ ⴷ ⵢⵉⵙⴽⵉⵍ.
ⵔⴰⴷ ⵢⵉⵍⵉ ⵓⵎⴹⴰⴽⴰⵕ ⵏ ⵜⵙⵓⵎⵔⵜ ⵏ ⵓⵙⴽⵔ ⵏ ⵓⵥⵟⵟⴰ ⴰⵎⵖⵔⵉⴱⵉ ⵏ ⵜⵎⵖⴰⵔⵉⵏ ⵜⵉⴱⵕⵍⵎⴰⵏⵉⵢⵉⵏ ⴷ ⵓⵎⴹⴰⴽⴰⵕ ⵏ ⵜⵙⵓⵎⴰⵔ ⵍⵍⵉ ⵙⵎⵏⵉⴷⵏⵜ ⵜⴰⵢⵢⴰⵡⵉⵏ ⴷⵔⵓⵏⵉⵏ, ⴷ ⵓⴹⴼⵔ ⵏ ⵉⵙⵖⵡⴰⵏ ⵉⴳⵔⴰⵖⵍⴰⵏⵏ ⵣⴷⵉⵏⵉ ⴷ ⵢⵉⵙⴽⵉⵍ ⴷ ⵉⵣⵔⴼⴰⵏ ⵏ ⵜⵎⵖⴰⵔⵜ ⴷ ⵓⵎⴹⴰⴽⴰⵕ ⵏ ⵓⵥⵟⵟⴰ ⵏ ⵜⵎⵖⴰⵔⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵉ ⵜⴼⵔⴰⵏⴽⵓⴼⵓⵏⵉⵜ ⵉ ⵓⵙⴳⴳⵯⴰⵙ ⵏ 2024.
ⴳ ⵓⵖⴰⵡⴰⵙ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵔⴰⴷ ⵢⵉⵍⵉ ⵓⵙⵏⴼⵍ ⵏ ⵓⵙⵉⵔⴰ ⵏ ⵜⵙⵇⵇⵉⵎⵜ, ⴷ ⵓⵙⵎⵏⵉⴷ ⵏ ⵉⵏⵇⵇⵉⵙⵏ ⴼ ⵉⴷⵔⵉⵣⵏ ⵏ ⴳⴰⵔ ⵉⵏⵖⵎⵙⵉⵏ ⴳ ⵡⴰⵎⵎⴰⵙ ⴰⴱⵕⵍⴰⵎⴰⵏⵉ ⴷ ⵓⵙⵓⵜⴳ ⵏ ⵜⵉⵍⴰⵍ ⵏ ⵓⵎⵢⴰⵡⴰⵙ ⵍⵍⵉ ⵜⵙⴽⵔ ⵜⵎⵙⵎⵓⵏⵜ ⴰⴷ ⴳ 2022. ⵖⵎⴽ ⴰⵏⵏ ⵓⵍⴰ ⴰⵎⴹⴰⴽⴰⵕ ⵏ ⵉⵙⵏⴼⴰⵔⵏ ⵏ ⵉⵏⵇⵇⵉⵙⵏ ⵏ ⵉⵎⴰⵍ ⴷ ⵓⴹⴼⵕ ⵏ ⵜⵖⵜⴰⵙⵉⵏ ⵍⵍⵉ ⵜⵙⴽⵔ ⵜⵙⵇⵇⵉⵎⵜ ⵏ ⵜⵙⵎⵓⵏ ⵏⵏⵙ ⵉⴳⴳⵓⵔⴰⵏ ⴷ ⵜⵎⵢⴰⵇⵇⴰⵏⵉⵏ ⵏ ⵓⵎⵢⴰⵡⴰⵙ ⵍⵍⵉ ⵜⵙⵔⵙ.
ⵜⵍⵍⴰ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴼⵔⴰⵏⴽⵓⴼⵓⵏⵉⵜ ⴳ ⵎⴰⵢⵢⵓ 1967 ⴳ ⵍⵓⴽⵙⵓⵎⴱⵓⵔⴳ , ⵜⴳ ⴰⵏⵎⵓⵇⴰⵔ ⵏ ⵓⵎⵙⴰⵡⴰⵍ ⴷ ⵓⵙⵎⵏⵉⴷ ⵏ ⵜⵙⵓⵎⴰⵔ ⴷ ⵓⵙⵏⴼⵍ ⵏ ⵉⵏⵖⵎⵉⵙⵏ ⴷ ⵜⵉⵔⵎⵉⵜⵉⵏ, ⴳⵉⵙ ⵜⴰⵢⴰⵢⵡⵉⵏ ⵜⵉⴱⵕⵍⴰⵎⴰⵏⵉⵢⵏ ⵙⴳ ⵓⵎⴰⴷⴰⵍ ⴰⴽⴽⵯ.
ⵉⴳⴰ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴼⵔⴰⵏⴽⵓⴼⵓⵏⵉⵜ.
ⵉⴽⵛⵎ ⵓⴱⵕⵍⴰⵎⴰⵏ ⵏ ⵍⵎⵖⵔⵉⵏ ⵉ ⵜⵎⵙⵎⵓⵏⵜ ⴰⴷ ⴳ 1979, ⵉⵙⵏⵓⴱⴳ ⵜⵉⵙⵓⵜⴰⵍ ⵏⵏⵙ ⴷ ⵜⵙⵙⵎⵓⵏⴰⵢ ⵏ ⵜⵙⵇⵇⵉⵎⵉⵏ ⵏⵏⵙ ⴷ ⵜⵙⵓⵜⴰⵍ ⵏ ⵜⵎⵙⵎⵓⵏⵜ ⵏⵏⵙ ⵜⴰⵙⴳⴰⵡⴰⵏⵜ ⴳ ⵉⴼⵔⵉⵇⵢⴰ.
ⵜⵓⵎⴰ ⵜⵎⵙⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴼⵔⴰⵏⴽⵓⴼⵓⵏⵉⵜ ⴽⴽⵓⵥⵜ ⵜⵙⵇⵇⵉⵎⵉⵏ: ⵜⴰⵙⵇⵇⵉⵎⵜ ⵜⴰⵙⵔⵜⴰⵏⵜ, ⵜⴰⵙⵇⵇⵉⵎⵜ ⵏ ⵓⵙⴳⵎⵉ ⴷ ⵓⵎⵢⴰⵡⴰⴹ ⴷ ⵜⵖⴰⵡⵙⵉⵡⵉⵏ ⵜⵉⴷⵍⵙⴰⵏⵉⵏ, ⵜⴰⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵜⵉⴱⵕⵍⴰⵎⴰⵏⵉⵢⵉⵏ, ⵜⴰⵙⵇⵇⵉⵎⵜ ⵏ ⵓⵎⵢⴰⵡⴰⵙ ⴷ ⵜⴳⵎⵉ, ⴷ ⵓⵥⵟⵟⴰ ⵏ ⵜⵎⵖⴰⵔⵉⵏ ⵜⵉⴱⵕⵍⴰⵎⵏⵉⵢⵉⵏ.