ⵉⵙⵜⴰⵢⵏ ⵓⵣⵔⵉⴼⵏ ⵏ ⵓⵙⵎⴰⵢⵏⵓ ⵏ ⵉⴳⵎⴰⵎⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴽⵕⴰⵙ 08 ⵛⵓⵜⴰⵏⴱⵉⵔ 2021
ⵔⴰⴷ ⵉⵍⵍⵉⵏ ⴰⵙⵙ ⵏ ⵓⴽⵕⴰⵙ 08 ⵛⵓⵜⴰⵏⴱⵉⵔ 2021 ⵉⵙⵜⴰⵢⵏ ⵓⵣⵔⵉⴼⵏ ⵉ ⵓⵙⵜⴰⵢ ⵏ ⵉⴳⵎⴰⵎⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵉ ⵜⵡⴰⵍⴰ ⵜⴰⵣⵣⵔⴰⴼⵜ ⵜⵉⵙ ⵢⴰⵜ ⴷ ⵎⵔⴰⵡⵜ 2021-2026.
ⵙ ⵓⵎⴰⴳⵔⴰⴷ 62 ⵏ ⵓⴷⵓⵙⵜⵓⵔ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ, ⴰⵔ ⵉⵜⵜⵉⵍⵉ ⵓⵙⵜⴰⵢ ⴰⵎⴰⵜⴰⵢ ⵓⵙⵔⵉⴷ ⵏ ⵉⴳⵎⴰⵎⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵉ ⵙⵎⵎⵓⵙ ⵉⵙⴳⴳⵯⴰⵙⵏ, ⴷⴰ ⵜⵜⵓⵙⵎⵉⴷ ⵜⵏⴳⵎⴰⵎⵜ ⵏⵏⵙⵏ ⴳ ⵓⵕⵥⵥⵓⵎ ⵏ ⵜⵙⵓⵜⵍⵜ ⵏ ⴽⵜⵓⴱⵕ ⴳ ⵓⵙⴳⴳⵯⴰⵙ ⵡⵉⵙ ⵙⵎⵎⵓⵙ ⵉⴹⴼⵕⵏ ⴰⵙⵜⴰⵢ ⵏ ⵓⵙⵇⵇⵉⵎ.
ⵉⵍⵍⴰ ⵓⵙⵍⴳⵏ ⴰⵎⴰⴷⴷⴰⵙ ⵉⵎⵎⴰⵍⴰⵏ ⴰⵏⵛⴽ ⵏ ⵉⴳⵎⴰⵎⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴳⵔⴰⵡ ⵏ ⵓⵙⵜⴰⵢ ⵏⵏⵙⵏ, ⵜⵉⵔⵙⴰⵍ ⵏ ⵓⴱⵟⵟⵓ ⵏ ⵉⵙⵜⴰⵢⵏ, ⵜⵉⴼⴰⴷⵉⵡⵉⵏ ⵏ ⵓⵙⵜⴰⵢ, ⴰⴷⴷⴰⴷⵏ ⵏ ⵓⵏⴳⴰⵔⴰ, ⵜⵉⵔⵙⴰⵍ ⵏ ⵓⵙⵡⵓⵜⵜⵓ ⵏ ⵓⵙⵎⵓⵏ ⵊⴰⵔ ⵜⵉⴳⵏⵙⴰⵙⵉⵏ, ⴰⵏⴳⵔⴰⵡ ⵏ ⵉⵎⴰⵖⵏ ⴼ ⵉⵙⵜⴰⵢⵏ.
ⴰⵔ ⵉⵜⵜⵉⵍⵉ ⵓⵍⴰ ⵓⵙⵜⴰⵢ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵉⴳⵎⴰⵎⵏ ⵏ ⵓⵙⵉⵔⴰ, ⴷ ⵉⵏⵙⵙⵉⵅⴼⵏ ⵏ ⵜⵙⵇⵇⵉⵎⵉⵏ ⵜⵉⵎⵖⵍⴰⵍⵉⵏ ⴷ ⵉⵙⵉⵔⴰⵜⵏ ⵏⵏⵙⵏ ⴳ ⵜⵣⵡⵉⵔⵉ ⵏ ⵜⵡⴰⵍⴰ ⵜⴰⵣⵣⵔⴰⴼⵜ, ⴷ ⵓⵙⴳⴳⵯⴰⵙ ⵡⵉⵙ ⴽⵕⴰⴹ ⴳ ⵜⵙⵓⵜⵍⵜ ⵏ ⵉⴱⵔⵉⵔ ⵉ ⵎⴰⴷ ⵉⵖⴰⵎⴰⵏ.
ⵉⴱⴷⵔ ⵓⵙⵍⴳⵏ ⴰⵎⴰⴷⴷⴰⵙ 04.21 ⵉⴳⴰⵏ ⴰⵙⵏⴼⵍ ⴷ ⵓⵙⵎⴰⴷ ⵏ ⵓⵙⵍⴳⵏ ⴰⵎⴰⴷⴷⴰⵙ 27.11 ⴼ ⵓⵙⵇⵇⵉⵎ ⵏ ⵉⵎⵓⵔⴰ, ⵎⴰⵙ ⵉⵙⵎⵓⵏ ⵓⵙⵇⵇⵉⵎ ⵏ ⵉⵎⵓⵔⴰ 395 ⵏ ⵓⴳⵎⴰⵎ ⵜⵜⵓⵙⵜⴰⵢⵏⵉⵏ ⵙ ⵓⵙⵜⴰⵢ ⴰⵎⴰⵜⴰⵢ ⵓⵙⵔⵉⴷ ⵙ ⵜⵖⴰⵔⴰⵙⵜ ⵏ ⵜⵍⴳⴰⵎⵜ ⵙ ⵖⵎⴽ ⴰⴷ: 305 ⴳ ⵉⵔⵜⵜⵓⵢⵏ ⵏ ⵓⵙⵜⴰⵢ ⵉⴷⵖⴰⵔⴰⵏⵏ, 90 ⵏ ⵓⴳⵎⴰⵎ ⴳ ⵉⵔⵜⵜⵓⵢⵏ ⵏ ⵓⵙⵜⴰⵢ ⵉⵏⵎⵏⴰⴹⵏ.
ⵉⵙⴰⵡⵍ ⵓⵙⵍⴳⵏ ⵓⵍⴰ ⵎⴰⵙ ⵜⵜⵓⵥⵍⴰⵢⵏ ⵉⵙⵡⵉⵔⵏ ⴰⵎⵣⵡⴰⵔⵓ ⴷ ⵡⵉⵙ ⵙⵉⵏ ⴳ ⴽⵔⴰⵢⴳⴰⵜ ⴰⵔⵜⵜⵓⵢ ⴰⵏⵎⵏⴰⴹ ⵉ ⵜⵎⵖⴰⵔⵉⵏ, ⴷ ⵓⵔ ⵉⴳⵉ ⵎⴰⵢⴰⵏⵏ ⵎⴳⴰⵍ ⵏ ⵜⵉⵍⵉⵜ ⵏⵏⵙⵏⵜ ⴳ ⵉⵔⵜⵜⵓⵢⵏ ⵏ ⵉⵙⵜⴰⵢⵏ ⵉⴷⵖⴰⵔⴰⵏⵏ.