ⴰⵙⵉⵔⴰ(2016-2021):
ⵜⴰⵙⵎⵓⵏⵉ ⵏ ⵓⵙⵇⵇⵉⵎ ⵏ ⵜⵎⵙⵙⵉⴹⵏⵜ, ⴰⴽⵕⴰⵙ 08 ⵉⴱⵔⵉⵔ 2020
ⵜⴻⵜⵜⵓⵙⴽⴰⵔ ⵖ ⵓⵙⵇⵇⵉⵎ ⵏ ⵉⵎⵓⵔⴰ ⴰⵙⵙ ⵏ ⵡⴰⴽⵕⴰⵙ 08 ⵉⴱⵔⵉⵔ 2020 ⵜⴰⵙⵎⵓⵏⵉ ⵏ ⵓⵙⵇⵇⵉⵎ ⵏ ⵜⵎⵙⵙⵉⴹⵏⵜ, ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵙⵓⵍⴰⵢⵎⴰⵏ ⵍⵄⵓⵎⵕⴰⵏⵉ ⴰⵎⴰⵔⵉ ⴰⵎⵣⵡⴰⵔⵓ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵜⵉⵍⵉⵜ ⵏ ⵉⴷ ⵎⴰⵙⵙ ⵎⵓⵃⴰⵎⵎⴰⴷ ⵜⵜⵡⵉⵎⵉ ⴱⵏ ⵊⵍⵍⵓⵏ ⴰⵎⴰⵔⵉ ⵡⵉⵙ ⵙⵉⵏ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵎⴰⵙⵙ ⵅⴰⵍⵉⴷ ⵍⴱⵓⵇⵔⵄⵉ ⴷ ⵎⴰⵙⵙ ⵎⵓⵃⴰⵎⵎⴰⴷ ⵛⵕⵓⵕⵓ ⵉⵎⵙⵙⵉⴹⵏⵏ ⵏ ⵓⵙⵇⵇⵉⵎ, ⴷ ⵎⴰⵙⵙ ⵏⴰⵊⵉⴱ ⵍⵅⴰⴷⵉ ⴰⵎⴰⵔⴰ ⴰⵎⵜⴰⵢ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴷ ⵉⵎⵙⵜⴳⴳⴰⵔⵏ ⵉⵎⵙⵙⵓⴳⵓⵔⵏ ⵢⴰⴹⵏⵉⵏ ⵏ ⵓⵙⵇⵇⵉⵎ.
ⵜⵥⵍⵉ ⵜⵙⵎⵓⵏⵉ ⴰⴷ ⵉ ⵓⵣⵣⵔⴰⵢ ⵏ ⵉⵙⴷⴰⵡⵏ ⵏ ⵙⵏⴰⵜ ⵜⵓⵜⵔⴰⵡⵉⵏ ⵏ ⵉⵙⴽⴰⵏⵏ ⵉⵏⵏⵓⵕⵥⵎⵏ, ⵖ ⵓⵣⵎⵣ ⴰⴷ ⵖ ⵜⵍⵍⴰ ⵜⵎⴰⵣⵉⵔⵜ ⵏⵏⵖ ⵉⵥⵍⵉⵏ ⵙ ⵓⴱⴰⵢⵢⵓⵕ, ⵜⴼⴼⵓⵖ ⵜⵙⵎⵓⵏⵉ ⴰⴷ ⵜⵙⵉⵜⵜⵉ ⵢⴰⵜ ⵜⵓⵜⵔⴰ ⵏ ⵉⵙⴽⴰⵏⵏ ⴰⵔ ⴷ ⵉⴼⴰⵡ ⵉⵙ ⵙⵔⵙ ⵉⵙⵖⴰⵡⵙⴰ ⵓⵙⵇⵇⵉⵎ, ⵢⵉⵍⵉ ⵓⵣⵣⵔⴰⵢ ⵏ ⵜⵓⵜⵔⴰ ⵏ ⵉⵙⴽⴰⵏⵏ ⵜⵉⵙ ⵙⵏⴰⵜ ⵙ ⵜⵉⵍⵉⵜ ⵏ ⵉⵏⴱⴷⴰⴷⵏ ⵏ ⵜⵎⵙⵙⵓⵔⵓⵜⵉⵏ ⵉⴽⵛⵎⵏ ⴰⵎⵃⵉⵣⵡⵔ. ⵖⵎⴽ ⵍⵍⵉ ⵜⴱⴷⴷ ⵜⵙⵎⵓⵏⵉ ⴼ ⵓⵣⵣⴳⵉⵔ ⵏ ⵜⵎⵙⴰⵙⵜⵍⵜ ⵏ ⵓⵙⵇⵇⵉⵎ ⵉ ⵓⵙⴳⴳⵯⴰⵙ ⵏ 2020, ⵜⵥⵕ ⵓⵍⴰ ⴰⵙⵓⵔⵙ ⵏ ⵉⴷⵔⵉⵎⵏ ⵉⵥⵍⵉⵏ ⵉ ⵓⵙⵏⴰⵍ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵜⵉⴱⵕⵍⴰⵎⴰⵏⵉⵢⵉⵏ ⵖ ⵉⴳⵔⴰⵏ ⵏ ⵜⵎⵓⵣⴰⵢⵜ ⴷ ⵓⵎⵛⴰⵡⴰⵕ ⵙ ⴰⵢⵍⵍⵉ ⵉⵍⵍⴰⵏ ⵖ ⵓⵏⴳⵔⴰⵡ ⴰⴳⵯⵏⵙⴰⵏ ⵏ ⵓⵙⵇⵇⵉⵎ.
ⵙ ⵓⵣⵎⵣⵣⵓ ⴰⴷ, ⴱⴷⴷⵏ ⵉⴳⵎⴰⵎⵏ ⵏ ⵓⵙⵇⵇⵉⵎ ⵏ ⵜⵎⵙⵙⵉⴹⵏⵜ ⴼ ⵓⵣⵎⵣ ⵉⵍⵍⴰⵏ ⵖ ⵜⵎⴰⵣⵉⵔⵜ ⵍⵍⵉ ⵉⵥⵍⵉⵏ ⵙ ⵓⴱⴰⵢⵢⵓⵕ, ⴰⵢⵍⵍⵉ ⵉⵟⵟⴰⴼⵏ ⵉⴷⵔⵉⵣⵏ ⴼ ⵜⴷⵎⵙⴰ ⴷ ⵓⵥⵕⴼ ⵏ ⵜⵎⴰⵣⵉⵔⵜ, ⵉⵎⴹⴰⴽⴰⵕ ⵉⵍⵎⵎⴰ ⵓⵙⵇⵇⵉⵎ ⴰⴷ ⴼ ⵜⵖⴰⵔⴰⵙⵉⵏ ⵍⵍⵉ ⵙ ⵔⴰⴷ ⵢⵉⵍⵉ ⵓⵙⴳⵉⴷⴷⵉ ⵏ ⵜⵎⴽⵕⴰⴹ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵖ ⵓⵙⴳⴳⵯⴰⵙ ⴰⴷ, ⵖⵎⴽ ⴰⵏⵏ ⴰⴼ ⵍⵍⴰⵏⵜ ⵜⵙⵓⵎⴰⵔ ⵏ ⵉⴳⵎⴰⵎⵏ ⵏ ⵓⵙⵇⵇⵉⵎ ⴰⴷ ⵢⵉⵍⵉ ⵓⵣⵉⵣⴷⵔ ⵉ ⵉⴷⵔⵉⵎⵏ ⵉⵥⵍⵉⵏ ⵉ ⵎⵏⵏⴰⵡ ⵉⵚⵟⵟⴰⵕⵏ ⵏ ⵜⵎⵙⴰⵙⵜⵍⵜ, ⵖⵉⵎⵉⵏ ⵖⴰⵙ ⵉⵙⵏⴼⴰⵔⵏ ⵍⵍⵉ ⴷⴰⵔ ⵜⵉⵣⵡⵉⵔⵉ, ⵃⵎⴰ ⴰⴷ ⵉⵣⵣⵉⴳⵣ ⵓⵙⵇⵇⵉⵎ ⵖ ⵜⵎⵙⴽⴰⵔ ⵏⵏⵙ ⵜⵉⴷⵙⵜⴰⵔⵉⵏ ⵉⴱⴷⴷ ⵓⵍⴰ ⴼ ⵉⵙⵖⵡⴰⵏ ⵏⵏⵙ ⵉⵥⵕⴼⴰⵏⵏ.
ⵉⵙⴷⴷⵉⴷ ⵓⵙⵇⵇⵉⵎ ⵏ ⵜⵎⵙⵙⵉⴹⵏⵜ ⵓⵍⴰ ⴼ ⵡⴰⵜⵉⴳ ⵏ ⵡⴰⵣⵣⴰⵣ ⵏ ⵓⵙⵏⴼⵍ ⴰⵎⵓⵟⵟⵓⵏ ⵖ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴼⴰⴷ ⴰⴷ ⵢⵉⵍⵉ ⵚⴰⵃⴰ ⵖ ⵜⵏⵓⴼⴰ ⵉⴳⴳⵓⵜⵏ ⵍⵍⵉ ⵜⴰⴽⴽⴰ ⵜⴻⵜⵉⴽⵏⵓⵍⵓⵊⵉⵜ ⵏ ⵓⵙⵏⵖⵎⵙ ⴷ ⵓⵎⵢⴰⵡⴰⴹ, ⵃⵎⴰ ⴰⴷ ⵜⵉⵍⵉ ⵜⵉⵕⵡⵉ ⵖ ⵜⵡⵓⵔⵉ ⵏ ⵓⵙⵇⵇⵉⵎ, ⵢⵉⵏⵉ ⵎⴰⵙ ⵔⴰⴷ ⵢⴰⵡⵙ ⵖ ⴽⵓ ⵜⵉⵙⵏⵜⴰⵢⵉⵏ ⴷ ⵉⵙⵏⴼⴰⵔⵏ ⵉⵍⵍⴰⵏ ⵖ ⵓⵎⵏⵉⴷ ⴰⴷ.
ⵖⵎⴽ ⵍⵍⵉ ⵜⴼⴼⵓⵖ ⵜⵙⵎⵓⵏⵉ ⴰⴷ ⵙ ⵓⵙⴽⴰⵔ ⵏ ⵜⵙⵎⵓⵏⴰⵢ ⵏ ⵓⵙⵇⵇⵉⵎ ⵏ ⵜⵎⵙⵙⵉⴹⵏⵜ ⵙ ⵜⵖⴰⵔⴰⵙⵜ ⵜⴰⵙⵓⵍⴰⵏⵜ ⵃⵎⴰ ⴰⴷ ⵉⵙⴳⵉⴷⴷⵉ ⵜⵉⵖⴰⵡⵙⵉⵡⵉⵏ ⵜⵉⵎⵣⵡⵓⵔⴰ ⵖ ⵜⵎⵙⴰⵙⵜⵍⵜ ⵏ ⵓⵙⵇⵇⵉⵎ ⵙ ⴰⵢⵍⵍⵉ ⴷ ⵜⵉⵡⵉ ⵜⵣⵣⵉⴳⵣⵜ ⵏ ⵉⵙⵓⵔⵙⵏ ⵖ ⵜⵎⴰⵣⵉ.